January 27 Telugu News Updates : నటుడు తారకరత్నకు అస్వస్థత..

జాతీయ, అంతర్జాతీయ, ప్రాంతీయ వార్తల అప్డేట్స్ &nbsp;కోసం లైవ్ పేజీని ఫాలో అవ్వండి….

ఒడిశా మాజీ ముఖ్యమంత్రి గిరిధర్ గమాంగ్ బీఆర్ఎస్ లో చేరారు. హైదరాబాద్ లో కేసీఆర్ సమక్షంలో ఆయన గులాబీ పార్టీ కండువా కప్పుకున్నారు. ఆయన సతీమణి, కుమారుడు కూడా బీఆర్ఎస్ లో చేరారు. ఒడిశాకు చెందిన పలువురు మాజీ ఎమ్మెల్యేలు కూడా కారెక్కారు. ఈ సందర్భంగా నేతలకు స్వాగతం తెలిపిన కేసీఆర్... గిరిధర్ గమాంగ్ నేతృత్వంలో ఒడిశాలో పార్టీ వేగంగా విస్తరిస్తుందని అన్నారు. దేశంలో స్థితిగతులు మార్చి.. అభివృద్ధి చేసేందుకే బీఆర్ఎస్ జాతీయ రాజకీయాలకు శ్రీకారం చుట్టిందని కేసీఆర్ పునరుద్ఘాటించారు.

బీఆర్ఎస్ లోకి ఒడిశా నేతలు..

రాష్ట్రంలో కొలువుల భర్తీ జోరుగా కొనసాగుతోంది. ఇప్పటికే పలు విభాగాలు, శాఖల్లో ఖాళీల భర్తీకి నోటిఫికేషన్లు జారీ చేసి.. నియామక ప్రక్రియ చేపడుతోన్న సర్కార్.. మరో 2,391 ఉద్యోగాల భర్తీకి అనుమతులు ఇచ్చింది. టీఎస్పీఎస్సీ, మెడిక‌ల్ హెల్త్ బోర్డు, మ‌హాత్మా జ్యోతిబాపూలే గురుకుల‌ విద్యాసంస్థ ద్వారా ఈ ఖాళీలను భ‌ర్తీ చేయ‌నున్నారు. ఈ మేరకు ఆర్థికశాఖ మంత్రి హరీశ్ రావు ట్వీట్ చేశారు. బీసీ గురుకులాల్లో 1,499 పోస్టులు భర్తీ చేయనున్నట్లు ప్రకటించారు. స‌మాచార పౌర సంబంధాల శాఖ‌లో 166.. బీసీ గురుకులాల్లో 141 జూనియర్ అసిస్టెంట్.. సహా వైద్య ఆరోగ్య శాఖలో పోస్టులకు అనుమతి ఇస్తూ... ఆర్థిక శాఖ ఉత్తర్వులు జారీ చేసింది. రోస్టర్ వారీగా లెక్కలు తేలిన తర్వాత ఆయా పోస్టులకి నోటిఫికేషన్లు జారీ చేయనున్నారు.

మరిన్ని కొలువులు..

టీడీపీ జాతీయ ప్రధాన కార్యదర్శి నారా లోకేశ్.. సీఎం జగన్ పై విమర్శలు గుప్పించారు. ఒక్క ఛాన్స్ జగన్... 3 ఏళ్లలో రాష్ట్రాన్ని 67 ఏళ్లు వెనక్కి తీసుకెళ్లాడని ఆరోపించారు. యువగళం పాదయాత్రలో భాగంగా కుప్పం బహిరంగ సభలో పాల్గొన్న లోకేశ్... సీఎం జగన్, వైఎస్సార్సీపీ మంత్రులపై ధ్వజమెత్తారు. యువకులు, రైతులు, కార్మికులు, ఉద్యోగస్తులు, మహిళలు... ఇలా అన్ని వర్గాల ప్రజలు వైఎస్సార్సీపీ ప్రభుత్వం చేతిలో బాధితులుగా మారారని అన్నారు. ఎవరన్నా ప్రశ్నిస్తే కేసులు నమోదు చేస్తున్నారని.. ఉద్యమిస్తే జైళ్లో పెడుతున్నారని ఆగ్రహం వ్యక్తం చేశారు. యువతను అన్ని విధాలా మోసం చేశారని విమర్శించారు. వేలాది మంది యువకులు తమ ఆవేదనను తనతో చెప్పారని.. వారి కష్టాలు తీర్చేందుకే తాను యువగళం పాదయాత్ర ప్రారంభించానని లోకేశ్ స్పష్టం చేశారు. ప్రభుత్వంపై పోరాడేందుకు యువగళం పాదయాత్ర.. యువతకు అద్భుతమైన వేదిక అని పేర్కొన్నారు.

నారా లోకేశ్..

కుప్పం నుంచి ప్రారంభమైన టీడీపీ జాతీయ ప్రధాన కార్యదర్శి నారా లోకేశ్ యువగళం పాదయాత్రలో పాల్గొన్న... నటుడు తారకరత్న తీవ్ర అస్వస్థతకు గురయ్యారు. పాదయాత్ర ప్రారంభమయ్యాక కుప్పం సమీపంలోని ఓ మసీదులో లోకేశ్ ప్రార్థనలు చేశారు. లోకేశ్ తోపాటు తారకరత్న కూడా ప్రార్థనల్లో పాల్గొన్నారు. మసీదు వద్దకు భారీగా కార్యకర్తలు తరలివచ్చారు. లోకేశ్ మసీదు నుంచి బయటకు రాగానే ఒక్కసారిగా టీడీపీ కార్యకర్తలు ముందుకు కదిలారు. వారి తాకిడికి తారకరత్న సొమ్మసిల్లి పడిపోయారు. తెలుగుదేశం పార్టీ వాలంటీర్లు వెంటనే ఆయనను కుప్పంలోని కేసీ హాస్పిటల్ కు తరలించగా.... వైద్యులు ప్రాథమిక చికిత్స అందించారు. అనంతరం.. పీఈఎస్ మెడికల్ కాలేజీ ఆస్పత్రికి తరలించి మెరుగైన వైద్యం అందిస్తున్నారు.

అస్వస్థతకు గరైన తారకరత్న…

దిల్లీ లిక్కర్‌ స్కామ్‌లో మరో పరిణామం చోటు చేసుకుంది. ఈ కేసులో నిందితుడిగా ఉన్న శరత్ చంద్రారెడ్డికి రౌస్‌ అవెన్యూ కోర్టు మధ్యంతర బెయిల్‌ మంజూరు చేసింది. రూ.2లక్షల పూచీకత్తుతో బెయిల్‌ ఇచ్చింది. శరత్‌చంద్రారెడ్డి నానమ్మ అంత్యక్రియల దృష్ట్యా బెయిల్‌ ఇచ్చినట్లు అధికారులు వెల్లడించారు.

బెయిల్

బీఆర్ఎస్ సీనియర్ నేత, మాజీ ఎమ్మెల్యే గురునాథ్ రెడ్డితో రేవంత్ రెడ్డి భేటీ అయ్యారు. ఈ పరిణామం కొడంగల్ రాజకీయాల్లో చర్చనీయాంశంగా మారింది. బీఆర్ఎస్‌పై అసంతృప్తితో ఉన్న గురునాథ్ రెడ్డిని రేవంత్ కాంగ్రెస్‌లోకి ఆహ్వానించారు. గురునాథ్ రెడ్డితో పాటు కొడంగల్ మున్సిపల్ చైర్మన్ ముద్దప్ప కూడా బీఆర్ఎస్ ను వీడి.. హస్తం పార్టీలోకి వెళ్లేందుకు సిద్ధమైనట్లు తెలుస్తోంది. ఫలితంగా అధికార బీఆర్ఎస్ కు షాక్ తలగటం ఖాయమనే చర్చ జోరుగా నడుస్తోంది.

కీలక భేటీ

Nara Lokesh Yuvagalam తెలుగుదేశం పార్టీ ప్రధాన కార్యదర్శి నారా లోకేష్ యువగళం పాదయాత్ర ప్రారంభమైంది. చిత్తూరు జిల్లా కుప్పం సమీపంలోని లక్ష్మీపురం గ్రామంలో ఉన్న శ్రీ వరదరాజస్వామి ఆలయంలో లోకేష్‌, బాలకృష్ణ, అచ్చన్నాయుడు ప్రత్యేక పూజలు నిర్వహించారు. అనంతరం ఉదయం 11.03గంటలకు లోకేష్ పాదయాత్రను ప్రారంభించారు.

యాత్ర ప్రారంభం

బీఆర్‌ఎస్‌ పార్లమెంటరీ పార్టీ సమావేశం ఈ నెల 29న జరుగనుంది. ఆదివారం మధ్యాహ్నం ఒంటి గంటకు ప్రభగతి భవన్‌లో సీఎం కేసీఆర్‌ అధ్యక్షతన సమావేశం జరుగనుంది. పార్లమెంటు బడ్జెట్ సమావేశాల నేపథ్యంలో పార్టీ ఎంపీలకు ముఖ్యమంత్రి కేసీఆర్‌ దిశానిర్దేశం చేయనున్నారు.

భేటీ

'మహాత్మా జ్యోతిబాపూలే బీసీ ఓవర్సీస్ విద్యానిధి పథకం' దరఖాస్తు ప్రక్రియ ఫిబ్రవరి 1 నుంచి ప్రారంభం కానుంది. దరఖాస్తులకు మార్చి ఒకటో తేదీని తుది గడువుగా ప్రకటించారు. ఎంపికైన బీసీ విద్యార్థులు విదేశాల్లో చదివేందుకు ప్రభుత్వం రూ.20 లక్షల ఆర్థిక సహాయాన్ని అందిస్తోంది. విద్యార్థులు వీసా, పాస్‌పోర్ట్ కాపీతోపాటు, ఆధార్‌కార్డు, స్థానికత, కుల, ఆదాయ, ఇతర అవసరమైన అన్ని సర్టిఫికేట్లను అప్‌లోడ్ చేసి ఆన్‌లైన్ ద్వారా దరఖాస్తు చేసుకోవాల్సి ఉంటుంది. యూకే, యూఎస్‌ఏ, ఆస్ట్రేలియా, కెనడా, సింగపూర్, జర్మనీ, న్యూజిలాండ్, జపాన్, ఫ్రాన్స్, సౌత్‌కొరియా దేశాల్లో ఉన్నత విద్యావకాశం పొందినవారు ఈ అవకాశాన్ని వినియోగించుకోవచ్చు. నిబంధనలు వర్తిస్తాయి.

దరఖాస్తుల టైం

భద్రకాళి బండ్‌పై గ్రేటర్‌ వరంగల్‌ మున్సిపల్‌ కార్పొరేషన్‌ 150 అడుగుల ఎత్తులో జాతీయ జెండాను ఏర్పాటు చేసింది. గణతంత్ర దినోత్సవం సందర్భంగా ప్రభుత్వ చీఫ్‌ విప్‌ దాస్యం వినయ్‌భాస్కర్‌, మేయర్‌ గుండు సుధారాణి, ఎంపీ పసునూరి దయాకర్‌, కుడా చైర్మన్‌ సుందర్‌రాజ్‌ గురువారం ఈ జెండాను ఆవిష్కరించారు.

భారీ జెండా

హైదరాబాద్ నుంచి షిర్డీకి తాజా టూర్ ప్యాకేజీ ప్రకటించింది ఐఆర్ సీటీసీ టూరిజం. ఇందుకు సంబంధించిన వివరాలను పేర్కొంది.

సరికొత్త ప్యాకేజీ

Nara Lokesh Yuvagalam తెలుగు దేశం పార్టీ ప్రధాన కార్యదర్శి నారా లోకేష్ తలపెట్టిన యువగళం పాదయాత్ర నేడు ప్రారంభం కానుంది. కుప్పం చేరుకున్న నారా లోకేష్ ఉదయం 11.03 గంటలకు తన పాదయాత్రలో తొలి అడుగు వేయనున్నారు. కుప్పం ఆర్ అండ్ బి గెస్ట్ హౌస్ లో బస చేసిన నారా లోకేష్ ఉదయం 10.15 గంటలకు వరదరాజుల స్వామి దేవాలయానికి వెళ్లి ప్రత్యేక పూజలు చేయనున్నారు. పూజల అనంతరం 4 వేల కిలోమీటర్ల యువగళం పాదయాత్ర కు తొలి అడుగులు వేయనున్నారు.

యాత్ర

BRS Public Meeting in Nande: తెలంగాణ రాష్ట్ర సమితి.. ‘భారత్ రాష్ట్ర సమితి’గా మారింది. జాతీయ రాజకీయాల్లో కేసీఆర్ చక్రం తిప్పేలా పక్కాగా పావులు కదుపుతున్నారు. ప్రాంతీయ పార్టీల నేతలతో పాటు.. రైతు సంఘాల నేతలతో చర్చలు కూడా జరుపుతున్నారు. అంతేకాదు బీఆర్ఎస్ విస్తరణ ప్రక్రియను వేగవంతం చేస్తున్నారు. ఇప్పటికే ఏపీకి చెందిన పలువురు నేతలు పార్టీలోకి రావటం.. రాష్ట్ర అధ్యక్షుడిని ప్రకటించటంతో పాటు త్వరలోనే సభకు రెడీ అవుతున్నారు. ఇదిలా ఉంటే మరో సరిహద్దు రాష్ట్రంలోనూ విస్తరించే పనిలో పడ్డారు కేసీఆర్. వచ్చే నెలను ఇందుకు ముహుర్తంగా ఫిక్స్ చేశారు.

