Mylavaram MLA :  పోరంబోకు రాజకీయాలు చేయలేనన్న వసంత కృష్ణ ప్రసాద్….

paragraph

Mylavaram MLA ఎన్టీఆర్‌ జిల్లా మైలవరం ఎమ్మెల్యే వసంత కృష్ణప్రసాద్ కీలక వ్యాఖ్యలు చేశారు. పది మంది పోరంబోకులను వెంటేసుకుని తిరిగే రాజకీయాలు చేయలేకపోతున్నానన్నారు. పోరంబోకుల్లా మనం ప్రవర్తిస్తేనే ఇప్పటి రాజకీయాల్లో నిలబడగలమని, ఇప్పుడు రాజకీయాల్లో పెద్దరికం పనికిరాదని, అందుకే తాను పాత తరం నాయకుడిగా మిగిలిపోయానన్నారు. తన తండ్రి వసంత నాగేశ్వరరావు కాలం నాటి రాజకీయాలు ఇప్పుడు లేవని, ప్రతి పక్షాలపై నేను తప్పుడు కేసులు బనాయించనని, అందుకే పార్టీలో కొందరికి నాపై అసంతృప్తిగా ఉందని ఎమ్మెల్యే వసంతకృష్ణ ప్రసాద్ వ్యాఖ్యానించారు.

వసంత కృష్ణ ప్రసాద్ కొద్ది రోజులుగా పార్టీలో ధిక్కార స్వరం వినిపిస్తున్నారు. వైసీపీ అధిష్టానం తీరుపై ఆయన అసంతృప్తిగా ఉంటున్నారు. గుంటూరులో ఉయ్యూరు ఫౌండేషన్ చేపట్టిన కార్యక్రమంలో తొక్కిసలాట జరగడం, ఆ తర్వాత ఫౌండేషన్ ఛైర్మన్ శ్రీనివాస్‌ను పోలీసులు అరెస్ట్ చేయడంపై వసంత కృష్ణ ప్రసాద్ స్పందించారు. శ్రీనివాస్ తన స్నేహితుడని, కష్టపడి జీవితంలో పైకి వచ్చాడని, సేవా కార్యక్రమాలు చేసే వారిని వేధిస్తే భవిష్యత్తులో ఎవరు సేవ చేయడానికి ముందుకు రారన్నారు. ప్రమాదవశాత్తూ జరిగిన ఘటనపై రాజకీయ కక్ష సాధింపులు పాల్పడటం తగదని విమర్శించారు. ఇది వైసీపీలో కలకలం రేపింది.

తాాజాగా తాను పుట్టే నాటికి తండ్రి సర్పంచిగా ఉన్నాడని, పుట్టిన 2ఏళ్లకే ఎమ్మెల్యే అయ్యారని, అప్పటికి, ఇప్పటికీ రాజకీయాల్లో గణనీయమైన మార్పు వచ్చిందని. పిన్నమనేని వెంకటేశ్వరరావు, చనుమోలు వెంకట్రావు, వసంత నాగేశ్వరరావు కాలంలోనే తాను ఉండిపోయానని, నేటి రాజకీయాలు చేయలేకపోతున్నానని కార్యకర్తల భేటీలో చెప్పారు. వసంత కృష‌్ణప్రసాదం అంతరంగం ఏమిటో తెలీక వైసీపీ నాయకులు అయోమయానికి గురవుతున్నారు.

మైలవరంలో మాజీ మంత్రి దేవినేని ఉమాను మట్టికరిపించి గెలుపొందిన వసంత కృష్ణ ప్రసాద్ టీడీపీకి దగ్గరవుతున్నారని ఎన్టీఆర్‌ జిల్లాలో విస్తృత ప్రచారం జరుగుతోంది. మాజీ ఎంపీ లగడపాటి రాజగోపాల్ మధ్యవర్తిత్వం వహిస్తున్నారని టీడీపీలో ప్రచారం జరుగుతోంది. మైలవరం అసెంబ్లీ నియోజక వర్గంపై కన్నేసిన మంత్రి జోగి రమేష్ వచ్చే ఎన్నికల్లో మైలవరం నుంచి పోటీ చేయాలని ప్రయత్నిస్తున్నట్లు ప్రచారం జరుగుతోంది. నియోజకవర్గంలో పట్టు కోసం వసంత, జోగి వర్గాల మధ్య ప్రచ్ఛన్న యుద్ధం సాగుతుండటంతోనే వసంత కృష్ణ ప్రసాద్ కలత చెందారని చెబుతున్నారు.

