LK Advani: ‘‘పాకిస్తాన్ లో జన్మించి.. 14 ఏళ్లకే ఆరెస్సెస్ లో చేరి..’’ - ఎల్ కే అద్వానీ రాజకీయ ప్రస్థానం

paragraph

<p>బీజేపీ అగ్రనేత, మాజీ ఉపప్రధాని లాల్ కృష్ణ అద్వానీకి 'భారతరత్న' ఇవ్వనున్నట్లు ప్రధాని నరేంద్ర మోదీ శనివారం ప్రకటించారు. బీజేపీ ప్రస్తుతం ఉన్న అత్యున్నత స్థాయికి ప్రధాన కారకుల్లో ఎల్ కే అద్వానీ ఒకరు. బీజేపీలో మితవాద నాయకుడిగా ఉన్న తన సన్నిహిత మిత్రుడు వాజ్ పేయితో కలిసి ఆయన బీజేపీని దేశంలో ప్రధాన రాజకీయ శక్తిగా మలిచారు. లోక్ సభలో రెండు స్థానాలు మాత్రమే ఉన్న స్థితి నుంచి.. ఒంటరిగా ఫుల్ మెజారిటీ సాధించే స్థాయికి బీజేపీ చేరడం వెనుక అద్వానీ అచంచల కృషి చాలా ఉంది.</p>

<h3>అద్వానీ రాజకీయ ప్రస్థానం</h3><ul><li>దేశానికి స్వాతంత్య్రం రావడానికి ముందు 1927 నవంబర్ 8వ తేదీన ప్రస్తుతం పాకిస్తాన్ లో ఉన్న సింధ్ లో ఎల్ కే అద్వానీ జన్మించారు. కరాచీలోని సెయింట్ పాట్రిక్స్ స్కూల్లో పాఠశాల విద్యను అభ్యసించిన అద్వానీ పద్నాలుగేళ్ల వయసులో రాష్ట్రీయ స్వయంసేవక్ సంఘ్ (ఆర్ఎస్ఎస్) లో చేరారు. అక్కడే న్యాయవిద్యను కూడా అభ్యసించారు. </li><li>1951లో శ్యాంప్రసాద్ ముఖర్జీ స్థాపించిన జనసంఘ్ లో చేరారు. 1970లో రాజ్యసభ సభ్యుడిగా ఎన్నికైన ఆయన 1989 వరకు ఆ పదవిలో కొనసాగారు. 1972 డిసెంబరులో భారతీయ జనసంఘ్ అధ్యక్షుడిగా ఎన్నికయ్యారు.</li><li>1975 లో ఇందిరాగాంధీ ఎమర్జెన్సీ విధించిన సమయంలో అటల్ బిహారీ వాజ్ పేయితో పాటు ఎల్ కే అద్వానీ బెంగళూరులో ఉన్నారు. అక్కడే వారిని అరెస్టు చేసి జైలుకు పంపారు.</li><li>1977లో మొరార్జీ దేశాయ్ ప్రధానిగా ఉన్న జనతా పార్టీ ప్రభుత్వంలో అద్వానీ సమాచార, ప్రసార శాఖ మంత్రిగా నియమితులయ్యారు.</li><li>1980లో అటల్ బిహారీ వాజ్ పేయితో కలిసి బీజేపీని ఏర్పాటు చేశారు.</li><li>రథయాత్ర ద్వారా దేశ రాజకీయాల్లో బీజేపీకి స్వర్ణయుగం రావడానికి కారణమయ్యారు.</li><li>అయోధ్యలో బాబ్రీ మసీదు స్థానంలో రామమందిరం నిర్మించాలన్న డిమాండ్ తో సోమ్ నాథ్ నుంచి అయోధ్య వరకు రథ యాత్ర ప్రారంభించారు. ఆ యాత్రకు విశేష స్పందన లభించింది. </li><li>బిహార్ లో ఆ యాత్రను లాలు ప్రసాద్ యాదవ్ ప్రభుత్వం అడ్డుకుని, అద్వానీని అరెస్ట్ చేసింది.</li><li>1986-90, 1993-98, 2004-2005 మధ్య మూడు పర్యాయాలు బిజెపి జాతీయ అధ్యక్షుడిగా అద్వానీ పనిచేశారు.</li><li>అటల్ బిహారీ వాజ్ పేయి ప్రభుత్వంలో అద్వానీ నంబర్ 2 నేతగా కీలక పాత్ర పోషించారు. వాజ్ పేయి సర్కారులో ఉపప్రధానిగా, హోం మంత్రిగా సేవలందించారు. </li><li>అద్వానీ 1970లో రాజ్యసభకు ఎన్నికై పార్లమెంటులో తన ప్రస్థానాన్ని ప్రారంభించారు. 1989లో న్యూఢిల్లీ నుంచి లోక్ సభకు పోటీ చేసి గెలిచారు.</li><li>1991లో అద్వానీ గుజరాత్ లోని గాంధీనగర్, న్యూఢిల్లీ ల నుంచి పోటీ చేసి రెండింటిలోనూ విజయం సాధించారు. చివరిసారిగా 2014లో ఆయన ప్రాతినిధ్యం వహించిన గాంధీనగర్ స్థానం నుంచి పోటీ చేశారు.</li><li> 2019 లో ఆయనకు ఎంపీగా పోటీ చేసే అవకాశం బీజేపీ ఇవ్వలేదు.</li><li>ఇటీవలి కాలంలో అనారోగ్య సమస్యల కారణంగా క్రియాశీలక రాజకీయాలకు దూరంగా ఉంటున్నారు.</li></ul></p>

heat waves: తీరప్రాంతాల్లో 35 డిగ్రీల ఉష్ణోగ్రతలు కూడా డేంజరే.. హీట్ వేవ్ వెనకున్న సైన్స్ చెప్పేదిదే..

<ul><li>heat waves: వాతావరణ పరిస్థితులను ముందే అంచనా వేసే విషయంలో చాలా అభివృద్ధి చెందాం. వర్షపాతాన్ని, తుపానులను దాదాపు 100% కచ్చితత్వంలో ముందే తెలుసుకోగలుగుతున్నాం. అలాగే, ఉష్ణోగ్రతలను, వడగాల్పులను 88 శాతం కచ్చితత్వంతో 24 గంటల ముందే అంచనా వేస్తున్నాం.</li></ul>

liquor policy case: లిక్కర్ పాలసీ కేసులో ఢిల్లీ సీఎం కేజ్రీవాల్, తెలంగాణ ఎమ్మెల్సీ కవితల జ్యుడీషియల్ కస్టడీ పొడిగింపు

<p>Delhi liquor policy case: లిక్కర్ పాలసీ కేసులో ఢిల్లీ ముఖ్యమంత్రి, ఆప్ కన్వీనర్ అరవింద్ కేజ్రీవాల్, తెలంగాణకు చెందిన ఎమ్మెల్సీ, బీఆర్ఎస్ నేత కవిత ల జ్యుడీషియల్ కస్టడీని ఢిల్లీ లోని రౌజ్ అవెన్యూ కోర్టు మే 7వ తేదీ వరకు పొడిగించింది. ఈ కేసులో వీరిపై ఈడీ, సీబీఐ వేర్వేరుగా కేసులు నమోదు చేసింది.</p>

CDS II Final Results: కంబైన్డ్ డిఫెన్స్ సర్వీసెస్ ఫైనల్ రిజల్ట్స్ ను ప్రకటించిన యూపీఎస్సీ

<p>UPSC CDS II Final Result 2023: త్రివిధ దళాల్లో ఉద్యోగావకాశాలు కల్పించే కంబైన్డ్ డిఫెన్స్ సర్వీసెస్ -2 ఫైనల్ ఫలితాలను యూనియన్ పబ్లిక్ సర్వీస్ కమిషన్ మంగళవారం విడుదల చేసింది. ఈ పరీక్షకు హజరైన అభ్యర్థులు యూపీఎస్సీ అధికారిక వెబ్ సైట్ upsc.gov.in ద్వారా తమ ఫలితాలను చెక్ చేసుకోవచ్చు.</p>

Malaysia: ఆకాశంలో రెండు హెలీకాప్టర్లు ఢీ; 10 మంది దుర్మరణం

<p>Malaysia navy helicopters crash: మలేసియాలో ఆకాశంలో విన్యాసాలు చేస్తున్న రెండు నౌకాదళ హెలీకాప్టర్లు ఢీ కొన్న ఘటనలో 10 మంది దుర్మరణం పాలయ్యారు. మే నెలలో జరిగే నేవీ ఫ్లీట్ ఓపెన్ డే వేడుకల కోసం నేవీ చాపర్లు ఫ్లై పాస్ట్ రిహార్సల్స్ చేస్తుండగా ఈ ప్రమాదం చోటు చేసుకుంది.</p>

<ul><li>LK Advani political journey: భారతీయ జనతా పార్టీ దిగ్గజ నాయకుడు ఎల్ కె అద్వానీకి శనివారం కేంద్ర ప్రభుత్వం భారత రత్న ప్రకటించింది. బీజేపీని అధికారంలోకి తీసుకురావడంతో అద్వానీ అత్యంత ప్రభావశీల పాత్రను పోషించారు. 14 సంవత్సరాల వయస్సులోనే ఆరెస్సెస్ లో చేరిన అద్వానీ.. బీజేపీ వ్యవస్థాపక నాయకుల్లో ఒకరు.</li></ul>

Who will succeed PM Modi?: ‘‘ప్రధాని మోదీ తర్వాత బీజేపీని నడిపించేదెవరు?’’: ప్రశాంత్ కిషోర్ కీలక వ్యాఖ్యలు

<p>ప్రధాని నరేంద్ర మోదీపై అతిగా ఆధారపడటమే భారతీయ జనతా పార్టీకి భవిష్యత్తులో అతిపెద్ద ముప్పుగా మారుతుందని రాజకీయ వ్యూహకర్త ప్రశాంత్ కిశోర్ వ్యాఖ్యానించారు. ఇండియా ఎక్స్ ప్రెస్ నిర్వహించిన 'ఎక్స్ ప్రెస్ అడ్డా' కార్యక్రమంలో పాల్గొన్న ప్రశాంత్ కిశోర్ పలు కీలక వ్యాఖ్యలు చేశారు.</p>