భారీ సభ

నేటి నుంచి తెలంగాణలో టీచర్ల బదిలీ ప్రక్రియ షురూ కానుంది. ఈ మేరకు ఇప్పటికే షెడ్యూల్ ను విడుదల చేసింది తెలంగాణ సర్కార్. ప్రధానోపాధ్యాయులు, స్కూల్‌ అసిస్టెంట్లు, ఎస్జీటీల బదిలీల కోసం విద్యాశాఖ కార్యదర్శి వాకాటి అరుణ జీవో నెంబరు 5 జారీ చేశారు. ఖాళీల వివరాలను జనవరి 27వ తేదీన ప్రకటిస్తారు. ఈనెల 28 నుంచి ఈనెల 30 వరకు ఆన్‌లైన్‌లో దరఖాస్తులు స్వీకరిస్తారు. మార్చి 4వరకు బదిలీల ప్రక్రియ కొనసాగుతుందని షెడ్యూల్ లో వివరించారు. మార్చి 5 నుంచి 19 వరకు అప్పీళ్లను స్వీకరించి పరిష్కరిస్తారు. బదిలీలన్నీ వెబ్‌ కౌన్సెలింగ్‌ విధానంలోనే ఉంటాయి.

నేటి నుంచే

<ul><li>కుప్పం నుంచి ప్రారంభమైన టీడీపీ జాతీయ ప్రధాన కార్యదర్శి నారా లోకేశ్ యువగళం పాదయాత్రలో పాల్గొన్న... నటుడు తారకరత్న తీవ్ర అస్వస్థతకు గురయ్యారు. పాదయాత్ర ప్రారంభమయ్యాక కుప్పం సమీపంలోని ఓ మసీదులో లోకేశ్ ప్రార్థనలు చేశారు. లోకేశ్ తోపాటు తారకరత్న కూడా ప్రార్థనల్లో పాల్గొన్నారు. మసీదు వద్దకు భారీగా కార్యకర్తలు తరలివచ్చారు. లోకేశ్ మసీదు నుంచి బయటకు రాగానే ఒక్కసారిగా టీడీపీ కార్యకర్తలు ముందుకు కదిలారు. వారి తాకిడికి తారకరత్న సొమ్మసిల్లి పడిపోయారు. తెలుగుదేశం పార్టీ వాలంటీర్లు వెంటనే ఆయనను కుప్పంలోని కేసీ హాస్పిటల్ కు తరలించగా.... వైద్యులు ప్రాథమిక చికిత్స అందించారు. అనంతరం.. పీఈఎస్ మెడికల్ కాలేజీ ఆస్పత్రికి తరలించి మెరుగైన వైద్యం అందిస్తున్నారు. మరిన్ని తాజా వార్తల కోసం ఈ లైవ్ పేజీని ఫాలో అవ్వండి….</li></ul>

Ponguleti Srinivas Reddy : ఒక్క లీడర్ కోసం.. 3 పార్టీల ప్రయత్నం ! చివరికి ఏ గూటికో.. ?

paragraph

Ponguleti Srinivas Reddy : రాష్ట్రంలో విపక్షాలన్నీ స్టేట్ పాలిటిక్స్ తో పాటు.. ఖమ్మం జిల్లాపై ప్రత్యేకంగా ఫోకస్ చేశాయి. బీఆర్ఎస్ అసంతృప్త నేత, మాజీ ఎంపీ పొంగులేటి శ్రీనివాస్ రెడ్డి రూపంలో వచ్చిన అవకాశాన్ని అందిపుచ్చుకోవాలని... ప్రధాన ప్రతిపక్ష పార్టీలు తీవ్రంగా శ్రమిస్తున్నాయి. అధికార బీఆర్ఎస్ పై దండయాత్ర చేస్తానంటున్న పొంగులేటిని... తమ గూటికి తెచ్చుకుంటే ఖమ్మంలో తిరుగుండదని భావిస్తున్నాయి. ఈ మేరకు.. బీజేపీ, కాంగ్రెస్ .. మాజీ ఎంపీని తమ టీంలో చేర్చుకునేందుకు ఆసక్తి ప్రదర్శిస్తున్నాయి. ప్రధాన పార్టీలు ఇలా ఎవరి ప్రయత్నాలు వారు చేస్తుండగా... ఖమ్మం జిల్లాపైనే ప్రత్యేక దృష్టి సారించిన వైఎస్సార్ తెలంగాణ పార్టీ... తాజాగా రేసులోకి వచ్చింది. గతంలో వైఎస్సార్సీపీ తరపున గెలిచిన పొంగులేటిని... ఇప్పుడు వైఎస్సార్టీపీలోకి ఆహ్వానించింది. ఈ నేపథ్యంలో.... ప్రత్యామ్నాయం కోసం చూస్తోన్న శ్రీనివాస్ రెడ్డి ముందు.... ఇప్పుడు మూడు ఆప్షన్స్ ఉన్నాయి.

2014 ఎన్నికల్లో వైఎస్సార్ కాంగ్రెస్ నుంచి ఖమ్మం ఎంపీగా పోటీ చేసి మంచి మెజారిటీతో పొంగులేటి విజయం సాధించారు. మరో ముగ్గురు ఎమ్మెల్యేలు కూడా వైఎస్సార్సీపీ నుంచి గెలుపొందారు. వీరంతా పొంగులేటితో కలిసి బీఆర్ఎస్ చేరారు. అప్పటి నుంచి జిల్లాలో కీలక నేతగా ఉన్న పొంగులేటికి.. 2019లో గులాబీ బాస్.. టికెట్ నిరాకరించారు. ఎలాంటి పదవీ కట్టబెట్టలేదు. పార్టీ కార్యక్రమాల్లోనూ ప్రాధాన్యం ఇవ్వలేదు. దీంతో ఆయన తీవ్ర అసంతృప్తితోనే కొనసాగుతూ వచ్చారు. ఈ ఏడాదిలో ఎన్నికలు ఉన్న నేపథ్యంలో... అప్రమత్తమైన ఆయన... ఖమ్మం లేదా కొత్తగూడెం నుంచి పోటీలో ఉంటానని బీఆర్ఎస్ బాస్ కి ప్రతిపాదనలు పంపినట్లు సమాచారం. అలాగే.. పినపాక, సత్తుపల్లి, వైరా, ఆశ్వారావుపేట, ఇల్లెందు నియోజకవర్గాల్లో తన అనుచరులకి సీట్లు ఇవ్వాలని కోరినట్లు తెలుస్తోంది. అయితే... కేసీఆర్ నుంచి ఈ విషయమై ఎలాంటి స్పందన రాకపోవడంతో... పొంగులేటి పార్టీ మారాలని నిర్ణయించుకున్నట్లు తెలుస్తోంది. ఈ నేపథ్యంలోనే... పలుమార్లు బహిరంగ వేదికపై బీఆర్ఎస్ పై అసంతృప్తిని వ్యక్తం చేశారు. గులాబీ బాస్ పైనే పరోక్షంగా కౌంటర్ లు వేశారు.

ఈ పరిణామాల నేపథ్యంలో... అందరి కంటే ముందుగా.. బీజేపీ అలర్ట్ అయింది. కేసీఆర్ పై అలిగిన పొంగులేటిని కాషాయ శిబిరంలోకి ఆహ్వానించింది. ఈ క్రమంలో.. ఆయన బీజేపీలో చేరడం ఖాయమని.... జనవరి 18న కేంద్ర హోం మంత్రి అమిత్ షాను కలుస్తున్నారని... అదే రోజు పార్టీ కండువా కప్పుకుంటారని ప్రచారం జరిగింది. అయితే.. దీనిపై పొంగులేటి నుంచి మాత్రం ఎలాంటి ప్రకటనా రాలేదు. కొంత ఆలస్యమైనా... కమలం గూటికి చేరడం గ్యారెంటి అనే చర్చ సాగింది. ఉమ్మడి ఖమ్మం జిల్లాలో తన అనుచరులకి సీట్లు ఇవ్వాలని పొంగులేటి చెప్పగా... అందుకు బీజేపీ సైతం అంగీకరించినట్లు సమాచారం. అయితే.. ఏమైందో ఏమో కానీ... బీజేపీలో చేరడంపై పొంగులేటి మళ్లీ ఆలోచనలో పడ్డారనే ప్రచారం ఊపందుకుంది. కమ్యూనిస్టుల ప్రభావం ఎక్కువగా ఉండే ఉమ్మడి ఖమ్మం జిల్లాలో.. బీజేపీ నావలో ప్రయాణించి ఆశించిన స్థాయిలో విజయం సాధించగలమా ? అనే అంశంపై లోలోపల అంతర్మథనం చెందుతున్నట్లుగా తెలుస్తోంది.

ఈ టైం గ్యాప్ లోనే పొంగులేటిని తమవైపు రప్పించేందుకు కాంగ్రెస్ రెడీ అయిపోయింది. రాష్ట్ర కాంగ్రెస్ లో కీలక లీడర్, సీఎల్పీ నేత భట్టి విక్రమార్క... పార్టీలో చేరాలంటూ పొంగులేటి శ్రీనివాస్ రెడ్డిని ఆహ్వానించారు. పీసీసీ అధ్యక్షుడు రేవంత్ రెడ్డి కూడా... పొంగులేటి వస్తే బాగుంటుందని.. బీజేపీ కంటే ఖమ్మంలో కాంగ్రెస్సే బలంగా ఉందని వ్యాఖ్యానించారు. ఈ క్రమంలో... పొంగులేటి హస్తం గూటికి చేరుతున్నారని ప్రచారం జరిగింది. ఈ వార్తలు... కాంగ్రెస్ శ్రేణుల్లో కొత్త ఉత్సాహాన్ని నింపాయి. పొంగులేటి వస్తే.. ఉమ్మడి ఖమ్మం జిల్లాలో అత్యధిక సీట్లలో కాంగ్రెస్ జెండా ఎగరడం ఖాయమనే అభిప్రాయాలు వ్యక్తం అయ్యాయి. అయితే ఈ విషయంలో... పొంగులేటి నుంచి మాత్రం ఎలాంటి ప్రకటనా లేదు. కారణం... అనుచరుల సీట్లపై గ్యారెంటీ లభించకపోవడమే అనే టాక్ వినిపిస్తోంది. కాంగ్రెస్ లో చేరితే ఆయనకు కోరిన చోట సీటు ఇవ్వడానికి హస్తం నేతలు సిద్ధంగా ఉన్నట్లు సమాచారం. అయితే... ఆయనతో పాటు అనుచరులకు ఇవ్వాలంటే మాత్రం కష్టమే అన్న భావన కాంగ్రెస్ లో వ్యక్తం అవుతున్నట్లుగా తెలుస్తోంది. అందుకే.. ఈ విషయంలోనూ పొంగులేటి ఎటూ తేల్చుకోలేకపోతున్నారనే చర్చ సాగుతోంది.

ఈ క్రమంలో.. ప్రత్యామ్నాయం కోసం చూస్తోన్న పొంగులేటి శ్రీనివాస్ రెడ్డి ని తమ పార్టీలోకి ఆహ్వానించింది.. వైఎస్సార్ తెలంగాణ కాంగ్రెస్ పార్టీ. ఈ మేరకు ఆ పార్టీ అధ్యక్షురాలు వైఎస్ షర్మిలతో పొంగులేటి సమావేశమైనట్లు తెలుస్తోంది. హైదరాబాద్ లో ఒక రహస్య ప్రాంతంలో సుమారు గంట పాటు చర్చలు జరిపినట్లు తెలుస్తోంది. ఈ సందర్బంగా... పార్టీలో చేరాలని వైఎస్ షర్మిల... పొంగులేటిని ఆహ్వానించినట్లు సమాచారం. ఈ నేపథ్యంలో... ఆయన ఏ నిర్ణయం తీసుకుంటారన్నది ఆసక్తిగా మారింది. వైఎస్ఆర్ అభిమాని అయిన పొంగులేటి... గతంలో వైఎస్సార్ కాంగ్రెస్ పార్టీ తరపున ఖమ్మం ఎంపీగా గెలిచారు. మిగతా అసెంబ్లీ సెగ్మెంట్లలోనూ ప్రభావం చూపారు. ఈ నేపథ్యంలోనే.... ఆయన పార్టీలోకి వస్తే ఖమ్మంలో వైఎస్సార్టీపీ మరింత బలపడుతుందన్న ఉద్దేశంతో... వైఎస్సార్టీపీ అధ్యక్షురాలు ఆహ్వానించినట్లు తెలుస్తోంది. పైగా.. కోరిన చోట్ల ఆయన అనుచరులకు టికెట్లు ఇచ్చేందుకు కూడా షర్మిల సుముఖంగా ఉన్నట్లు సమాచారం.

మొత్తంగా ఎన్నికలకు ముందే ఖమ్మం జిల్లా రాజకీయాలు రసవత్తరంగా మారిన వేళ పొంగులేటి అడుగులు ఎటువైపు వేస్తారనేది మాత్రం ఆసక్తికరంగా మారింది. మూడు పార్టీల ప్రయత్నాల నేపథ్యంలో..... ఫైనల్ గా ఏం జరుగుతుందనేది చూడాలి !!

