Why Investors leaving Markets:స్టాక్ మార్కెట్ ను వీడుతున్న లక్షలాది ఇన్వెస్టర్లు

paragraph

<p>కొరోనా (corona) మహమ్మారిపై మానవాళి విజయం ఖాయమవుతున్న సందర్భంలో చోటు చేసుకున్న మరో అంశం.. స్టాక్ మార్కెట్లో (stock market) కి వెల్లువగా తరలివచ్చిన మధ్యతరగతి ప్రజలు. ముఖ్యంగా యువత, ఉద్యోగులు, చదువులు ముగించుకుని ఉద్యోగాల్లో చేరుతున్న యువతీయువకులు భారీగా స్టాక్ మార్కెట్ ను ఎక్స్ ప్లోర్ చేయడం ప్రారంభించారు. కొన్ని నెలల వ్యవధిలోనే లక్షల సంఖ్యలో కొత్త డీమ్యాట్ (demat accounts) ఖాతాలు ఓపెన్ అయ్యాయి. బ్రోకరేజ్ సంస్థలు, స్టాక్ అగ్రిగేటర్లు భారీగా లాభాలు చేసుకున్నారు.</p>

<h3>Why Investors leaving Markets?: ట్రెండ్ మారుతోందా?</h3><p>అయితే, ఇప్పుడు తాజాగా ఆ ట్రెండ్ రివర్స్ అవుతున్నట్లు కనిపిస్తోంది. ప్రపంచవ్యాప్తంగా కమ్ముకొస్తున్న ఆర్థిక మాంద్యం (recession), ఉద్యోగాల కోత (lay offs) నేపథ్యంలో జాబ్ సెక్యూరిటీ లేకపోవడం, ద్రవ్యోల్బణం, రష్యా, ఉక్రెయిన్ యుద్ధం, ధరల పెరుగుదల.. వీటన్నింటికి తోడు ఇటీవల ఆదానీ గ్రూప్ పై హిండెన్ బర్గ్ (Adani Hindenberg row) వేసిన ఆర్థిక అవకతవకల ఆరోపణల బాంబు.. ఇవన్నీ కలసికట్టుగా స్టాక్ మార్కెట్ నుంచి వలసలు ప్రారంభం కావడానికి కారణమయ్యాయి. వీటన్నింటి కారణంగా మార్కెట్ తీవ్ర స్థాయిలో ఒడిదుడుకులకు లోనవ్వడం, స్టాక్స్ లో భారీగా హెచ్చుతగ్గులు చోటు చేసుకోవడం.. ఇవన్నీ సగటు ఇన్వెస్టర్ కు మార్కెట్ (STOCK MARKET) పై విశ్వాసం సన్నగిల్లేలా చేశాయి. దాంతో, చాలా మంది క్రమంగా, మార్కెట్ కు దూరమవుతున్నారు. 'లాభమో, నష్టమో.. ఉన్న స్టాక్స్ ను అమ్మేసుకుని ప్రశాంతంగా ఉందా’మన్న ఆలోచన మదుపర్లలో ప్రారంభమైంది.</p>

<h3>38 lakhs investors left stock market: 38 లక్షల మంది..</h3><p>గత ఆరు నెలల్లో భారతీయ స్టాక్ మార్కెట్ల (STOCK MARKET) కు కనీసం 38 లక్షల మంది ఇన్వెస్టర్లు దూరమయ్యారని సెబీ రిజిస్టర్డ్ అనలిస్ట్ ఆశిష్ బహెతీ (Ashish Bahety) వెల్లడించారు. ఎన్ఎస్ఈ (NSE) డేటా ఆధారంగా ఆయన ఆ వివరాలను నివేదించారు. ‘లాక్ డౌన్ (lockdown) సమయంలో మార్కెట్లోకి వెల్లువలా వచ్చినవారు ఇప్పుడు స్టాక్ మార్కెట్ (STOCK MARKET) అసలు రూపాన్ని చూస్తున్నారు’ అని ఆయన వ్యాఖ్యానించారు. తమ వద్ద కొత్తగా ట్రేడింగ్ ఖాతాలను ఓపెన్ చేసేవారి సంఖ్య 50% తగ్గిపోయిందని జిరోధా (Zerodha) ఫౌండర్ సీఈఓ నితిన్ కామత్ వెల్లడించారు. ఈ సంవత్సరం జనవరి నుంచి ఈ ట్రెండ్ మరింత పెరిగిందన్నారు. ఎన్ఎస్ఈ (NSE) డేటా ప్రకారం రోజువారీ ట్రేడింగ్ టర్నోవర్ 2022 నవంబర్ లో రూ. 57,196 కోట్లు కాగా, అది 2022 డిసెంబర్ లో రూ. 52,766 కోట్లకు, 2023 జనవరిలో రూ. 48,601 కోట్లకు తగ్గిపోయింది. అలాగే, బీఎస్ఈ లో సెప్టెంబర్ 2022 లో టోటల్ ఈక్విటీ టర్నోవర్ (total turnover of equity) రూ. 1,18,132.64 కోట్లు కాగా, అది జనవరి 2023 లో రూ. 68,103.37 కోట్లకు తగ్గింది.</p>

<h3>Investors losing hope: విశ్వాసం కోల్పోతున్నారు..</h3><p>ఇన్వెస్టర్లు మార్కెట్ (STOCK MARKET) కు దూరం కావడం, కొత్త మదుపర్లు మార్కెట్లోకి రాకపోవడం, ఉన్న ఇన్వెస్టర్లు కూడా ట్రేడింగ్ కు దూరంగా ఉండడం.. ఇవన్నీ మదుపర్లు మార్కెట్ (stock market) పై విశ్వాసం కోల్పోయారనడానికి స్పష్టమైన ఉదాహరణలని టర్టిల్ వెల్త్ (Turtle Wealth) సీఈఓ రోహన్ మెహతా విశ్లేషించారు. అలాగే, మార్కెట్లో ప్రస్తుతం కొనసాగుతున్న కరెక్షన్ కు నాలుగా కారణాలున్నాయని ఆయన వివరించారు.‘‘ఒకటి, కంపెనీల త్రైమాసిక ఫలితాలు (quarterly results) ఆశించిన స్థాయిలో లేకపోవడం.. రెండోది ఇండియన్ మార్కెట్ కొంతమేరకు ఓవర్ వ్యాల్యూడ్ కావడం.. మూడోది ఆదానీ హిండెన్ బర్గ్ అంశం (Adani Hindenberg row).. నాలుగోది ప్రపంచవ్యాప్తంగానే మాంద్యం నెలకొనడం’’ అని మెహతా విశ్లేషించారు.</p>

New Hyundai Verna Highlights : అదిరిపోయేలా 2023 హ్యుండాయ్ వెర్నా: ధరతో పాటు తెలుసుకోవాల్సిన 5 హైలైట్స్ ఇవే

<p>2023 Hyundai Verna: హ్యుండాయ్ వెర్నా ఆరో జనరేషన్ కారు వచ్చేసింది. అప్‍డేటెడ్ డిజైన్, సరికొత్త ఫీచర్లతో అడుగుపెట్టింది. ఈ 2023 హ్యుండాయ్ వెర్నా హైలైట్స్ ఇవే.</p>

Day Trading Stocks 22nd March: డే ట్రేడర్స్ అలర్ట్.. నేడు ఫోకస్ చేయాల్సిన 6 స్టాక్స్ ఇవే

<p>Day Trading Stocks: డే ట్రేడింగ్ చేసే వారు నేటి సెషన్‍లో గమనించాల్సిన స్టాక్‍లను నిపుణులు సూచించారు. అలాగే నేడు స్టాక్ మార్కెట్లు మొదయ్యే ఛాన్స్ ఉందంటే..</p>

Gold Rate Today: పసిడి ధర మళ్లీ పైకి: నేటి రేట్లు ఇవే

<p>Gold Rate Today: పసిడి ధర మళ్లీ పెరిగింది. వెండి రేటు కూడా అధికమైంది. దేశంలోని వివిధ నగరాల్లో గోల్డ్, వెండి తాజా ధరలు ఎలా ఉన్నాయో ఇక్కడ చూడండి.</p>

Realme C55: ఐ ఫోన్ ఫీచర్ తో రియల్ మి సీ 55; ధర ఎంతో తెలుసా?

