Mint Paratha: పుదీనాతో పరాటాలు.. హెల్తీ, టేస్టీ అల్పాహారం..

mint paratha

paragraph

<p>అల్పాహారంలోకి, లంచ్ లోకి రకరకాల పరాటాలు ప్రయత్నిస్తాం. ఒకసారి ఈ పుదీనా పరాటాలు కూడా చేసుకుని చూడండి. చాలా సింపుల్‌గా, తక్కువ పదార్థాలతో రెడీ అయిపోతాయి. తయారీ కూడా సులభమే. వీటిని ఎలా చేయాలో వివరంగా చూసేయండి.</p>

<h3>పుదీనా పరాటా కోసం కావాల్సిన పదార్థాలు:</h3><p>1 కప్పు పుదీనా ఆకులు</p>

<p>2 కప్పుల గోదుమపిండి</p>

<p>3 చెంచాల నెయ్యి లేదా వెన్న</p>

<p>తగినంత ఉప్పు</p>

<p>సగం చెంచా వాము</p>

<p>సగం చెంచా సోంపు గింజలు</p>

<p>1 చెంచా చాట్ మసాలా</p>

<h3>పుదీనా పరాటా తయారీ విధానం:</h3><ol><li>ముందుగా పుదీనా ఆకుల్ని శుభ్రంగా కడుక్కుని పక్కన పెట్టుకోవాలి.</li><li>ఈ ఆకుల్లో సగం పిండి కలుపుకోవడంలో, మిగతా సగం మసాలా తయారీకి వాడుకోవాలి.</li><li>పిండి తడుపుకోవడం కోసం ఒక పెద్ద బౌల్‌లో <a class="manualbacklink" target="_blank" href="https://telugu.hindustantimes.com/lifestyle/delicious-wheat-flour-garlic-dosa-making-process-121684411614472.html">గోదుమ</a>పిండి, కొద్దిగా నూనె లేదా నెయ్యి, ఉప్పు వేసుకోవాలి. బాగా కలుపుకుని పుదీనా ఆకుల్ని కూడా వీలైనంత సన్నగా తరుగుకుని వేసుకోవాలి.</li><li>కొద్దికొద్దిగా నీళ్లు పోసుకుంటూ చపాతీ పిండిలాగా కలుపుకోవాలి. దీన్ని పావుగంట పక్కన పెట్టుకోవాలి.</li><li>ఇప్పుడు ఒక ప్యాన్ లో <a class="manualbacklink" target="_blank" href="https://telugu.hindustantimes.com/lifestyle/6-reasons-mint-leaves-may-reduce-belly-fat-and-weight-loss-details-inside-121700272936053.html">పుదీనా</a> ఆకులు తీసుకుని నూనె లేకుండా వేయించాలి. కాస్త పొడిగా అయ్యాక బయటకు తీసుకోవాలి. అదే కడాయిలో సోంపు, వాము వేసుకుని వేయించుకోవాలి. ఎండుమిర్చి కూడా వేసుకొని వేయించాలి.</li><li>వీటన్నింటినీ పొడిగా మిక్సీ పట్టుకుని పొడిలాగా చేసుకోవాలి. ఇదే పొడిలో చాట్ మసాలా కూడా కలుపుకోవాలి.</li><li>ఇప్పుడు ముందుగా కలుపుకున్న పిండితో చపాతీల్లాగా ఒత్తుకోవాలి. తర్వాత మీద కొద్దిగా నెయ్యి రాసుకుని మసాలా పొడి చల్లుకోవాలి. మసాలా చల్లుకున్నాక చపాతీని దగ్గరికి అనుకుంటూ ఉండలా చేసుకోవాలి.</li><li>మళ్లీ సన్నగా చపాతీల్లాగా ఒత్తుకొని పెనం మీద నెయ్యి వేసుకుని రెండు వైపులా కాల్చుకోవాలి. అంతే.. పుదీనా పరాటా రెడీ.</li></ol></p>

Allam Pachadi: ఆంధ్ర స్టైల్‌లో అల్లం నిల్వ పచ్చడి, ఒక్కసారి చేసుకుంటే మూడు నెలలు తినవచ్చు

<ul><li>Allam Pachadi: ఆంధ్ర స్టైల్ లో అల్లం నిల్వ పచ్చడి చేసి చూడండి. ఇడ్లీ, దోశెల్లోకి అదిరిపోతుంది. స్పైసీగా చేసుకుంటే ఆ రుచి వేరు. దీని రెసిపీ చాలా సులువు.</li></ul>

Mango Peel Tea: ప్రతిరోజూ మామిడి తొక్కతో టీ కాచుకుని తాగండి, మధుమేహం అదుపులోకి రావడం ఖాయం

<ul><li>Mango Peel Tea: మధుమేహంతో ఇబ్బంది పడుతున్న వారు మామిడి తొక్క టీను ప్రయత్నించండి. ఇది రక్తంలో చక్కెర స్థాయిలను అదుపులో ఉంచుతుంది. ఆరోగ్యానికి కూడా మేలు చేస్తుంది.</li></ul>

Sweetcorn Pakodi: పిల్లలకు ఇలా సులువుగా స్వీట్ కార్న్ పకోడీ ట్రై చేయండి, పది నిమిషాల్లో వండేయచ్చు

<ul><li>Sweetcorn Pakodi: స్వీట్ కార్న్ పకోడీ అనగానే కొంతమంది స్వీట్ కార్న్‌ను రుబ్బి చేస్తూ ఉంటారు. అలా కాకుండా నేరుగా గింజలతోనే కూడా చేయొచ్చు. ఈ స్వీట్ కార్న్ పకోడీ రెసిపీ ఎలాగో ఇప్పుడు చూద్దాం.</li></ul>

New Study: తండ్రి ఆహారపు అలవాట్లు అతని కొడుకు, కూతుళ్ళపై ఎంతటి ప్రభావాన్ని చూపిస్తాయో తెలుసుకోండి

<ul><li>New Study: తండ్రి ఆహారపు అలవాట్లు అతనికి పుట్టిన పిల్లలపై చాలా ప్రభావాన్ని చూపిస్తాయని కొత్త అధ్యయనం తేల్చింది. కొడుకుపై ఎలాంటి ప్రభావాన్ని చూపిస్తాయో, కూతురుపై ఎలాంటి ప్రభావానికి కారణం అవుతాయో పరిశోధనకర్తలు చెబుతున్నారు.</li></ul>

<p>Mint Paratha: పుదీనాతో చేసే పరాటాలు చాలా రుచిగా, మంచి ఫ్లేవర్‌తో ఉంటాయి. వాటిని ఎలా తయారు చేసుకోవాలో తెల్సుకోండి.</p>