<h3>ప్రధాని మోదీనే బీజేపీ ఆధారం..</h3><p>ప్రధాని నరేంద్ర మోదీ ఇమేజ్ పైననే బీజేపీ ఎక్కువగా ఆధారపడుతోందని ప్రశాంత్ కిషోర్ అన్నారు. అది భవిష్యత్తులో బీజేపీకి ముప్పుగా పరిణమిస్తుందని హెచ్చరించారు. ‘‘అయోధ్యలో నిర్మించిన రామమందిరం అంశం అత్యంత ప్రభావశీలమైనదే అయినా.. మోదీ ఇమేజ్ ను మించిన అంశం కాదు’’ అని విశ్లేషించారు. మండల్, రామమందిరం అంశాల కన్నా మోదీ ప్రభావమే రానున్న ఎన్నికలలో ఎక్కువగా ఉంటుందన్నారు. ‘‘అవును, అయోధ్యలో రామ మందిరం పెద్దది, కానీ మీరు ప్రధాని మోదీని సమీకరణం నుండి తొలగిస్తే, అది అంత ప్రభావవంతంగా ఉండదని బిజెపి కూడా అంగీకరిస్తుంది’’ అని ప్రశాంత్ కిషోర్ విశ్లేషించారు. </p>

<h3>ప్రధాని మోదీ తరువాత..</h3><p>ప్రధాని మోదీ తర్వాత, ఆయన వారుసుడిగా ఎవరు వస్తారని అడిగిన ప్రశ్నకు ప్రశాంత్ కిశోర్ సమాధానమిస్తూ.. ‘‘నాకు తెలియదు కానీ, ఆయన కంటే హార్డ్ కోర్ నాయకుడే వస్తాడు. తనతో పోలిస్తే, మోదీనే ఉదారవాది అనేలా ఆయన వ్యవహార శైలి ఉంటుంది’’ అని నర్మగర్భంగా వ్యాఖ్యానించారు. లోక్ సభ ఎన్నికలు సమీపిస్తున్న తరుణంలో ప్రశాంత్ కిషోర్ ఈ వ్యాఖ్యలు చేయడం విశేషం. భారత్ లో ఈ ఏడాది సార్వత్రిక ఎన్నికలు జరగనున్నాయి. కానీ, కేంద్ర ఎన్నికల సంఘం ఇంకా తేదీలను ప్రకటించలేదు.</p>

<h3>కాంగ్రెస్ కు ప్రశాంత్ కిశోర్ సలహాలు</h3><p> కాంగ్రెస్ పార్టీ పూర్తిగా పునరుత్తేజం చెందాల్సిన అవసరం ఉందని ప్రశాంత్ కిశోర్ వ్యాఖ్యానించారు. ముఖ్యంగా రానున్న లోక్ సభ ఎన్నికల్లో మంచి ఫలితాలను సాధించాలంటే, కాంగ్రెస్ పూర్తిగా తనను తాను మార్చుకోవాల్సి ఉంటుందని సూచించారు. ఇదే విషయాన్ని కాంగ్రెస్ అగ్ర నేతలకు కూడా చెప్పానని వెల్లడించారు. ఈ విషయాన్ని మరింత వివరిస్తూ.. ‘‘ విమర్శనాస్త్రాలను ఎప్పటికప్పుడు మారుస్తూ ఉంటే అవి లక్ష్యం చేరవు. ఇవ్వాళ్ల రాఫెల్, రేపు హిందుత్వ... ఇలా లక్ష్యాలను మార్చడం ఫలితాలను ఇవ్వదు. ఒకే లక్ష్యంపై వారంతా ఒక్కటిగా పని చేయాలి. అదే విషయాన్ని ప్రజల మనసుల్లోకి చేరవేయాలి’’ అని సూచించారు.</p>

<h3>‘ఇండియా’పై పెదవి విరుపు</h3><p>కాంగ్రెస్ నాయకత్వంలో జాతీయ స్థాయిలో ఏర్పడిన విపక్ష కూటమి ‘ఇండియా’ పనితీరుపై ఆయన పెదవి విరిచారు. ఈ కూటమి 2023 లో కాకుండా, ఇంకా చాలా సంవత్సరాల ముందే ఏర్పడి ఉండాల్సిందని వ్యాఖ్యానించారు. ఇప్పుడు ఆ కూటమిని అంత సీరియస్ గా తీసుకోలేమన్నారు. విపక్ష కూటమిలో చాలా సైద్ధాంతిక వైరుద్ధ్యాలు ఉన్నాయన్నారు. అంతేకాదు, వివిధ ప్రాంతీయ పార్టీలకు వివిధ ప్రాంతీయ లక్ష్యాలున్నందువల్ల.. దేశవ్యాప్తంగా ఉమ్మడి కార్యాచరణను అమలు చేయడం విపక్ష  కూటమి తో సాధ్యం కాదన్నారు.</p>

<h3>రాహుల్ గాంధీ బెటరే.. కానీ.. </h3><p>కాంగ్రెస్ నేత రాహుల్ గాంధీకి బీజేపీ సభ్యుల కంటే సోషల్ మీడియాలో ఎక్కువ రీచ్ ఉందని, కానీ ఆయన సరైన విషయాలు చెప్పకపోవడం వల్ల ఆయన ప్రజలకు అంతగా చేరువ కావడం లేదని ప్రశాంత్ కిషోర్ అన్నారు.</p>

<p>Prashant Kishor comments on Modi: ప్రముఖ ఎన్నికల వ్యూహ నిపుణుడు ప్రశాంత్ కిశోర్ ఇటీవల ఓ ఇంటర్వ్యూలో మాట్లాడుతూ బీజేపీ భవిష్యత్తు, విపక్ష కూటమి పొరపాట్లు.. తదితర అంశాలపై కీలక వ్యాఖ్యలు చేశారు. బీజేపీ ప్రధాని మోదీపై అధికంగా ఆధారపడుతోందని ఆయన వ్యాఖ్యానించారు.</p>

Budget 2024: ఎన్నికల ముందు బడ్జెటే కానీ.. ప్రజాకర్షక పథకాల ఊసే లేదు.. గెలుపుపై అంత ధీమానా?

<p>ఆర్థిక మంత్రి నిర్మల సీతారామన్ గురువారం పార్లమెంట్ లో ప్రవేశపెట్టిన మధ్యంతర బడ్జెట్ లో పెద్దగా ప్రజాకర్షక పథకాలనేమీ ప్రకటించలేదు. నిజానికి, మరి కొద్ది నెలల్లో లోక్ సభ ఎన్నికలు జరగనున్నాయి. అందువల్ల, ఏ ప్రభుత్వమైనా, ఎన్నికల ముందు ప్రవేశపెట్టే బడ్జెట్ లో ఓట్లు రాబట్టే ప్రజాకర్షక పథకాలను ప్రకటిస్తూ ఉంటుంది. </p>

<h3>సాదా సీదా బడ్జెట్</h3><p>కానీ, మోదీ ప్రభుత్వం మాత్రం ఈ బడ్జెట్ ను సాదా సీదాగా ముగించింది. ఎలాంటి ప్రజాకర్షక పథకాలను ప్రకటించలేదు. మరికొద్ది నెలల్లో ప్రభుత్వ గడువు ముగియనుంది. ఏప్రిల్ లేదా మే నెలల్లో లోక్ సభ ఎన్నికలు జరిగే అవకాశం ఉంది. ఈ నేపథ్యంలో సాధారణంగా బడ్జెట్లో ప్రజాకర్షక పథకాలను ప్రకటిస్తారు. కానీ మోదీ ప్రభుత్వం అలాంటి ఓట్లను రాబట్టే పథకాలను ప్రకటించలేదు. కేవలం, గత పదేళ్లలో తమ ప్రభుత్వం సాధించిన విజయాలను వివరించింది. తమ పాలనలో దేశం సాధించిన అభివృద్ధిని వివరించింది. తమ ప్రభుత్వం విజయవంతంగా అమలు చేసిన సంక్షేమ పథకాలను వివరించింది. </p>

<h3>గెలుపుపై ధీమానా?</h3><p>ఏప్రిల్ లేదా మే నెలల్లో లోక్ సభ ఎన్నికలు జరిగే అవకాశం ఉంది. అంటే, ఎన్నికలకు గట్టిగా 3 నెలల సమయం కూడా లేదు. అయినా, ఈ బడ్జెట్ (<a class="manualbacklink" target="_blank" href="https://telugu.hindustantimes.com/topic/budget-2024">Budget</a>) లో ప్రజాకర్షక, సంక్షేమ పథకాల జోలికి పోలేదు. కొన్ని పథకాల కొనసాగింపును ప్రకటించారు. మరికొన్ని పథకాలకు కేటాయింపులను పెంచారు… అంతే. ఇలా సాదాసీదా బడ్జెట్ ను ఎన్నికల ముందు ప్రకటించడంపై విశ్లేషకులు ఆశ్చర్యం వ్యక్తం చేస్తున్నారు. రాబోయే లోక్ సభ ఎన్నికల్లో (<a class="manualbacklink" target="_blank" href="https://telugu.hindustantimes.com/topic/lok-sabha-elections-2024">lok sabha</a> elections 2024) కచ్చితంగా విజయం సాధిస్తామన్న నమ్మకం ఉంది కాబట్టే ఇలా సింపుల్ గా బడ్జెట్ ను రూపొందించారని వారు భావిస్తున్నారు. దేశవ్యాప్తంగా బీజేపీని ఎదుర్కొనేందుకు కాంగ్రెస్ పార్టీ నేతృత్వంలో విపక్ష కూటమి ఇండియా గట్టి గా ప్రయత్నిస్తోంది. కానీ, ఆ కూటమిలో లుకలుకలు ప్రారంభమయ్యాయి. పశ్చిమబెంగాల్ లో ఒంటరి పోటీ అని టీఎంసీ చీఫ్ మమత బెనర్జీ, పంజాబ్ లో ఒంటరి పోటీ అని ఆప్ సీఎం భగవంత్ మన్ ఇప్పటికే ప్రకటించారు. కూటమిలో కీలక నేతగా ఉన్న బిహార్ సీఎం, జేడీయూ నేత నితీశ్ కుమార్ కూటమికి చెయ్యిచ్చి, బీజేపీతో మళ్లీ జత కలిశారు. ఈ నేపథ్యంలో, రానున్న లోక్ సభ ఎన్నికల్లో బీజేపీ గెలుపు  నల్లేరుపై నడకేనని, అందువల్ల, ఈ బడ్జెట్ లో ఓట్లు రాబట్టే పథకాలను ప్రవేశపెట్టాల్సిన అవసరం లేదని బీజేపీ భావించిందని రాజకీయ విశ్లేషకులు భావిస్తున్నారు</p>