<p>Realme C55: రియల్ మి సీ 55 (Realme C55) భారత్ మార్కెట్లో విడుదలైంది. ఐ ఫోన్ లో ఉండే డైనమిక్ ఐలాండ్ ఇంటర్ ఫేస్ (Dynamic Island interface) వంటి మిని క్యాప్సూల్ (Mini Capsule) ఫీచర్ ఈ ఫోన్ లోని స్పెషాలిటీ.&nbsp;</p>

<p>కొరోనా మహమ్మారి ప్రపంచాన్ని అతలాకుతలం చేస్తున్న సమయంలో ప్రపంచవ్యాప్తంగా స్టాక్ మార్కెట్లు కుప్పకూలాయి. ప్రముఖ కంపెనీల షేర్లు కూడా అత్యల్ప స్థాయికి చేరాయి. అదే సమయంలో స్టాక్ మార్కెట్లోకి ‘లాక్ డౌన్ ట్రేడర్స్(Lockdown traders)’ దూసుకువచ్చారు.</p>

quiet quitting: ‘క్వైట్ క్విట్టింగ్.. బేర్ మినిమం మండే’.. ఏంటీ కొత్త  ట్రెండ్స్?

<p>క్వైట్ క్విట్టింగ్ (quiet quitting).. బేర్ మినిమం మండే (Bare Minimum Monday).. ఈ రెండు పదాలు ఈ మధ్య కాలంలో బాగా ట్రెండ్ అవుతున్నాయి. ముఖ్యంగా ఉద్యోగుల పనితీరుపై ఇవి గణనీయ ప్రభావం చూపుతున్నాయి.</p>

<h3>corona effects: కొరోనా తెచ్చిన మార్పులు..</h3><p>కోవిడ్ 10 మహమ్మారి తో ఉద్యోగుల జీవన విధానంలో వచ్చిన మార్పుల ఫలితంగా ఈ ట్రెండ్స్ ప్రారంభమయ్యాయి. మొదట లాక్ డౌన్ (lock down), ఆ తరువాత వర్క్ ఫ్రం హోం (work from home), ఇప్పుడు హైబ్రిడ్ తరహాలో కొన్ని రోజులు వర్క్ ఫ్రం హోం (work from home), కొన్ని రోజులు వర్క్ ఫ్రం ఆఫీస్ (work from office).. ఇలా వివిధ పని విధానాలు ఉద్యోగిపై అదనపు ఒత్తడిని తీసుకువస్తున్నాయి. దాంతో, ఉద్యోగుల వ్యక్తిగత జీవనం, కుటుంబం, ఆరోగ్యంపై తీవ్ర ప్రతికూల ప్రభావం పడుతోంది. ఈ పరిస్థితుల్లో నుంచి క్వైట్ క్విటింగ్ (Quiet Quitting), బేర్ మినిమం మండే (Bare Minimum Monday), గ్రేట్ రిజిగ్నేషన్ (Great Resignation), రేజ్ అప్లైయింగ్ (Rage Applying) వంటి ట్రెండ్స్ పుట్టుకొచ్చాయి.</p>

<h3>Bare Minimum Monday బేర్ మినిమం మండే అంటే..</h3><p>ఇందులో బేర్ మినిమం మండే (Bare Minimum Monday) అంటే, వారాంతం ముగిసిన తరువాత.. సోమవారం ఉద్యోగానికి వెళ్లిన ఎంప్లాయి.. అత్యవసరమైన పనులను మాత్రం పూర్తి చేయడం. అనవసర ఎఫర్ట్స్ పెట్టకుండా, ఒత్తిడికి గురికాకుండా, ఆ రోజు కచ్చితంగా చేయాల్సిన పనులను మాత్రమే ముగించుకుని వెళ్లడాన్ని ‘బేర్ మినిమం మండే’గా (Bare Minimum Monday) పేర్కొంటున్నారు. ఉద్యోగ జీవితంతో పాటు వ్యక్తిగత జీవితానికి కూడా సమ ప్రాధాన్యం ఇవ్వాలన్న ఉద్దేశంతో.. వ్యక్తిగత జీవితాన్ని త్యాగం చేసి, ఉద్యోగ జీవితంలో అదనపు ఎఫర్ట్స్ పెట్టాల్సిన అవసరం లేదన్న ఉద్దేశంతో.. ఈ ట్రెండ్ ప్రారంభమైంది. బేర్ మినిమం మండే (Bare Minimum Monday) విధానంలో.. ఉద్యోగి సోమవారం రోజు విధులకు లేట్ గా రావడం, అత్యవసరమైన విధులను మాత్రం చేయడం, త్వరగా వెళ్లిపోవడం జరుగుతుంది. ఈ బేర్ మినిమం మండే (Bare Minimum Monday) పదాన్ని టిక్ టాకర్ మారిసా జో (Marisa Jo) కాయిన్ చేశారు. దీనికి సంబంధించి ఒక వీడియోను కూడా ఆమె అప్ లోడ్ చేశారు.</p>

<h3>quiet quitting: క్వైట్ క్విట్టింగ్ అంటే..</h3><p>క్వైట్ క్విటింగ్ (quiet quitting) కూడా దాదాపు బేర్ మినిమం మండే లాంటిదే. నిజానికి బేర్ మినిమం మండే కన్నా ముందు తెరపైకి వచ్చిన ట్రెండ్ క్వైట్ క్విటింగ్ (quiet quitting). ఈ విధానంలో కూడా ఉద్యోగులు తన ఉద్యోగానికి సంబంధించిన విధులను మాత్రమే పూర్తి చేస్తారు. అదనపు ఎఫర్ట్స్ ను, అదనపు ఒత్తిడిని తీసుకోరు. ఎక్కువ సమయం, ఎక్కువ ఎఫర్ట్, అత్యుత్సాహం చూపకుండా.. జాబ్ కు అవసరమైనంత మాత్రమే పని చేస్తారు. దీనివల్ల తమ పని తాము ఎక్కువ ఎఫర్ట్, ఎక్కువ ఒత్తిడి లేకుండా పూర్తి చేస్తారు. అంటే, తమ ప్రాథమిక విధులను మాత్రం పూర్తి చేస్తారు. క్వైట్ క్విటింగ్ (quiet quitting) ఉద్యోగుల తీరు ఎలా ఉంటుందో ఒక్కమాటలో చెప్పాలంటే.. ‘‘నా పనేదో నేను చేసుకుంటా.. నా జీతమేదో నేను తీసుకుంటా’’ తరహా లో ఉంటుంది. యూఎస్ లో ఇది 2022 లో బాగా ట్రెండ్ అయింది. అమెరికా ఉద్యోగుల్లో దాదాపు సగం మంది క్వైట్ క్విటర్సేనని (quiet quitters) 2022 లో చేసిన ఒక సర్వే లో తేలడం విశేషం. అయితే, ఇది వర్క్ డిస్ సాటిస్ఫాక్షన్ (work dissatisfaction) కు మరో పేరనే వాదన కూడా ఉంది. క్వైట్ క్విటింగ్ (quiet quitting) అనే పదాన్ని బ్రయాన్ క్రీలీ అనే కార్పొరేట్ రిక్రూటర్ తొలి సారి వాడారు.</p>

Earthquake: ఢిల్లీ సహా ఉత్తర భారతాన్ని వణికించిన భూప్రకంపనలు.. అఫ్గాన్‍లో భూకంపం: 9 మంది మృతి!

<p>Earthquake: ఢిల్లీతో పాటు ఉత్తర భారత దేశంలోని కొన్ని ప్రాంతాల్లో భూమి విపరీతంగా కంపించింది. దీంతో ప్రజలు భవనాల నుంచి పరుగుపరుగున బయటికి వచ్చారు. అఫ్గానిస్థాన్‍లో భూకంపం సంభవించటంతో భారత్‍లో భూమి కంపించింది.</p>

Threat calls to Gadkari: 10 కోట్లు ఇవ్వకుంటే చంపేస్తా; గడ్కరీకి బెదిరింపు

<p>Threat calls to Gadkari: బీజేపీ సీనియర్ నేత, కేంద్రమంత్రి నితిన్ గడ్కరీ (Nitin Gadkari) కి బెదిరింపు కాల్స్ వచ్చాయి. దాంతో, నాగపూర్ లోని ఆయన ఇల్లు, కార్యాలయాల వద్ద సెక్యూరిటీని మరింత కట్టుదిట్టం చేశారు.</p>

China, Russia on Ukraine war: ఉక్రెయిన్ యుద్ధం విషయంలో చైనా, రష్యా భాయి.. భాయి..