Fruit Before Bed: హాయిగా నిద్ర పట్టాలా.. పడుకోబోయే ముందు ఈ పండు తినండి చాలు..

benefits of eating banana before bed

<p>చాలా మంది నిద్ర లేమి సమస్యలతో చెప్పలేనన్ని ఇబ్బందులు పడుతుంటారు. పడక మీద వాలి పడుకున్నా గంటలు గంటలు అలా గడవాల్సిందే తప్ప.. కంటి మీదకు కునుకు రాదు. ఇలాంటి వారికి ఉదయం లేచిన తర్వాత చాలా బలహీనంగా ఉన్నట్లు అనిపిస్తుంది. ఏం పని చేయాలన్నా విసుగు వస్తుంది. ఇక ఇదే నిద్ర లేమి కొన్ని రోజుల పాటు కొనసాగితే దాని వల్ల వచ్చే అనారోగ్య సమస్యలు అన్నీ ఇన్నీ కావు. అందుకనే నిద్ర పోయే ముందు ఓ పండును తినమని వైద్య నిపుణులు చెబుతున్నారు. దీనితో పాటు కొన్ని పనులు చేయడం వల్ల నిద్ర మంచిగా పట్టే అవకాశాలు పెరుగుతాయని అంటున్నారు. అవేంటో తెలుసుకోండి..</p>

<p>రాత్రి నిద్రకు ఉపక్రమించే ముందు ఒక పండిన <a class="manualbacklink" target="_blank" href="https://telugu.hindustantimes.com/web-stories/get-these-benefits-for-skin-and-health-from-banana-121693399559272.html">అరటి పండు</a>ను తినమని వైద్యులు సలహా ఇస్తున్నారు. అరటి పండులో నిద్రను మెరుగుపరిచే రకరకాల పోషకాలు ఉంటాయి. దీంతో ఇది చక్కగా నిద్ర పట్టేందుకు సహకరిస్తుంది. దీనిలో ట్రిప్టోఫాన్ అనే అమీనో యాసిడ్‌ ఉంటుంది. ఇది మనలో నిద్ర హార్మోన్‌ అయిన సెరటోనిన్‌ విడుదల కావడాన్ని ప్రోత్సహిస్తుంది.</p>

<p>అరటి పండులో పొటాషియం, మెగ్నీషియం లాంటి ఖనిజాలు ఉంటాయి. ఇవి మనలో కండరాలకు సాంత్వన కలిగిస్తాయి. సాధారణంగా మనకు మజిల్‌ టెంక్షన్స్‌ ఉన్నా కూడా అది నిద్ర లేమికి కారణం అవుతుంది. నిద్ర నాణ్యత తీవ్రంగా దెబ్బ తింటుంది. ఈ పండులో <a class="manualbacklink" target="_blank" href="https://telugu.hindustantimes.com/lifestyle/these-are-main-reasons-to-add-magnesium-to-your-diet-121670211912993.html">మెగ్నీషియం</a>, పొటాషియంలు రెండూ కలిసి ఉండటం వల్ల ఒత్తిడి తేలికగా తగ్గుతుంది. మనకు ప్రశాంతత కలిగినట్లుగా అనిపిస్తుంది. దీని వల్ల తేలికగా నిద్రలోకి జారుకునే అవకాశాలు పెరుగుతాయి.</p>

<p>ఈ పండులో మనకు అవసరం అయిన పిండి పదార్థాలు ఎక్కువగా ఉంటాయి. అలాగే దీనిలో సహజమైన చక్కెరలు కూడా అధికంగా ఉంటాయి. ఇవి మన రక్తంలో చక్కెర స్థాయిల్ని రాత్రి సమయంలో నియంత్రణలో ఉంచేందుకు సహకరిస్తాయి. కొన్ని సార్లు మనం నిద్ర పోయిన తర్వాత ఒక్కసారే రక్తంలో చక్కెర స్థాయిలు పెరుగుతాయి. దీంతో ఆ తర్వాత వెంటనే బాగా ఆకలి కావడం ప్రారంభం అవుతుంది. అందువల్ల మనం నిద్ర మధ్యలో మేల్కొంటాం. అసౌకర్యంగా అనిపిస్తుంది. ఇలాంటివన్నీ అరటి పండు తిని పడుకోవడం వల్ల నియంత్రణలో ఉంటాయి.</p>

<p>కాబట్టి నిద్ర సమస్యలతో ఇబ్బంది పడుతున్న వారు ఎవరైనా సరే రాత్రి పడుకునే ముందు ఒక అరటి పండు తిని పడుకోవడం అలవాటుగా చేసుకోండి. అలాగే చామంతి టీ తాగడం, మంచి సంగీతం వినడం, సెంటెడ్‌ క్యాండిల్స్‌ వెలిగించుకోవడం లాంటివన్నీ మీరు నిద్రపోవడానికి సహకరిస్తాయని గుర్తుంచుకోండి.</p>

<p>Fruit Before Bed: నిద్ర పోయే ముందు అరటిపండు తినడం వల్ల నిద్ర చక్కగా పడుతుంది. దాంతో పాటే బోలెడు లాభాలున్నాయి. అవేంటో చూడండి.</p>

Beetroot for Diabetes: మధుమేహం ఉన్న వారు బీట్‌రూట్‌ తింటే మంచిదా?

diabetes and beetroot

<p>దుంపలు అన్నింటిలో బీట్‌‌రూట్‌ని ఆరోగ్యకరమైన దుంపగా చెప్పవచ్చు. దీనిలో విటమిన్లు, మినరళ్లు, యాంటీ ఆక్సిడెంట్లు, పీచు పదార్థాలు లాంటివి పుష్కలంగా ఉంటాయి. సాధారణంగా దుంప కూరలు ఎక్కువ గ్లైకమిక్‌ ఇండెక్స్‌ని కలిగి ఉంటాయి. అందువల్ల డయాబెటీస్‌ ఉన్న వారు వీటిని తినడానికి వీలుకాదు. అయితే బీట్‌ రూట్‌ మాత్రం మోడరేట్‌ గ్లైకమిక్‌ ఇండెక్స్‌ని కలిగి ఉంటుంది. అందువల్ల దీన్ని మధుమేహం ఉన్న వారు కూడా అప్పుడప్పుడూ తింటూ ఉండవచ్చు. అసలు వారు దీన్ని ఎందుకు తినాలనే విషయాన్ని పోషకాహార నిపుణులు వివరిస్తున్నారు.</p>