Inter Student Suicide: పరీక్షల్లో ఫెయిల్.. ఖమ్మం జిల్లా ముదిగొండలో ఇంటర్ విద్యార్థిని ఆత్మహత్య

<ul><li>Inter Student Suicide: ఇంటర్‌ పరీక్షల్లో ఉత్తీర్ణత సాధించలేకపోవడంతో ఖమ్మం జిల్లా ముదిగొండలో ఓ విద్యార్ధిని ఆత్మహత్యకు పాల్పడింది.&nbsp;</li></ul>

Inter Students Killed: ప్రైవేటు బస్సును ఢీ కొట్టిన బైక్, నలుగురు ఇంటర్‌ విద్యార్ధులు దుర్మరణం

<ul><li>Inter Students Killed: వరంగల్–ఖమ్మం హైవేపై జరిగిన ఘోర రోడ్డు ప్రమాదంలో &nbsp;నలుగురు ఇంటర్ విద్యార్ధులు దుర్మరణం పాలయ్యారు.&nbsp;</li></ul>

JEE Mains 2024 Results: జేఈఈ మెయిన్స్‌ ఫలితాలు విడుదల… 22మంది తెలుగు విద్యార్ధులకు 100శాతం స్కోర్

<ul><li>JEE Mains 2024 Results: జేఈఈ మెయిన్స్‌ ఫలితాలు విడుదల అయ్యాయి. బుధవారం రాత్రి ఫలితాలను ఎన్టీఏ విడుదల చేసింది. సెషన్ 2 ఫలితాల్లో తెలుగు రాష్ట్రాలకు చెందిన 22మంది 100శాతం స్కోర్ లభించింది.&nbsp;</li></ul>

Suryapet Accident: సూర్యాపేటలో ఘోర రోడ్డు ప్రమాదం, ఆరుగురు దుర్మరణం… పుట్టు వెంట్రుకలు తీయించేందుకు విజయవాడ వెళుతూ…

<ul><li>Suryapet Accident: సూర్యాపేటలో ఘోర రోడ్డు ప్రమాదం జరిగింది. హైదరాబాద్ నుంచి విజయవాడ వెళుతున్న వాహనం ఆగి ఉన్న లారీని ఢీ కొట్టడంతో కారులో ఉన్న ఆరుగురు ప్రయాణికులు ప్రాణాలు కోల్పోయారు. పుట్టు వెంట్రుకలు తీయించేందుకు ఓ కుటుంబం విజయవాడ వెళుతుండగా ఈ ప్రమాదం జరిగింది.&nbsp;</li></ul>

<ul><li>Ponguleti Srinivas Reddy : ఖమ్మం జిల్లా రాజకీయాలు రోజు రోజుకీ మరింత ఆసక్తికరంగా మారుతున్నాయి. జిల్లాకు చెందిన &nbsp;సీనియర్ నేత పొంగులేటి శ్రీనివాస్ రెడ్డి కోసం మూడు పార్టీలు ప్రయత్నాలు చేస్తున్న నేపథ్యంలో..... ఆయన ఏ గూటికి చేరతారన్న ఉత్కంఠ కొనసాగుతోంది.</li></ul>

Pawan Kalyan on Telangana : తెలంగాణలో పోటీ చేస్తాం.. ఎవరైనా పొత్తుకి వస్తే సంతోషం..

video

<ul><li>Pawan Kalyan on Telangana : తెలంగాణలో 7 నుంచి 14 పార్లమెంట్ స్థానాలలో పోటీ చేస్తామని జనసేన అధ్యక్షుడు పవన్ కళ్యాణ్ చెప్పారు. ఎవరైనా పొత్తుకు వస్తే సంతోషమని వ్యాఖ్యానించారు. ఆంధ్రప్రదేశ్ కంటే తెలంగాణలో పాలన బాగుందన్న పవన్... తెలంగాణ, ఆంధ్ర సమస్యలు వేర్వేరని.. రెండింటినీ పోల్చి చూడలేమని చెప్పారు. తెలంగాణ సమస్యలపై లోతైన అధ్యయనం చేసిన తర్వాతనే నిర్ణయం తీసుకుంటామన్నారు. నాచుపల్లిలో జనసేన తెలంగాణ కార్యనిర్వాహకుల సమావేశంలో పాల్గొన్న పవన్.. తెలంగాణలో కచ్చితంగా పర్యటిస్తానని చెప్పారు.</li></ul>

January 24 Telugu News Updates : కొండగట్టుకు పవన్ కళ్యాణ్… నాచుపల్లిలో మీటింగ్

జాతీయ, అంతర్జాతీయ వార్తా విశేషాలతో పాటు ఏపీ, తెలంగాణ న్యూస్ అప్డేట్స్ కోసం పేజీని రిఫ్రెష్ చేసి చూస్తూ ఉండండి.

ఆర్ఆర్ఆర్ చిత్రం మరో ఘనత దక్కించుకుంది. చిత్రంలోని పాట ఆస్కార్ నామినేషన్ దక్కించుకుంది. బెస్ట్ ఒరిజినల్ సాంగ్ విభాగంలో నాటు నాటు పాట ఆస్కార్ నామినేషన్ కు ఎంపికైంది. ఇదే పాట.. బెస్ట్ ఒరిజినల్ సాంగ్ కేటగిరీలో గోల్డెన్ గ్లోబ్ అవార్డు అందుకున్న విషయం తెలిసిందే.

ఆస్కార్ లో.. ఆర్ఆర్ఆర్...

జనవరి 28 నుంచి ప్రజా ప్రస్థానయాత్రను తిరిగి ప్రారంభిస్తున్నట్లు వైఎస్సార్టీపీ అధ్యక్షురాలు వైఎస్ షర్మిల ప్రకటించారు. గతంలో పాదయాత్ర ఎక్కడైతే ఆగిందో.. తిరిగి అక్కడి నుంచే మొదలు పెడతామని స్పష్టం చేశారు. తన యాత్రను ఆపి కేసీఆర్ పెద్ద పొరపాటు చేశారని... ఈ సారి రెట్టింపు ఉత్సాహంతో ముందుకు సాగుతామని అన్నారు. ఈ పాదయాత్ర కేసీఆర్ పాలిట అంతిమ యాత్రగా మారుతుందని హెచ్చరించారు. మరోవైపు... బీఆర్ఎస్ అసంతృప్త నేత, ఖమ్మం మాజీ ఎంపీ పొంగులేటి శ్రీనివాస్ రెడ్డి.. షర్మిలతో సమావేశమైనట్లు తెలుస్తోంది. హైదరాబాద్ లో ఒక రహస్య ప్రాంతంలో సుమారు గంట పాటు చర్చలు జరిపినట్లు తెలుస్తోంది. ఈ సందర్బంగా... పార్టీలో చేరాలని వైఎస్ షర్మిల... పొంగులేటిని ఆహ్వానించినట్లు సమాచారం.

షర్మిలతో పొంగులేటి భేటీ..

తెలంగాణ లో 25 నుంచి 40 అసెంబ్లీ... 7 నుంచి 14 పార్లమెంట్ స్థానాలలో పోటీ చేస్తామని జనసేన అధ్యక్షుడు పవన్ కళ్యాణ్ చెప్పారు. తెలంగాణలో బీజేపీతో పొత్తు ఉండదని... కానీ మద్దతు మాత్రం ఉంటుందని వ్యాఖ్యానించారు. ఆంధ్రప్రదేశ్ కంటే తెలంగాణలో పాలన బాగుందని అన్నారు. తెలంగాణ, ఆంధ్ర సమస్యలు వేర్వేరని.. రెండింటినీ పోల్చి చూడలేమని చెప్పారు. తెలంగాణ సమస్యలపై లోతైన అధ్యయనం చేసిన తర్వాతనే నిర్ణయం తీసుకుంటామన్నారు. నాచుపల్లిలో జనసేన తెలంగాణ కార్యనిర్వాహకుల సమావేశం పాల్గొన్న పవన్... తెలంగాణలో కచ్చితంగా పర్యటిస్తానని చెప్పారు.

తెలంగాణలో పోటీ చేస్తాం : పవన్

మాజీ మంత్రి వైఎస్ వివేకా హత్య కేసుకి సంబంధించిన దస్త్రాలు.. హైదరాబాద్ ప్రిన్సిపల్ సీబీఐ కోర్టుకు చేరాయి. కడప జిల్లా సెషన్స్ కోర్టు నుంచి హైదరాబాద్ సీబీఐ కోర్టుకు ఫైళ్లు చేరాయి. 3 పెట్టెల్లో సీబీఐ కోర్టుకు ఛార్జ్‌షీట్లు, సాక్షుల వాంగ్మూలాలు, దస్త్రాలను అధికారులు తరలించారు. కడప కోర్టులో ఐదుగురు నిందితులపై సీబీఐ 2 ఛార్జ్‌షీట్లు దాఖలు చేసింది. ఈ కేసుని తెలంగాణకు బదిలీ చేస్తూ ఇటీవల సుప్రీంకోర్టు ఆదేశించిన నేపథ్యంలో.. కేసు విచారణను హైదరాబాద్ సీబీఐ కోర్టు త్వరలో ప్రారంభించనుంది. ఇప్పటికే కడప ఎంపీ వైఎస్ అవినాష్ రెడ్డికి.. విచారణకు హాజరుకావాలంటూ సీబీఐ నోటీసులు ఇచ్చింది.

హైదరాబాద్ సీబీఐ…

కొండగట్టు సాక్షిగా ఏపీలో పొత్తులపై జనసేనాని పవన్ కళ్యాణ్ స్పష్టత ఇచ్చారు. పొత్తులపై మూడు ఆప్షన్స్ వెల్లడించిన ఆయన... ఎన్నికల ముందు స్పష్టత వస్తుందని... స్పష్టం చేశారు. ఇప్పటికే తాము బీజేపీతో పొత్తులో ఉన్నామని.. మున్ముందు కూడా ఉంటామని తెలిపారు. ఒకే వేళ వారు కాదంటే ఒంటరిగా వెళ్తామని చెప్పారు. కొత్త పొత్తుల కోసం ముందుకు వచ్చే పార్టీతో కలిసి వెళ్తామని అన్నారు. రాష్ట్రంలో ఓట్లు చీలకూడదన్నదే తన అభిప్రాయమని పవన్ పునరుద్ఘాటించారు. ఇందుకోసం అందరూ కలిసి రావాలని కోరుకుంటున్నానన్న జనసేనాని... వైఎస్సార్సీపీ ప్రభుత్వం విమర్శనాస్త్రాలు సంధించారు.

పొత్తులపై .. పవన్

ఆంధ్రప్రదేశ్ లో రోడ్లపై సభలు, సమావేశాలపై ఆంక్షలు విధిస్తూ ప్రభుత్వం తీసుకొచ్చిన జీవో నంబర్ వన్ పై ఏపీ హైకోర్టులో విచారణ ముగిసింది. ఈ అంశంలో పిటిషనర్లు, ప్రభుత్వం తరపున వాదనలు విన్న ప్రధాన న్యాయమూర్తి జస్టిస్ ప్రశాంత్ కుమార్, జస్టిస్ డీవీఎస్ఎస్ సోమయాజులుతో కూడిన ధర్మాసనం... తీర్పుని రిజర్వ్ చేసింది. జీవో నంబర్ వన్ ను సవాలు చేస్తూ.. సీపీఐ రాష్ట్ర కార్యదర్శి కె. రామకృష్ణ దాఖలు చేసిన పిటిషన్ పై సోమవారం విచారణ జరిగిన విషయం తెలిసిందే. ఇదే అంశంలో టీడీపీ, బీజేపీ, కాంగ్రెస్ కూడా ప్రభుత్వానికి వ్యతిరేకంగా వేర్వేరుగా వ్యాజ్యాలు దాఖలు చేయగా.. వాటిపై సీజే ధర్మాసనం మంగళవారం విచారణ జరిపింది. ముందుగా ఆయా పార్టీల తరపున న్యాయవాదులు ప్రభుత్వ ఉత్తర్వులపై తమ అభ్యంతరాలను కోర్టు దృష్టికి తీసుకొచ్చారు. అనంతరం... ప్రభుత్వం తరపున ఏజీ వాదనలు వినిపించారు. వీటికి సమాధానంగా... పార్టీల తరపున న్యాయవాదులు తమ వాదనలు వినిపించారు. అందరి వాదనలు నమోదు చేసుకున్న ధర్మాసనం.. తీర్పు రిజర్వ్ చేసింది.

తీర్పు రిజర్వ్..