<p>China, Russia on Ukraine war: చైనా అధ్యక్షుడు షీ జిన్ పింగ్ (China President Xi Jinping) రష్యాలో పర్యటిస్తున్నారు. ఉక్రెయిన్, రష్యా యుద్ధం నేపథ్యంలో ఈ పర్యటనకు ప్రాధాన్యత పెరిగింది.</p>

Amritpal Singh manhunt: అమృత్ పాల్ సింగ్ దేశం విడిచి పారిపోయాడా?

<p>Amritpal Singh manhunt: ‘వారిస్ పంజాబ్ దే’(Waris Punjab de) చీఫ్, ఖలిస్తానీ అనుకూల నేత అమృత్ పాల్ సింగ్ (Amritpal Singh) కోసం పంజాబ్ పోలీసుల వేట కొనసాగుతోంది. ఆయన దేశం విడిచి వెళ్లాడన్న వార్తల నేపథ్యంలో ఆయన అనుయాయుల అరెస్ట్ ల పర్వం కూడా కొనసాగుతోంది.</p>

<p>క్వైట్ క్విట్టింగ్ (quiet quitting).. బేర్ మినిమం మండే (Bare Minimum Monday).. ఈ మధ్య కాలంలో ఉద్యోగుల్లో బాగా ట్రెండ్ అవుతున్న పదాలివి. ఇంతకీ ఈ పదాల అర్థం ఏంటి?.. ఎందుకింతగా ట్రెండ్ అవుతున్నాయి?&nbsp;</p>

Is Covishield safe? ‘కొవిషీల్డ్’తో సైడ్ ఎఫెక్ట్స్ నిజమేనా? వైద్య వర్గాల్లో చర్చ

<p>Is Covishield safe?: కొవిషీల్డ్ (Covishield) సహా కొరొనా టీకాలన్నింటినీ మరోసారి సంపూర్ణంగా పరీక్షించాలన్న డిమాండ్ రోజురోజుకీ పెరుగుతోంది. డాక్టర్ అసీమ్ మల్హోత్రా అనే బ్రిటిష్ ఇండియన్ డాక్టర్ ఈ కొవిషీల్డ్ (Covishield) టీకా వల్ల గుండె పోటు, రక్తం గడ్డకట్టడం వంటి దుష్ప్రభావాలు వస్తున్నాయని, దీనివల్ల ఆకస్మిక మరణాలు సంభవిస్తున్నాయని హెచ్చరించారు. డాక్టర్ మల్హోత్రా వ్యాఖ్యలపై వైద్య వర్గాల్లో పెద్ద ఎత్తున చర్చ ప్రారంభమైంది. కొందరు డాక్టర్ మల్హోత్రా వాదనను సమర్ధిస్తుండగా, మరికొందరు విమర్శిస్తున్నారు. </p>

<h3>Is Covishield safe?: గుండె పోటు, రక్తం గడ్డకట్టడం..</h3><p>కొవిషీల్డ్ (Covishield) కు మళ్లీ ఫుల్ సేఫ్టీ రివ్యూ అవసరమని డాక్టర్ మల్హోత్రా స్పష్టం చేశారు. కొవిషీల్డ్ (Covishield) వల్ల హార్ట్ ఎటాక్, స్ట్రోక్ వంటి సైడ్ ఎఫెక్ట్స్ (side effects) కనిపిస్తున్నాయని పేర్కొంటూ చాలామంది వైద్యులు ఇప్పడు డాక్టర్ మల్హోత్రా వాదనను సమర్ధిస్తున్నారు. మరి కొందరు వైద్యులు మాత్రం.. కొరొనా (corona) విజృంభిస్తున్న సమయంలో కొవిషీల్డ్ (Covishield) సహా పలు వ్యాక్సిన్ (corona vaccines) లు లక్షలాది ప్రాణాలను కాపాడాయని వాదిస్తున్నారు. ఇప్పుడు కొందరు వ్యాక్సిన్ తో సైడ్ ఎఫెక్ట్స్ (side effects) అంటూ తప్పుడు వార్తలను ప్రచారం చేస్తున్నారని విమర్శిస్తున్నారు.</p>

<h3>mRNA COVID-19:  ఎంఆర్ఎన్ఏ కోవిడ్ 19 వ్యాక్సిన్</h3><p>ఎంఆర్ఎన్ఏ (mRNA COVID-19) ఆధారిత కోవిడ్ 19 (covid 19) వ్యాక్సిన్ లను వినియోగించడం తక్షణమే ఆపేయాలని, కోవిషీల్డ్ (Covishield) తో పాటు ఆక్స్ ఫర్డ్ఆస్ట్రా జెనికా (Oxford-AstraZeneca) కూడా ప్రమాదకరమేనని డాక్టర్ మల్హోత్రా హెచ్చరించారు. ఆక్స్ ఫర్డ్ఆస్ట్రా జెనికా (Oxford-AstraZeneca) తో కూడా గుండె జబ్బులు, స్ట్రోక్స్ (side effects) వస్తాయని హెచ్చరిస్తున్నారు.  ప్రపంచ ఆరోగ్య సంస్థ కూడా ఈ రెండు టీకాలకు (corona vaccines) ప్రపంచవ్యాప్త అత్యవసర వినియోగానికి అనుమతులను ఇచ్చిన విషయం తెలిసిందే. </p>

<h3>Covishield risks: డబుల్ రిస్క్</h3><p>కొవిషీల్డ్ (Covishield) తో రెండింత ముప్పు ఉందని పుణెలోని డీవై పాటిల్ మెడికల్ కాలేజీ (DY Patil Medical College) ప్రిన్స్ పాల్ డాక్టర్ అమితవ్ బెనర్జీ (Dr Amitav Banerjee) హెచ్చరించారు. రక్తం గడ్డకట్టే (blood clots) ముప్పు ఉన్నందువల్ల చాలా యూరోపియన్ దేశాలు ఈ కొవిషీల్డ్ (Covishield) ను వినియోగించకూడదని నిర్ణయించిన విషయాన్ని ఆయన గుర్తు చేశారు. ‘ఎంఆర్ఎన్ఏ (mRNA) వ్యాక్సిన్లతో మయొకార్డైటిస్ (myocarditis) సమస్య వస్తుంది. Covishield లోని డీఎన్ఏ మన శరీరంలోకి చేరిన తరువాత mRNA గా మారుతుంది’ అని ఆయన వివరించారు. కోవిడ్ 19 (covid 19) వ్యాక్సినేషన్ తరువాత ఆకస్మిక మరణాల సంఖ్య ప్రపంచవ్యాప్తంగా పెరిగిన విషయాన్ని గుర్తించాల్సిన అవసరం ఉందన్నారు. ’తక్షణమే మనం కోవిడ్ 19 (covid 19) వ్యాక్సినేషన్ ను ఆపేయాలి. మళ్లీ అన్ని టీకాలకు ఫుల్ సేఫ్టీ రివ్యూ నిర్వహించాలి’ అని ఆయన సూచించారు. ఎయిమ్స్ (AIIMS) ప్రొఫెసర్ డాక్టర్ సంజయ్ కే రాయ్ కూడా దాదాపు ఇలాంటి అభిప్రాయాన్నే వ్యక్తం చేశారు. </p>

<h3>Vaccines are safe: లక్షలాది ప్రాణాలు నిలిచాయి..</h3><p>మరోవైపు, కొరోనా (corona) వ్యాక్సిన్ల పై దుష్ప్రచారం జరుగుతోందని, ఈ వ్యాక్సిన్ ల వల్ల సైడ్ ఎఫెక్ట్స్ (side effects) చాలా, చాలా అరుదని మరి కొందరు వైద్యులు వాదిస్తున్నారు. కోవిడ్ 19 వ్యాక్సిన్ల వల్ల ఒనగూరిన ప్రయోజనాలతో పోలిస్తే, సైడ్ ఎఫెక్ట్స్ (side effects) అంశం చాలా చిన్నదని, కోవిడ్ 19 (covid 19) టీకాల వల్ల లక్షలాది ప్రాణాలు నిలిచాయని ఇంపీరియల్ కాలేజ్, లండన్ (Imperial College London) లో ఎక్స్పెరిమెంటల్ మెడిసిన్ (experimental medicine) డాక్టర్ పీటర్ ఓపెన్ షా (professor Peter Openshaw) వ్యాఖ్యానించారు. కోవిడ్ 19 (covid 19) నుంచి రక్షణ పొందడానికి టీకాలను మించిన మార్గం లేదని, ఇప్పటికే లక్షలాది ప్రాణాలు ఈ వ్యాక్సిన్ ల వల్ల నిలిచాయని యూకే మెడిసిన్స్ అండ్ హెల్త్ కేర్ ప్రొడక్ట్స్ రెగ్యులేటరీ ఏజెన్సీ చీఫ్ సేఫ్టీ ఆఫీసర్ (UK's Medicines and Healthcare products Regulatory Agency) ఆలిసన్ కేవ్ (Alison Cave) వ్యాఖ్యానించారు. టీకాల వల్ల covid 19 మరణాల సంఖ్య తగ్గడంతో పాటు వ్యాధి తీవ్రత గణనీయంగా తగ్గిందని  బ్రిటిష్ హార్ట్ ఫౌండేషన్ పేర్కొంది.</p>