<h3>పీచు పదార్థం అధికం:</h3><p>సరళ పిండి పదార్థాలను తినడం వల్ల సహజంగా మనలో చక్కెర స్థాయిలు పెరిగిపోతాయి. అయితే బీట్‌రూట్‌లో సంక్షిష్ట పిండి పదార్థాలు అధికంగా ఉంటాయి. అధికంగా పీచు పదార్థాలు ఉంటాయి. వీటితో కలిపి పిండి పదార్థాలను తినడం వల్ల అవి ఒక్కసారే అరిగిపోయి తొందరగా రక్తంలోకి చేరిపోవు. కొద్ది కొద్దిగా అరుగుతూ క్రమంగా రక్తంలో కలుస్తూ ఉంటాయి. అందువల్ల రక్తంలో <a class="manualbacklink" target="_blank" href="https://telugu.hindustantimes.com/lifestyle/natural-lifestyle-tips-to-control-blood-sugar-naturally-121695895579483.html">చక్కెర</a> స్థాయిలు ఒక్కసారే పెరిగిపోవడం అనేది జరగదు. పీచు పదార్థాలు తగినంత పొట్టలోకి చేరడం వల్ల జీర్ణ వ్యవస్థ కూడా మెరుగవుతుంది. మలబద్ధకం సమస్య ఉన్న వారికీ ఇది చక్కగా పని చేస్తుంది. పొట్ట శుభ్రపడి అజీర్ణం సమస్య తగ్గుతుంది.</p>

<h3>పోషకాలు మెండు:</h3><p>బీట్‌రూట్‌లో ఫోలేట్‌, <a class="manualbacklink" target="_blank" href="https://telugu.hindustantimes.com/web-stories/healthy-foods-that-are-rich-in-potassium-mineral-121695215817336.html">పొటాషియం</a>, విటమిన్‌ సీ లాంటివి ఎక్కువగా లభ్యం అవుతాయి. ఇవి మన శరీర రోగ నిరోధక శక్తిని పెంచుతాయి. దీనిలో నైట్రేట్‌ అధికంగా ఉండటం వల్ల రక్తపోటును అదుపులో ఉంచి, గుండె సంబంధిత సమస్యలు రాకుండా చూస్తుంది. దీనిలో ఉండే యాంటీ ఆక్సిడెంట్లు యాంటీ ఇన్ఫ్లమేటరీ లక్షణాలను కలిగి ఉంటాయి. ఇవి శరీరంలో వాపుల్ని తగ్గిస్తాయి. కణాల వృద్ధిలో తోర్పడతాయి.</p>

<h3>పరీక్ష చేసుకుంటూ ఉండాల్సిందే:</h3><p>బీట్‌రూట్‌ని మధుమేహ వ్యాధిగ్రస్తులు మితంగా అప్పుడప్పుడూ తినవచ్చు. అయితే ఒక్కో ఆహార పదార్థం ఒక్కొక్కరి శరీరంలో ఒక్కొక్కలా పని చేస్తూ ఉంటుంది. కాబట్టి కొత్తగా దీన్ని తింటూ ఉంటే గనుక మధ్య మధ్యలో షగర్‌ పరీక్ష చేయించుకుంటూ ఉండండి. ఒక వేళ ఇది మీకు పడక మధుమేహం ఎక్కువ అవుతుంటే మాత్రం దీని జోలికి వెళ్లకండి. లేదంటే మాత్రం అప్పుడప్పుడూ తింటూ ఉండొచ్చు. అందువల్ల పై ప్రయోజనాలన్నీ కలుగుతాయి. లేకపోతే వైద్యుల సలహా తీసుకుని ఆ ప్రకారం కూడా దీన్ని డైట్‌లో చేర్చుకోవాలో వద్దో మీరే నిర్ణయం తీసుకోండి.</p>

<p>Beetroot for Diabetes: మధుమేహం ఉన్నవాళ్లకు బీట్‌రూట్ తినొచ్చా లేదా అనే సందేహం ఉంటుంది. నిజమేంటో వివరంగా తెల్సుకోండి.&nbsp;</p>

Drinking Water Mistakes: నీటిని తాగే విషయంలో తప్పుడు అపోహలతో ఉన్నారేమో.. ఇవి తెల్సుకోండి..

drinking water mistakes

<p>మనం ఆరోగ్యంగా ఉండాలన్నా, మన చర్మం హైడ్రేటెడ్‌గా ఉండాలన్నా మనం రోజూ తగినంత నీటిని తాగాల్సిందే. రోజుకు కనీసం ఏడెనిమిది గ్లాసుల నీటిని తాగాలని వైద్యులు సిఫార్సు చేస్తుంటారు. అయితే వీటిని తాగేప్పుడు అంతా సాధారణంగా చేసే కొన్ని తప్పులు ఉంటాయి. అవేంటో తెలుసుకుని వాటిని చేయకుండా ఉండేందుకు ప్రయత్నించండి.</p>

<h3>నీళ్లు తాగేటప్పుడు చేయకూడని తప్పులు:</h3><p>ఉదయం నిద్ర లేచిన తర్వాత అంతా చేయాల్సిన మొదటి పని నోటిని పుక్కిలించి శుభ్రం చేసుకోవాలి. తర్వాత పరగడుపునే నీటిని తాగాలి. రాత్రంతా మనం ఏం తినకుండా, తాగకుండా ఉంటాం. కాబట్టి ఉదయాన్నే నీటిని తాగితే మళ్లీ శరీరం హైడ్రేటెడ్‌గా మారుతుంది. జీవ క్రియలు ఊపందుకుంటాయి.</p>

<p>నీటిని ఏ సమయంలో తాగాలి. ఏ సమయంలో తాగకూడదు అనే విషయంలో కచ్చితంగా అవగాహనతో ఉండాలి. మరీ ముఖ్యంగా <a class="manualbacklink" target="_blank" href="https://telugu.hindustantimes.com/lifestyle/what-happen-to-body-when-you-skip-rice-for-1-month-121703230783796.html">అన్నం</a> తినడానికి అరగంట ముందు ఓ గ్లాసుడు నీరు తాగాలి. అలా చేయడం వల్ల గ్యాస్‌ ఇబ్బందులు ఎక్కువగా తలెత్తవు. ఇంకా అన్నం తిన్నప్పుడు జీర్ణ రసాలు సరిగ్గా విడుదల అయి అరుగుదల సమస్యలు ఉండవు.</p>

<p>కొందరు నీటిని తాగేప్పుడు చాలా వేగంగా గటగటా తాగేస్తుంటారు. అలాగే ఒకేసారి అర లీటరు నుంచి లీటరు వరకు తాగుతూ ఉంటారు. ఇలా చేయడం వల్ల శరీరం పోషకాలను శోషించుకోవడానికి ఇబ్బంది పడుతుంది. పోషకాల్ని సరిగ్గా తీసుకోకుండానే విసర్జించేస్తుంది. ఎక్కువ నీటిని ఒక్కసారే తాగేయకుండా చిన్న చిన్న మొత్తంలో రోజంతా నీటిని తాగుతూ ఉండటం అనేది అవసరం.</p>