<h3>గత పదేళ్ల విజయాలే ప్రచారాస్త్రాలా?</h3><p>ఆర్థిక మంత్రి నిర్మలా సీతారామన్ తన ప్రసంగంలో, గత 10 సంవత్సరాలలో అనేక ప్రజా అనుకూల సంస్కరణలతో దేశం ఎలా పరివర్తన చెందిందనే విషయాన్ని వివరించడంపై ప్రధానంగా దృష్టి సారించారు. ప్రభుత్వం  అన్ని వర్గాల అభివృద్ధికి కృషి చేస్తోందనే విషయాన్ని నొక్కి చెప్పారు. 2047 నాటికి భారతదేశాన్ని వికసిత భారత్ గా మార్చడానికి కట్టుబడి ఉన్నామని పునరుద్ఘాటించారు. ప్రభుత్వం ప్రస్తుత సంస్కరణలను కొనసాగిస్తుందని, రాష్ట్రాల ఏకాభిప్రాయంతో మరికొన్ని సంస్కరణలను తీసుకువస్తుందని స్పష్టం చేశారు. 80 కోట్ల మందికి ఉచిత రేషన్, ముద్రా యోజన రుణాలు, డైరెక్ట్ బెనిఫిట్ ట్రాన్స్‌ఫర్ (డిబిటి) ప్రభావం, నైపుణ్యాభివృద్ధిలో సాధించిన విజయాలను ఆర్థిక మంత్రి హైలైట్ చేశారు.</p>

<p>Budget 2024: ఆర్థిక మంత్రి నిర్మల సీతారామన్ గురువారం కేంద్ర ప్రభుత్వ మధ్యంతర బడ్జెట్ ను పార్లమెంటులో ప్రవేశపెట్టారు. త్వరలో లోక్ సభ ఎన్నికలు జరగనున్న దృష్ట్యా జులైలో, కొత్తగా ఎన్నికైన ప్రభుత్వం పూర్తిస్థాయి బడ్జెట్ ను ప్రవేశపెడ్తుంది.</p>

Budget 2024: బ్లాక్ బడ్జెట్, డ్రీమ్ బడ్జెట్, క్యారెట్ అండ్ స్టిక్ బడ్జెట్.. ఇలా మన బడ్జెట్ లలో చాలా విశేషాలున్నాయి..

<p>Union budgets history: 1947లో అప్పటి ఆర్థిక మంత్రి ఆర్.కె.షణ్ముఖం చెట్టి ప్రవేశపెట్టిన స్వతంత్ర భారత తొలి బడ్జెట్ నుంచి కేంద్ర బడ్జెట్ లో చాలా మార్పులు వచ్చాయి. 1973 లో నాటి ఆర్థిక మంత్రి వై.బి.చవాన్ ప్రవేశపెట్టిన 'బ్లాక్ బడ్జెట్', 1997 లో నాటి ఆర్థిక మంత్రి పి.చిదంబరం ప్రవేశ పెట్టిన 'డ్రీమ్ బడ్జెట్' అయినా.. భారత ఆర్థిక చరిత్రలో అనేక కీలక ఘట్టాలకు బాటలు వేశాయి.</p>

<h3>చరిత్రాత్మక బడ్జెట్</h3><p>భారత దేశ ముఖ చిత్రాన్ని మార్చిన <a class="manualbacklink" target="_blank" href="https://telugu.hindustantimes.com/business/budget-2024-five-income-tax-rules-that-middle-class-seeks-from-fm-sitharaman-121706688928079.html">బడ్జెట్</a> 1991 జూలై 24న అప్పటి ఆర్థిక మంత్రి మన్మోహన్ సింగ్ ప్రవేశపెట్టిన కేంద్ర బడ్జెట్. ఆ బడ్జెట్ రాబోయే సంవత్సరాల్లో భారత ఆర్థిక వృద్ధికి దిశానిర్దేశం చేసింది. చెల్లింపుల సమతుల్యత సంక్షోభం, సోవియట్ కూటమి పతనం, రెండంకెలకు చేరిన ద్రవ్యోల్బణం, దిగుమతులపై అతిగా ఆధారపడటం భారత దేశాన్ని ఆర్థిక పతనం అంచుల్లోకి నెట్టాయి. బడ్జెట్ కు ముందు ఒక దశలో భారత విదేశీ మారక నిల్వలు కేవలం 1.1 బిలియన్ డాలర్లకు (లేదా అప్పట్లో రూ.2,500 కోట్లు) క్షీణించాయి, ఇది రెండు వారాల దిగుమతులకు కూడా సరిపోని పరిస్థితి. ఆ పరిస్థితిని సమూలంగా మార్చి, మళ్లీ ప్రగతి పట్టాలు ఎక్కించిన బడ్జెట్ గా ఆ 1991 బడ్జెట్ భారత దేశ చరిత్రలో నిలిచిపోతుంది. ఇప్పుడు మూడు దశాబ్దాల తర్వాత కూడా ఆ ఐకానిక్ బడ్జెట్ కు రాజకీయ వర్గాల్లో ఆదరణ లభిస్తోంది.</p>

<h3>89 కేంద్ర బడ్జెట్లు</h3><p>స్వాతంత్య్రం వచ్చినప్పటి నుంచి ఇప్పటి వరకు 89 కేంద్ర బడ్జెట్లు వచ్చాయి. వాటిలో ఎన్నికలకు ముందు ప్రవేశపెట్టిన 12 మధ్యంతర బడ్జెట్లు కూడా ఉన్నాయి. దేశ 90వ <a class="manualbacklink" target="_blank" href="https://telugu.hindustantimes.com/national-international/in-first-address-in-new-parliament-building-president-murmu-hails-ram-temple-121706685161282.html">బడ్జెట్</a> ను నిర్మలా సీతారామన్ గురువారం ప్రవేశపెట్టనున్నారు. ఇప్పటివరకు అత్యధిక బడ్జెట్లను ప్రవేశపెట్టిన ఆర్థికమంత్రిగా మొరార్జీ దేశాయ్ నిలిచారు. ఆయన 10 వార్షిక బడ్జెట్లను ప్రవేశపెట్టారు. ఆ తరువాత, రెండో స్థానంలో తొమ్మిది బడ్జెట్లతో కాంగ్రెస్ నేత చిదంబరం ఉన్నారు. స్వాతంత్య్రం వచ్చినప్పటి నుంచి కాంగ్రెస్ నేతృత్వంలోని ప్రభుత్వాలు 75% కేంద్ర బడ్జెట్లను ప్రవేశపెట్టగా, భారతీయ జనతా పార్టీ 19% ప్రవేశపెట్టింది.</p>

<h3>సుదీర్ఘ బడ్జెట్</h3><p>మన్మోహన్ సింగ్ 1991 బడ్జెట్ (<a class="manualbacklink" target="_blank" href="https://telugu.hindustantimes.com/topic/budget-2024">Budget</a>) ప్రసంగంలోని పదాల సంఖ్య 18,650. పదాల సంఖ్య పరంగా ఇది సుదీర్ఘ బడ్జెట్ ప్రసంగం. అయితే, సమయం పరంగా సుదీర్ఘ బడ్జెట్ ప్రసంగం చేసిన రికార్డు నిర్మలా సీతారామన్ పేరిట ఉంది. 2020లో 2 గంటల 42 నిమిషాల నిడివి గల ప్రసంగాన్ని ఆమె చేశారు. మొరార్జీ దేశాయ్ ప్రభుత్వంలో ఆర్థిక మంత్రిగా పనిచేసిన హీరూభాయ్ ఎం పటేల్ అతి తక్కువ పదాలున్న బడ్జెట్ ప్రసంగం చేశారు. ఆయన చేసిన 1977 మధ్యంతర బడ్జెట్ ప్రసంగం కేవలం 800 పదాలు ఉంది.</p>

<h3>ద్రవ్య లోటు కథ</h3><p>ప్రభుత్వ ఆర్థిక స్థితిగతులకు కొలమానమైన భారత ద్రవ్యలోటు ఎన్నో ఒడిదుడుకులను చవిచూసింది. తొలినాళ్లలో జాగ్రత్తగా ఖర్చు చేయడం వల్ల ద్రవ్య లోటు జీడీపీలో 5 శాతం కంటే తక్కువగా ఉండేది. కానీ 1980వ దశకంలో సబ్సిడీలు, సంక్షేమంపై దృష్టి సారించడంతో ఇది 8.3 శాతానికి పెరిగింది. 1991 సంస్కరణల తరువాత, దీనిని స్థిరంగా ఉంచడానికి ప్రయత్నాలు జరిగాయి. దీనిని 2007-08 నాటికి జిడిపిలో 3% కు తగ్గించాలని 2003 లో రూపొందిన చట్టం మార్గదర్శకాలను ఇచ్చింది. కొవిడ్-19 మహమ్మారి, ఆర్థిక మాంద్యం తదితర కారణాలతో 2020-21లో ఇది 9.2 శాతానికి పెరిగింది. 2025-26 నాటికి దీనిని 4.5 శాతానికి తగ్గించడానికి ప్రభుత్వం ప్రయత్నిస్తోంది.</p>

<h3>మధ్యంతర బడ్జెట్లు</h3><p>కొత్త ప్రభుత్వం ఎన్నికయ్యే వరకు స్వల్పకాలం పాటు వ్యయాన్ని నిర్వహించడం లక్ష్యంగా మధ్యంతర బడ్జెట్ లను ప్రవేశపెడ్తారు. 2000 నుండి, నాలుగు మధ్యంతర బడ్జెట్లు వచ్చాయి. రెండు తిరిగి అధికారంలోకి వచ్చిన ప్రభుత్వాలు ప్రవేశపెట్టాయి.</p>

<h3>నెహ్రూ ప్రవేశపెట్టిన బడ్జెట్</h3><p>ప్రధాని ఆర్థికమంత్రిగా బడ్టెట్ ను ప్రవేశపెట్టడం ఇప్పటివరకు 3 సార్లు జరిగింది. 1958లో జవహర్ లాల్ నెహ్రూ, 1970లో ఇందిరాగాంధీ, 1987లో రాజీవ్ గాంధీ వార్షిక బడ్జెట్ లను ప్రవేశపెట్టారు. నాటి తమ ఆర్థికమంత్రులు రాజీనామాలు చేయడంతో వారు బడ్జెట్ లను ప్రవేశపెట్టారు.</p>

<h3>ఆహారం కోసం 70 శాతం</h3><p>ప్రభుత్వ ఆదాయంలో 80 శాతానికి పైగా పన్నుల ద్వారా సంపాదించాలని స్వతంత్ర భారత తొలి బడ్జెట్ లక్ష్యంగా పెట్టుకుంది. 1947లో దేశవిభజనతో ప్రభుత్వ ఆర్థిక పరిస్థితి అగమ్యగోచరంగా మారింది. రక్షణ, శరణార్థుల పునరావాసం, నిర్వాసితులకు ఆహారం అందించేందుకు బడ్జెట్లో దాదాపు 70 శాతం ఖర్చు చేశారు. ప్రభుత్వం బడ్జెట్ లో 10% అప్పులు తీర్చడానికి, మరో 10% పరిపాలనకు ఖర్చు చేసింది.</p>

Day trading guide: డే ట్రేడింగ్ కోసం ఈ రోజు ఈ స్టాక్స్ కొనండి..