<blockquote class="twitter-tweet"><p lang="en" dir="ltr">I did a rapid response interview on the BBC news channel this morning to say that vaccine side effects very, very rare in comparison with the preventable risks of COVID-19. The staff seemed alarmed and embarrassed that they had given him the a platform.</p>&mdash; Peter Openshaw (@p_openshaw) <a href="https://twitter.com/p_openshaw/status/1613881402629525504?ref_src=twsrc%5Etfw">January 13, 2023</a></blockquote> <script async src="https://platform.twitter.com/widgets.js" charset="utf-8"></script>

<p>Is Covishield safe?: కొరోనా (corona) మహమ్మారి ని ఎదుర్కొనేందుకు ముందుగా వచ్చిన టీకాల్లో కొవి షీల్డ్ ఒకటి. ఇండియాలో మెజారిటీ ప్రజలు ఈ టీకానే వేసుకున్నారు. అయితే, తాజాగా ఈ వ్యాక్సిన్ సైడ్ ఎఫెక్ట్స్ పై చర్చ ప్రారంభమైంది.</p>

Employees in layoff danger: ‘లే ఆఫ్’ టైమ్ లో ఏ ఉద్యోగులకు ఎక్కువ రిస్కో తెలుసా?

<p>ఆమెజాన్, ఫేస్బుక్, ట్విటర్, మెటా, ఆల్ఫాబెట్, మైక్రోసాఫ్ట్, విప్రో, సేల్స్ ఫోర్స్, ఎస్ఏపీ ..ఇలా అన్ని ప్రముఖ టెక్, సాఫ్ట్వేర్, ఈ కామర్స్ సంస్థలు వేల సంఖ్యలో ఉద్యోగులకు ఉద్వాసన (<a target="_blank" href="https://telugu.hindustantimes.com/business/german-software-firm-sap-to-cut-3-000-jobs-explore-qualtrics-stake-sale-121674723825672.html">lay off</a>s) పలుకుతున్నాయి. అయితే, ఈ లే ఆఫ్ (lay offs) సీజన్ లో ఏ తరహా ఉద్యోగులు ఎక్కువ డేంజర్లో ఉన్నారో మైక్రోసాఫ్ట్ హెచ్ ఆర్ మాజీ వైస్ ప్రెసిడెంట్ (Former HR VP of <a target="_blank" href="https://telugu.hindustantimes.com/national-international/man-fired-from-microsoft-after-working-for-21-years-shares-bittersweet-post-121674308736676.html">Microsoft</a>) క్రిస్ విలియమ్స్ వివరిస్తున్నారు.</p>

<h3>High risk divisions in lay off season: ఈ మూడు విభాగాలు రిస్కీ</h3><p>మైక్రోసాఫ్ట్ హెచ్ ఆర్ మాజీ వైస్ ప్రెసిడెంట్ (Former HR VP of Microsoft) క్రిస్ విలియమ్స్ తెలిపిన వివరాల ప్రకారం.. మూడు తరహాల ఉద్యోగ విధుల్లో ఉన్నవారు ప్రధానంగా ఇలాంటి లే ఆఫ్ (lay offs) సీజన్లలో మొదట ఉద్యోగాలు కోల్పోతారు. ఈవెంట్ ప్లానింగ్ టీమ్ (event planning team) ల్లో ఉన్న ఉద్యోగులు, న్యూ ఇనిషియేటివ్స్ టీమ్స్ (new initiatives team) లో ఉన్న ఉద్యోగులు, కంపెనీ కాంట్రాక్ట్ ఉద్యోగులు (contract workers) మొదట ఉద్యోగాలు కోల్పోతారు (lay offs).</p>

<h3>contract workers: మొదటి వేటు కాంట్రాక్ట్ ఉద్యోగులపై</h3><p>వీరిలో కూడా ఎక్కువ రిస్క్ కాంట్రాక్ట్ ఉద్యోగులకే (contract workers). సంస్థలు లే ఆఫ్స్ (lay offs) గురించి ఆలోచించినప్పుడు మొదటి వేటు పడేది కాంట్రాక్ట్ ఉద్యోగుల (contract workers) పైననే. మొదట వారిని తొలగించడానికే సంస్థలు ప్రయత్నిస్తాయి. ఇలా అవసరమైనప్పుడు తొలగించే అవకాశం ఉన్నందువల్లనే కంపెనీలు కాంట్రాక్ట్ ఉద్యోగులను (contract workers) హైర్ చేసుకుంటాయి.</p>

<h3>risky categories: తరువాతి విభాగాలు ఇవే..</h3><p>ఆ తరువాత ఈవెంట్ ప్లానింగ్ (event planning), న్యూ ఇనిషియేటివ్స్ (new initiatives team) విభాగాల ఉద్యోగులపై వేటుకు (lay offs) అవకాశముంది. ఆదాయం, లాభాలు తగ్గి, పొదుపు చర్యలు ప్రారంభించాలని సంస్థలు నిర్ణయించుకున్నప్పుడు.. కాంట్రాక్ట్ ఉద్యోగుల తరువాత ఈవెంట్ ప్లానింగ్ (event planning), న్యూ ఇనిషియేటివ్స్ (new initiatives team) విభాగాల ఉద్యోగులను తొలగించడానికి (lay offs) కంపెనీలు ప్రయత్నిస్తాయి. లగ్జరీ కార్యకలాపాల ఖర్చును తగ్గించడం కోసం ఈ నిర్ణయం తీసుకుంటాయి.</p>

<h3>Safe category employees in Lay off season: ఈ ఉద్యోగులు సేఫ్</h3><p>సంస్థ లాభాలను ఆర్జిస్తున్న (profit making) విభాగాల్లో ఉన్న ఉద్యోగులు సాధారణంగా సేఫ్ (Safe category employees) అని భావించవచ్చు. లాభాలు ఆర్జిస్తున్న (profit making) కార్యకలాపాల విషయంలో మేనేజ్ మెంట్లు సాధారణంగా జోక్యం చేసుకోవు. అలాగే, మానవ వనరులు (human resources), ఫైనాన్స్ (finance) విభాగాల వారిపై కూడా లే ఆఫ్ ప్రభావం పెద్దగా ఉండదు. ఎందుకంటే, ఈ ఫైరింగ్ ప్రాసెస్ లో హెచ్ఆర్ (human resources), ఫైనాన్స్ (finance) విభాగాలది కీలక పాత్ర.</p>

<p>&nbsp;అన్ని అంతర్జాతీయ కంపెనీల్లో లే ఆఫ్స్ (lay offs) సీజన్ నడుస్తోంది. అన్ని మేజర్ టెక్ కంపెనీలు వేల సంఖ్యలో ఉద్యోగులకు ఉద్వాసన (lay offs) పలుకుతున్నాయి. ఈ లే ఆఫ్స్ (lay offs) లో ఏ ఉద్యోగులు ఎక్కువ రిస్క్ లో ఉన్నారో తెలుసా?</p>

Different types of US visas: అమెరికా వెళ్లడానికి ఎన్ని రకాల వీసాలున్నాయో తెలుసా?