వైసీపీ అధిష్టానం కూడా వసంత కృష్ణ ప్రసాద్‌ కంటే జోగి రమేష్‌కు ప్రాధాన్యత ఇస్తుండటంతో ఆయన టీడీపీ వైపు మొగ్గు చూపుతున్నట్లు చెబుతున్నారు. ఈ ప్రచారాలను మైలవరం ఎమ్మెల్యే ఖండిస్తున్నా, టీడీపీ వైపు మొగ్గు చూపే అవకాశాలను కొట్టి పారేయలేని పరిస్థితి ఉంది.

మరోవైపు ఎమ్మెల్యే కృష్ణప్రసాద్ తండ్రి వసంత నాగేశ్వరరావు టీడీపీ ఎంపీ కేశినేని నానితో భేటీ అయ్యారు. ఉమ్మడి రాష్ట్రంలో హోంమంత్రిగా పనిచేసిన వసంత నాగేశ్వర్ రావు కేశినేని నానితో సామాజిక, రాజకీయ అంశాలపై చర్చలు జరిపినట్లు చెప్పారు. పార్లమెంట్ పరిధిలో చేపట్టిన అభివృద్ధి పనులపైనా చర్చించారు. కేశినేని మంచి నాయకుడని వసంత నాగేశ్వర్ రావు ప్రశంసలు కురిపంచారు. నాని తాత వెంకయ్యతో తనకు ఉన్న అనుబంధాన్ని గుర్తుచేసుకున్నారు. సామాజిక సమీకరణల నేపథ్యంలో వసంత కుటుంబం వైసీపీకి గుడ్‌బై చెప్పినా ఆశ్చర్య పోనక్కర్లేదని జిల్లా వర్గాల్లో విస్తృత ప్రచారం జరుగుతోంది. ఉమ్మడి కృష్ణా జిల్లా బలమైన సామాజిక వర్గానికి చెందిన నాయకులను టీడీపీకి చేరువ చేసేందుకు ఇప్పటికే ప్రయత్నాలు మొదలయ్యాయి.

AP SIPB : పరిశ్రమలకు ఎస్ఐపీబీ ఆమోదం... 75 శాతం ఉద్యోగాలు స్థానికులకే దక్కాలన్న సీఎం జగన్

<ul><li>AP SIPB : రాష్ట్రంలో పలు భారీ పరిశ్రమల ఏర్పాటు ప్రతిపాదనలకు ఆమోదముద్ర పడింది. సీఎం వైఎస్ జగన్ అధ్యక్షతన సమావేశమైన ఎస్ఐపీబీ... ఐటీ, విద్యుత్, తయారీ రంగానికి సంబంధించిన పలు కంపెనీల ఏర్పాటుకు ఓకే చెప్పింది. కంపెనీలకు అన్ని విధాలుగా సహకరించాలని అధికారులను ఆదేశించిన సీఎం... 75 శాతం ఉద్యోగాలు స్థానికులకే రావాలని స్పష్టం చేశారు.</li></ul>

AP Debts : ఏపీ అప్పులు @ రూ. 4.42 లక్షల కోట్లు ! అప్పు రత్న అవార్డు ఇవ్వాలన్న పవన్.. !