BSE2.jpg

<ul><li>సుదర్శన్ కెమికల్ ఇండస్ట్రీస్, చంబల్ ఫెర్టిలైజర్స్ అండ్ కెమికల్స్, మహీంద్రా హాలిడే అండ్ రిసార్ట్స్ ఇండియా లిమిటెడ్, ఆర్వీఎన్ఎల్, పరాగ్ మిల్క్ ఫుడ్ లిమిటెడ్, జీఎంఆర్ ఎయిర్పోర్ట్స్ ఇన్ఫ్రా లిమిటెడ్ షేర్లు ఈ రోజు కొనుగోలు చేయాలని మార్కెట్ నిపుణులు సిఫార్సు చేశారు.</li></ul>

IPO news: ఈ ఎస్ఎంఈ ఐపీఓ కు ఇన్వెస్టర్ల నుంచి భారీ స్పందన; తొలిరోజే ఓవర్ సబ్ స్క్రైబ్; రూ. 100 జీఎంపీ

<p>Emmforce Autotech IPO: చిన్న, మధ్య తరహా సెగ్మెంట్లో స్టాక్ మార్కెట్లో అడుగెపెట్టబోతున్న ఎమ్ ఫోర్స్ ఆటో టెక్ కంపెనీ ఐపీఓకు ఇన్వెస్టర్ల నుంచి అనూహ్య స్పందన లభిస్తోంది. తొలి రోజే ఈ ఐపీఓ ఓవర్ సబ్ స్క్రైబ్ అయింది. మంగళవారం ఈ కంపెనీ షేర్ రూ. 100 కు పైగా ప్రీమియంతో గ్రే మార్కెట్లో ట్రేడ్ అవుతోంది.</p>

WhatsApp new feature : ఇక ఇంటర్నెట్​ లేకపోయినా.. వాట్సాప్​లో ఫొటోలు​ షేర్​ చేయొచ్చు!

<p>WhatsApp new update : ఇక ఇంటర్నెట్​ లేకుండానే.. వాట్సప్​లో ఫొటోలు, మీడియా ఫైల్స్​ని షేర్​ చేసుకోవచ్చు! ఈ మేరకు.. ఒక కొత్త ఫీచర్​ని రూపొందిస్తోంది వాట్సాప్​. ఆ వివరాలు..</p>

Kia Carens : ఇండియాలో బెస్ట్​ సెల్లింగ్​ కియా క్యారెన్స్​కి.. సేఫ్టీ టెస్ట్​లో మూడే స్టార్లు!

Kia Carens crash test

<ul><li>Kia Carens Global NCAP crash test : గ్లోబల్​ క్రాష్​ టెస్ట్​లో కియా క్యారెన్స్​కి 3 స్టార్​ రేటింగ్​ వచ్చింది. హోండా అమేజ్​కు 2 స్టార్లే దక్కాయి. పూర్తి వివరాలను ఇక్కడ చూసేయండి..</li></ul>

<p>Budget 2024: 1947 లో మనకు స్వాతంత్య్రం వచ్చినప్పటి నుంచి ఇప్పటి వరకు 12 మధ్యంతర బడ్జెట్లతో సహా 89 కేంద్ర బడ్జెట్లు వచ్చాయి. ఫిబ్రవరి 1, 2024న కేంద్ర ఆర్థిక మంత్రి నిర్మలా సీతారామన్ పార్లమెంట్లో ప్రవేశపెట్టనున్నది 90వ కేంద్ర బడ్జెట్ (Budget 2024).</p>

Chandrayaan-3: చంద్రయాన్ 3 ప్రస్తుత పరిస్థితి ఏంటి?.. విక్రం ల్యాండర్,ప్రజ్ఞాన్ రోవర్ లు ఇక యాక్టివేట్ కావా..?

<p><a class="manualbacklink" target="_blank" href="https://telugu.hindustantimes.com/national-international/chandrayaan-3-news-isro-continues-vikram-pragyan-revival-efforts-details-here-121695464684600.html">Chandrayaan</a>-3: భారత అంతరిక్ష పరిశోధన సంస్థ (ISRO) చరిత్రలో చంద్రయాన్ 3 ప్రయోగం అత్యంత సక్సెస్ ఫుల్ ప్రయోగంగా నిలిచింది. తొలిసారి చంద్రుడి ఉపరితలంపై, అది కూడా క్లిష్టమైన దక్షిణ ధృవం సమీపంలో విక్రమ్ ల్యాండర్ ను ల్యాండ్ చేసి భారత్ చరిత్ర సృష్టించింది.</p>

<h3>14 రోజుల పాటు..</h3><p>ఆగస్ట్ 23న విక్రమ్ ల్యాండర్ చంద్రుడి ఉపరితలంపై విజయవంతంగా ల్యాండ్ అయింది. ఆ తరువాత కొన్ని గంటల అనంతరం ఆ ల్యాండర్ లో నుంచి ప్రజ్ఞాన్ రోవర్ చంద్రుడి ఉపరితలంపైకి దిగి దాదాపు 14 రోజుల పాటు ఆ ప్రాంతంలో కలియతిరిగింది. అక్కడి వాతావరణం, నేల స్వభావం, నేల కంపనాలు, అక్కడి వాతావరణంలోని రసాయన సమ్మేళనాలు.. తదితర అంశాలపై పరిశోధన చేసింది. అమెరికా, రష్యా, చైనాల అనంతర చంద్రుడి ఉపరితలంపై అడుగుపెట్టిన 4వ దేశంగా చంద్రయాన్ 3 తో భారత్ చరిత్ర సృష్టించింది.</p>

<h3>నిద్రావస్థ లోకి..</h3><p>చంద్రుడి ఉపరితలంపై సౌర శక్తి తో విక్రం ల్యాండర్, ప్రజ్ఞాన్ రోవర్ లు పని చేశాయి. చంద్రుడిపై పగలు 12 గంటలు భూమిపై దాదాపు14రోజులకు సమానం. అంటే, పగలంతా (భూమిపై 14 రోజులు) చంద్రుడిపై సౌరశక్తి తో ప్రయోగాలు చేసిన విక్రం ల్యాండర్, ప్రజ్ఞాన్ రోవర్ లను చంద్రుడి పై రాత్రి సమయం అయిన తరువాత ఇస్రో నిద్రావస్థలోకి పంపించింది. నిద్రావస్థ రాత్రి (భూమిపై 14 రోజులు) గడిచిన తరువాత మళ్లీ వాటిని యాక్టివేట్ చేయాలనుకుంది.</p>

<h3>అత్యంత కనిష్ట ఉష్ణోగ్రతల వల్ల..</h3><p>చంద్రుడి ఉపరితలంపై రాత్రి (భూమిపై 14 రోజులు) గడిచిన తరువాత మళ్లీ విక్రం ల్యాండర్, ప్రజ్ఞాన్ రోవర్ లను యాక్టివేట్ చేసే ప్రయత్నాలను ఇస్రో ప్రారంభించింది. కానీ ఆ ప్రయత్నాలు సఫలం కాలేదు. రాత్రి సమయంలో చంద్రుడి ఉపరితలంపై మైనస్ 150 (-150 ) డిగ్రీల నుంచి మైనస్ 200 (-200) డిగ్రీల వరకు ఉష్ణోగ్రత ఉంటుంది. అంత తీవ్రమైన చలి వాతావరణాన్ని విక్రం ల్యాండర్, ప్రజ్ఞాన్ రోవర్ లు తట్టుకోలేకపోయాయని, ఆ తీవ్ర ప్రతికూల వాతావరణం వల్ల వాటిలోని వ్యవస్థలు నాశనం అయి ఉండవచ్చని చంద్రయాన్ 3 ప్రాజెక్ట్ డైరెక్టర్ పీ వీరముత్తువేల్ అభిప్రాయపడ్డారు. అందువల్లనే వాటిని మళ్లీ యాక్టివేట్ చేయలేకపోతున్నామని వివరించారు. అయితే, చంద్రయాన్ 3 ప్రయోగం నిర్వహించిన ఉద్దేశం, లక్ష్యం నెరవేరాయని ఆయన స్పష్టం చేశారు. చంద్రుడిపై ల్యాండ్ అయిన తరువాత 14 రోజుల పాటు అక్కడి నేల, వాతావరణ పరిస్థితులను విక్రం ల్యాండర్, ప్రజ్ఞాన్ రోవర్ లు అధ్యయనం చేసి, వివరాలను భారత్ కు పంపించాలన్నదే చంద్రయాన్ 3 ప్రయోగం లక్ష్యమని స్పష్టం చేశారు. ఆ లక్ష్యం నెరవేరిందని తెలిపారు.</p>

<p>Chandrayaan-3: చంద్రయాన్ 3 ప్రయోగం దాదాపు పూర్తయినట్లే కనిపిస్తోంది. చంద్రుడి ఉపరితలంపై రాత్రి సమయంలో నిద్రావస్థలోకి వెళ్లిన విక్రం ల్యాండర్, ప్రజ్ఞాన్ రోవర్ లను యాక్టివేట్ చేయడానికి ఇస్రో చేస్తున్న ప్రయత్నాలు ఫలించడం లేదు.&nbsp;</p>

Going abroad for studies?: పై చదువులకు విదేశాలకు వెళ్లేవారు కచ్చితంగా ఇవి పాటించండి..