<p>కొంత మంది దాహంగా ఉన్నప్పుడు మాత్రమే నీటిని తాగాలని అనుకుంటారు. శరీరానికి అవసరం ఉన్నప్పుడు అదే అడుగుతుందని పొరపాటు పడుతుంటారు. దాహం వేసినా వేయకపోయినా రోజూ కనీసం రెండు లీటర్ల నీటిని తాగాలని లక్ష్యంగా పెట్టుకోవాలి. సాయంత్రానికి ఆ లక్ష్యాన్ని చేరుకోవాలి. అలాగే కొంత మంది టీ, <a class="manualbacklink" target="_blank" href="https://telugu.hindustantimes.com/lifestyle/know-how-to-make-tastier-coffee-with-simple-ingredients-121702524253393.html">కాఫీ</a>, శీతల పానీయాల్లాంటి వాటిని ఎక్కువగా తాగుతుంటారు. ఆ ద్రవాలను కూడా నీటి లెక్కతో కలిపి లెక్క వేసుకోకూడదు. మిగిలినవి ఏమి తాగినప్పటికీ కూడా నీటిని రెండు లీటర్లు తాగాలని గుర్తుంచుకోవాలి.</p>

<p>ఏం నీటిని తాగుతున్నాం అనేది కూడా ఎప్పుడూ మనం దృష్టిలో ఉంచుకోవాల్సిన విషయమే. ఇంటికి సరఫరా అయ్యే కుళాయి నీళ్లు అన్ని చోట్లా ఒకేలా ఉండవు. వాటిలో ఎక్కువగా క్లోరిన్‌, ఫ్లోరైడ్‌, ప్లాస్టిక్‌ నానో పార్టికిల్స్‌ లాంటివి ఉండే ప్రమాదం ఉంటుంది. ఇవన్నీ సంతానోత్పత్తి, హార్మోన్ల విడుదల, మెదడు పనితీరులపై ఎంతో ప్రభావాన్ని చూపిస్తుంది. కాబట్టి మీ దగ్గర వస్తున్న నీరు తాగేందుకు ఎంత వరకు సురక్షితం అనేది పరీక్ష చేయించుకుని ఉపయోగించుకోవడం మంచిది.</p>

<p>Drinking Water Mistakes: నీళ్లు తాగేటప్పుడు కొన్ని తప్పులు చేయకూడదు. ఎంత తాగుతున్నాం, ఎప్పుడు తాగుతున్నాం అనే విషయంలో కొన్ని జాగ్రత్తలు పాటించాల్సిందే.</p>

Best Serums: ముఖానికి సీరం ఎలా ఎంచుకోవాలి? ఏ రకాలుంటాయి?

face serum types

<p>ఇటీవల కాలంలో ఫేస్‌ సీరమ్‌ల వాడకం ఎక్కువ అయింది. మార్కెట్‌లో రకరకాల బ్రాండ్ల సీరమ్‌లు అందుబాటులో ఉంటున్నాయి. అయితే వీటిని వాడటం వల్ల అసలు ఉపయోగాలు ఏమిటి? ఏఏ ఫేస్‌ సీరమ్‌లు మంచివి అనే విషయం అవగాహన ఉండాల్సిందే. ఆ వివరాలేంటో తెల్సుకుని మీరూ మంచి సీరమ్‌లను ఎంపిక చేసుకోండి.</p>

<h3>ఫేస్‌ సీరమ్‌లతో ప్రయోజనాలు :</h3><p>ఫేస్‌ సీరమ్‌ల్లో చాలా రకాలు ఉంటాయి. ప్రతి చర్మ సమస్యకు తగిన సీరమ్‌లు ఉంటాయి. మన చర్మం ఆరోగ్యంగా, నిగారింపుగా ఉండాలంటే ముందు హైడ్రేటెడ్‌గా ఉండటం అనేది అత్యవసరం. ఫేస్‌ సీరమ్‌లు చర్మాన్ని హైడ్రేటెడ్‌గా ఉంచుతాయి. అందువల్ల డల్‌గా ఉన్న చర్మం కాస్తా మెరుస్తూ ఉన్నట్లు మారుతుంది. వీటిలో ఉన్న యాంటీ ఆక్సిడెంట్లు చర్మాన్ని ఫ్రీ రాడికల్స్‌ వల్ల జరిగే నష్టం నుంచి కాపాడతాయి. వీటిలో యాంటీ ఏజింగ్‌ సీరమ్‌లూ ఉంటాయి. అవి ముడతలు, గీతల్ని రాకుండా చేసి యవ్వనంగా ఉండేందుకు సహకరిస్తాయి. కొందరికి ముఖ చర్మంపై నల్లటి మచ్చలు వస్తుంటాయి. అలాంటి వారు విటమిన్‌ సీ సీరమ్‌లను వాడటం వల్ల పిగ్మంటేషన్‌, నల్ల మచ్చల్లాంటివి తగ్గి ముఖ చర్మం అంతా ఒకే రకమైన ఛాయను సంతరించుకుంటుంది. మొటిమలు, వైట్‌హెడ్స్‌, బ్లాక్‌హెడ్స్‌ లాంటి సమస్యలకూ ఇవి పరిష్కారాన్ని చూపిస్తాయి.</p>