టీడీపీ ప్రధాన కార్యదర్శి &nbsp;నారా లోకేశ్ పాదయాత్రకు పోలీసులు 29 షరతులు విధించడంపై టీడీపీ అభ్యంతరం వ్యక్తం చేస్తోంది. పోలీసుల నిబంధనలను తిరస్కరించిన టీడీపీ, &nbsp;ఇన్ని నిబంధనలతో పాదయాత్ర సాగడం కష్టమంటోంది. &nbsp;ఏది ఏమైనా పాదయాత్రకు సిద్దమని, పోలీసుల షరతులకు తలొగ్గేది లేదని టీడీపీ నేతలు చెబుతున్నారు.&nbsp;

నారా లోకేష్ పాదయాత్రకు షరతులు

తెలంగాణ హై కోర్టులో మంత్రి సబితా ఇంద్రారెడ్డి పిటిషన్ వేశారు. &nbsp;ఓబుళాపురం గనుల కేసు నుంచి తనను తొలగించాలని పిటిషన్ దాఖలు చేశారు. &nbsp;ఓఎంసీ కేసులో సబిత డిశ్చార్జ్ పిటిషన్ ఇటీవల &nbsp;సీబీఐ కోర్టు కొట్టేసింది. దీంతో &nbsp;సీబీఐ కోర్టు తీర్పును సవాల్ చేస్తూ తెలంగాణ హైకోర్టులో సబిత పిటిషన్ వేశారు. &nbsp;తెలంగాణ హైకోర్టులో క్రిమినల్ రివిజన్ పిటిషన్ వేశారు. సీబీఐ కోర్టులో ఓఎంసీ కేసు విచారణపై స్టే విధించాలని కోరారు.&nbsp;

ఓబుళాపురం కేసు నుంచి తొలగించండి

ఏపీలో ప్రభుత్వ ఉద్యోగుల సంఘం ధిక్కార స్వరాన్ని వినిపించడంపై రాష్ట్ర ప్రభుత్వం కఠిన చర్యలకు ఉపక్రమించింది. మీడియా కథనాలు, వ్యక్తిగత ఫిర్యాదులపై విచారణ కమిటీ నివేదిక మేరకు నలుగురు ఉద్యోగులపై చర్యలు తీసుకున్నారు. రెండ్రోజుల క్రితం గవర్నర్‌కు ఉద్యోగులు ఫిర్యాదు చేసిన నేపథ్యంలో ఏసీటీవోలు ప్రసాద్, మెహర్ కుమార్‌, సంద్య, గడ్డం ప్రసాద్‌లను సస్పెండ్ చేస్తూ వాణిజ్య పన్నుల శాఖ కమిషనర్‌ గిరిజా శంకర్ ఉత్తర్వులు జారీ చేశారు.

ఉద్యోగులపై సస్పెన్షన్ వేటు....

మేడ్చల్ జిల్లా శామీర్‍పేటలో అర్ధరాత్రి కాల్పులు &nbsp;కలకలం రేపాయి. &nbsp; ఓ వైన్‍షాపు దగ్గర గాల్లోకి దుండగుల కాల్పులు &nbsp;జరిపారు. &nbsp;మూడు రౌండ్లు కాల్పులు జరిపిన దుండగులు, &nbsp;వైన్‍షాపు యజమానిని గన్‍లతో బెదిరించి రూ.2 లక్షలు దోపిడీ చేశారు. మూడు చింతలపల్లి మండలం ఉద్దమర్రిలో ఘటన జరిగింది.&nbsp;

శామీర్‌పేటలో కాల్పుల కలకలం

టీడీపీ జాతీయ ప్రధాన కార్యదర్శి నారా లోకేశ్ పాదయాత్రకు సర్వం సిద్ధమైంది. &nbsp;27 వ తేదీ ఉదయం 11.03కి &nbsp;పాదయాత్రలో &nbsp;తొలి అడుగు వేయనున్నారు. &nbsp;రేపు హైదరాబాద్‍లోని ఎన్టీఆర్ ఘాట్‍లో నివాళులర్పించనున్న నారా లోకేశ్ , రేపు &nbsp;సాయంత్రం &nbsp;కడపలో దర్గా, చర్చ్ లకు వెళ్లనున్నారు. &nbsp;ఎల్లుండి తిరుమల శ్రీవారిని దర్శించుకోనున్నారు. &nbsp;శ్రీవారి దర్శనం అనంతరం కుప్పంకు వెళ్తారు. &nbsp;26న మధ్యాహ్నానానికి కుప్పం చేరుకోనున్నారు. &nbsp;కుప్పం సభకు భారీ ఏర్పాట్లు చేస్తున్నారు. కుప్పం నియోజకవర్గంలో మూడు రోజుల పాటు &nbsp;యువగళం పాదయాత్ర సాగనుంది.&nbsp;

పాదయాత్రకు రంగం సిద్ధం….

నెల్లూరు జిల్లా రావూరులో ముగ్గురు విద్యార్థినులు అదృశ్యం అయ్యారు. &nbsp;గురుకుల పాఠశాలలో టెన్త్ చదువుతున్న విద్యార్థినులు &nbsp;అదృశ్యమయ్యారు. &nbsp; విద్యార్థినులు జ్యోతి, నాగమణి, అంకిత మాయం కావడంతో &nbsp;పాఠశాల సిబ్బంది పీఎస్‍లో ఫిర్యాదు చేశారు.

విద్యార్ధినుల అదృశ్యం

బీజేపీ కార్యవర్గ భేటీలకు కన్నా లక్ష్మీనారాయణ హాజరవుతారని భావిస్తున్నానని విష్ణుకుమార్ రాజు చెప్పారు. &nbsp;కన్నాతో హైకమాండ్ మాట్లాడుతోందని, &nbsp;ఎన్నికల్లో పొత్తులపై కేంద్ర నాయకత్వమే నిర్ణయం తీసుకుంటుందన్నారు. &nbsp;విశాఖ వస్తే నారా లోకేష్ ను తానే కలుస్తానని, &nbsp;వైసీపీ వ్యతిరేక ఓటును చీలనివ్వబోమని పవన్ అంటున్నారని, బీజేపీ అభిప్రాయం కూడా అదేనని విష్ణుకుమార్ రాజు చెప్పారు.&nbsp;

కన్నా గైర్హాజరు…

సీబీఐ నోటీసులపై ఎంపీ వైఎస్ అవినాష్ రెడ్డి స్పందించారు. నిన్న నోటీసులు ఇచ్చి ఇవాళ విచారణకు రమ్మంటే ఎలా అని, &nbsp;షెడ్యూల్ ప్రకారం నాలుగైదు రోజులు కార్యక్రమాలున్నాయన్నారు. &nbsp;పులివెందుల నియోజకవర్గంలో కార్యక్రమాల్లో పాల్గొనాల్సి ఉందని, &nbsp;ముందస్తు నిర్ణయించిన &nbsp;కార్యక్రమాల దృష్ట్యా విచారణకు హాజరుకాలేనని సీబీఐకి లేఖ రాశానని చెప్పారు. తన లేఖపై సీబీఐ అధికారులు మళ్లీ నోటీస్ ఇచ్చే అవకాశం ఉన్నందున &nbsp;తదుపరి నోటీసు తీసుకుని విచారణకు హాజరవుతా అన్నారు. &nbsp;వివేకా హత్య కేసులో సీబీఐ అడిగే ప్రశ్నలకు సమాధానం చెబుతానన్నారు.&nbsp;

గడువు తక్కువగా ఉండటంతో రాలేనని చెప్పా….

<ul><li>జనసేన అధినేత పవన్ కళ్యాణ్‌ నేడు ఉమ్మడి కరీంనగర్‌ జిల్లాలో పర్యటించనున్నారు. తొలుత కొండగట్టు ఆలయంలో తన ప్రచారం వాహనం వారాహికి పూజలు నిర్వహించి సమీపంలోని రిసార్ట్స్‌లో కార్యకర్తలతో సమావేశం అవుతారు. ఆ తర్వాత ధర్మపురి లక్ష్మీనారసింహ ఆలయంలో పూజలు నిర్వహిస్తారు. &nbsp;ధర్మపురి నుంచి పవన్ కళ్యాణ్ &nbsp;నారసింహ యాత్రను చేపడుతున్నారు.&nbsp;</li></ul>

AmazonAir in India : ఇండియాలో అమెజాన్ ఎయిర్ కార్గో.. ప్రారంభించిన కేటీఆర్

<ul><li>AmazonAir in India : తెలంగాణలో పెట్టుబడులను మరింతగా విస్తరిస్తున్నట్లు ప్రకటించిన అమెజాన్.. మరో ప్రతిష్టాత్మక సేవలను హైదరాబాద్ నుంచి ప్రారంభించింది. అమెరికా, యూరప్ తర్వాత... సొంత ఎయిర్ కార్గో సేవలకు భారత్ లో శ్రీకారం చుట్టింది.. అమెజాన్ సంస్థ. హైదరాబాద్ శంషాబాద్ విమానాశ్రయంలోని జీఎంఆర్ ఎయిరో టెక్నిక్ లో... మంత్రి కేటీఆర్ అమెజాన్ ఎయిర్ సేవలు ప్రారంభించారు. ఇందుకోసం బెంగళూరులోని క్విక్ జెట్ తో అమెజాన్ జట్టు కట్టింది. ఈ ప్లేన్ ద్వారా ముంబయి, బెంగళూరు, హైదరాబాద్, ఢిల్లీ నగరాలకు సరకు రవాణాలో వేగం పెరుగుతుందని... వినియోగదారులకి వేగంగా డెలివరీలు అందించే వీలు కలుగుతుందని సంస్థ ప్రకటించింది. ఆసియా, పసిఫిక్ రీజియన్ లో అతిపెద్ద క్యాంపస్ ను హైదరాబాద్ లో ఏర్పాటు చేసిన అమెజాన్ వెబ్ సర్వీసెస్... రూ. 36,300 కోట్ల పెట్టుబడులు పెట్టనున్నట్లు ఇప్పటికే ప్రకటించింది.</li></ul>

Teachers Protests : ఆగని టీచర్ల ఆందోళనలు.. స్థానికత ఆధారంగా బదిలీలకు డిమాండ్

Teachers Protests : రాష్ట్రంలో ఉపాధ్యాయ బదిలీలు, పదోన్నతుల వ్యవహారం రచ్చ రేపుతోంది. జనవరి 27 నుంచి ప్రక్రియ ప్రారంభించేందుకు ప్రభుత్వం సమాయత్తం అయిన వేళ... ఉపాధ్యాయులు న్యాయం చేయాలంటూ రోడ్డెక్కుతున్నారు. స్పౌజ్ బదిలీలు చేపట్టాలని.. 317 జీవో రద్దు చేయాలని డిమాండ్ చేస్తూ ఆందోళనలకు దిగుతున్నారు. శనివారం 13 జిల్లాల ఉపాధ్యాయ దంపతులు... హైదరాబాద్ లోని విద్యాశాఖ కమిషనర్, సంచాలకుల కార్యాలయం ముట్టడికి యత్నించిన విషయం తెలిసిందే. వివిధ జిల్లాల నుంచి పెద్ద సంఖ్యలో తరలివచ్చిన టీచర్ దంపతులు... పిల్లలతో కలిసి నిరసనకు దిగారు. స్థానికత ఆధారంగా బదిలీలు చేపట్టాలని కోరుతూ ఉపాధ్యాయులు తమ పిల్లలతో కలిసి ఆదివారం మరోసారి ఆందోళనకు దిగారు. జీవో 317ను వెంటనే రద్దు చేయాలని నినాదాలు చేస్తూ... ప్రగతి భవన్ ముట్టడికి యత్నించారు. వారిని పోలీసులు అడ్డుకుని అదుపులోకి తీసుకోవడంతో... ఆ ప్రాంతంలో కొద్ది సేపు ఉద్రిక్తత నెలకొంది.

ఆందోళన చేస్తున్న ఉపాధ్యాయులకు ప్రతిపక్షాలు మద్దతు ప్రకటించాయి. బడిలో పాఠాలు చెప్పాల్సిన ఉపాధ్యాయులు.. ఒడిలో బిడ్డలతో సహా గోషామహల్ పోలీస్ స్టేషన్ లో బందీలయ్యారని.. 317 జీవో రద్దు కోసం డిమాండ్ చేయడమే వారు చేసిన నేరమా అని పీసీసీ అధ్యక్షుడు రేవంత్ రెడ్డి ప్రభుత్వాన్ని నిలదీశారు. తెలంగాణకు ఈ నియంత పాలన అవసరమా ? అని ప్రశ్నించారు. స్పౌజ్ టీచర్లు.. 317 బాధిత ఉపాధ్యాయులకు న్యాయం చేయాలని డిమాండ్ చేస్తూ... సోమవారం బీజేవైఎం ప్రగతి భవన్ ముట్టడికి యత్నించింది. దీంతో అప్రమత్తమైన పోలీసులు నిరసనకారులను అడ్డుకున్నారు. ఈ క్రమంలో పోలీసులు, బీజేవైఎం శ్రేణులకు మధ్య తోపులాట చోటుచేసుకుంది. ఆందోళనకారులను అరెస్టు చేసి గోషామహల్ పీఎస్ కు తరలించారు.