<p>Going <a class="manualbacklink" target="_blank" href="https://telugu.hindustantimes.com/national-international/more-than-30-lakh-indian-students-went-abroad-for-higher-studies-in-6-years-see-full-details-here-121675734710241.html">abroad</a> for studies? భారత దేశంలో, ముఖ్యంగా తెలుగు రాష్ట్రాల్లో దాదాపు ప్రతీ ఇంటి నుంచి ఒకరో ఇద్దరో పిల్లలు ఇప్పుడు పై చదువుల కోసం విదేశాలకు వెళ్తున్నారు. ముఖ్యంగా అమెరికా, ఆస్ట్రేలియా, యూకే, కెనడాలకు ఎక్కువగా వెళ్తున్నారు. మన భాష, సంస్కృతి, సంప్రదాయం కాని విదేశాల్లో తమ పిల్లలు ఎలా ఉండారోనన్న ఆందోళన తల్లిదండ్రులకు ఉంటుంది. అయితే, ఈ సింపుల్ టిప్స్ ఫాలో కావడం ద్వారా విదేశాల్లో ఎలాంటి ఇబ్బందులు లేకుండా చదువులు పూర్తి చేయొచ్చు. సెటిల్ కావచ్చు. నిపుణులు చెబుతున్న ఆ టిప్స్ ఏంటంటే..</p>

<h3>1) స్థానిక సంప్రదాయాలు, చరిత్ర</h3><p>మీరు వెళ్తున్న దేశం పాటిస్తున్న సంస్కృతి, సంప్రదాయాల గురించి, వారు గౌరవించే విలువల తెలుసుకోండి. అక్కడి చరిత్ర తెలుసుకోండి. దానిద్వారా మీరు తొందరగా స్థానికులతో కలిసిపోగలరు. స్థానిక సంప్రదాయాలను తెలుసుకోవడం కోసం లోకల్ ఈవెంట్స్ కు వెళ్లడం, సహాధ్యాయులు, సీనియర్లతో మర్యాదగా ఉండడం, వారితో కలిసి పోవడం చేయాలి. స్థానిక వంటకాలను ట్రై చేయండి. అక్కడి చరిత్ర తెలుసుకోండి.</p>

<h3>2) స్థానిక భాష</h3><p>సాధ్యమైనంత త్వరగా అక్కడి వారు అత్యధికంగా మాట్లాడే భాషపై, వారి యాసపై పట్టు సాధించండి. స్థానిక భాష రావడం చాలా ఉపయోగకరం. లోకల్ లాంగ్వేజ్ వస్తే స్థానికుల్లో మీ పట్ల సానుకూలత పెరుగుతుంది. స్థానిక భాష వచ్చి ఉంటే ఉద్యోగావకాశాలు కూడా పెరుగుతాయి. వారి భాష మీకు ఫ్లుయెంట్ గా రాకపోయినా పర్లేదు కానీ కనీసం అర్థ చేసుకుని, సమాధానం ఇవ్వగల స్థాయిలోనైనా నేర్చుకోండి.</p>

<h3>3) విభిన్న నేపథ్యాలు</h3><p>మీరు ఉంటున్న ప్రాంతంలోని స్థానికులతో పాటు, అక్కడికి చదువు, ఉపాధి కోసం వచ్చిన విభిన్న నేపథ్యాలు ఉన్న వ్యక్తులతో సత్సంబంధాలను నెలకొల్పుకోవాలి. మీరు చదువుతున్న విద్యా సంస్థలోని వివిధ దేశాల వారితో ఫ్రెండ్ షిప్ చేయండి. అలాగే, కాలేజ్ ఈవెంట్, ఇంటర్ యూనివర్సిటీ ఈవెంట్స్ లో పాల్గొనండి. అలాంటి కార్యక్రమాలకు హాజరు కండి. కమ్యూనిటీ ఈవెంట్స్ లో పార్టిసిపేట్ చేయండి. ఇవన్నీ మీకు ఒక మంచి ఇంటర్నేషనల్ నెట్ వర్క్ ఏర్పడేలా సహాయపడ్తాయి. భవిష్యత్తులో మీ కెరియర్ కు కూడా హెల్ప్ చేస్తాయి. అలాగే, జీవిత కాల స్నేహాలు కూడా ఏర్పడుతాయి.</p>

<h3>4) ప్రయాణాలు..</h3><p>వీలైనప్పుడల్లా కొత్త ప్రాంతాలకు వెళ్లండి. అందుకు అవసరమైన ఖర్చులను సొంతంగా సంపాదించుకునే ప్రయత్నం చేయండి. వివిధ దేశాలు, ప్రాంతాలకు చెందిన స్నేహితులు, క్లాస్ మేట్స్ తో కలిసి వీకెండ్ టూర్స్ ప్లాన్ చేయండి. మీ గ్రూప్ లో ఒకరిద్దరు స్థానికులు ఉంటే మీ ట్రిప్ మరింత బావుంటుంది. కొత్త ప్రాంతానికి వెళ్లడం, అక్కడి చరిత్ర, సంప్రదాయాలను తెలుసుకోవడం కూడా ఒకరంగా నాలెడ్జ్ సంపాదించడమే. ఏదో సమయంలో మీకు అది హెల్ప్ అవుతుంది. అంతేకాదు, ఆ ట్రిప్స్ మీకు జీవితకాల జ్ఞాపకాలను ఇస్తుంది.</p>

<h3>5) ఆరోగ్యకర జీవన విధానం..</h3><p>విదేశాల్లో ఉండడం, కుటుంబ సభ్యులకు దూరంగా ఉండడం, ఎక్కువగా స్నేహితులతో కలిసి ఉండడం వల్ల అనారోగ్యకర అలవాట్లకు తొందరగా బానిసలయ్యే అవకాశం ఉంది. ఆ ప్రమాదం నుంచి దూరంగా ఉండండి. ఆరోగ్యకర జీవన విధానాన్ని మీ జీవితంలో భాగం చేసుకోండి. ఆరోగ్యం పాడైతే, చూసుకోవడానికి ఎవరూ దగ్గర్లో ఉండరన్న విషయాన్ని గుర్తుంచుకోండి. సరైన ఆహారం తీసుకోవడం, రెగ్యులర్ గా వర్కౌట్స్ చేయడం కొనసాగించండి. ప్రమాదకర ప్రయాణాలకు దూరంగా ఉండండి.</p>

<h3>6) లక్ష్యసాధన</h3><p>వీటన్నింటితో పాటు లక్ష్యసాధన కోసం కృషి చేయడం మర్చిపోవద్దు. ఏ ఉద్దేశంతో విదేశాలకు వెళ్లామో, ఆ లక్ష్యాన్ని చేరుకోవడం ఫస్ట్ ప్రయారిటీ గా ఉండాలి. స్వల్పకాలిక, దీర్ఘకాలిక లక్ష్యాలను పెట్టుకోండి. వాటిని డైరీలో రాసి పెట్టుకోండి. వాటిపై ఎప్పటికప్పుడు రివ్యూ చేయండి. ఫైనాన్షియల్ గా స్వయం సమృద్ధి సాధించడానికి ప్రయత్నించండి.</p>

<p>Going abroad for studies? పై చదువులకు విదేశాలకు వెళ్లడం ఇప్పుడు అత్యంత సాధారణమైంది. అయితే, అక్కడకు వెళ్లిన తరువాత ఈ సూచనలను పాటిస్తే, విదేశాల్లో మీ జీవితం ఎలాంటి ఇబ్బందులు లేకుండా సజావుగా సాగుతుంది.</p>

50 years of mobile phone: ఇటుక సైజు నుంచి ఫోల్డబుల్ వరకు;మొబైల్ ఫోన్ కు 50 ఏళ్లు

<p>మొదట్లో ఇటుక సైజులో, కేజీకి పైగా బరువుతో ఉండే మొబైల్ ఫోన్ (<a class="manualbacklink" target="_blank" href="https://telugu.hindustantimes.com/business/top-mobile-phones-with-5-5-inch-screens-for-your-next-buy-121672929687248.html">mobile phone</a>).. 50 ఏళ్ల ప్రస్థానంలో సైజు తగ్గుతూ, బరువు తగ్గుతూ, కొత్త ఫీచర్లను యాడ్ చేసుకుంటూ, కేవలం కాల్స్ చేసుకునే స్థాయి నుంచి కంప్యూటర్ కు ప్రత్యామ్నాయంగా ఎదిగి, సింపుల్ గా మీ ప్యాకెట్ లో కూర్చునే స్థాయి వరకు చేరింది. భవిష్యత్తులో టచ్ స్క్రీన్ స్థానంలో ఇన్ విజిబుల్ స్క్రీన్ కూడా రాబోతోంది. మొబైల్ ఫోన్ ఈ 50 ఏళ్ల ప్రస్థానం వివరాలు క్లుప్తంగా ఇక్కడ..</p>