<h3>ఏ సమస్యలకు ఏవి మంచి ఫేస్‌ సీరమ్‌లు :</h3><ul><li>సాధారణ చర్మం ఉన్న వారు ఎలాంటి ఫేస్‌ సీరమ్‌ని వాడుకున్నా బాగానే ఉంటుంది. అయితే వ్యక్తిగత అవసరాల అనుగుణంగా వాటిని ఎంపిక చేసుకోవాలి. హైడ్రాలిక్ యాసిడ్‌, గ్లిజరిన్‌ లాంటివి ఎక్కువగా ఉండే సీరమ్‌లు పొడి చర్మం ఉన్నవారికి, సాధారణ చర్మం ఉన్న వారికి కూడా బాగా ఉపయోగపడతాయి.</li><li><a class="manualbacklink" target="_blank" href="https://telugu.hindustantimes.com/lifestyle/skin-care-tips-if-you-have-oily-skin-5-things-you-need-to-keep-in-mind-121678595725950.html">జిడ్డు చర్మం </a>ఉన్న వారికి చర్మంలో సీబమ్‌ ఉత్పత్తి తగ్గాలి. అందుకనే వీరు నియాసినమైడ్‌ లాంటివి ఉన్న సీరమ్‌లను ప్రయత్నించాలి. ఇది జిడ్డును నియంత్రించడంలో ప్రభావవంతంగా పని చేస్తుంది.</li><li>కొంత మందికి ముఖం నిండా <a class="manualbacklink" target="_blank" href="https://telugu.hindustantimes.com/web-stories/5-best-foods-for-anti-acne-and-clear-skin-121701798111705.html">మొటిమలు</a> వచ్చేసి ఇబ్బందికరంగా ఉంటుంది. ఇలాంటి వారు సాల్సిలిక్‌ యాసిడ్‌ ఉన్న వాటిని ఎంచుకోవాలి. ఇది వాపుల్ని తగ్గించి మొటిమల్ని నియంత్రిస్తుంది. మొటిమల్ని కలిగించే బ్యాక్టీరియాల్లాంటివి ఉంటే వాటిపైనా సమర్థవంతంగా పని చేస్తాయి.</li><li>కొంత మందికి చిన్న వయసులోనే గీతలు, ముడతల్లాంటివి వచ్చేసి ముసలితనం వచ్చినట్లుగా అనిపిస్తుంది. అలాంటి వారు రెటీనాల్‌ ఉండే సీరమ్‌ని వాడుకోవాలి.</li><li>కొంత మందికి ముఖ చర్మం కాంతి విహీనంగా ఉంటుంది. అలా డల్‌ స్కిన్‌ ఉన్న వారు విటమిన్‌ సీ ఉన్న సీరమ్‌ని ఉపయోగించుకోవడం వల్ల ఫలితాలు బాగుంటాయి.</li></ul><p> </p>

<p>Best Serums: ముఖానికి సమస్య, అవసరం తగ్గట్లు సీరం ఎంచుకోవాలి. కొన్ని టిప్స్ తెల్సుకుంటే మీకు ఎలాంటి సీరం నప్పుతుందో తెలుస్తుంది. అవేంటో చూసేయండి.</p>

Veg Kurma Recipe: ఫంక్షన్ల లాంటి రుచితో వెజ్ కూర్మా రెసిపీ.. ఇంట్లో ఎలా చేయాలంటే..

Veg Kurma Recipe:

<p>రెస్టరెంట్లలో, ఫంక్షన్లలో చాలా సార్లు వెజ్ కూర్మా తింటూ ఉంటాం. అయితే ఇంట్లో అలాంటి రుచి రావాలంటే ఒక కూర్మా మసాలాతో ఈ కూర వండాలి. ఇప్పుడు కూర్మా మసాలాతో సహా వెజ్ కూర్మా ఎలా చేసుకోవాలో వివరంగా చూసేయండి.</p>

<h3>వెజ్ కూర్మా తయారీకి కావాల్సిన పదార్థాలు:</h3><h2>మసాలా కోసం:</h2><p>4 చెంచాల కొబ్బరి తురుము</p>

<p>గుప్పెడు జీడిపప్పు (నానబెట్టినవి)</p>

<p>2 చెంచాల గసగసాలు</p>

<p>చెంచా పుట్నాలు</p>

<p>సగం చెంచా ధనియాలు</p>

<p>పావు చెంచా సోంపు</p>

<p>పావు చెంచా జీలకర్ర</p>

<p>2 పచ్చిమిర్చి, తరుగు</p>

<h2>కూరగాయలు:</h2><p>1 కప్పు క్యాలీఫ్లవర్ ముక్కలు</p>

<p>సగం కప్పు బంగాళదుంప ముక్కలు</p>

<p>సగం కప్పు బటానీ</p>

<p>1 ఉల్లిపాయ, తరుగు</p>

<p>1 టమాటా, ముక్కలు</p>

<p>కరివేపాకు రెబ్బ</p>

<p>పావు చెంచా పసుపు</p>

<p>సగం చెంచా కారం</p>

<p>2 చెంచాల పెరుగు</p>

<h3>వెజ్ కూర్మా తయారీ విధానం:</h3><ol><li>ముందుగా కూరగాయలన్నీ శుభ్రంగా కడుక్కుని పక్కన పెట్టుకోవాలి. క్యాలీఫ్లవర్ కూడా కాస్త వేడినీళ్లలో మరిగించి శుభ్రం చేయాలి.</li><li>ఇప్పుడు మిక్సీలో మసాలా కోసం అని ఇచ్చిన లిస్టులో ఉన్న పదార్థాలన్నీ వేసుకుని కొద్దిగా నీళ్లు పోసుకుని మిక్సీ పట్టుకోవాలి.</li><li>ఒక ప్రెజర్ కుక్కర్లో నూనె వేసుకుని వేడెక్కాక ఉల్లిపాయ ముక్కలు వేసుకుని వేగనివ్వాలి. అవి రంగు మారాక <a class="manualbacklink" target="_blank" href="https://telugu.hindustantimes.com/lifestyle/drinking-curry-leaves-water-daily-benefits-all-you-need-to-know-121698548633318.html">కరివేపాకు</a>, టమాటాలు, పసుపు, కారం వేసుకుని కలియబెట్టాలి.</li><li>ఇప్పుడు ముక్కలు కాస్త మెత్తబడ్డాక కూర్మా కోసం మిక్సీ పట్టుకున్న <a class="manualbacklink" target="_blank" href="https://telugu.hindustantimes.com/lifestyle/mix-three-pulses-and-make-masala-vada-like-this-this-is-the-best-snacks-recipe-121703229356959.html">మసాలా</a> వేసుకుని కలుపుకోవాలి. ఒక అయిదు నిమిషాల పాటూ సన్నం మంట మీద మసాలా బాగా వేగనివ్వాలి.</li><li>నూనె తేలడం గమనిస్తే ఇప్పుడు పెరుగు వేసుకుని బాగా కలపాలి. అందులోనే తరుగుకున్న కూరగాయ ముక్కలన్నీ వేసుకుని కలుపుకోవాలి. 2 కప్పులు నీళ్లు పోసుకుని కలపాలి.</li><li>మూత పెట్టుకుని 2 విజిల్స్ వచ్చేదాకా ఆగాలి. అంతే వేడివేడిగా వెజిటేబుల్ కూర్మా సర్వ్ చేసుకోవడమే.</li></ol><p> </p>

<p>Veg Kurma Recipe: వెజ్ కూర్మా రుచికరంగా ఎలా చేయాలో పక్కా కొలతలతో సహా చూసేయండి.</p>

Breakfasts with Muesli: మ్యూస్లీ తినడం బోర్ కొడితే.. దాంతోనే ఈ 5 అల్పాహారాలు చేసుకోవచ్చు..