ఉపాధ్యాయుల ఆందోళనల నేపథ్యంలో 317 జీవోను తప్పనిసరిగా సవరించాల్సిందే అని రాష్ట్ర బీజేపీ అధ్యక్షుడు బండి సంజయ్ డిమాండ్ చేశారు. జీవో వల్ల టీచర్లు, వారి కుటుంబాలు తీవ్ర ఇబ్బందులు పడుతున్నాయన్న ఆయన... ఆవేదనతో ఇప్పటికే 34 మంది టీచర్లు ఆత్మహత్య చేసుకున్నారని చెప్పారు. రాష్ట్రంలో ఉపాధ్యాయులు జీతాలు అడ్డుకునే పరిస్థితి వచ్చిందని పేర్కొన్నారు. పాఠశాలల్లో స్కావెంజర్లను తీసేశారని... టీచర్లు బాత్‌రూమ్‌లు కడగాల్సిన దుస్థితి వచ్చిందని ఆవేదన వ్యక్తం చేశారు. కేసీఆర్ పాలనలో పీఆర్సీలు లేవు.. డీఏలు లేవు.. పదోన్నతులు లేవని మండిపడ్డారు. టీచర్ల విషయంలో కేసీఆర్ అమానవీయంగా ప్రవర్తిస్తున్నారని ఆగ్రహం వ్యక్తం చేశారు. ఉపాధ్యాయ బదిలీలో అక్రమాలు జరుగుతున్నాయన్న సంజయ్... మరోసారి సకల జనుల సమ్మె తరహా పరిస్థితులు వస్తున్నాయని హెచ్చరించారు. జీవో 317పై టీచర్ల విజ్ఞప్తులను పరిగణలోకి తీసుకోవాలని డిమాండ్ చేశారు. పోలీసు ఉద్యోగాల నియామకాలు సరిగ్గా జరగడం లేదని ఆరోపించారు.

రాష్ట్రంలోని వివిధ జిల్లాల్లో పనిచేస్తున్న టీచర్లు... స్పౌజ్ విభాగంలో బదిలీల కోసం కొంతకాలంగా నిరీక్షిస్తున్న విషయం తెలిసిందే. 2021లో స్పౌజ్ ట్రాన్స్ ఫర్లు చేపట్టిన ప్రభుత్వం.. కేవలం 19 జిల్లాల్లో పనిచేస్తున్న ఉపాధ్యాయులకే అవకాశం కల్పించింది. మిగతా 13 జిల్లాల వారీగా అప్పట్లో స్పౌజ్ ట్రాన్స్ ఫర్స్ కి ఛాన్స్ ఇవ్వలేదు. ఈ నేపథ్యంలో.. సుదీర్ఘకాలంగా వేర్వేరు జిల్లాల్లో పనిచేస్తున్న ఉపాధ్యాయ దంపతులు.. ప్రభుత్వం ఈసారి చేపట్టనున్న బదిలీల్లో తమకూ అవకాశం కల్పించాలని కోరుతున్నారు. ఈ అంశంలో సర్కార్ నుంచి స్పష్టత లేకపోవడంతో... ఆందోళన బాట పట్టారు.

ఇక గత సంవత్సరం జీవో 317 అమలులో భాగంగా.. రాష్ట్రంలో ఉద్యోగులు, ఉపాధ్యాయుల సర్దుబాటు చేసిన సర్కార్.. కొంత మందిని ఇతర జిల్లాలకు కేటాయించింది. సర్దుబాటులో తమ స్థానికతను ప్రభుత్వం పరిగణలోకి తీసుకోలేదని అప్పట్లో ఆరోపణలు వచ్చాయి. ప్రస్తుతం బదిలీలకు కసరత్తు చేస్తున్న ప్రభుత్వం... 317 జీవో కింద ఇతర జిల్లాలకు ట్రాన్స్ ఫర్ అయిన వారి అంశంపై మాత్రం స్పష్టత ఇవ్వలేదు. వీరు ఒక ప్రాంతం నుంచి మరో ప్రాంతానికి బదిలీ అయి ఏడాది కూడా పూర్తికాలేదు. ట్రాన్స్ ఫర్స్ కి దరఖాస్తు చేసుకోవాలంటే రెండేళ్ల కనీస సర్వీసు ఉండాలన్న నిబంధన ఉంది. అలా ఉన్న వారే బదిలీలకు అర్హులవుతారు. ఈ నేపథ్యంలో... ఇప్పుడు చేపట్టబోయే బదిలీల్లో తమను కూడా పరిగణలోకి తీసుకోవాలని, రెండేళ్ల కనీస సర్వీసు నిబంధన నుంచి మినహాయింపు ఇవ్వాలని.... స్థానికత ఆధారంగా బదిలీలు చేపట్టాలని ఉపాధ్యాయులు కోరుతున్నారు.

బదిలీల నియమ, నిబంధనలతో కూడిన షెడ్యూల్ ను వీలైనంత త్వరగా విడుదల చేసేందుకు ప్రయత్నిస్తోన్న ప్రభుత్వం... స్పౌజ్ ట్రాన్స్ ఫర్స్, 317 జీవో రద్దు డిమాండ్ల విషయంలో ఏం చేస్తుందన్నది ఆసక్తిగా మారింది. షెడ్యూల్ వెలువరించిన తర్వాత అందులో పేర్కొన్న నిబంధనలను బట్టి ఇలాంటి మరికొన్ని అభ్యంతరాలు వ్యక్తమయ్యే అవకాశాలు ఉన్నాయి. వాటితో ఎవరైనా కోర్టుకి వెళితే మొత్తం ప్రక్రియకు ఇబ్బంది అవుతుందని.. సాధ్యమైనంత వరకు ఆ పరిస్థితి రాకుండా చూసేందుకు సర్కార్ వ్యూహాత్మకంగా ముందడుగు వేస్తోందని తెలుస్తోంది.

<ul><li>Teachers Protests : స్పౌజ్ ట్రాన్స్ ఫర్స్.. 317 జీవో రద్దు కోసం డిమాండ్ చేస్తూ.. రాష్ట్రంలో టీచర్ల ఆందోళనలు కొనసాగుతున్నాయి. స్థానికత ఆధారంగా బదిలీలు చేపట్టాలని కోరుతూ.. ఉపాధ్యాయులు పిల్లలతో కలిసి రోడ్డెక్కుతున్నారు. మరోవైపు.. టీచర్ల ఆందోళనలకు విపక్షాలు మద్దతు పలికాయి. 317 జీవోను రద్దు చేయాల్సిందే అని డిమాండ్ చేస్తున్నాయి.</li></ul>

Competitive Exams Scoring : ఈ ట్రిక్.. ఉద్యోగ సాధనకు నిచ్చెన !

Competitive Exams Scoring : తెలంగాణ, ఆంధ్రప్రదేశ్ లో ఈ ఏడాది ఉద్యోగాల జాతర సాగనుంది. ఇప్పటికే తెలంగాణలో భారీ సంఖ్యలో ఉద్యోగాలకు నోటిఫికేషన్లు వెలువడ్డాయి. పోలీసులు, ఎగ్జిక్యూటివ్ ఇంజినీర్లు, వైద్యులు, నర్సులు, హాస్టల్ వార్డెన్లు సహా... గ్రూప్స్ స్థాయిలో జూనియర్, సీనియర్ అసిస్టెంట్, అకౌంటెంట్ తదితర పోస్టుల భర్తీ ప్రక్రియ ప్రారంభమైంది. త్వరలో గురుకులాల్లో 11 వేలకుపైగా పోస్టులతో నోటిఫికేషన్ రానుంది.

మరోవైపు.. ఏపీలోనూ ఉద్యోగాల ప్రకటనలు ఊపందుకుంటున్నాయి. ఇప్పటికే కానిస్టేబుల్ ప్రాథమిక పరీక్ష పూర్తయింది. ఎస్సై పరీక్ష ఫిబ్రవరి 19న జరగనుంది. మరికొన్ని రోజుల్లో.. 14 వేలకుపైగా పోస్టులతో సచివాలయ ఉద్యోగాల నోటిఫికేషన్ రానుందని తెలుస్తోంది. ఆ వెంటనే గ్రూప్ 2 నోటిఫికేషన్ కూడా రానుందన్న సంకేతాలు వస్తున్నాయి. ఉపాధ్యాయ ఖాళీల భర్తీని కూడా ఈ ఏడాదిలోనే చేపట్టేందుకు ప్రభుత్వం కసరత్తు చేస్తోంది. ఇప్పటికే గ్రూప్ 1 ప్రిలిమ్స్ పూర్తయింది. త్వరలో మెయిన్స్ జరగనుంది.

ఈ నేపథ్యంలో.. లక్షలాది మంది ఉద్యోగాల కోసం పోటీ పడుతున్నారు. కొంత మంది ప్రభుత్వ ఉద్యోగ సాధనే జీవిత ఆశయంగా పెట్టుకొని ఎన్నో ఏళ్ల నుంచి కుటుంబాలకు దూరంగా ఉంటూ నగరాల్లో పుస్తకాలతో కుస్తీ పడుతున్నారు. ఒక్కో పోస్టుకి వేలల్లో పోటీ ఉన్న పరిస్థితిలో... పరీక్షల్లో సాధించే ఒక్కో మార్కు చాలా కీలకం. అందుకే... పోటీ పరీక్షలకు సన్నద్ధమయ్యే సమయంలో ఎంత సేపు చదివామన్న విషయం కన్నా... ఎలాంటి పద్ధతులు, ఏ ట్రిక్స్ పాటించామన్నదే కీలకం. గుట్టల కొద్దీ పుస్తకాల పోగేసి, గంటల కొద్దీ చదివే వారి కన్నా... స్మార్ట్ వర్క్ చేసి ఉద్యోగాలు సాధించిన వారు ఎంతో మంది ఉన్నారు. అలాంటి వారందరూ తమ విజయానికి ముఖ్య కారణం ఏంటంటే... మొదట చెప్పే సమాధానం.. న్యూస్ పేపర్ రీడింగ్ అనే.

అవును... పోటీ పరీక్షలకు సన్నద్ధమయ్యే వారికి వార్తా పత్రికల పఠనం అతి ముఖ్యం. ప్రతి ఒక్కరూ తప్పక పాటించాల్సిన నియమం. ఇప్పటికే కాంపిటీటివ్ ఎగ్జామ్స్ కి కోచింగ్ తీసుకున్న వారికి ఈ విషయం తెలుసు. అయితే.. వారిలో కూడా చాలా మంది కేవలం నోటిఫికేషన్లు వచ్చిన సమయంలోనే పేపర్లు పట్టుకుంటారు. ఇక.. కొత్తగా ప్రిపరేషన్ మొదలు పెట్టిన వారిలో చాలా మంది ఏ పుస్తకాలు చదవాలి ? ఏ సీరిస్ కొనాలి అనే అంశాల పైనే ఎక్కువ దృష్టి సారిస్తారు. ఈ క్రమంలో... ప్రతి రోజూ ఇంటికే మార్కులను మోసుకొచ్చే న్యూస్ పేపర్ల ప్రాముఖ్యతను విస్మరిస్తారు. తాము ఏం కోల్పోతున్నామో ఇప్పటికైనా తెలుసుకుని.. న్యూస్ పేపర్ రీడింగ్ ద్వారా ప్రిపరేషన్ విధానాన్ని సరైన ట్రాక్ లోకి తీసుకెళితే... పోటీ పరీక్షల్లో మంచి మార్కులు స్కోర్ చేసేందుకు అవకాశం ఉంటుంది.

గతంలో జరిగిన రాష్ట్ర స్థాయి పోటీ పరీక్షలకు, ప్రస్తుతం జరుగుతున్న ఎగ్జామ్స్ ను పరిశీలిస్తే... ప్రశ్నాపత్రాల శైలిలో చాలా వ్యత్యాసం కనిపిస్తోంది. చరిత్ర, జాగ్రఫీ, ఎకనామీ, విదేశీ వ్యవాహారాలు, ప్రభుత్వ పథకాలు, విపత్తు నిర్వహణ, సైన్స్ అండ్ టెక్నాలజీ, పాలిటీ.. తదితర అంశాల్లో ఎక్కువ ప్రశ్నలు తాజా అంశాలకు సంబంధించిన వాటి నుంచే వస్తున్నాయి. ప్రస్తుతం చోటుచేసుకుంటున్న పరిణామాలకు... చరిత్రతో ఉన్న సంబంధాన్ని తెలియజేస్తూ పత్రికల్లో ప్రతి రోజు వార్తలు వస్తుంటాయి. పోటీ పరీక్షల్లో ఎంతో కీలకమైన జనరల్ స్టడీస్ పేపర్ లో దాదాపు అన్ని అంశాలు... ఇలా న్యూస్ పేపర్ లో కవర్ అవుతాయి. 5 సంవత్సరాల పాటు న్యూస్ పేపర్ చదువుతూ.. అందులో వచ్చే అంశాలపై పట్టు కలిగి ఉన్న వారు.. ఏ పుస్తకం ముట్టకుండానే నేరుగా పోటీ పరీక్షలకు హాజరైనా... 50 శాతం మార్కులు సాధిస్తారు. దానికి ప్రిపరేషన్ కూడా తోడైతే.. విజయం ఎందుకు దక్కదో ఆలోచించండి !

చాలా మంది న్యూస్ పేపర్లు కేవలం కరెంట్ అఫైర్స్ కోసమే ఉపయోగపడతాయని భావిస్తుంటారు. ఆ కోణంలోనే చదువుతుంటారు. ఈ దృష్ణి కోణాన్ని మార్చుకొని.. ప్రతి రోజు వార్తా పత్రికలను సమగ్రంగా అధ్యయనం చేస్తే.. ఎన్నో కొత్త అంశాలను తెలుసుకోవడమే కాకుండా... గతంలో మనం చదివిన విషయాలను మననం చేసుకున్నట్లు కూడా ఉంటుంది. ఉదాహరణకు... ఇటీవల ఉత్తరాఖండ్ లోని జోషి మఠ్ లో భూమి కుంగుతుందని తెలుపుతూ... వార్తలు వచ్చాయి. ఈ అంశాన్ని పూర్తిగా పరిశీలిస్తే... ఒకే సమయంలో హిస్టరీ, జాగ్రఫీ, సైన్స్ అండ్ టెక్నాలజీ, విపత్తు నిర్వహణ, కరెంట్ అఫైర్స్ టాపిక్స్ కి సంబంధించిన సబ్జెక్ట్ పై పట్టు సాధించినట్టు అవుతుంది. పరీక్షలో ఈ అంశం నుంచి ఏ విభాగంలో ప్రశ్న వచ్చినా.... వెంటనే సమాధానం ఇచ్చే వీలు కలుగుతుంది.