<ul><li>AP Debts : ఆంధ్రప్రదేశ్ అప్పులు అంతకంతకూ పెరిగిపోతున్నాయి. 2023 బడ్జెట్ అంచనాల ప్రకారం ఏపీ అప్పులు రూ.4.42 లక్షల కోట్లుగా ఉన్నట్లు కేంద్రం వెల్లడించింది. గడచిన 9 నెలల్లో ఏపీ సర్కార్ రూ. 55 వేల కోట్ల అప్పులు చేసిందన్న వార్తలపై స్పందించిన పవన్ కళ్యాణ్... భారతరత్న మాదిరిగా అప్పు రత్న అవార్డు ఇవ్వాలని ఎద్దేవా చేశారు.</li></ul>

Polavaram Hydro Power Project :  2026 నాటికి పోలవరం హైడ్రో పవర్ ప్రాజెక్ట్‌

<ul><li>Polavaram Hydro Power Project పోలవరం &nbsp;ప్రాజెక్టులో భాగంగా నిర్మిస్తున్న హైడ్రో పవర్ ప్రాజెక్టు నిర్మాణం 2026 నాటికి పూర్తవుతుందని కేంద్ర జలశక్తి శాఖ మంత్రి గజేంద్ర సింగ్ షెకావత్ చెప్పారు. పోలవరం ప్రాజెక్టులో భాగంగా 5338 కోట్ల వ్యయంతో చేపట్టిన 960 మెగావాట్ల హైడ్రో పవర్ ప్రాజెక్టు నిర్మాణం 2026 జనవరి నాటికి పూర్తి చేయాలని లక్ష్యంగా పెట్టుకున్నట్లు ఏపీజెన్‌కో &nbsp; గజేంద్ర సింగ్ షెకావత్ పార్లమెంటులో &nbsp;వెల్లడించారు.</li></ul>

Dharmana Comments : చంద్రబాబు గెలిస్తే వాలంటీర్లపైనే  తుపాకీ…. ధర్మాన ప్రసాదరావు

Dharmana Prasada Rao

<ul><li>Dharmana Comments &nbsp;రాష్ట్రంలో టీడీపీ అధికారంలోకి వస్తే &nbsp;మొదట తుపాకీ పేలేది వాలంటీర్లపైనే అని &nbsp;మంత్రి ధర్మాన ప్రసాదరావు హెచ్చరించారు. వాలంటీర్లు ఏ పార్టీకి ఓటెయ్యాలో ఎందుకు చెప్పకూడదని ప్రశ్నించిన ధర్మాన, &nbsp;ప్రభుత్వాన్ని గెలిపించుకోవాల్సిన బాధ్యత అందరిపై ఉందన్నారు.&nbsp;</li></ul>

<ul><li>Mylavaram MLA వైసీపీ అధిష్టానంపై ధిక్కార స్వరం వినిపిస్తోన్న ఎన్టీఆర్ జిల్లా మైలవరం ఎమ్మెల్యే వసంత కృష్ణ ప్రసాద్ మరోసారి సంచలన వ్యాఖ్యలు చేశారు. తాను పోరంబోకు రాజకీయాలు చేయలేనని, &nbsp;ప్రతిపక్షాలపై అనవసరంగా తప్పుడు కేసులు బనాయించడం తన వల్ల కాదని ప్రకటించారు. గత కొద్ది రోజులుగా వైసీపీ అధిష్టానంపై బహిరంగంగా &nbsp;అసంతృప్తిని ప్రదర్శిస్తున్న వసంత &nbsp;కృష్ణప్రసాద్ తాజాగా పార్టీని ఇరుకున పెట్టేలా వ్యాఖ్యలు చేశారు.&nbsp;</li></ul>

December 05 Telugu News Updates : కామారెడ్డిలో రైతుల ఆందోళన

జాతీయ, అంతర్జాతీయ వార్తా విశేషాలతో &nbsp;పాటు ఆంధ్రప్రదేశ్‌, తెలంగాణ వార్తా విశేషాల కోసం పేజీని రిఫ్రెష్ చేసి చూస్తూ ఉండండి.

telangana and ap telugu live news updates 5 january 2023

విద్యార్థులకు పంపిణీ చేసిన ట్యాబ్ ల్లో ఎలాంటి లోపాలు లేకుండా చూడాలని సీఎం జగన్ అధికారులను ఆదేశించారు. గురువారం విద్యాశాఖపై సమీక్షించిన ఆయన... పలు కీలక సూచనలు తృచేశారు. రాష్ట్రవ్యాప్తంగా 8వ తరగతి విద్యార్థులకు ట్యాబ్‌ల పంపిణీ పూర్తయిందని అధికారులు&nbsp;తెలపగా... ట్యాబుల్లో ఎలాంటి సమస్య ఉన్నా వారం రోజుల్లో మరమ్మత్తు చేసి లేదా కొత్త ట్యాబ్‌ను విద్యార్థికి అందించాలని ముఖ్యమంత్రి స్పష్టం చేశారు. విద్యార్థులు నేర్చుకుంటున్న తీరుపై నిరంతర పరిశీలన ఉండాలన్నారు.