<p>US visa: తమ దేశం వచ్చేవారికి అమెరికా పలు రకాల వీసా (<a target="_blank" href="https://telugu.hindustantimes.com/national-international/applying-for-h1b-visa-2023-is-the-worst-year-for-lottery-expert-explains-the-reason-121673162919491.html">visa</a>) లను అందిస్తుంటుంది. వాటిలో పర్యాటకులకు ఇచ్చే బీ 2(B-2) <a target="_blank" href="https://telugu.hindustantimes.com/national-international/state-processed-record-student-visas-this-year-us-consul-general-mike-hankey-121671638044694.html">వీసా</a> నుంచి విద్యార్థులకు ఇచ్చే ఎఫ్ 1 (F-1) వరకు, నిపుణలైన ఉద్యోగులకు ఇచ్చే హెచ్ 1 బీ (H-1B) నుంచి ఆర్టిస్టులకు ఇచ్చే ఓ 1(O-1) వరకు వివిధ కేటగిరీలున్నాయి.</p>

<h3>US tourist visa: టూరిస్ట్ వీసా B-2</h3><p>అమెరికా పర్యటించే వారికి ఆ దేశం బీ2 (B-2) వీసా ఇస్తుంది. వైద్యం, విహారం, వినోదం కోసం <a target="_blank" href="https://telugu.hindustantimes.com/national-international/h1b-other-us-visa-fees-may-see-massive-hike-what-a-new-proposal-says-report-121673108810415.html">అమెరికా</a> వెళ్లే వారికి ఆ వీసా లభిస్తుంది. బీ 2(B-2) వీసా పొందాలంటే మీరు అమెరికాలో కొద్ది రోజులే ఉండబోతున్నారని, మీ ట్రిప్ పూర్తి చేయడానికి అవసరమైన డబ్బులు మీ దగ్గర ఉన్నాయని, యూఎస్ లో హోటల్ రిజర్వేషన్ ఉందని, తిరుగుప్రయాణ టికెట్లు తీసుకున్నారని నిర్ధారించాల్సి ఉంటుంది. ఇది సాధారణంగా 6 నెలల వ్యాలిడిటీతో ఇస్తారు. అవసరమైతే, మరో ఆరు  నెలలు పొడగిస్తారు.</p>

<h3>US student visa: స్టుడెంట్ వీసా F-1</h3><p>అమెరికాలోని విద్యా సంస్థల్లో చదువుకోవడానికి వెళ్లాలనుకునే వారికి ఈ వీసా(F-1) ను ఇస్తారు. ఈ వీసాను పొందడానికి ముందుగా, మీకు అమెరికాలోని విద్యా సంస్థల్లో అడ్మిషన్ లభించి ఉండాలి. అందుకుగానూ, సంబంధిత విద్యా సంస్థ నుంచి అందిన ఐ 20 (I-20) మీ వద్ద సిద్ధంగా ఉండాలి. కోర్సు పూర్తి చేయడానికి, కోర్సు పూర్తయ్యే వరకు యూఎస్ లో ఉండడానికి అవసరమైన డబ్బులు సిద్ధంగా ఉన్నట్లు చూపించాలి. ఈ వీసా (F-1) కాలపరిమితి సాధారణంగా కోర్సు ఎన్ని సంవత్సరాలు ఉంటుందో, అన్ని సంవత్సరాలు ఉంటుంది. ఆ తరువాత, తిరిగి రావడానికి అవసరమైన ఏర్పాటు చేసుకోవడానికి మరో రెండు నెలల సమయం ఇస్తారు. </p>

<h3>US temporary work visa: నిపుణులైన ఉద్యోగులకు ఇచ్చే వీసా H-1B</h3><p>ఇది టెంపరరీ వర్క్ వీసా. ఇంజినీరింగ్, సైన్స్, కంప్యూటర్ ప్రొగ్రామింగ్ తదితర వివిధ నైపుణ్యాలున్న ఉద్యోగులు అమెరికాలో జాబ్ చేయడం కోసం ఈ వీసా (H-1B) అవసరం. ఈ వీసా పొందాలంటే అమెరికాలోని కంపెనీ నుంచి జాబ్ ఆఫర్ ఉండాలి. మీరు జాబ్ చేసే ఫీల్డ్ లో కనీసం బ్యాచిలర్ డిగ్రీ ఉండాలి. 3 సంవత్సరాల కాలపరిమితితో ఈ వీసా (H-1B) ఇస్తారు. అవసరమైతే, మరో మూడేళ్లు పొడగిస్తారు.</p>

<h3>US temporary work visa: ట్రాన్స్ ఫర్ అయిన ఉద్యోగులకు ఇచ్చే వీసా L-1</h3><p>ఇది కూడా తాత్కాలిక వర్క్ వీసానే. విదేశాల్లోని తమ కంపెనీ బ్రాంచ్ లేదా తమ అఫిలియేటెడ్ కంపెనీ నుంచి అమెరికాలోని బ్రాంచ్ లేదా మెయిన్ ఆఫీస్ కు బదిలీ అయిన ఉద్యోగులకు ఇచ్చే వీసా (L-1) ఇది. ఈ వీసా పొందాలంటే సంబంధిత కంపెనీలో కనీసం ఒక సంవత్సరం జాబ్ చేసి ఉండాలి. అలాగే, ఆ కంపెనీ నుంచి మేనేజీరియల్ లేదా ఎగ్జిక్యూటివ్ హోదాలో అమెరికాలో జాబ్ చేయడానికి రావాలి. ఈ వీసా (L-1) కాల పరిమితి మేనేజీరియల్ లేదా ఎగ్జిక్యూటివ్ హోదా సాధారణంగా ఏడేళ్లు, నిపుణులైన ఇతర ఉద్యోగులకు ఐదేళ్లు ఉంటుంది.</p>

<h3>US Business visa: వ్యాపారవేత్తలకు ఇచ్చే వీసా E-2</h3><p>వ్యాపార వేత్తలకు, అంట్రాప్రన్యూర్స్(ఔత్సాహిక పారిశ్రామిక వేత్తలకు) ఈ E-2 వీసా ఇస్తారు. అమెరికాలో బిజినెస్ లలో పెట్టుబడులు పెట్టేవారికి, ఇప్పటికే పెట్టుబడి పెట్టిన సంస్థలను నిర్వహించడానికి వచ్చే వారికి ఈ E-2 వీసా ఇస్తారు. యూఎస్ లోని వ్యాపారాల్లో గణనీయమైన పెట్టుబడి పెట్టినవారికి లేదా అమెరికాతో వ్యాపార సంబంధ ఒప్పందాలు కుదుర్చుకున్న దేశాల వారికి ఈ E-2 వీసా ఇస్తారు. ఈ E-2 వీసాను మొదట ఐదేళ్ల కాల పరిమితితో ఇస్తారు. ఆ తరువాత యూఎస్ లో వ్యాపారం కొనసాగిస్తున్నంత కాలం వీసా కాల పరిమితిని పొడగించుకోవచ్చు. </p>

<h3>US Exchange program visa: ఎక్స్ చేంజ్ ప్రొగ్రామ్ కోసం J-1 వీసా</h3><p>ఇది ఎక్స్ చేంజ్ విజిట్ వీసా. అమెరికా తో ఎక్స్ చేంజ్ ప్రొగ్రామ్ లో భాగంగా వస్తున్నవారికి  జే 1 (J-1) వీసా ఇస్తారు. అలాగే, ఆర్ట్స్, సైన్స్, అథ్లెటిక్స్ లో అసాధారణ ప్రతిభ ఉన్నవారికి O-1 వీసాను, ఎంటర్ టైన్ మెంట్ ప్రొగ్రామ్స్ లో, క్రీడా కార్యక్రమాల్లో పాల్గొనడానికి యూఎస్ వస్తున్నవారికి P-1 వీసాను అందిస్తారు.</p>

<p>US visa: అమెరికా వెళ్లాలనుకుంటున్నారా? అక్కడికి వెళ్లడానికి ఎన్ని వీసా (visa) కేటగిరీలున్నాయో తెలుసా? మీ ప్రయాణ అవసరాన్ని బట్టి వీసా కేటగిరీలు మారుతుంటాయి.</p>

SC judge who opposed demonetisation:‘నోట్ల రద్దు’ను తప్పుబట్టిన ఏకైక న్యాయమూర్తి

<p>SC judge who opposed demonetisation: రాజ్యాంగ ధర్మాసనంలోని ఐదుగురు న్యాయమూర్తుల్లో నలుగురు <a target="_blank" href="https://telugu.hindustantimes.com/national-international/wont-go-into-whether-note-ban-objectives-were-met-supreme-court-121669386848645.html">నోట్ల రద్దు</a> (note ban) నిర్ణయాన్ని సమర్దించారు. ఒక్కరు మాత్రం వ్యతిరేకించారు. నోట్ల రద్దు నిర్ణయం, అమలు.. రెండూ చట్ట ప్రకారం జరగలేదని తేల్చి చెప్పారు. ఆ న్యాయమూర్తే జస్టిస్ బీవీ నాగరత్న (Justice BV Nagarathna). 4-1 మెజారిటీతో నోట్ల రద్దు(demonetisation) నిర్ణయం సరైనదేనని <a target="_blank" href="https://telugu.hindustantimes.com/national-international/supreme-court-upholds-the-decision-of-the-central-government-taken-in-2016-to-demonetise-121672638170945.html">సుప్రీంకోర్టు</a> రాజ్యాంగ ధర్మాసనం తీర్పునిచ్చింది.</p>