బడ్జెట్లు, ఆర్థిక సర్వేలు, ప్రభుత్వ పథకాలు, సుప్రీం కోర్టు కీలక తీర్పులు, ఎన్నికలు - ఫలితాలు, స్పోర్ట్స్, బిజినెస్ తదితర అంశాలను నిరంతరం చదువుతూ... ప్రతి రోజు నోట్స్ తయారు చేసుకుంటే... పోటీ పరీక్షల సమగ్ర మెటీరియల్ మీ చేతిలో ఉన్నట్లే. ఇటీవల పేపర్లలో కాంపిటేటీవ్ పరీక్షలకు సంబంధించిన స్టడీ మెటిరీయల్, ప్రాక్టీసు టెస్టులు కూడా వస్తున్నాయి. ఉద్యోగార్థులకు న్యూస్ పేపర్స్ అందించే అదనపు బెనిఫిట్స్ అవి. విజేతల ఇంటర్వ్యూలు... మనమూ సాధించగలమన్న స్ఫూర్తి ఇస్తాయి. సంపాదకీయంలో వచ్చే ఎస్సే ఆర్టికల్స్... గ్రూప్ 1, సివిల్స్, యూపీఎస్సీ తదితర పోటీ పరీక్షలకు సన్నద్ధమయ్యే వారికి విషయ పరిజ్ఞానాన్ని పెంపొందిస్తాయి.

అయితే... న్యూస్ పేపర్ రీడింగ్ లో ఒక్క అంశం మాత్రం చాలా కీలకం. ప్రతి రోజు ఫాలో అయ్యేందుకు ఏ పేపర్ ఎంచుకుంటున్నారన్నది ముఖ్యం. ప్రస్తుతం అనేక పేపర్లు ఉన్నందున.. ప్రతి రోజు ఏవైనా రెండు పేపర్లు ఫాలో కావడం తప్పనిసరి. ఒక పేపర్ లో మిస్ అయిన అంశాలు.. మరో పేపర్ లో కవర్ అయ్యే అవకాశం ఉంటుంది. ఇంగ్లీష్ మీద పట్టు ఉన్న వారు... ఒక తెలుగు పేపర్, ఒక ఇంగ్లీష్ పేపర్ ఫాలో అయితే... మంచి ఫలితాలు సాధించవచ్చు. సో.... పత్రిక పఠనాన్ని నిరంతర ప్రక్రియగా మార్చుకోండి. అదే ఉద్యోగ సాధనలో మీకు నిచ్చెనగా ఉపయోగపడుతుంది.

<ul><li>Competitive Exams Scoring : 2023, తెలుగు రాష్ట్రాలకు ఉద్యోగ నామ సంవత్సరం అని చెప్పవచ్చు. తెలంగాణలో వరుస నోటిఫికేషన్లు వెలువడుతుండగా.. త్వరలో ఏపీలోనూ ఉద్యోగాల జాతర ఊపందుకోనుంది. ఈ నేపథ్యంలో... లక్షల మంది పోటీ పడే పరీక్షల్లో మంచి మార్కులు సాధించాలంటే ఏం చేయాలి ? ఏ ట్రిక్స్ పాటించాలి.. ? న్యూస్ పేపర్ రీడింగ్ కి ఉన్న ప్రాముఖ్యత ఏంటి... ?</li></ul>

January 23 Telugu News Updates : టీచర్ బదిలీలు, పదోన్నతుల షెడ్యూల్ విడుదల

జాతీయ అంతర్జాతీయ వార్తా విశేషాలతో పాటు ఏపీ,తెలంగాణ న్యూస్ అప్డేట్స్ కోసం పేజీ రిఫ్రెష్ చేసిచూస్తూనే ఉండండి…

adhrapradesh  and  telangana telugu  live  news updates 21   january 2023

హైదరాబాద్ లో పోలీసులు భారీ మొత్తంలో నగదు స్వాధీనం చేసుకున్నారు. బేగంపేట్ వద్ద వాహనాలు తనిఖీ చేస్తున్న క్రమంలో.. రెండు కార్లలో చెక్ చేయగా.. భారీ మొత్తంలో నగదు తరలిస్తున్నట్లు గుర్తించారు. స్వాధీనం చేసుకున్న నగదు సుమారు రూ. 4 కోట్ల వరకు ఉంటుందని సమాచారం. అదంతా హవాలా డబ్బుగా పోలీసులు అనుమానిస్తున్నారు. ముగ్గురు వ్యక్తులని అదుపులోకి తీసుకొని విచారిస్తున్నారు.

భారీగా నగదు పట్టివేత

రాష్ట్రంలో ఉపాధ్యాయ బదిలీలు, పదోన్నతులకు షెడ్యూల్ విడుదలైంది. ముందుగా ప్రకటించినట్లుగానే జనవరి 27 నుంచి ప్రక్రియ చేపడుతూ.. ప్రభుత్వం షెడ్యూల్ వెలువరించింది. జనవరి 28న మొదలై... మార్చి 4 నాటికి ట్రాన్స్ ఫర్స్, ప్రమోషన్స్ పూర్తి కానున్నాయి. వీటిపై అప్పీళ్ల కోసం మరో రెండు వారాల గడువు ఇచ్చారు. అభ్యంతరాలు వ్యక్తం చేస్తూ టీచర్ల దరఖాస్తులు అందిన 15 రోజుల్లో అప్పీళ్లను పరిష్కరించనున్నారు. ఈ మేరకు సమగ్ర షెడ్యూల్ ని ప్రభుత్వం విడుదల చేసింది. మరోవైపు... రాష్ట్ర ప్రభుత్వ ఉద్యోగులకు డీఏ మంజూరు చేస్తూ సర్కార్ నిర్ణయం తీసుకుంది. 2.73 శాతం డీఏ మంజూరు చేసింది. ప్రస్తుతం ఉన్న 17.29 శాతాన్ని, 20.02 శాతానికి పెంచుతూ ఉత్తర్వులు జారీ చేసింది. దీనివల్ల 4.40 లక్షల మంది ఉద్యోగులు, 2.88 లక్షల మంది పెన్షనర్లు లబ్ధి పొందనున్నారు.

షెడ్యూల్ విడుదల.. డీఏ పెంపు

ఏపీ సీఐడీ చీఫ్ పి.వి. సునీల్ కుమార్ ను ప్రభుత్వం బదిలీ చేసింది. జీఏడీలో రిపోర్టు చేయాలని ఆదేశిస్తూ ఉత్తర్వులు జారీ చేసిన ప్రభుత్వం... సీఐడీ అదనపు డీజీగా ఎన్. సంజయ్ ను నియమించింది. ఆయన ప్రస్తుతం విపత్తు నిర్వహణ డీజీగా విధులు నిర్వర్తిస్తున్నారు.

సీఐడీ చీఫ్ బదిలీ

ఏపీలో రోడ్లపై సభలు, సమావేశాల నిర్వహణపై ఆంక్షలు విధిస్తూ ప్రభుత్వం జారీ చేసిన జీవో నంబర్ వన్ పై విచారణ రేపటికి వాయిదా పడింది. హైకోర్టులో ఇవాళ విచారణ జరగగా... చీఫ్ జస్టిస్ ధర్మాసనం ఎదుట... పిటిషనర్ సీపీఐ రామకృష్ణ తరపున న్యాయవాది రాజు రామచంద్రన్ వాదనలు వినిపించారు. ఏపీ ప్రభుత్వ జీవో రాజ్యాంగ విరుద్దమని అన్నారు. సెక్షన్ 30 ప్రకారం కొన్ని ఆమోదయోగ్యమైన ఆంక్షలు విధించొచ్చన్న ఆయన... అసలు సభలు, ర్యాలీలు పూర్తిగా నిషేధించడం ప్రాథమిక హక్కులను ఉల్లంఘించడమేనని వాదించారు. ప్రభుత్వం తరపున ఏజీ, ప్రభుత్వ న్యాయవాదులు వాదనలు వినిపించారు. ఇరువురి వాదనలు విన్న ధర్మాసనం విచారణను రేపటకి వాయిదా వేసింది.

విచారణ వాయిదా

వైఎస్ వివేకానంద రెడ్డి హత్య కేసు విచారణలో భాగంగా.. సీబీఐ అధికారులు సోమవారం పులివెందుల వైకాపా కార్యాలయానికి వెళ్లారు. వైఎస్ భాస్కర్ రెడ్డి కోసం ఆరా తీశారు. ఆయన ఆఫీసుకి రాలేదని కార్యకర్తలు చెప్పడంతో వెనుదిరిగిన సీబీఐ అధికారులు... పట్టణంలో ఉన్న భాస్కర్ రెడ్డి ఇంటి పరిసరాలను పరిశీలించారు.

వివేకా హత్య కేసు విచారణ

తిరుమలలో యాంటీ డ్రోన్ వ్యవస్థను తీసుకొస్తున్నట్లు... టీటీడీ ఈవో ధర్మారెడ్డి తెలిపారు. డంపింగ్ యార్డు నుంచి అన్నదానం కాంప్లెక్స్ వరకు సర్వే చేయడానికి ఐవోసీకి అనుమతి ఇచ్చామని... వారు అత్యుత్సాహంతో ఆలయ పరిసరాల్లో డ్రోన్ తో చిత్రీకరించారని తెలితే చర్యలు తప్పవని చెప్పారు. డ్రోన్ వీడియోపై విచారణ జరుపుతున్నామని వెల్లడించారు. యూట్యూబ్ నుంచి తిరుమల డ్రోన్ దృశ్యాలు తొలగించామని తెలిపారు. తిరుమలలో భద్రతా చర్యల అంశంలో ఎలాంటి నిర్లక్ష్యం లేదని స్పష్టం చేశారు.

తిరుమల

నిర్మల్ జిల్లా బాసరలో విషాదం చోటుచేసుకుంది. గోదావరి నదిలో దూకి ఇద్దరు పిల్లలతో సహా తల్లి ఆత్మహత్య చేసుకుంది. మృతులు తల్లి మానస (27), పిల్లలు బాలాదిత్య (8), నవ్యశ్రీ (7) గా గుర్తించారు. మృతులు నిజామాబాద్ లోని గోల్ హనుమాన్ నగర్ వాసులుగా గుర్తించారు.

బాసరలో విషాదం

ఏపీ ప్రభుత్వ ఉద్యోగుల సంఘానికి రాష్ట్ర ప్రభుత్వం నోటీసులు జారీ చేసింది. గుర్తింపు ఎందుకు రద్దు చేయకూడదో ఏడు రోజుల్లోగా తెలియచేయాలని నోటీసు లో &nbsp;సాధారణ పరిపాలన శాఖ పేర్కొంది. &nbsp;వేతనాలు, ఆర్ధిక ప్రయోజనాలపై గవర్నర్ కు ఫిర్యాదు చేయటం రోసా నిబంధనలకు విరుద్ధమని నోటీసులో పేర్కోన్నారు. మీడియా, పత్రికల్లో వచ్చిన వార్తల ఆధారంగా నోటీసు జారీ చేస్తున్నట్టు పేర్కొన్నారు. &nbsp;వేతనాలు, ఆర్ధిక ప్రయోజనాలపై ప్రభుత్వాన్ని సంప్రదించే ఇతర మార్గాలున్నా గవర్నర్ ను ఎందుకు సంప్రదించాల్సి వచ్చిందని ప్రభుత్వం వివరణ కోరింది. &nbsp;రోసా రూల్స్ ఉల్లంఘించినందున గుర్తింపు ఎందుకు రద్దు చేయకూడదో ఏడు రోజుల్లోగా తెలియచేయాలని ఏపీ జీఈఏ కి నోటీసు జారీ చేసింది.

ఏపీ ప్రభుత్వ ఉద్యోగుల సంఘానికి నోటీసు జారీ చేసిన ప్రభుత్వం

ఈనెల 25న టీడీపీ ప్రధాన కార్యదర్శి నారా లోకేశ్ కడప వెళుతున్నారు. &nbsp;కడపలో పెద్ద దర్గా, మరియాపురం చర్చిలను &nbsp;సందర్శించనున్నారు. &nbsp;పెద్ద దర్గా, చర్చిలో ప్రత్యేక ప్రార్థనలు చేయనున్నారు. &nbsp;ఈనెల 26న తిరుమల శ్రీవారిని దర్శించుకోనున్నారు. &nbsp;ఈనెల 27న కుప్పం నుంచి నారా లోకేశ్ పాదయాత్ర ప్రారంభం కానుంది.&nbsp;

కడపలో లోకేష్ పర్యటన….