<h3>1973: తొలి మొబైల్ కాల్ ‘హెలో మోటో’</h3><ul><li>1973: మొదటి మొబైల్ ఫోన్ (mobile phone) 1973లో రూపొందింది. అమెరికా కంపెనీ మోటొరోలా DynaTAC పేరుతో తొలి మొబైల్ ఫోన్ (mobile phone) ను రూపొందించింది. దీన్ని రూపొందించిన ఇంజినీర్ మార్టిన్ కూపర్ (Martin Cooper). తను రూపొందించిన మొబైల్ ఫోన్ నుంచి ఆయన తొలి కాల్ ను 1973 ఏప్రిల్ 3వ తేదీన బెల్ ల్యాబ్స్ లో ఇంజినీర్ గా ఉన్న మిత్రుడు, కాంపిటీటర్ జోయెల్ ఎంగెల్ (Joel Engel) కు చేశారు. విశేషం ఏంటంటే, జోయెల్ ఎంగెల్ కూడా మొబైల్ ఫోన్ (mobile phone) ను రూపొందించే పనిలోనే ఉన్నాడు. తొలి మొబైల్ ద్వారా ‘హెలో మోటో’ (Hello, moto) అంటూ జోయెల్ ఎంగెల్ ను మార్టిన్ కూపర్ పలకరించాడు. వారిద్దరి మధ్య జరిగిన ఆ సంభాషణే తొలి మొబైల్ కాల్.</li></ul><h3>1983: మార్కెట్లోకి తొలి మెబైల్ ఫోన్</h3><ul><li>1983: తొలి మొబైల్ కాల్ ప్రసారం అయన 10 సంవత్సరాలకు గానీ తొలి మొబైల్ ఫోన్ (mobile phone) ను మార్కెట్ లోకి తీసుకురావడం సాధ్యం కాలేదు. 1983లో మొటోరోలా తన తొలి మొబైల్ మోడల్ DynaTAC 8000X ను అమెరికా మార్కెట్లో ప్రవేశపెట్టింది. ఆ మొబైల్ ఫోన్ (mobile phone) ధరను 3,995 డాలర్లుగా నిర్ణయించింది. ఆ మొబైల్ ఫోన్ నిక్ నేమ్ బ్రిక్ (brick). అది సుమారు ఒక కేజీ బరువుండేది. 33 సెంటీమీటర్ల పొడవు ఉండేది.</li></ul><h3>1992: మొట్ట మొదటి టెక్స్ట్ మెసేజ్ ‘మెర్రీ క్రిస్ట్ మస్’</h3><ul><li>తొలి మొబైల్ ఫోన్ మార్కెట్లోకి వచ్చిన 9 ఏళ్లకు మొబైల్ ఫోన్ (mobile phone) నుంచి మొదటి టెక్స్ట్ మెసేజ్ వెళ్లింది. 1992 డిసెంబర్ 3న వొడాఫోన్ (Vodafone) ఉద్యోగి రిచర్డ్ జార్విస్ (Richard Jarvis) ఈ మొదటి టెక్స్ట్ మెసేజ్ ను అందుకున్నారు. ఆ మెసేజ్ ఏంటో తెలుసా.. మెర్రీ క్రిస్ట్ మస్ (Merry Christmas). ఈ మెసేజ్ (message) 2021లో 1.5 లక్షల డాలర్లకు వేలంలో అమ్ముడు పోయింది.</li></ul><h3>1997: నోకియా విప్లవం ప్రారంభం.. స్నేక్ గేమ్ ఆరంభం</h3><ul><li>1997: 1997 లో మొబైల్ ఫోన్ (mobile phone) ప్రపంచంలోకి ఫిన్ ల్యాండ్ కంపెనీ నోకియా (Nokia) రంగ ప్రవేశం జరిగింది. మొబైల్ ఫోన్ల రూపకల్పనలో ఎన్నో అత్యుత్తమ మార్పులను ఈ (Nokia) కంపెనీ చేపట్టింది. ఇదే సంవత్సరం మొబైల్ ఫోన్ (mobile phone) లోకి మొబైల్ గేమ్ (mobile game) లు అడుగుపెట్టింది. మొబైల్ ఫోన్ లో వచ్చిన తొలి గేమ్ ఏంటో తెలుసా?,. ‘స్నేక్ (Snake)’. మనలో చాలా మంది ఈ గేమ్ ను ఆడి ఉంటారు కదా.. ఆ గేమ్ ను నోకియా (Nokia) తన 6110 మోడల్ మొబైల్ ఫోన్ (6110 model Nokia phone) లో ప్రవేశపెట్టింది.</li></ul><h3>1999: మొబైల్స్ లోకి ఇంటర్నెట్</h3><ul><li>మొబైల్ ఫోన్ లో ఇంటర్నెట్ వినియోగం 1999 లో ప్రారంభమైంది. వైర్ లెస్ నెట్ వర్క్ ద్వారా బ్రోజింగ్ చేసే వీలును నోకియా (Nokia) తన 7110 మోడల్ లో కల్పించింది. అదే సంవత్సరం తన 3210 మోడల్ మొబైల్ ఫోన్ (mobile phone) లో ప్రెడిక్టివ్ రైటింగ్ ఆప్షన్ ను కూడా ప్రారంభించింది. అలాగే, ఇదే సంవత్సరం మొబైల్ ఫోన్ లో కెమెరాను అమర్చడం ప్రారంభమైంది. 1999 లో Kyocera VP-210 మోడల్ లో, 2000 సంవత్సరంలో Sharp SH04 మోడల్ లో కెమెరాను పొందుపర్చారు.</li></ul><h3>2003: రికార్డు సృష్టించిన నోకియా 1100 మోడల్</h3><ul><li>2003 సంవత్సరంలో అందుబాటు ధరలో 1100 మోడల్ మొబైల్ ఫోన్ (1100 model Nokia mobile phone) ను నోకియా (Nokia) మార్కెట్లోకి తీసుకువచ్చింది. చరిత్రలోనే అది అత్యంత ఎక్కువగా అమ్ముడైన మొబైల్ ఫోన్ (mobile phone). అప్పట్లోనే 25 కోట్లకు పైగా ఈ మోడల్ ఫోన్స్ అమ్ముడుపోయాయి.</li></ul><h3>2001: 3 జీ సేవలు ప్రారంభం</h3><ul><li>ఈ సంవత్సరంలో జపాన్ లో 3జీ (3G) మొబైల్ సేవలు ప్రారంభమయ్యాయి. 3జీ మొబైల్ నెట్ వర్క్ సేవలను ప్రారంభించిన తొలి దేశం జపాన్. తద్వారా హై స్పీడ్ ఇంటర్నెట్ సేవలు పొందడం ప్రారంభమైంది. ఈ నెట్ వర్క్ తో వీడియో కాలింగ్ సులభమైంది.</li></ul><h3>2007: యాపిల్ ఫస్ట్ ఐ ఫోన్</h3><ul><li>యాపిల్ (Apple) సంస్థ తమ మొదటి ఐ ఫోన్ (iPhone) ను 2007లో మార్కెట్లోకి తీసుకువచ్చింది. తొలి యాప్ స్టోర్ 2008 లో ప్రారంభమైంది. అదే సంవత్సరం హెచ్ టీసీ సంస్థ తన హెచ్ టీసీ డ్రీమ్ (HTC Dream) మోడల్ ఫోన్ లో మొదటి సారి గూగుల్ ఆండ్రాయిడ్ ఆపరేటింగ్ సిస్టమ్ (Google's Android operating system)ను అమర్చంది.</li></ul><h3>2009: వాట్సాప్ ప్రస్థానం ప్రారంభం</h3><ul><li>షార్ట్ మెసేజింగ్ విప్లవం ప్రారంభమైంది. 2009లో వాట్సాప్ (WhatsApp) ప్రారంభమైంది. ఆ తరువాత వరుసగా iber, WeChat, Telegram, Signal మొదలైన షార్ట్ మెసేజింగ్ యాప్స్ వచ్చాయి. అయితే, మొబైల్ నెట్ వర్క్ ను కాకుండా ఇంటర్నెట్ ను ఉపయోగించుకునే ఈ యాప్స్ సంప్రదాయ ఎస్ఎంఎస్ (SMS) కన్నా త్వరిత గతిన పాపులర్ అయ్యాయి. ముఖ్యంగా 2012 నుంచి వీటి పాపులారిటీ చాలా పెరిగింది. ఇదే సంవత్సరం స్వీడన్ లోని స్టాక్ హోమ్ లో తొలి 4జీ (4G) నెట్ వర్క్ ప్రారంభమైంది.</li></ul><h3>2011: వాయిస్ అసిస్టెంట్ల పోటీ</h3><ul><li>ఎమోజీ (emoji) ల పరంపర ప్రారంభమైన సంవత్సరం ఇది. వాయిస్ అసిస్టెంట్ సిరి (Siri) కూడా ఈ సంవత్సరమే వచ్చింది. యాపిల్ ఐ ఫోన్ 4 ఎస్ (Apple's iPhone 4S) నుంచి సిరి సేవలు ప్రారంభమయ్యాయి. ఆ తరువాత 2012లో గూగుల్ (google), ఆమెజాన్ (amazon) లు కూడా వాయిస్ అసిస్టెంట్లను రూపొందించాయి.</li></ul><h3>2019: 5 జీ సేవలు ప్రారంభం</h3><ul><li>ప్రపంచంలో తొలిసారి 5 జీ సేవలు ప్రారంభమయ్యాయి. 5 జీ ప్రారంభించిన తొలి దేశంగా దక్షిణ కొరియా నిలిచింది. అదే సంవత్సరం దక్షిణ కొరియా సంస్థ సామ్సంగ్ (Samsung), చైనా సంస్థ హువాయి (Huawei) ఫోల్డబుల్ స్క్రీన్ స్మార్ట్ ఫోన్స్ (foldable screen smartphones) ను రూపొందించాయి.</li></ul><p> </p>

<p>మొబైల్ ఫోన్ (Mobile Phone) 50 ఏళ్ల ప్రయాణం పూర్తి చేసుకుంటోంది. మొదటి మొబైల్ ఫోన్ ను కొన్ని సంవత్సరాల పరిశోధనల అనంతరం 1973లో ఆవిష్కరించారు.&nbsp;</p>

Karnataka political analysis: కర్నాటకలో మోదీ బీజేపీ వర్సెస్ రాహుల్ కాంగ్రెస్

<p>వచ్చే సంవత్సరం జరిగే లోక్ సభ ఎన్నికల్లో ఓటరు నాడి ఎలా ఉండబోతోందో  అంచనా వేయడానికి ఈ కర్నాటక అసెంబ్లీ ఎన్నికలు (<a class="manualbacklink" target="_blank" href="https://telugu.hindustantimes.com/national-international/karnataka-assembly-election-on-may-10-counting-on-may-13-check-full-details-of-schedule-121680073267572.html">Karnataka</a> assembly elections) ఉపయోగపడబోతున్నాయి. దేశవ్యాప్తంగా ప్రధాని మోదీ (PM Modi), బీజేపీ (BJP) ల హవా కొనసాగుతుందా?, లేక  విజయం అందించి ఐసీయూలో ఉన్న కాంగ్రెస్ (Congress) కు ఆక్సిజన్ అందిస్తుందా? అన్నది ఇప్పుడు కీలకంగా మారింది.</p>