సీఎం ఆదేశాలు

కామారెడ్డి నూతన మాస్టర్‌ప్లాన్‌ను వ్యతిరేకిస్తూ కామారెడ్డి జిల్లా కలెక్టరేట్‌ వద్ద రైతులు చేపట్టిన ఆందోళనకు దిగారు. దీంతో పరిస్థితి ఉద్రిక్తతగా మారింది. దీనిపై తెలంగాణ ఐటీ, పురపాలక శాఖ మంత్రి కేటీఆర్ స్పందించారు. రైతుల నిరసన విషయంపై హైదరాబాద్‌లో జరుగుతున్న పట్టణప్రగతి సదస్సులో కామారెడ్డి జిల్లా అదనపు కలెక్టర్‌ను అడిగి తెలుసుకున్నారు. మాస్టర్‌ ప్లాన్ కేవలం ముసాయిదా మాత్రమే ఇచ్చారని కేటీఆర్‌ తెలిపారు. ప్రజల కోణంలోనే దీనిపై తుది నిర్ణయం ఉంటుందని స్పష్టం చేశారు. అభ్యంతరాలుంటే ముసాయిదాలో మార్పులు చేస్తామన్నారు.&nbsp;

ఆందోళన&nbsp;

చట్టవిరుద్ధంగా తమ వాహనాన్ని పోలీస్‌స్టేషన్‌లో పెట్టారని... తమ వాహనాన్ని తమకు అప్పగించాలని డిమాండ్ చేశారు టీడీపీ అధినేత చంద్రబాబు. గురువారం మీడియాతో మాట్లాడిన ఆయన... వైసీపీ సర్కార్ పై తీవ్రస్థాయిలో మండిపడ్డారు. జగన్‌లో భయం పుట్టుకొచ్చిందని... ఓటమి భయంతో తప్పుడు కేసులు పెట్టి అడ్డుకుంటున్నారని దుయ్యబట్టారు. రాష్ట్రంలోని 5కోట్ల మంది ప్రజలు బాధపడుతుంటే ముఖ్యమంత్రి జగన్ ఆనందపడుతున్నారని ధ్వజమెత్తారు. జగన్‌ అరాచకశక్తిగా మారి ప్రజాస్వామ్యాన్ని అపహాస్యం చేస్తున్నారని అన్నారు. చైతన్య రథాన్ని పోలీసులు తీసుకెళ్లినందుకు నిరసనగా ఆర్‌అండ్‌బీ అతిథిగృహం నుంచి ఎం.ఎం. కల్యాణ మండపం వరకు చంద్రబాబు పాదయాత్రగా వెళ్లారు.

చంద్రబాబు ఫైర్&nbsp;

Manikrao Thakre replaces Manickam Tagore: తెలంగాణ కాంగ్రెస్... గత కొంత కాలంగా అంతర్గత కుమ్ములాటలతో ఉక్కిరిబిక్కిరి అవుతోంది. సీనియర్లు, జూనియర్లు అనటమే కాదు.. ఏకంగా సేవ్ కాంగ్రెస్ అనే నినాదం వచ్చే వరకు వచ్చింది కథ..! ఇంతలోనే ఢిల్లీ నుంచి డిగ్గీరాజా వచ్చినప్పటికీ పరిస్థితిలో పెద్ద మార్పులు లేనట్లే కనిపించింది. ఇక శిక్షణ తరగతులకు దాదాపు సీనియర్లు అంతా డుమ్మా కొట్టారు. ఇదిలా నడుస్తుండగానే.. ఢిల్లీ హైకమాండ్ కీలక నిర్ణయం తీసుకుంది. టీపీసీసీ ఇంఛార్జ్ బాధ్యతల నుంచి మాణిక్యం ఠాగూర్ ను తప్పించింది. ఆయన ప్లేస్ లో మహారాష్ట్రకు చెందిన ఠాక్రేను రంగంలోకి దింపింది. ఈ పరిణామంతో తెలంగాణ కాంగ్రెస్ లో ఎలాంటి మార్పులు చోటు చేసుకుంటాయనేది ప్రస్తుతం ఆసక్తికరంగా మారింది.