ఉపాధ్యాయులపై పోలీసుల ప్రవర్తన దారుణమని బీజేపీ తెలంగాణ అధ్యక్షుడు బండి సంజయ్ కుమార్‌ ఆరోపించారు. &nbsp;పోలీసులు కూడా ప్రభుత్వ ఉద్యోగులేనని గుర్తుంచుకోవాలన్నారు. డబ్బులిచ్చిన వారికి మాత్రమే &nbsp;పోస్టింగులు వచ్చాయని, డబ్బులివ్వని వారికి &nbsp;స్పౌజ్‌ కేసుల్లో సైతం పోస్టింగులు ఇవ్వలేదని ఆరోపించారు. ఉపాధ్యాయుల్ని పోలీసులు బూతులు తిట్టడం సరికాదన్నారు.&nbsp;

తోటి ఉద్యోగుల మీద &nbsp;పోలీసులు ప్రతాపం చూపొద్దు…..

నెల్లూరు జిల్లా మర్రిపాడు ఎమ్మార్వో కార్యాలయం ఎదుట మహబూబ్ భాషా అనే వ్యక్తి ఆత్మహత్యాయత్నానికి ప్రయత్నించడం కలకలం &nbsp;రేపింది. ప్రభుత్వం కేటాయించిన భూమిని వైసీపీ నాయకులు &nbsp;కబ్జా చేసేందుకు ప్రయత్నిస్తున్నారని ఆరోపిస్తూ &nbsp;భాషా ఆత్మహత్యాయత్నానికి ప్రయత్నించాడు.&nbsp;

ఎమ్మార్వో కార్యాలయం ఎదుట ఆత్మహత్యాయత్నం

కామారెడ్డి జిల్లాలో విద్యుత్‌ ఉద్యోగలును కనగల్ గ్రామస్తులు నిర్బంధించారు. ఏసీడీ ఛార్జీల పేరుతో వినియోగదారులపై ప్రభుత్వం భారాన్ని మోపుతోందని ఆరోపిస్తూ &nbsp;గ్రామస్తులు ఆందోళనకు దిగారు. మీటర్ రీడింగ్‌కు వచ్చిన ఉద్యోగులను నిర్బంధించి, విద్యుత్ ఛార్జీల భారాన్ని ఉపసంహరించాలని డిమాండ్ చేస్తున్నారు.&nbsp;

కామారెడ్డిలో విద్యుత్ ఉద్యోగుల నిర్బంధం

తెలంగాణలో బీజేపీ ఆధ్వర్యంలో చలో ప్రగతి భవన్‌కు పిలుపునివ్వడంతో ఉద్రిక్తత చోటు చేసుకుంది. బీజేపీ అనుబంధ సంఘాల ఆధ్వర్యంలో ప్రగతి భవన్ ముట్టడించేందుకు సిద్ధమవ్వడంతో పోలీసులు అడ్డుకున్నారు. &nbsp;

బీజేపీ కార్యాలయం వద్ద ఉద్రిక్తత

గుంటూరు జిల్లా దుగ్గిరాల బాలికల వసతి గృహంలో లైంగిక వేధింపులు వెలుగు చూశాయి. బాలికలపై వేధింపులకు పాల్పడినట్లు వార్డెన్ భర్త పవన్‍పై ఆరోపణలు వచ్చాయి. బాలికల తల్లిదండ్రుల ఫిర్యాదు మేరకు వార్డెన్ భర్త పవన్ కుమార్‍పై ఫోక్సో చట్టం కింద కేసు నమోదు చేశారు.&nbsp;

వసతి గృహంలో లైంగిక వేధింపులు

ఏపీ సిఎం &nbsp;చేగొండి హరిరామజోగయ్య బహిరంగ లేఖ రాశారు. &nbsp;వైసీపీ పాలన అంతమొందించేందుకు టీడీపీ-జనసేన పొత్తు అవసరమన్నారు. &nbsp;సీఎం అభ్యర్థిగా పవన్ కల్యాణ్‍ను ప్రకటించాలని, &nbsp;కాపులకు విద్య, ఉద్యోగాల్లో రిజర్వేషన్ దక్కించుకోవాలంటే రాజ్యాధికారం అవసరమన్నారు. - బడుగు, బలహీనవర్గాల రాజ్యమే కాపు సంక్షేమ సేన లక్ష్యమని &nbsp; చేగొండి హరిరామజోగయ్య చెప్పారు.&nbsp;

చేగొండి బహిరంగ లేఖ

యూపీలోని &nbsp;ఉన్నావ్ జిల్లాలో ఘోర రోడ్డు ప్రమాదం జరిగింది. పాదచారులపైకి &nbsp;ట్రక్కు దూసుకెళ్లడంతో &nbsp;ఆరుగురు మృతి చెందారు. మరో ముగ్గురి పరిస్థితి విషమంగా ఉంది. క్షతగాత్రులను &nbsp;ఆస్పత్రికి తరలించారు. &nbsp;కాన్పూర్-లక్నో హైవేపై ఘటన చోటు చేసుకుంది.&nbsp;

యూపీలో ఘోర ప్రమాదం

తిరుమలలో టోకెన్లు లేని భక్తులకు సర్వదర్శనానికి 12 గంటలు సమయం పడుతోంది. ఆదివారం &nbsp;శ్రీవారిని &nbsp;73 వేల మంది భక్తులు దర్శించుకున్నారు. &nbsp;తిరుమలలో 24,852 మంది భక్తులు నిన్న తలనీలాలు సమర్పించారు. &nbsp;తిరుమలలో ఆదివారం &nbsp;శ్రీవారి హుండీ ఆదాయం రూ.4.51 కోట్లు లభించింది.&nbsp;

శ్రీవారి సర్వ దర్శనానికి 12 గంటలు

ఆంధ్రప్రదేశ్‌ ప్రభుత్వం జారీచేసిన &nbsp;జీవో నెంబర్ 1పై నేడు &nbsp;ఏపీ హైకోర్టులో విచారణ జరుగనుంది. &nbsp;సుప్రీం కోర్టులో రాష్ట్ర ప్రభుత్వానికి ఊరట లభించకపోవడంతో హైకోర్టు చీఫ్‌ జస్టిస్ నేతృత్వంలోని ధర్మాసనం విచారణ జరుపనుంది. &nbsp;ఏపీ ప్రభుత్వం జారీ చేసి &nbsp;జీవో నెం.1 పైనేటి వరకు తాత్కలిక సస్పెన్షన్ విధిస్తూ ఏపీ హైర్టు తీర్పు వెలువరించింది.&nbsp;

జీవో నంబర్ 1పై విచారణ

<ul><li>రాష్ట్రంలో ఉపాధ్యాయ బదిలీలు, పదోన్నతులకు షెడ్యూల్ విడుదలైంది. ముందుగా ప్రకటించినట్లుగానే జనవరి 27 నుంచి ప్రక్రియ చేపడుతూ.. ప్రభుత్వం షెడ్యూల్ వెలువరించింది. జనవరి 28న మొదలై... మార్చి 4 నాటికి ట్రాన్స్ ఫర్స్, ప్రమోషన్స్ పూర్తి కానున్నాయి. వీటిపై అప్పీళ్ల కోసం మరో రెండు వారాల గడువు ఇచ్చారు. అభ్యంతరాలు వ్యక్తం చేస్తూ టీచర్ల దరఖాస్తులు అందిన 15 రోజుల్లో అప్పీళ్లను పరిష్కరించనున్నారు. ఈ మేరకు సమగ్ర షెడ్యూల్ ని ప్రభుత్వం విడుదల చేసింది.</li></ul>

Teachers Transfer Demands : టీచర్ల బదిలీలు.. ఆ డిమాండ్లపై సర్కార్ ఏం చేయబోతోంది.. ?

Teachers Transfers Demads : ప్రభుత్వ ఉపాధ్యాయులు సుదీర్ఘకాలంగా కోరుతున్న బదిలీలు, పదోన్నతులపై ఎట్టకేలకు కదలిక వచ్చింది. జనవరి 27 నుంచి ప్రక్రియ ప్రారంభిస్తామని ఇప్పటికే ప్రకటించిన ప్రభుత్వం.. దీనికి సంబంధించిన మార్గదర్శకాలను ఒకటి రెండు రోజుల్లో విడుదల చేయనుంది. మార్చి 4 వరకు.. అంటే 37 రోజుల్లో .. టీచర్ల పదోన్నతులు, బదిలీల ప్రక్రియను పూర్తి చేసేందుకు కసరత్తు మొదలుపెట్టింది. ఈ బదిలీలకు విద్యాశాఖలో దాదాపు 90 వేల మంది ఉపాధ్యాయులు అర్హత సాధిస్తారని.. దాదాపు 11 వేల మంది ప్రమోషన్లు పొందే అవకాశాలు ఉన్నాయని తెలుస్తోంది. ఇదివరకున్న నిబంధనల ప్రకారం ఒకచోట ఉపాధ్యాయుడు రెండేళ్ల సర్వీసు పూర్తి చేసుకుంటే ట్రాన్స్ ఫర్ కు దరఖాస్తు చేసుకోవడానికి అర్హుడవుతాడు. నిబంధనల ప్రకారం... ఉపాధ్యాయుడు 8 ఏళ్లు.. ప్రధానోపాధ్యాయుడు ఐదేళ్లకు మించి ఒకే చోట పనిచేయకూడదు. ఇలాంటి గరిష్ట సర్వీసుని పరిగణలోకి తీసుకొని బదిలీలు చేపడతారని తెలుస్తోంది.

బదిలీలపై ప్రభుత్వం స్పష్టత ఇచ్చిన నేపథ్యంలో.. వేర్వేరు జిల్లాల్లో పనిచేస్తున్న దంపతులు.. తమకూ న్యాయం చేయాలని డిమాండ్ చేస్తున్నారు. స్పౌజ్ బదిలీల్లో అవకాశం కల్పించాలని.. భార్య, భర్త ఒకే జిల్లాలో పనిచేసే అవకాశం ఇవ్వాలని కోరుతూ... శనివారం 13 జిల్లాల ఉపాధ్యాయ దంపతులు... హైదరాబాద్ లోని విద్యాశాఖ కమిషనర్, సంచాలకుల కార్యాలయం ముట్టడికి యత్నించిన విషయం తెలిసిందే. వివిధ జిల్లాల నుంచి పెద్ద సంఖ్యలో తరలివచ్చిన టీచర్ దంపతులు... పిల్లలతో కలిసి ఆందోళనకు దిగారు. రాష్ట్రంలోని వివిధ జిల్లాల్లో పనిచేస్తున్న టీచర్లు... స్పౌజ్ విభాగంలో బదిలీల కోసం కొంతకాలంగా నిరీక్షిస్తున్న విషయం తెలిసిందే. 2021లో స్పౌజ్ ట్రాన్స్ ఫర్లు చేపట్టిన ప్రభుత్వం.. కేవలం 19 జిల్లాల్లో పనిచేస్తున్న ఉపాధ్యాయులకే అవకాశం కల్పించింది. మిగతా 13 జిల్లాలైన రంగారెడ్డి, మేడ్చల్, కరీంనగర్, ఖమ్మం, హన్మకొండ, వరంగల్, సూర్యాపేట, నిజామాబాద్, సంగారెడ్డి, ఆదిలాబాద్, మంచిర్యాల, మహబూబ్ నగర్, సిద్ధిపేట జిల్లాకు చెందిన టీచర్లకు స్పౌజ్ బదిలీలకు అవకాశం ఇవ్వలేదు. ఈ నేపథ్యంలో.. సుదీర్ఘకాలంగా వేర్వేరు జిల్లాల్లో పనిచేస్తున్న ఉపాధ్యాయ దంపతులు.. ప్రభుత్వం ఈసారి చేపట్టనున్న బదిలీల్లో తమకూ అవకాశం కల్పించాలని కోరుతున్నారు. ప్రస్తుతం చేపడుతున్న బదిలీల్లో పెద్ద ఎత్తున ఖాళీలు ఉంటాయని.. వాటిని పరిగణలోకి తీసుకొని తమకూ అవకాశం కల్పించాలని కోరుతున్నారు.

ఇక గత సంవత్సరం జీవో 317 అమలులో భాగంగా.. రాష్ట్రంలో ఉద్యోగులు, ఉపాధ్యాయుల సర్దుబాటు చేసిన సర్కార్.. కొంత మందిని ఇతర జిల్లాలకు కేటాయించింది. సర్దుబాటులో తమ స్థానికతను ప్రభుత్వం పరిగణలోకి తీసుకోలేదని అప్పట్లో ఆరోపణలు వచ్చాయి. ప్రస్తుతం బదిలీలకు కసరత్తు చేస్తున్న ప్రభుత్వం... 317 జీవో కింద ఇతర జిల్లాలకు ట్రాన్స్ ఫర్ అయిన వారి అంశంపై మాత్రం స్పష్టత ఇవ్వలేదు. ఇలాంటి వారు 15 నుంచి 20 వేల మంది ఉంటారని సమాచారం. వీరు ఒక ప్రాంతం నుంచి మరో ప్రాంతానికి బదిలీ అయి ఏడాది కూడా పూర్తికావడం లేదు. నిబంధనల ప్రకారం అయితే.. ట్రాన్స్ ఫర్స్ కి దరఖాస్తు చేసుకోవాలంటే రెండేళ్ల కనీస సర్వీసు ఉండాలన్న నిబంధన ఉంది. అలా ఉన్న వారే బదిలీలకు అర్హులవుతారు. ఈ నేపథ్యంలో... ఇప్పుడు చేపట్టబోయే బదిలీల్లో తమను కూడా పరిగణలోకి తీసుకోవాలని, రెండేళ్ల కనీస సర్వీసు నిబంధన నుంచి మినహాయింపు ఇవ్వాలని ఉపాధ్యాయులు కోరుతున్నారు.