breakfasts with muesli

<p>ఉదయాన్నే అల్పాహారంలోకి చాలా మందికి ఏవైనా ఫ్లేక్స్, సిరియల్స్, ఓట్స్, మ్యూస్లీ తినే అలవాటుంటుంది. అయితే రోజూ మ్యూస్లీలో పాలు పోసుకుని తినడం అంటే బోర్ కొట్టేస్తుంది. అందుకే మ్యూస్లీని కొత్త పద్ధతుల్లో ఎలా తినొచ్చో తెల్సుకుందాం.</p>

<h3>1. క్లాసిక్ మ్యూస్లీ బౌల్:</h3><p>పాలు లేదా కొద్దిగా చిక్కటి పెరుగు వేసుకుని తినడం సాధారణం. ఒక గిన్నెలో మ్యూస్లీ వేసి, మీద కాస్త వెచ్చగా ఉన్న పాలు, బాదాం పాలు లేదా గ్రీక్ యోగర్ట్ వేసుకొని తినొచ్చు. మీద ఏవైనా ఇష్టమైన పండ్ల ముక్కలు పెట్టుకుని తినేయడమే.</p>

<h3>2. మ్యూస్లీ బార్స్:</h3><p>ఒక గిన్నెలో మ్యూస్లీ తీసుకుని అందులో కొద్దిగా <a class="manualbacklink" target="_blank" href="https://telugu.hindustantimes.com/lifestyle/weight-loss-with-honey-follow-these-simple-ways-to-lose-weight-honey-all-you-need-to-know-121699841965081.html">తేనె</a> పోయండి. లేదా ఏదైనా నట్ బటర్ వేసుకోవచ్చు. అందులో ఏవైనా డ్రై ఫ్రూట్స్, గింజలు ఇంకేవైనా అదనంగా కావాలన్నా వేసుకోవచ్చు. అన్నీ బాగా కలిపి గిన్నెలోనే బార్ లాగా ఒత్తేసి ఫ్రిజ్ లో పెట్టేయాలి. దాన్ని బయటకు తీసి ముక్కల్లా కోసుకుంటే చాలు. మ్యూస్లీ బార్స్ రెడీ.</p>

<h3>3. మ్యూస్లీ స్మూతీ:</h3><p>ఒక బ్లెండర్ లో మ్యూస్లీ, మీకిష్టమైన <a class="manualbacklink" target="_blank" href="https://telugu.hindustantimes.com/lifestyle/know-how-many-fruits-veggies-and-dry-fruits-should-eat-in-a-day-121702362461041.html">పండ్లు</a>, పెరుగు లేదా కొద్దిగా పాలు పోసుకోవాలి. అన్నీ కలిసేలా మిక్సీ పట్టుకోవాలి. ఇష్టాన్ని బట్టి పాలకూర లాంటి ఆకు కూరలు కూడా కొద్దిగా వేసుకోవచ్చు. దీనివల్ల చాలా సేపటి వరకు కడుపు నిండిన భావన ఉంటుంది.</p>

<h3>4. ఓవర్ నైట్ ఓట్స్:</h3><p>మ్యూస్లీని పాలు లేదా యోగర్ట్‌లో కలపాలి. తీపికోసం ఏదైనా <a class="manualbacklink" target="_blank" href="https://telugu.hindustantimes.com/lifestyle/know-about-different-health-effects-of-using-artificial-sweeteners-121701163761096.html">స్వీటెనర్</a> కలుపుకోవచ్చు. బాగా కలిపి మూత పెట్టుకుని రాత్రంతా ఫ్రిజ్ లో పెట్టేయాలి. ఉదయాన్నే క్రీమీగా ఉండే బ్రేక్‌ఫాస్ట్ ఓట్స్ రెడీ అయిపోతాయి. ఉదయాన్నే వాటిలో నానబెట్టిన చియా గింజలు, తేనె కలుపుకుని తింటే చాలా రుచిగా ఉంటాయి.</p>

<h3>5. మ్యూస్లీ ప్యాన్ కేకులు:</h3><p>ఫుడ్ ప్రాసెసర్ లేదా బ్లెండర్ లో మ్యూస్లీ వేసి పొడిలా చేసేయాలి. ఈ పొడిలో కాస్త ప్యాన్ కేక్ పిండి కలిపి మంచి ప్యాన్ కేకులు వేసుకోవచ్చు. తాజా పండ్లు, పెరుగుతో సర్వ్ చేసుకుంటే మంచి అల్పాహారం సిద్ధం.</p>

<p>Breakfasts with Muesli: మ్యూస్లీని అల్పాహారంగా తినడం కాకుండా.. మ్యూస్లీతోనే రుచికరమైన 5 రకాల బ్రేక్‌ఫాస్ట్ రెసిపీలు ఎలా చేయాలో చూసేయండి.</p>

Hing Water Benefits: ఇంగువ నీటితో జలుబు, దగ్గు తగ్గడమే కాదు.. మరెన్నో ప్రయోజనాలు..

hing water benefits

<p>ఇంగువను భారతీయ వంటిళ్లలో ఎక్కువగా వాడుతూ ఉంటారు. పప్పు, పులిహోర లాంటి కొన్ని వంటలకు ఇది ప్రత్యేకమైన రుచిని ఇస్తుంది. మంచి వాసనతో నోరు ఊరిపోయేలా చేస్తుంది. అందుకనే ఇది దాదాపుగా ప్రతి ఒక్కరి ఇంట్లోనూ అందుబాటులో ఉంటుంది. ఇది కలిపిన నీటిని తాగడం వల్ల జలుబు, దగ్గులాంటివి తగ్గుతాయి. బరువు తగ్గాలనుకునే వారికి కూడా ఇది ఎంతగానో ఉపయోగ పడుతుంది. అలాంటి అద్భుతమైన ఇంగువ నీటితో ఏమేం ప్రయోజనాలు కలుగుతాయో తెలుసుకుందాం పదండి.</p>

<h3>మధుమేహ నియంత్రణకు:</h3><p>రక్తంలో చక్కెర స్థాయిల్ని నియంత్రించడంలో ఇది సమర్థవంతంగా పని చేస్తుంది. ఒకేసారి ఎనర్జీ స్పైక్‌ కావడం, మళ్లీ పడిపోవడం లాంటివి జరగవు. ఎప్పుడూ ఒకే స్థాయిలో శక్తి ఉండేలా చేస్తుంది. మరీ ముఖ్యంగా మధుమేహ వ్యాధిగ్రస్తులకు ఇది ఎంతగానో సహాయకారిగా ఉంటుంది.</p>