<h3>Modi image: మోదీ ఇమేజే బీజేపీ అస్త్రం</h3><p>కర్నాటక (Karnataka)లో బీజేపీ అధికారంలో ఉంది. 2018 ఎన్నికల్లో అతిపెద్ద పార్టీగా నిలిచి అధికారంలో వచ్చింది. కానీ, ఈ ఐదేళ్లలో బీజేపీ పాలనపై కొంతవరకు వ్యతిరేకత పెరిగింది. ప్రభుత్వంలో వేళ్లూనుకుపోయిన అవినీతి, అన్ని కాంట్రాక్టుల్లో 40 శాతం లంచం తీసుకుంటున్నారని ఆరోపిస్తూ.. 40% ప్రభుత్వం అన్న కాంగ్రెస్ (Congress) ప్రచారం, కాంట్రాక్టర్ ఆత్మహత్య ఇష్యూ, స్వయంగా ముఖ్యమంత్రి బొమ్మైపై అవినీతి ఆరోపణలు రావడం, బెంగళూరులో మౌలిక వసతుల కల్పనలో వైఫల్యం, పార్టీలో అంతర్గత విబేధాలు.. (Karnataka assembly elections) బీజేపీ విజయానికి ప్రతిబంధకంగా మారే అవకాశం ఉంది. అయితే, సంస్థాగతంలో బీజేపీ కర్నాటకలో బలంగా ఉంది. వాటికి తోడు మోదీ (PM Modi) ఇమేజ్, అమిత్ షా (Amit Shah) చాణక్యం బీజేపీకి కలిసొచ్చే అంశాలు. మోదీ మరోసారి ‘డబుల్ ఇంజిన్’ మంత్రంతో ఓటర్ల ముందుకు వచ్చే అవకాశముంది. దేశవ్యాప్తంగా కొనసాగుతున్న విజయ ప్రస్థానాన్ని బీజేపీ కర్నాటకలో కూడా కొనసాగిస్తే, అది ఆ పార్టీకి రానున్న లోక్ సభ ఎన్నికల్లో (Lok sabha elections) గొప్ప బూస్టర్ (booster) గా పని చేస్తుందనడంలో సందేహం లేదు.</p>

<h3>Congress strategy: డీకే శివకుమార్, సిద్ధరామయ్యల సమన్వయం</h3><p>మరోవైపు, కాంగ్రెస్ (Congress) కు ఈ కర్నాటక అసెంబ్లీ ఎన్నికల్లో (Karnataka assembly elections) విజయం సాధించడం అత్యవసరం. ఇప్పటికీ సంస్థాగతంగా, నాయకత్వ పరంగా కాంగ్రెస్ బలంగా ఉన్న రాష్ట్రాల్లో కర్నాటక (Karnataka) ఒకటి. దేశవ్యాప్తంగా దాదాపు అన్ని ఎన్నికల్లో కొనసాగుతున్న పరాజయ పరంపరకు ఈ ఎన్నికల్లో అడ్డుకట్ట వేస్తే, కాంగ్రెస్ (Congress) కు అది రానున్న లోక్ సభ ఎన్నికల్లో పార్టీ పునరుత్తేజానికి కచ్చితంగా ఆక్సిజన్ లా పని చేస్తుంది. కర్నాటక ఓటర్లు దాదాపు ప్రతీ ఎన్నికల్లో అధికారంలో ఉన్న పార్టీని ఓడించే సంప్రదాయం పాటిస్తుంటారు. ఈ సారి ఆ సంప్రదాయం కూడా పని చేస్తే, అది కాంగ్రెస్ (Congress) కు సహాయపడుతుంది. 2018లో జరిగిన గత అసెంబ్లీ ఎన్నికల్లో (Karnataka assembly elections) కాంగ్రెస్ బీజేపీ సాధించిన ఓట్ల  కన్నా 2% ఓట్లను మాత్రమే తక్కువ సాధించింది. ఈ సారి మెరుగైన పోల్ స్ట్రాటెజీ తో వ్యవహరిస్తే,  కాంగ్రెస్ (Congress) కు విజయావకాశాలుంటాయి. అలాగే, రాష్ట్రంలో కాంగ్రెస్ కు కీలక నేతలైన మాజీ ముఖ్యమంత్రి సిద్ధరామయ్య (Siddha Ramaiah), డీకే శివ కుమార్ (DK Shiv kumar) లు సమన్వయంతో పనిచేయడం కూడా కాంగ్రెస్ (Congress) కు చాలా అవసరం.</p>

<h3>Rahul Gandhi impact: రాహుల్ గాంధీ కి పరీక్ష</h3><p>కాంగ్రెస్ సీనియర్ నేత రాహుల్ గాంధీ (Rahul Gandhi)ని లోక్ సభలో అనర్హుడిగా (Rahul Gandhi disqualification) ప్రకటించడం, విమర్శలు, ప్రతి విమర్శలు సాధారణమైన భారతీయ రాజకీయాల్లో విమర్శల ఆధారంగా జైలు శిక్ష విధించడం, పార్టీలకు అతీతంగా దాదాపు విపక్ష పార్టీలన్నీ ఈ నిర్ణయాన్ని వ్యతిరేకించడం.. ప్రజల్లో కొంతవరకు రాహుల్ (Rahul Gandhi) కు సానుభూతి పెరగడానికి కారణమయ్యాయి. అది కర్నాటక ఎన్నికల్లో ప్రతిఫలించవచ్చు. అలాగే, రాహుల్ (Rahul Gandhi) చేపట్టిన దేశవ్యాప్త పాదయాత్ర ‘భారత్ జోడో యాత్ర (Bharat Jodo Yatra)’కు రాష్ట్రంలో మంచి స్పందన లభించింది. ఈ ఎన్నికల్లో అది కూడా కాంగ్రెస్ విజయానికి దోహదపడే అవకాశముంది. కాంగ్రెస్ (Congress) ప్రకటించిన ఉచిత విద్యుత్, ఇంటి పెద్దగా ఉన్న మహిళకు నెలకు రూ. 2 వేలు ఇస్తామన్న కాంగ్రెస్ హామీలు కూడా సానుకూల ప్రభావం చూపవచ్చు.</p>

<h3>JDS role: జేడీఎస్ ప్రభావం</h3><p>కుమార స్వామి (Kumara swami) నేతృత్వంలోని జేడీఎస్ (JDS) ఈ ఎన్నికల్లో కూడా కీలక పాత్ర పోషించనుంది. దానికి తోడు, కొత్తగా కర్నాటక (karnataka )లో అడుగుపెట్టిన తెలంగాణ (Telangana) సీఎం కేసీఆర్ (KCR) నేతృత్వంలోని భారత రాష్ట్ర సమితి (BRS) జేడీఎస్ కు మద్దతు ప్రకటించే అవకాశముంది. అది తెలుగు ప్రజలు విజయావకాశాలను నిర్ణయించే నియోజకవర్గాల్లో జేడీఎస్ కు అనుకూలిస్తుంది. కర్నాటకలో మే 10న మొత్తం 224 అసెంబ్లీ స్థానాలకు పోలింగ్ (Karnataka assembly elections)) జరగనుంది. మే 13న కౌంటింగ్ తో పాటు ఫలితాల ప్రకటన ఉంటుంది. </p>

<p>Karnataka political analysis: మరో రాష్ట్రంలో అసెంబ్లీ ఎన్నికల నగారా మోగింది. కీలకమైన దక్షిణాది రాష్ట్రమైన కర్నాటక (Karnataka assembly elections)లో మే నెలలో అసెంబ్లీ ఎన్నికలు జరగనున్నాయి. ఈ ఎన్నికల్లో ప్రధానంగా బీజేపీ, కాంగ్రెస్ మధ్యనే పోటీ ఉంటుందని భావిస్తున్నారు.</p>

Why Investors leaving Markets:స్టాక్ మార్కెట్ ను వీడుతున్న లక్షలాది ఇన్వెస్టర్లు

<p>కొరోనా (corona) మహమ్మారిపై మానవాళి విజయం ఖాయమవుతున్న సందర్భంలో చోటు చేసుకున్న మరో అంశం.. స్టాక్ మార్కెట్లో (stock market) కి వెల్లువగా తరలివచ్చిన మధ్యతరగతి ప్రజలు. ముఖ్యంగా యువత, ఉద్యోగులు, చదువులు ముగించుకుని ఉద్యోగాల్లో చేరుతున్న యువతీయువకులు భారీగా స్టాక్ మార్కెట్ ను ఎక్స్ ప్లోర్ చేయడం ప్రారంభించారు. కొన్ని నెలల వ్యవధిలోనే లక్షల సంఖ్యలో కొత్త డీమ్యాట్ (demat accounts) ఖాతాలు ఓపెన్ అయ్యాయి. బ్రోకరేజ్ సంస్థలు, స్టాక్ అగ్రిగేటర్లు భారీగా లాభాలు చేసుకున్నారు.</p>

<h3>Why Investors leaving Markets?: ట్రెండ్ మారుతోందా?</h3><p>అయితే, ఇప్పుడు తాజాగా ఆ ట్రెండ్ రివర్స్ అవుతున్నట్లు కనిపిస్తోంది. ప్రపంచవ్యాప్తంగా కమ్ముకొస్తున్న ఆర్థిక మాంద్యం (recession), ఉద్యోగాల కోత (lay offs) నేపథ్యంలో జాబ్ సెక్యూరిటీ లేకపోవడం, ద్రవ్యోల్బణం, రష్యా, ఉక్రెయిన్ యుద్ధం, ధరల పెరుగుదల.. వీటన్నింటికి తోడు ఇటీవల ఆదానీ గ్రూప్ పై హిండెన్ బర్గ్ (Adani Hindenberg row) వేసిన ఆర్థిక అవకతవకల ఆరోపణల బాంబు.. ఇవన్నీ కలసికట్టుగా స్టాక్ మార్కెట్ నుంచి వలసలు ప్రారంభం కావడానికి కారణమయ్యాయి. వీటన్నింటి కారణంగా మార్కెట్ తీవ్ర స్థాయిలో ఒడిదుడుకులకు లోనవ్వడం, స్టాక్స్ లో భారీగా హెచ్చుతగ్గులు చోటు చేసుకోవడం.. ఇవన్నీ సగటు ఇన్వెస్టర్ కు మార్కెట్ (STOCK MARKET) పై విశ్వాసం సన్నగిల్లేలా చేశాయి. దాంతో, చాలా మంది క్రమంగా, మార్కెట్ కు దూరమవుతున్నారు. 'లాభమో, నష్టమో.. ఉన్న స్టాక్స్ ను అమ్మేసుకుని ప్రశాంతంగా ఉందా’మన్న ఆలోచన మదుపర్లలో ప్రారంభమైంది.</p>