<h3>SC judge who opposed demonetisation: ఉద్దేశం మంచిదే కావచ్చు..</h3><p>నోట్ల రద్దు (demonetisation) నిర్ణయాన్ని తప్పుబడుతూ 124 పేజీల తీర్పును జస్టిస్ బీవీ నాగరత్న(Justice BV Nagarathna) వెలువరించారు. అందులో కొన్ని కీలక అంశాలను ఆమె స్పృశించారు. నోట్ల రద్దు నిర్ణయం వెనుక కేంద్ర ప్రభుత్వ ఉద్దేశం మంచిదే కావచ్చు, కానీ, ఆ నిర్ణయాన్ని అమలు చేసిన తీరు చట్టవిరుద్ధంగా ఉందని ఆమె (Justice BV Nagarathna) స్పష్టం చేశారు. ‘‘నల్లధనం నుంచి సమాజాన్ని, ఆర్థిక వ్యవస్థను ప్రక్షాళన చేయాలనుకునే సదుద్దేశంతోనే నోట్ల రద్దు(demonetisation) నిర్ణయం తీసుకుని ఉండవచ్చు. కానీ, ఆ నిర్ణయాన్ని కేంద్రం అమలు చేసిన తీరు చట్టవిరుద్ధంగా ఉంది’’ అని జస్టిస్ నాగరత్న (Justice BV Nagarathna) తేల్చి చెప్పారు.</p>

<h3>SC judge who opposed demonetisation: పార్లమెంటు పాత్ర..</h3><p>నోట్ల రద్దు (demonetisation) నిర్ణయంలో పార్లమెంటుకు కూడా భాగస్వామ్యం కల్పించి ఉండే బావుండేదని జస్టిస్ నాగరత్న (Justice BV Nagarathna) అభిప్రాయపడ్డారు. ‘‘పార్లమెంట్లో లోతైన, అర్థవంతమైన చర్చ అనంతరమే ప్రభుత్వం చట్టాలు చేయాలి. అలాగే, సున్నితమైన, కీలకమైన నోట్ల రద్దు (demonetisation) వంటి నిర్ణయాన్ని కూడా పార్లమెంట్లో చర్చ జరిపి తీసుకోవాలి. రూ. 500, రూ. 1000 నోట్ల రద్దు సామాన్యమైన నిర్ణయం కాదు. చెలామణిలో ఉన్న కరెన్సీలో 86% కరెన్సీని రద్దు చేస్తూ తీసుకుంటున్న నిర్ణయం. అలాంటి తీవ్రమైన నిర్ణయాన్ని కేవలం ఒక కార్యనిర్వాహక ఉత్తర్వు ద్వారా తీసుకోవడం సరికాదు. పార్లమెంట్లో ఈ అంశాన్ని చర్చకు పెట్టి, లోతైన, అర్థవంతమైన చర్చ అనంతరం నిర్ణయం తీసుకుని ఉంటే ఆ నిర్ణయానికి చట్టబద్ధత లభించేది’’ అని జస్టిస్ నాగరత్న (Justice BV Nagarathna) పేర్కొన్నారు. ‘నోట్ల రద్దు (demonetisation) నిర్ణయాన్ని తీసుకునే అధికారం కేంద్రానికి ఉండొచ్చు, కానీ ఈ ప్రక్రియలో ప్రజాస్వామ్యానికి మూల స్థంభమైన పార్లమెంటును కూడా భాగం చేసి ఉంటే బావుండేది’ అన్నారు.</p>

<h3>SC judge who opposed demonetisation: ఆర్బీఐ చట్టంలోని 26(2) సెక్షన్ లో ఏముంది?</h3><p>కేంద్ర ప్రభుత్వం 2016, నవంబర్ 8న ఒక ఎగ్జిక్యూటివ్ నోటిఫికేషన్ ద్వారా నోట్ల రద్దు (demonetisation) నిర్ణయం తీసుకుంది. ఆర్బీఐ చట్టం(RBI Act)లోని సెక్షన్ 26(2) ప్రకారం ఈ నోటిఫికేషన్ ను కేంద్రం జారీ చేసింది. అయితే, ఈ సెక్షన్ ప్రకారం కూడా కేంద్రం సరిగ్గా వ్యవహరించలేదని జస్టిస్ నాగరత్న (Justice BV Nagarathna) పేర్కొన్నారు. ‘‘ఆర్బీఐ చట్టం(RBI Act)లోని సెక్షన్ 26(2) (Section 26(2)) ప్రకారం.. ఏదైనా కరెన్సీలో ఒక సిరీస్ కానీ, కొన్ని సిరీస్ లవి కానీ నోట్లను రద్దు చేయాలని రిజర్వ్ బ్యాంక్ ఆఫ్ ఇండియా(RB) కేంద్రప్రభుత్వానికి ప్రతిపాదన పంపిస్తుంది. ఆ ప్రతిపాదనను పరిశీలించిన మీదట, కేంద్రం ఆ సిఫారసును అనుమతిస్తూ, నోటిఫికేషన్ ను జారీ చేస్తుంది. అంతేకానీ, గంపగుత్తగా, మొత్తం రూ. 500, రూ. 1000 నోట్లను రద్దు చేయాలని  (demonetisation) నోటిఫికేషన్ జారీ చేయడం చట్ట విరుద్ధం’’ అని జస్టిస్ నాగరత్న వివరించారు.</p>

<p>SC judge who opposed demonetisation: సహచర న్యాయమూర్తులు సమర్దించినప్పటికీ.. నోట్ల రద్దు నిర్ణయం తప్పు అని భిన్నాభిప్రాయం వ్యక్తం చేసిన న్యాయమూర్తి జస్టిస్ బీవీ నాగరత్న. నోట్ల రద్దు అమలు చట్ట ప్రకారం జరగలేదని ఆమె విస్పష్టంగా తన తీర్పులో ప్రకటించారు.&nbsp;</p>

Comet C/2022 E3 ZTF: మళ్లీ అనుకోని అతిథి పలకరించబోతోంది.. సిద్ధం కండి

<p>Comet C/2022 E3 ZTF: మరి కొన్ని రోజుల్లో అనుకోని అతిథి మనలను పలకరించబోతోంది. ఎన్నో రహస్యాలను తనతో పాటు తీసుకువస్తోంది. ఆ అతిథి కోసం చాలామంది ఎంతో ఉత్సాహంతో ఎదురు చూస్తున్నారు. </p>

<h3>After 50K years: 50 వేల సంవత్సరాల తరువాత..</h3><p>ఈ అతిధి మనల్ని పలుకరిస్తోంది దాదాపు 50 వేల సంవత్సరాల తరువాత. అప్పుడు వచ్చినప్పుడు భూమిపై కొత్త రాతి యుగం నడుస్తోంది. నియాండర్తల్స్ భూమిపై నడయాడుతున్నారు. ఆధునిక సాంకేతిక యుగం నడుస్తున్న సమయంలో, రోబోలు భూమిపై నడయాడుతున్న సమయంలో ఇప్పుడు మళ్లీ వస్తోంది. </p>

<h3>Comet C/2022 E3 ZTF: తోకచుక్క సీ 2022 ఈ3(జడ్ టీ ఎఫ్) </h3><p>భూమిని ఇప్పుడు పలకరించబోతోంది సీ 2022 ఈ3(జడ్ టీ ఎఫ్) (Comet C/2022 E3 ZTF) అనే తోకచుక్క (comet). దీని పరిభ్రమణ కాలం సుమారు 50 వేల సంవత్సరాలు. సౌర వ్యవస్థలోకి ప్రవేశించి, సుమారు ఫిబ్రవరి 12న భూమి కి అత్యంత దగ్గరగా రాబోతోంది. ఈ తోకచుక్క (comet) ను మొదట గత సంవత్సరం మార్చి నెలలో జ్వికీ ట్రాన్సియెంట్ ఫెసిలిటీ సెంటర్(Zwicky Transient Facility) గుర్తించారు. తోకభాగం మంచుతో కప్పబడి ఉండడంతో మొదట దీనిని గ్రహ శకలంగా భావించారు. సూర్యడి వేడి ప్రభావంతో మంచు కరగడం ప్రారంభమైన తరువాత తోక భాగం కనిపించింది. దాంతో, తోక చుక్క (comet) గా నిర్ధారించారు. పూర్తిగా ఆర్గానిక్ మేటర్ తో ఈ తోకచుక్క (comet) నిండి ఉంటుందని శాస్త్రవేత్తలు భావిస్తున్నారు. </p>