<h3>వ్యర్థాల్ని తోసివేస్తుంది :</h3><p>శరీరాన్ని <a class="manualbacklink" target="_blank" href="https://telugu.hindustantimes.com/lifestyle/best-detox-breakfast-recipes-chia-pudding-granolaquinoa-121699117268115.html">డిటాక్స్‌</a> చేసుకోవాలని అనుకునే వారు ఇంగువ నీటిని తాగడం వల్ల చాలా ప్రయోజనం ఉంటుంది. శరీరంలో పేరుకుపోయిన వ్యర్థాలను ఇది సమర్థవంతంగా బయటకు నెట్టివేస్తుంది. అందువల్ల మొత్తం శరీరం ఆరోగ్యవంతంగా మారుతుంది.</p>

<h3>బరువు తగ్గడానికి :</h3><p>తొందరగా బరువు తగ్గాలని అనుకునే వారికి ఇంగువ నీరు తాగడం వల్ల ప్రయోజనం ఉంటుంది. గోరు వెచ్చటి నీటిలో చిటికెడు ఇంగువ కలిపి పరగడుపునే తాగడం వల్ల అద్భుతాలు చూస్తారు. ఇది జీర్ణక్రియను మెరుగు పరుస్తుంది. అజీర్ణం, పొట్ట ఉబ్బరం లాంటి వాటిని తగ్గిస్తుంది. వీటన్నింటి వల్ల జీవక్రియ కూడా మెరుగై శరీరం ఎక్కువ క్యాలరీలను ఖర్చు చేయడానికి ఆస్కారం ఏర్పడుతుంది. దీనిలో ఆకలిని ఎక్కువగా వేయనీయని లక్షణం కూడా ఉంది. అందువల్ల మనం అతిగా తినడానికి కూడా దూరంగా ఉంటాం.</p>

<h3>శ్వాసకోశ ఇబ్బందులకు :</h3><p>ఇంగువ నీటిని తాగడం వల్ల శ్వాసకోశ సంబంధమైన ఇబ్బందులు కూడా తగ్గుముఖం పడతాయి. శ్వాస ఆడకపోవడం, దగ్గు లాంటి వాటి లక్షణాలు తగ్గుతాయి. అలాగే శ్వాస కోశంలో ఉన్న ఇబ్బందులు అన్నీ తగ్గి తేలికగా గాలి ఆడే విధంగా ఉంటుంది.</p>

<h3>ఈ విషయంలో జాగ్రత్త :</h3><p>రోజూ పరగడుపున ఇంగువ నీటిని తాగవచ్చు. అయితే నీటిలో ఇంగువను ఎంత వేసుకుంటున్నారు? అనే విషయంలో జాగ్రత్తగా ఉండాలి. చిటికెడు మాత్రమే చాలు. అంతకంటే ఎక్కువ వేసుకుని తాగడం వల్ల విరోచనాలు, జీర్ణ సంబంధమైన చికాకులు తలెత్తుతాయి. అతిగా దీన్ని తీసుకుంటే పెదవుల వాపులు రావొచ్చు. చర్మం మీద కూడా దద్దుర్లు వచ్చే అవకాశాలు ఉంటాయి. రక్త పోటులో హెచ్చు తగ్గులు ఉంటాయి. <a class="manualbacklink" target="_blank" href="https://telugu.hindustantimes.com/lifestyle/avoid-these-foods-in-pregnancy-which-may-cause-miscarriage-121695960930949.html">గర్భవతులు</a>, పాలిచ్చే మహిళలు దీన్ని తినడం విషయంలో మరింత జాగ్రత్తగా ఉండాలి. వీరు అసలు పరగడుపు ఈ నీటిని తీసుకోకుండా ఉండటమే ఉత్తమం.</p>

<p>Hing Water Benefits: ఇంగువను నీళ్లలో కలిపి తాగడం వల్ల బరువు తగ్గడం, షుగర్ అదుపులో ఉండటం, డిటాక్స్ లాగా పనిచేయడం లాంటి అనేక లాభాలున్నాయి. అవేంటో వివరంగా తెల్సుకోండి.</p>

Weed Management Tips: ఇంటి తోటలో కలుపు లేకుండా ఉండాలంటే.. ఈ టిప్స్ పాటించండి..

weed control tips

<p>ఇటీవల కాలంలో గార్డెనింగ్‌ మీద ఎక్కువ మంది ఆసక్తి చూపిస్తున్నారు. ఇంటి దగ్గర కాస్త ఖాళీ స్థలం ఉన్నా కూడా మొక్కలు పెంచుకుని ఇంటి పంటను ఆనందిస్తున్నారు. మిద్దె తోటల్లో అయినా, ఇంటి తోటల్లో అయినా కలుపు అనేది ఎప్పుడూ ప్రధానమైన సమస్యగా ఉంటుంది. దీని నుంచి బయట పడేందుకు అద్భుతమైన చిట్కాలను నిపుణులు వివరిస్తున్నారిక్కడ.</p>

<h3>కలుపు రాకుండా చిట్కాలు:</h3><ul><li>కలుపు రాకుండా ఉండాలంటే ఖాళీగా నేల ఉండకూడదని నిపుణులు చెబుతుంటారు. అందుకనే షీట్లు వేసుకోవడం, మల్చింగ్‌ వేసుకోవడం లాంటివి చేయాలి.</li><li>మొక్కలను పాతుకునేప్పుడు వరుసల్లో దగ్గర దగ్గరగా వేసుకోవాలి. అప్పుడు ఆ ఆకుల నీడ పడినంత చోటు దాకా దాదాపు కలుపు రాకుండా ఉంటుంది.</li><li>నేల ఖాళీగా ఉందనుకున్న చోట తీగజాతి మొక్కలు నాటి కింద పాకించాలి. అలా చేయడం వల్ల ఆ పాదు పాకినంత వరకు కలుపు రాకుండా ఉంటుంది.</li><li>మిద్దె తోటల్లో కుండీల్లో మొక్కలు పెంచుకుంటూ ఉన్నా సరే కలుపు మొక్కలు అనేవి వస్తూనే ఉంటాయి. అవి వస్తున్న సమయంలోనే పీకి పడేయడం అనేది మంచి పని. అలాగే కొన్ని ఎండు ఆకుల్లాంటి వాటిని మల్చింగ్‌గా వేసుకోవడం వల్ల ఈ ఇబ్బంది రాకుండా ఉంటుంది.</li><li>ఇంటి తోటను అందంతోపాటు, కలుపు లేకుండా కూడా చేసుకోవాలంటే రైజ్డ్‌ బెడ్స్‌ అనేవి పనికి వస్తాయి. మనం నడిచే చోటంతా గ్రావెల్‌ రాళ్లలాంటివాటిని పరుచుకోవాలి. మిగిలిన చోట అడుగు ఎత్తులో చెక్క ఫ్రేం తయారు చేసుకుని అందులో పోషకాలు కలిపిన మట్టి నింపుకోవాలి. అప్పుడు ఈ బెడ్‌ల్లో మాత్రమే మట్టి ఉంటుంది. మిగిలిన చోట్ల ఉండదు కాబట్టి కలుపు తీయాల్సిన పని ఉండదు. ఇలా బెడ్లలో పెంచుకోవడం వల్ల మనం మట్టిని కాళ్లతో తొక్కం. కాబట్టి అది చాలా కాలం వరకు గుల్లగా ఉండి మొక్కలు ఆరోగ్యకరంగా ఎదగడానికి ఉపయోగపడుతుంది.</li><li>ఆకు కూరల్లాంటివి పెంచుకునేప్పుడు ఎక్కువగా కింద కంటే కంటైనర్లలోనే పెంచుకోవడం ఉత్తమం. ఇలా చేయడం వల్ల కలుపు అదుపులో ఉంటుంది. చిన్నగా కనిపిస్తున్నప్పుడు మనం తీసి పడేయడానికి ఆస్కారం ఉంటుంది.</li><li>కలుపు రాకుండా ఉండాలంటే నీటిని పోసే విషయంలో తెలివిగా వ్యవహరించాల్సి ఉంటుంది. మొత్తం ఉన్న నేలంతా నీరు పోసేస్తే కలుపు ఇష్టా రాజ్యంగా వచ్చేస్తుంది. అలా కాకుండా కేవలం కావాల్సిన మొక్కల మొదళ్లకు మాత్రమే నీరు అందేలా పోసుకోవాలి. డ్రిప్‌ వేసుకుంటే కూడా ఈ విధమైన వెసులుబాటు ఉంటుంది. లేదంటే మొక్క మొదట్లో కత్తిరించిన వాటర్‌ బాటిల్‌ని గరాటులా గుచ్చి అందులోంచి నీరు పోయాలి. అప్పుడు తోటంతా కలుపు పెరిగిపోకుండా ఉంటుంది.</li></ul><p> </p>