<h3>38 lakhs investors left stock market: 38 లక్షల మంది..</h3><p>గత ఆరు నెలల్లో భారతీయ స్టాక్ మార్కెట్ల (STOCK MARKET) కు కనీసం 38 లక్షల మంది ఇన్వెస్టర్లు దూరమయ్యారని సెబీ రిజిస్టర్డ్ అనలిస్ట్ ఆశిష్ బహెతీ (Ashish Bahety) వెల్లడించారు. ఎన్ఎస్ఈ (NSE) డేటా ఆధారంగా ఆయన ఆ వివరాలను నివేదించారు. ‘లాక్ డౌన్ (lockdown) సమయంలో మార్కెట్లోకి వెల్లువలా వచ్చినవారు ఇప్పుడు స్టాక్ మార్కెట్ (STOCK MARKET) అసలు రూపాన్ని చూస్తున్నారు’ అని ఆయన వ్యాఖ్యానించారు. తమ వద్ద కొత్తగా ట్రేడింగ్ ఖాతాలను ఓపెన్ చేసేవారి సంఖ్య 50% తగ్గిపోయిందని జిరోధా (Zerodha) ఫౌండర్ సీఈఓ నితిన్ కామత్ వెల్లడించారు. ఈ సంవత్సరం జనవరి నుంచి ఈ ట్రెండ్ మరింత పెరిగిందన్నారు. ఎన్ఎస్ఈ (NSE) డేటా ప్రకారం రోజువారీ ట్రేడింగ్ టర్నోవర్ 2022 నవంబర్ లో రూ. 57,196 కోట్లు కాగా, అది 2022 డిసెంబర్ లో రూ. 52,766 కోట్లకు, 2023 జనవరిలో రూ. 48,601 కోట్లకు తగ్గిపోయింది. అలాగే, బీఎస్ఈ లో సెప్టెంబర్ 2022 లో టోటల్ ఈక్విటీ టర్నోవర్ (total turnover of equity) రూ. 1,18,132.64 కోట్లు కాగా, అది జనవరి 2023 లో రూ. 68,103.37 కోట్లకు తగ్గింది.</p>

<h3>Investors losing hope: విశ్వాసం కోల్పోతున్నారు..</h3><p>ఇన్వెస్టర్లు మార్కెట్ (STOCK MARKET) కు దూరం కావడం, కొత్త మదుపర్లు మార్కెట్లోకి రాకపోవడం, ఉన్న ఇన్వెస్టర్లు కూడా ట్రేడింగ్ కు దూరంగా ఉండడం.. ఇవన్నీ మదుపర్లు మార్కెట్ (stock market) పై విశ్వాసం కోల్పోయారనడానికి స్పష్టమైన ఉదాహరణలని టర్టిల్ వెల్త్ (Turtle Wealth) సీఈఓ రోహన్ మెహతా విశ్లేషించారు. అలాగే, మార్కెట్లో ప్రస్తుతం కొనసాగుతున్న కరెక్షన్ కు నాలుగా కారణాలున్నాయని ఆయన వివరించారు.‘‘ఒకటి, కంపెనీల త్రైమాసిక ఫలితాలు (quarterly results) ఆశించిన స్థాయిలో లేకపోవడం.. రెండోది ఇండియన్ మార్కెట్ కొంతమేరకు ఓవర్ వ్యాల్యూడ్ కావడం.. మూడోది ఆదానీ హిండెన్ బర్గ్ అంశం (Adani Hindenberg row).. నాలుగోది ప్రపంచవ్యాప్తంగానే మాంద్యం నెలకొనడం’’ అని మెహతా విశ్లేషించారు.</p>

<p>కొరోనా మహమ్మారి ప్రపంచాన్ని అతలాకుతలం చేస్తున్న సమయంలో ప్రపంచవ్యాప్తంగా స్టాక్ మార్కెట్లు కుప్పకూలాయి. ప్రముఖ కంపెనీల షేర్లు కూడా అత్యల్ప స్థాయికి చేరాయి. అదే సమయంలో స్టాక్ మార్కెట్లోకి ‘లాక్ డౌన్ ట్రేడర్స్(Lockdown traders)’ దూసుకువచ్చారు.</p>

quiet quitting: ‘క్వైట్ క్విట్టింగ్.. బేర్ మినిమం మండే’.. ఏంటీ కొత్త  ట్రెండ్స్?

<p>క్వైట్ క్విట్టింగ్ (quiet quitting).. బేర్ మినిమం మండే (Bare Minimum Monday).. ఈ రెండు పదాలు ఈ మధ్య కాలంలో బాగా ట్రెండ్ అవుతున్నాయి. ముఖ్యంగా ఉద్యోగుల పనితీరుపై ఇవి గణనీయ ప్రభావం చూపుతున్నాయి.</p>

<h3>corona effects: కొరోనా తెచ్చిన మార్పులు..</h3><p>కోవిడ్ 10 మహమ్మారి తో ఉద్యోగుల జీవన విధానంలో వచ్చిన మార్పుల ఫలితంగా ఈ ట్రెండ్స్ ప్రారంభమయ్యాయి. మొదట లాక్ డౌన్ (lock down), ఆ తరువాత వర్క్ ఫ్రం హోం (work from home), ఇప్పుడు హైబ్రిడ్ తరహాలో కొన్ని రోజులు వర్క్ ఫ్రం హోం (work from home), కొన్ని రోజులు వర్క్ ఫ్రం ఆఫీస్ (work from office).. ఇలా వివిధ పని విధానాలు ఉద్యోగిపై అదనపు ఒత్తడిని తీసుకువస్తున్నాయి. దాంతో, ఉద్యోగుల వ్యక్తిగత జీవనం, కుటుంబం, ఆరోగ్యంపై తీవ్ర ప్రతికూల ప్రభావం పడుతోంది. ఈ పరిస్థితుల్లో నుంచి క్వైట్ క్విటింగ్ (Quiet Quitting), బేర్ మినిమం మండే (Bare Minimum Monday), గ్రేట్ రిజిగ్నేషన్ (Great Resignation), రేజ్ అప్లైయింగ్ (Rage Applying) వంటి ట్రెండ్స్ పుట్టుకొచ్చాయి.</p>

<h3>Bare Minimum Monday బేర్ మినిమం మండే అంటే..</h3><p>ఇందులో బేర్ మినిమం మండే (Bare Minimum Monday) అంటే, వారాంతం ముగిసిన తరువాత.. సోమవారం ఉద్యోగానికి వెళ్లిన ఎంప్లాయి.. అత్యవసరమైన పనులను మాత్రం పూర్తి చేయడం. అనవసర ఎఫర్ట్స్ పెట్టకుండా, ఒత్తిడికి గురికాకుండా, ఆ రోజు కచ్చితంగా చేయాల్సిన పనులను మాత్రమే ముగించుకుని వెళ్లడాన్ని ‘బేర్ మినిమం మండే’గా (Bare Minimum Monday) పేర్కొంటున్నారు. ఉద్యోగ జీవితంతో పాటు వ్యక్తిగత జీవితానికి కూడా సమ ప్రాధాన్యం ఇవ్వాలన్న ఉద్దేశంతో.. వ్యక్తిగత జీవితాన్ని త్యాగం చేసి, ఉద్యోగ జీవితంలో అదనపు ఎఫర్ట్స్ పెట్టాల్సిన అవసరం లేదన్న ఉద్దేశంతో.. ఈ ట్రెండ్ ప్రారంభమైంది. బేర్ మినిమం మండే (Bare Minimum Monday) విధానంలో.. ఉద్యోగి సోమవారం రోజు విధులకు లేట్ గా రావడం, అత్యవసరమైన విధులను మాత్రం చేయడం, త్వరగా వెళ్లిపోవడం జరుగుతుంది. ఈ బేర్ మినిమం మండే (Bare Minimum Monday) పదాన్ని టిక్ టాకర్ మారిసా జో (Marisa Jo) కాయిన్ చేశారు. దీనికి సంబంధించి ఒక వీడియోను కూడా ఆమె అప్ లోడ్ చేశారు.</p>

<h3>quiet quitting: క్వైట్ క్విట్టింగ్ అంటే..</h3><p>క్వైట్ క్విటింగ్ (quiet quitting) కూడా దాదాపు బేర్ మినిమం మండే లాంటిదే. నిజానికి బేర్ మినిమం మండే కన్నా ముందు తెరపైకి వచ్చిన ట్రెండ్ క్వైట్ క్విటింగ్ (quiet quitting). ఈ విధానంలో కూడా ఉద్యోగులు తన ఉద్యోగానికి సంబంధించిన విధులను మాత్రమే పూర్తి చేస్తారు. అదనపు ఎఫర్ట్స్ ను, అదనపు ఒత్తిడిని తీసుకోరు. ఎక్కువ సమయం, ఎక్కువ ఎఫర్ట్, అత్యుత్సాహం చూపకుండా.. జాబ్ కు అవసరమైనంత మాత్రమే పని చేస్తారు. దీనివల్ల తమ పని తాము ఎక్కువ ఎఫర్ట్, ఎక్కువ ఒత్తిడి లేకుండా పూర్తి చేస్తారు. అంటే, తమ ప్రాథమిక విధులను మాత్రం పూర్తి చేస్తారు. క్వైట్ క్విటింగ్ (quiet quitting) ఉద్యోగుల తీరు ఎలా ఉంటుందో ఒక్కమాటలో చెప్పాలంటే.. ‘‘నా పనేదో నేను చేసుకుంటా.. నా జీతమేదో నేను తీసుకుంటా’’ తరహా లో ఉంటుంది. యూఎస్ లో ఇది 2022 లో బాగా ట్రెండ్ అయింది. అమెరికా ఉద్యోగుల్లో దాదాపు సగం మంది క్వైట్ క్విటర్సేనని (quiet quitters) 2022 లో చేసిన ఒక సర్వే లో తేలడం విశేషం. అయితే, ఇది వర్క్ డిస్ సాటిస్ఫాక్షన్ (work dissatisfaction) కు మరో పేరనే వాదన కూడా ఉంది. క్వైట్ క్విటింగ్ (quiet quitting) అనే పదాన్ని బ్రయాన్ క్రీలీ అనే కార్పొరేట్ రిక్రూటర్ తొలి సారి వాడారు.</p>

<p>క్వైట్ క్విట్టింగ్ (quiet quitting).. బేర్ మినిమం మండే (Bare Minimum Monday).. ఈ మధ్య కాలంలో ఉద్యోగుల్లో బాగా ట్రెండ్ అవుతున్న పదాలివి. ఇంతకీ ఈ పదాల అర్థం ఏంటి?.. ఎందుకింతగా ట్రెండ్ అవుతున్నాయి?&nbsp;</p>

Sudarshan Vaddanam