<h3>Comet C/2022 E3 ZTF: చాలా రహస్యాలు..</h3><p>ఈ తోకచుక్క(comet) ను లోతుగా పరిశీలించడం ద్వారా మన సౌర వ్యవస్థ గురించి, భూమిపై జీవం పుట్టుకకు సంబంధించి మరిన్ని రహస్యాలు తెలుస్తాయని భావిస్తున్నారు. చాలా తోకచుక్కలు కూడా మంచుతో కప్పబడి ఉన్న సేంద్రీయ పదార్ధం(organic matter)తో నిండి ఉంటాయని నాసా(Nasa) తెలిపింది. జీవం పుట్టుకకు అవసరమైన నీరు(water), సేంద్రీయ పదార్ధం (organic matter) భూమిపైకి రావడానికి కారణం తోకచుక్కలే (comet) అన్న వాదనను చాలామంది శాస్త్రవేత్తలు సమర్ధిస్తారు. </p>

<h3>How to watch Comet C/2022 E3 ZTF: ఎలా చూడొచ్చు..</h3><p>భూమికి దగ్గరగా వచ్చిన తరువాత ఈ తోక చుక్క (comet) ను బైనాక్యులర్స్ తో చూడవచ్చని, మరింత దగ్గరగా వచ్చినప్పుడు బాగా చీకటిగా ఉన్న సమయంలో సాధారణ కంటితో కూడా చూడగలమని చెబుతున్నారు. ఆకాశంతో అత్యంత ప్రకాశవంతంగా వెలుగుతూ ఇది కనిపిస్తుందని వివరిస్తున్నారు.</p>

<p>Comet C/2022 E3 ZTF: శాస్త్రాన్వేషకులకు, అంతరిక్ష రహస్యాలను చేధించాలనుకునేవారికి, భూమిపై జీవం పుట్టుకపై పరిశోధనలు చేస్తున్నవారికి ఇదొక అద్భుతమైన అవకాశం.</p>

Ratan Tata Birthday:రతన్ టాటా బర్త్ డే ఈ రోజు..ఆయన గురించి ఈ విషయాలు తెలుసా మీకు

<p>Ratan Tata Birthday: టాటా గ్రూప్ చైర్మన్, భారతీయ పారిశ్రామిక దిగ్గజాల్లో ఒకరైన రతన్ టాటా జన్మదినం ఈ రోజు. పుట్టిన రోజు సందర్భంగా <a target="_blank" href="https://telugu.hindustantimes.com">రతన్ టాటా</a>కు అనేక పారిశ్రామిక, వాణిజ్య, రాజకీయ వర్గాల ప్రముఖులు శుభాకాంక్షలు తెలియజేశారు. రతన్ టాటా జీవితం, జీవన శైలి, సేవా గుణం, దాతృత్వం, సహృదయత, వినయ సంపన్నత, నిరాడంబరత.. ప్రపంచవ్యాప్తంగా లక్షలాది మందికి స్ఫూర్తి దాయకం. </p>

<h3>Ratan Tata Birthday: శుభాకాంక్షల వెల్లువ</h3><p>జన్మదినోత్సవం సందర్భంగా రతన్ టాటాకు శుభాకాంక్షలు వెల్లువెత్తాయి. వ్యక్తిగతంగా, సోషల్ మీడియాలో మిత్రులు, అభిమానులు ఆయనకు బర్త్ డే విషెస్ చెప్పారు. బీజేపీ సీనియర్ నేత, మహారాష్ట్ర డెప్యూటీ సీఎం దేవేంద్ర ఫడణవీస్, శివసేన(ఉద్ధవ్ వర్గం) నేత ఆదిత్య ఠాక్రే, కేంద్ర మంత్రులు నితిన్ గడ్కరీ, ప్రహ్లాద్ జోషి, టీడీపీ చీఫ్ నారా చంద్రబాబు నాయుడు తదితరులు రతన్ టాటాకు శుభాకాంక్షలు తెలిపారు. రతన్ టాటా చిరకాలం ఆయురారోగ్యాలతో విలసిల్లాలని వారు ఆకాంక్షించారు.</p>

<h3>Ratan Tata Birthday: టాటా గురించి కొన్ని విశేషాలు..</h3><ul><li>‘అసాధ్యం అని అందరూ నిర్ణయించిన వాటిని సుసాధ్యం చేయడంలోనే నాకు గొప్ప ఆనందం కలుగుతుంది’ అన్న రతన్ టాటా వీడియో క్లిప్ ఇప్పటికీ చాలా మందికి ఇష్టమైన ఇన్ స్పిరేషనల్ కోట్.</li><li>టాటా గ్రూప్ ను స్థాపించిన జంషెడ్జీ టాటా ముని మనవడు రతన్ టాటా.రతన్ టాటా తల్లిదండ్రులు నవల్ టాటా, సూనీ టాటా.</li><li>కార్నెల్ యూనివర్సిటీ నుంచి స్ట్రక్చరల్ ఇంజినీరింగ్ తో ఆర్కటెక్చరల్ డిగ్రీ పొందారు.</li><li>హార్వర్డ్ బిజినెస్ స్కూల్ నుంచి అడ్వాన్స్ డ్ మేనేజ్మెంట్ ప్రొగ్రామ్ ను 1975లో పూర్తి చేశారు.</li><li>టాటా గ్రూప్ లో అసిస్టెంట్ గా 1962లో తన ప్రయాణం ప్రారంభించారు. నేషనల్ రేడియో అండ్ ఎలక్ట్రానిక్స్ కంపెనీలో 1971లో డైరెక్టర్ ఇన్ చార్జిగా బాధ్యతలు చేపట్టారు.</li><li>1991లో టాటా గ్రూప్ చైర్మన్ బాధ్యతల నుంచి జేఆర్ డీ టాటా వైదొలగి, ఆ బాధ్యతలను రతన్ టాటాకు అప్పగించారు.</li><li>భారత్ లో ఆర్థిక సంస్కరణల యుగం ప్రారంభమైన సమయంలోనే రతన్ టాటా టాటా గ్రూప్ నిర్వహణ బాధ్యతలను స్వీకరించడం గమనార్హం. ఆర్థిక సంస్కరణలకు అనుగుణంగా కొత్త ప్రొడక్ట్ లైన్ తో టాటా గ్రూప్ ను విస్తరిస్తూ, విజయవంతమైన పారిశ్రామిక వేత్తగా నిలిచారు.</li><li>రతన్ టాటా హయాంలోనే టాటా మోటార్స్ అంతర్జాతీయ బ్రాండ్ జాగ్వార్ లాండ్ రోవర్ ను; టాటా స్టీల్ కోరస్ ను; టాటా టీ టెట్లీని విలీనం చేసుకున్నాయి.</li><li>2022 భారతీయ సంపన్నుల జాబితాలో రతన్ టాటా స్థానం 421.</li></ul></p>

<p>Ratan Tata Birthday: ప్రముఖ పారిశ్రామిక వేత్త, సేవాగుణ సంపన్నుడు రతన్ టాటా పుట్టిన రోజు ఈ రోజు. 85 ఏళ్ల క్రితం, 1937 డిసెంబర్ 28న ఆయన జన్మించారు.&nbsp;</p>

Twins to Isha Ambani: ఈశా అంబానీకి కవల పిల్లలు; తిరుమల పూజారులతో ప్రత్యేక పూజలు

<p>Twins to Isha Ambani: ప్రపంచ కుబేరుల్లో ఒకరు, రిలయన్స్ గ్రూప్ అధినేత ముకేశ్ అంబానీ తాతగా కొత్త బాధ్యతలు చేపట్టారు. ముకేశ్ అంబానీ కూతురు ఈశా అంబానీ నవంబర్ 19న లాస్ ఏంజెలిస్ లో కవల పిల్లలకు జన్మనిచ్చారు. వారిని తొలిసారి శనివారం భారత్ కు తీసుకువచ్చారు.</p>