<p>Weed Management Tips: ఇంట్లో ఉండే చిన్నపాటి మొక్కలు పెంచే స్థలంలో కలుపు బాగా పెరిగి ఇబ్బంది పెడుతుంది. కొన్ని విషయాలు దృష్టిలో ఉంచుకుంటే సమస్య నుంచి పూర్తిగా బయటపడొచ్చు.</p>

Beetroot Rice: సింపుల్‌గా, టేస్టీగా బీట్‌రూట్ రైస్ రెసిపీ.. పిల్లలూ ఇష్టంగా తింటారు..

beetroot rice

<p>పిల్లల లంచ్ బాక్స్ లోకైనా, లేదా మధ్యాహ్న భోజనంలోకి అయినా బీట్‌రూట్ బాగుంటుంది. బీట్‌రూట్ ఇష్టపడనివాళ్లు దాన్ని తినడానికి ఇది మంచి ఆప్షన్. చాలా తక్కువ మసాలాలు, నూనెతో చేస్తాం కాబట్టి ఆరోగ్యకరం కూడా. తయారీ ఎలాగో చూసేయండి.</p>

<h3>బీట్‌రూట్ రైస్ తయారీకి కావాల్సిన పదార్థాలు:</h3><p>2 కప్పులు పొడిగా ఉడికించుకున్న అన్నం</p>

<p>2 బీట్‌రూట్, సన్నటి తురుము</p>

<p>2 టమాటాలు, సన్నటి ముక్కలు</p>

<p>పావు కప్పు పచ్చి బటానీ (ఆప్షనల్)</p>

<p>సగం కప్పు ఉల్లిపాయ ముక్కలు</p>

<p>2 పచ్చిమిర్చి</p>

<p>పావు చెంచా ఆవాలు</p>

<p>1 కరివేపాకు రెబ్బ</p>

<p>సగం చెంచా అల్లం తురుము</p>

<p>1 చెంచా సాంబార్ పొడి</p>

<p>సగం చెంచా పసుపు</p>

<p>పావు చెంచా యాలకుల పొడి</p>

<p>1 చెంచా నెయ్యి</p>

<p>కొద్దిగా కొత్తిమీర తరుగు</p>

<h3>బీట్‌రూట్ రైస్ తయారీవిధానం:</h3><ol><li>ఈ రైస్ చేయడానికి అప్పుడే ఉడికించుకున్న అన్నం లేదా మిగిలిపోయినా అన్నం అయినా వాడుకోవచ్చు.</li><li>ముందుగా కడాయి పెట్టుకుని నూనె, చెంచా <a class="manualbacklink" target="_blank" href="https://telugu.hindustantimes.com/lifestyle/know-why-you-must-eat-ghee-daily-during-winter-season-121699441223814.html">నెయ్యి</a> కూడా వేసుకోవాలి. వేడెక్కాక ఆవాలు, జీలకర్ర వేసుకుని చిటపటలాడనివ్వాలి. కరివేపాకు, పచ్చిమిర్చి కూడా వేసుకోవాలి.</li><li>అల్లం తరుగు, ఉల్లిపాయ ముక్కలు కూడా వేసుకుని కాస్త రంగు మారేదాకా వేగనివ్వాలి. ఇప్పుడు బటానీ, టమాటా ముక్కలు కూడా వేసుకుని కలుపుకోవాలి. పసుపు, కొద్దిగా సాంబార్ పొడి వేసుకుని కలుపుకోవాలి.</li><li>టమాటా కాస్త మెత్తబడ్డాక <a class="manualbacklink" target="_blank" href="https://telugu.hindustantimes.com/web-stories/beetroot-health-benefits-beetroot-for-bones-blood-and-many-more-121702009803091.html">బీట్‌రూట్ </a>తురుము, ఉప్పు వేసి బాగా కలుపుకోవాలి. మంట సన్నం పెట్టి మూత పెట్టి కాసేపు మగ్గనివ్వాలి.</li><li>పచ్చివాసన పోయి కాస్త మెత్తబడ్డాక యాలకుల పొడి, కొత్తిమీర తరుగు వేసుకుని ఒకసారి కలియబెట్టి ముందుగా ఉడికించుకుని పక్కన పెట్టుకున్న అన్నం కలిపేసుకోవాలి.</li><li>అన్నీ బాగా కలిశాక ఒక నిమిషం పాటూ మూత పెట్టి స్టవ్ కట్టేయాలి. దీన్ని రైతాతో సర్వ్ చేసుకుంటే బాగుంటుంది.</li></ol><p> </p>

<p>Beetroot Rice: సింపుల్‌గా, రుచిగా బీట్‌రూట్ రైస్ ఎలా చేసేయాలో పక్కాకొలలతతో సహా చూసేయండి.&nbsp;</p>

Koutik Pranaya Sree