బదిలీల నియమ, నిబంధనలతో కూడిన షెడ్యూల్ ను వీలైనంత త్వరగా విడుదల చేసేందుకు ప్రయత్నిస్తోన్న ప్రభుత్వం... స్పౌజ్ ట్రాన్స్ ఫర్స్, 317 జీవో ఉపాధ్యాయుల విషయంలో ఏం చేస్తుందన్నది ఆసక్తిగా మారింది. వారి డిమాండ్లూ పరిష్కరిస్తుందా ? లేక ప్రస్తుత బదిలీల ప్రక్రియ పూర్తయిన తర్వాత సర్దుబాటు చేస్తామని చెప్పి శాంతింపజేస్తుందా అన్నది చూడాలి.

<ul><li>Teachers Transfers Demads : సుదీర్ఘకాలంగా పెండింగ్ లో ఉన్న ఉపాధ్యాయ పదోన్నతులు, బదిలీలకు ప్రభుత్వం గ్రీన్ సిగ్నల్ ఇచ్చిన నేపథ్యంలో... తమకూ అవకాశం కల్పించాలని స్పౌజ్ కేటగిరి టీచర్లు ఆందోళన బాట పట్టారు. 317 జీవోతో ఇతర ప్రాంతాలకు వెళ్లిన టీచర్లూ.. తమకూ ట్రాన్స్ ఫర్ ఛాన్సు ఇవ్వాలని డిమాండ్ చేస్తున్నారు.</li></ul>

Telangana Early Elections ? : మరోసారి ముందస్తు ముచ్చట.. ఈ సారి అంత ఈజీ కాదా.. ?

Telangana Early Elections ? : రాష్ట్రంలో మరోసారి ముందస్తు ముచ్చట మొదలైంది. 2018 తరహాలోనే ఈ సారి కూడా ముందుగానే అసెంబ్లీని రద్దు చేసి.. బీఆర్ఎస్ ఎన్నికలకు వెళుతుందనే చర్చ ఊపందుకుంది. కేబినెట్ తీర్మానంతో అసెంబ్లీని రద్దు చేయాలా ? లేక ఆరు నెలల్లోగా అసెంబ్లీని సమావేశపరచకుండా టెక్నికల్ గా రద్దయ్యేలా చేయాలా ? అనే విషయంపై సీఎం కేసీఆర్ ఆలోచన చేస్తున్నారనే వాదనలు వినిపిస్తున్నాయి. గతేడాది సెప్టెంబర్ 13న వానాకాల అసెంబ్లీ సమావేశాలు ముగిశాయి. డిసెంబర్ లో శీతాకాల సమావేశాలు నిర్వహించేందుకు ప్రభుత్వం సన్నద్ధమయినా... బీఆర్ఎస్ కార్యకలాపాలు ప్రారంభించే పనిలో కేసీఆర్ నిమగ్నం కావటంతో... కుదరలేదన్న టాక్ వినిపించింది. దీంతో... అసెంబ్లీ సమావేశాలు ఆరు నెలల్లోపు నిర్వహించాలన్న గడువు .. మార్చి 15తో ముగుస్తుంది. అయితే ప్రభుత్వం నుంచి మాత్రం అసెంబ్లీ సెషన్స్ నిర్వహణపై ఎలాంటి స్పష్టత రాలేదు. ఫిబ్రవరి 1న కేంద్ర బడ్జెట్ ప్రకటించిన తర్వాత.. రాష్ట్ర సర్కార్ నుంచి కూడా క్లారిటీ వచ్చే సూచనలు ఉన్నాయి. ఒక వేళ ప్రభుత్వం అసెంబ్లీ సమావేశాల నిర్వహణపై అదే స్తబ్దత కొనసాగిస్తే మాత్రం... ముందస్తు ఊహాగానాలు మరింత బలపడతాయి.

కేసీఆర్ ఆలోచనలు ఏంటో, ఆయన మదిలో ఏముందో ఊహించడం కష్టం. అయితే.. ఇటీవలి కాలంలో ఆయన వేస్తున్న అడుగుల ఆధారంగా వ్యూహాలను అంచనా వేస్తోన్న విపక్షాలు.. రాష్ట్రంలో ముందస్తు ఎన్నికలు తథ్యం అని గట్టిగా చెబుతున్నాయి. నిర్ణీత సమయం ప్రకారం అయితే.. ఈ ఏడాది డిసెంబర్ లో రాష్ట్రంలో అసెంబ్లీ ఎన్నికలు జరగాలి. అయితే.. విపక్షాలు పూర్తిగా బలం కూడగట్టుకోకముందే.. ఎన్నికల సమరానికి శంఖారావం పూరించాలన్నది కేసీఆర్ ప్లాన్ గా ఉందని ప్రతిపక్ష పార్టీల నేతలు అంచనా వేస్తున్నారు. తెలంగాణ బీజేపీ అధ్యక్షుడు బండి సంజయ్, పీసీసీ అధ్యక్షుడు రేవంత్ రెడ్డి, కాంగ్రెస్ సీనియర్ నేత, ఎంపీ కోమటిరెడ్డి వెంకట్ రెడ్డి ల నుంచి ఈ తరహా అంచనాలే వ్యక్తం అయ్యాయి. గులాబీ దళపతి ప్రణాళికలను పసిగట్టామని.. ఎలక్షన్ ఎప్పుడు వచ్చినా ఎదుర్కోవడానికి తామూ సిద్ధంగా ఉన్నామని ప్రకటిస్తున్నారు. ఈ నేపథ్యంలోనే... ఇన్నాళ్లుగా లోపించిన ఐక్యతను తిరిగి సాధించి... కలిసికట్టుగా సాగే దిశగా కాంగ్రెస్ లో అడుగులు పడుతున్నాయి. ముందే అభ్యర్థులను ప్రకటించాలనే డిమాండ్లు వినిపిస్తున్నాయి. తద్వారా అధికార పార్టీని బలంగా ఢీకొట్టే అవకాశం ఉంటుందనే అభిప్రాయాలు వ్యక్తం అవుతున్నాయి.

మరోవైపు.. కేసీఆర్ ఆలోచనలను ముందే ఊహించామంటున్న బీజేపీ... రాష్ట్రంలో మరింత దూకుడు పెంచింది. రాష్ట్రంలో అధికారమే లక్ష్యంగా... ఆ పార్టీ అధిష్టానం నేరుగా రంగంలోకి దిగాలని నిర్ణయించుకుంది. ఇందులో భాగంగా.. జనవరి 28, 29 తేదీల్లో కేంద్ర మంత్రి అమిత్ షా.. రాష్ట్రంలో పర్యటించనున్నారు. బహిరంగ సభల్లో పాల్గొననున్నారు. ప్రధాని నరేంద్ర మోదీ టూర్ కూడా ఖారారైంది. ఫిబ్రవరి 13న హైదరాబాద్ కు రానున్న ప్రధాని మోదీ.. పలు అభివృద్ధి కార్యక్రమాల్లో పాల్గొన్న తర్వాత.. పరేడ్ గ్రౌండ్స్ బహిరంగ సభలో ప్రజలను ఉద్దేశించి ప్రసంగించనున్నారు. మిషన్ తెలంగాణలో భాగంగానే.. బీజేపీ పెద్దల పర్యటనలను రాష్ట్రంలో ఖరారు చేశారనే చర్చ సాగుతోంది. కేసీఆర్ ఏ సమయంలో ఎన్నికలకు వెళ్లినా.. ధీటుగా ఎదుర్కొనే విధంగా క్యాడర్ ను సమాయత్తం చేసేందుకు.. రానున్న రోజుల్లో మరిన్ని సభలు, సమావేశాలు జరుగుతాయని.. వీటికి అధిష్టాన పెద్దలు హాజరవుతారని కాషాయ నేతలు చెబుతున్నారు.

ప్రతిపక్షాల అంచనాలు.. అందుకు అనుగుణంగా సన్నద్ధత ఎలా ఉన్నా.. అసలు కేసీఆర్ మదిలో ఏముందన్నదే పెద్ద ప్రశ్న ? ముందస్తు ఎన్నికల కోసమే ఇటీవల కేసీఆర్ పరిపాలనా పరమైన కార్యక్రమాల్లో వేగం పెంచారని... భారీ స్థాయిలో కంటి వెలుగు... నాలుగేళ్ల తర్వాత ఉపాధ్యాయ బదిలీలు.. ఏడున్నరేళ్ల తర్వాత టీచర్ల ప్రమోషన్లు... ఫిబ్రవరి 17న నూతన సచివాలయం ప్రారంభోత్సవం... వేగంగా జిల్లా సమీకృత కలెక్టరేట్ భవనాల ఓపెనింగ్స్... వరుస ఉద్యోగ నోటిఫికేషన్లు... తదితర ప్రోగ్రామ్స్ అన్నీ అందులో భాగమే అనే టాక్ వినిపిస్తోంది. ఆయా కార్యక్రమాలతో ఎలక్షన్ గ్రౌండ్ లో అనుకూల వాతావరణం సృష్టిస్తున్నారనే చర్చ నడుస్తోంది. అయితే... కేవలం వీటి ఆధారంగా సీఎం కేసీఆర్ ముందస్తు ఎన్నికలకు వెళతారా ? అని చెప్పడం కష్టమే. ఎందుకంటే.. 2018లో ఉన్నటువంటి అనుకూల పరిస్థితులు.. ఇప్పుడు లేవనేది మరో వాదన.

గతంలో ముందస్తు ఎన్నికలకు వెళ్లే నాటికి సీఎం కేసీఆర్ నాడు ఇచ్చిన హామీలను దాదాపుగా పూర్తి చేశారు. కొత్తగా రైతు బంధు ప్రకటించి.. తిరుగులేని మెజారిటీతో తిరిగి అధికారంలోకి వచ్చారు. అయితే.. రెండో టర్మ్ లో కొన్ని హామీలు ఇప్పటికీ అమలు కాలేదన్న విమర్శలు ఉన్నాయి. ముఖ్యంగా రూ. లక్ష రైతు రుణ మాఫీ పూర్తి కాలేదని... నిరుద్యోగ భృతి ఊసే లేదనే ఆరోపణలు ఉన్నాయి. డబుల్ బెడ్ రూమ్ ఇళ్ల పంపిణీ ఆశించిన స్థాయిలో సాగడం లేదు అని... సొంత స్థలం ఉన్న వారికి ఇంటి నిర్మాణం కోసం ఆర్థిక సహాయం అందించే కార్యక్రమాన్ని ఇంకా ప్రారంభించని విషయాన్నీ ప్రస్తావిస్తున్నారు. ఇన్నాళ్లు తీవ్ర అసంతృప్తితో ఉన్న నిరుద్యోగులు... కేవలం నోటిఫికేషన్లతో శాంతించే పరిస్థితి లేదని... నియామక ప్రక్రియ పూర్తి చేసి.. అపాయింట్మెంట్స్ ఇస్తేనే.. బీఆర్ఎస్ సర్కార్ ని పూర్తిగా విశ్వసిస్తారనే వాదనా వినిపిస్తోంది. దళితబంధు పథకంలోనూ ఆరంభశూరత్వమే కనిపిస్తోందని.. రాష్ట్రవ్యాప్తంగా అర్హులందరికీ అందిస్తామన్న హామీ ఇప్పట్లో పూర్తయ్యేలా కనిపించడం లేదనే విమర్శలు వస్తున్నాయి. గిరిజన బంధు కూడా ఇస్తామని ఇటీవల ప్రకటించిన సర్కార్.. ఆ దిశగా ఎలాంటి కసరత్తు చేయడం లేదనే అసంతృప్తి వ్యక్తం అవుతోంది. ఈ నేపథ్యంలో... ఈ సారి ముందస్తు ఎన్నికలకు వెళితే.. గతంలోలా అన్ని పూర్తి చేశామని కేసీఆర్ ప్రకటించే అవకాశాలు లేవన్నది రాజకీయ విశ్లేషకుల అభిప్రాయం.

మొత్తం మీద.. మరోసారి మొదలైన ముందస్తు ముచ్చట .. గతంలో మాదిరిగా కొన్నిరోజులకి సైలెంట్ అవుతుందా.. ? లేక ఊహాగానాలు మరింత బలపడేలా కేసీఆర్ అడుగులు ఉండనున్నాయా ? అనే ఆసక్తి అందరిలో నెలకొంది.

<ul><li>Telangana Early Elections ? : ముందస్తు ఎన్నికలపై రాష్ట్రంలో మరోసారి చర్చ మొదలైంది. ఏ క్షణమైనా కేసీఆర్ ఎన్నికలకు వెళ్లే అవకాశం ఉందని ప్రతిపక్షాలు అంచనా వేస్తున్నాయి. తామూ సిద్ధమని ప్రకటిస్తున్నాయి. బీఆర్ఎస్ వ్యూహాలకు ధీటుగా... కాంగ్రెస్, బీజేపీ ఎన్నికల సన్నద్ధతపై ఫోకస్ పెట్టాయి. అయితే.. 2018లో ఉన్న పరిస్థితులు ఇప్పుడు ఉన్నాయా ?&nbsp;</li></ul>

HT Telugu Desk