<h3>Twins to Isha Ambani: కవలలు.. ఒక పాప, ఒక బాబు</h3><p>రిలయన్స్ రిటైల్ కు ఈశా అంబానీ డైరక్టర్ గా వ్యవహరిస్తున్నారు. ఆమె భర్త మరో ప్రముఖ పారిశ్రామిక వేత్తల కుటుంబమైన పిరామల్ కుటుంబ వారసుడు ఆనంద్ పిరామల్. ఆనంద్ పిరామల్ తల్లిదండ్రులు స్వాతి, అజయ్ పిరామల్. గత నెలలో అమెరికాలోని లాస్ ఏంజెలిస్ లో ఈశా అంబానీ కవల పిల్లలకు జన్మనిచ్చారు. వారిలో ఒకరు మగ పిల్లవాడు కాగా, మరొకరు అమ్మాయి. పాప పేరును ఆదియా అని, బాబు పేరును కృష్ణ అని పెట్టారు. శనివారం వారు తమ చిన్నారులతో కలిసి ముంబైలోని తమ నివాసమైన కరుణ సింధు కు చేరుకున్నారు. వారికి ఇరు కుటుంబాల పెద్దలు స్వాగతం పలికారు. మనవడు, మనవరాలిని చూసుకుని ముకేశ్ అంబానీ, నీతా అంబానీ మురిసిపోయారు. </p>

<h3>Priests from Tirumala: ప్రత్యేక పూజల కోసం తిరుమల పూజారులు</h3><p>ఈశా అంబానీ కవల పిల్లల కోసం డిసెంబర్ 25న ప్రత్యేక పూజలు నిర్వహించనున్నారు. ఆ పిల్లల సర్వతోముఖాభివృద్ధిని కాంక్షిస్తూ ఈ ప్రత్యేక పూజలు చేయనున్నారని సమాచారం. అలాగే, ఈ పూజలను జరపడానికి ప్రత్యేకంగా తిరుమల తిరుపతి దేవస్థానానికి చెందిన పూజారులు, ద్వారకాదీశ్ ఆలయానికి చెందిన పూజారులు వస్తున్నారని రిలయన్స్ వర్గాలు వెల్లడించాయి. ఈ ప్రత్యేక పూజల సందర్భంగా అంబానీ కుటుంబం 300 కేజీల బంగారాన్ని విరాళంగా ఇస్తున్నట్లు సమాచారం.</p>

<h3>Special arrangements for the kids: పిల్లల కోసం ప్రత్యేక ఏర్పాట్లు..</h3><p>కొత్త కుటుంబ సభ్యుల కోసం అంబానీ, పిరామల్ కుటుంబాలు ప్రత్యేక ఏర్పాట్లు చేశాయి. వారి నివాసాలైన ఆంటిలియా (Antilia), కరుణ సింధు(karuna Sindhu)ల్లో చిన్న పిల్లల అవసరాలకు అనుగుణంగా ఏర్పాట్లు చేశారు. ప్రఖ్యాత ఇంటీరియర్ డిజైనర్స్ పెర్కిన్స్ అండ్ విల్ ఆధ్వర్యంలో సూర్యకాంతి నేరుగా తగిలేలా ఆటోమేటెడ్ రూఫ్ టాప్స్, అలాగే, రొటేటింగ్ బెడ్స్ ను ఏర్పటు చేశారు. పిల్లల కోసం ప్రత్యేకంగా లోరో పియానా(Loro Piana), హెర్మిస్(Hermes), డియోర్(Dior) డిజైన్డ్ ఫర్నిచర్ ను ఏర్పాటు చేశారు. వారి దుస్తులను ప్రత్యేకంగా డోల్స్ అండ్ గాబనా(Dolce & Gabbana), గుస్సీ(Gucci), లోరో పియానా(Loro Piana) ల నుంచి డిజైన్ చేసి తెప్పిస్తున్నారు. అంతేకాదు, వారి ప్రయాణాలకు వీలుగా బీఎండబ్ల్యూ(BMW) నుంచి ప్రత్యేక కారు సీట్లు వస్తున్నాయి. </p>

<h3>8 trained Nurses from US: అమెరికా నుంచి స్పెషల్ నానీలు</h3><p>అంతేకాదు, పిల్లలను జాగ్రత్తగా కనిపెట్టుకు ఉండడం కోసం, అమెరికా నుంచి శిక్షణ పొందిన 8 మంది నానీలను కూడా తీసుకువచ్చారు. పిల్లలు పెద్దగా అయేంతవరకు వారు ఇండియాలోనే ఉంటారు. ఈశా అంబానీ, ఆనంద్ పిరామల్ లకు 2018లో వివాహమైంది. ఆనంద్ పిరామల్ గ్రూప్ కు ఎగ్జిక్యూటివ్ డైరెక్టర్ గా వ్యవహరిస్తున్నారు.</p>

<p>Twins to Isha Ambani: రిలయన్స్ ఇండస్ట్రీస్ అధినేత ముకేశ్ అంబానీ తాతయ్యారు. ముకేశ్ అంబానీ కూతురు ఈశా అంబానీ గత నెల కవల పిల్లలకు జన్మనిచ్చారు.</p>

Chanda Kochhar arrest: ఐసీఐసీఐ బ్యాంక్ మాజీ సీఈఓ చందా కొచ్చర్ అరెస్ట్

<p>నిబంధనలకు వ్యతిరేకంగా, వ్యక్తిగత లబ్ధి పొందడానికి వీలుగా వీడియోకాన్ గ్రూప్ నకు 2012లో ఐసీఐసీఐ బ్యాంక్(ICICI Bank) నుంచి చందా కొచ్చర్ రూ. 3,250 కోట్ల రుణం ఇచ్చారన్న ఆరోపణలపై సీబీఐ శుక్రవారం ఆమెను అరెస్ట్ చేసింది. </p>

<h3>criminal conspiracy: నేరపూరిత కుట్ర</h3><p>మనీ లాండరింగ్, నేర పూరిత కుట్ర, అవినీతి తదితర నేరారోపణలపై చందా కొచ్చర్, ఆమె భర్త దీపక్ కొచ్చర్, వీడియో కాన్ గ్రూప్ చైర్మన్ వేణుగోపాల్ ధూత్ లతో పాటు న్యుపవర్ రెన్యువబుల్స్(Nupower Renewables), సుప్రీం ఎనర్జీ, వీడియోకాన్ ఎలక్ట్రానిక్స్, వీడియోకాన్ ఇండస్టీస్ పై సీబీఐ కేసు నమోదు చేసింది. చందా కొచ్చర్ సహకారంతో ఐసీఐసీఐ బ్యాంక్(ICICI Bank) నుంచి రూ. 3,250 కోట్ల రుణం తీసుకుని, అందులో కొత్త మొత్తాన్ని న్యుపవర్ రెన్యువబుల్స్(Nupower Renewables) లో వేణుగోపాల్ ధూత్ పెట్టుబడులు పెట్టాడని సీబీఐ ప్రధానంగా ఆరోపిస్తోంది. ఐసీఐసీఐ(ICICI Bank) రుణ నిబంధనలను అతిక్రమించి వీడియోకాన్ గ్రూప్ నకు చందా కొచ్చర్ రుణాలిచ్చారని సీబీఐ అధికారులు భావిస్తున్నారు. ఆమె చేసిన ఆ సహకారానికి బదులుగా, చందా కొచ్చర్ భర్త దీపక్ కొచ్చర్ కు చెందిన న్యుపవర్ రెన్యువబుల్స్(NuPower Renewables)లో వేణుగోపాల్ ధూత్ కొన్ని కోట్ల రూపాయల పెట్టుబడులు పెట్టారని ఆరోపిస్తున్నారు. </p>

<h3>Enforcement Directorate: ఈడీ కూడా..</h3><p>ఈ కేసును సీబీఐ తో పాటు, ఈడీ (Enforcement Directorate ED) కూడా దర్యాప్తు జరుపుతోంది. గతంలో మనీ లాండరింగ్ నేరారోపణల కింద చందా కొచ్చర్ ను ఈడీ గత సంవత్సరం సెప్టెంబర్ లో అరెస్ట్ కూడా చేసింది.</p>

<p>ఐసీఐసీఐ బ్యాంక్(ICICI Bank) మాజీ సీఈఓ, ఎండీ చందా కొచ్చర్ ను శుక్రవారం సీబీఐ(CBI) అరెస్ట్ చేసింది. బ్యాంక్ ఉన్నతాధికారిణిగా ఉన్న సమయంలో ఆర్థిక అవకతవకలకు పాల్పడిన నేరంపై ఆమెను అరెస్ట్ చేసింది.</p>

Sudarshan Vaddanam