వాట్ నెక్స్ట్….?

TSPSC Group 3 Exam Syllabus: తెలంగాణలో ఉద్యోగాల జాతర కొనసాగుతోంది. రిక్రూట్మెంట్ బోర్డుల నుంచి వరుస నోటిఫికేషన్లు వస్తున్నాయి. తాజాగా... తెలంగాణ పబ్లిక్ సర్వీస్ కమిషన్ 1,365 పోస్టులతో గ్రూప్ - 3 నోటిఫికేషన్ జారీ చేసింది. జనవరి 24 నుంచి ఫిబ్రవరి 23 వరకు దరఖాస్తులు స్వీకరించనున్నట్లు టీఎస్పీఎస్సీ ప్రకటించింది. అయితే సిలబస్ లోని అంశాలు, పరీక్ష విధానానికి సంబంధించిన వివరాలను అందుబాటులోకి తీసుకువచ్చింది. వీటిని చూస్తే....మొత్తం 3 పేపర్లు...గ్రూప్ 3 పరీక్షలో మొత్తంగా మూడు పేపర్లు ఉండనున్నాయి. ఒక్కో పేపరుకు 150 మార్కుల చొప్పున 450 మార్కులకు పరీక్షలు నిర్వహిస్తారు. ఒక్కో పేపరు రాసేందుకు రెండున్నర గంటల సమయం ఉంటుంది. బుధవారం ఈ సిలబస్ ను వెబ్‌సైట్‌లో అందుబాటులోకి తీసుకువచ్చింది టీఎస్పీఎస్సీ. గ్రూప్‌-3 పోస్టులకు పోటీపడే అభ్యర్థులు మూడు పేపర్లు రాయాల్సి ఉంటుంది. ప్రతి పేపర్‌లోనూ 150 ప్రశ్నలుంటాయి. ఒక్కో ప్రశ్నకు ఒక మార్కు ఉంటుంది. ఈ పరీక్షల్లో అత్యధిక మార్కులు సాధించిన అభ్యర్థులను పోస్టులకు ఎంపిక చేయనున్నారు. ఇంటర్వ్యూ ఉండదు. రాత పరీక్షలను తెలుగు, ఇంగ్లిష్‌, ఉర్దూ భాషల్లో నిర్వహిస్తారు.

సిలబస్&nbsp;

గడపగడపలో ఎమ్మెల్యే మేకపాటి విక్రమ్ రెడ్డికి నిరసన సెగలు తగిలాయి. &nbsp;సొంత మండలం మర్రిపాడులోనూ &nbsp;తీవ్ర ప్రజావ్యతిరేకత వ్యక్తమైంది. మూడున్నరేళ్లలో ఒక్కపనీ చేయలేదంటూ ఎమ్మెల్యేపై మహిళల ఆగ్రహం వ్యక్తం చేశారు. ఎమ్మెల్యేను &nbsp;ప్రశ్నించిన మహిళలు, మీడియాపై మేకపాటి విక్రమ్ రెడ్డి అనుచరుల దౌర్జన్యం చేశారు.&nbsp;

మేకపాటి విక్రమ్ రెడ్డికి నిరసన సెగలు

గుంటూరు జిల్లా మాజీ మంత్రి నక్కా ఆనంద్‍బాబు గృహనిర్బంధం విధించారు. &nbsp; వసంతరాయపురంలోని ఆనంద్‍బాబు నివాసానికి చేరుకున్న పోలీసులు, ఆ‍యన్ని బయటకు రాకుండా అడ్డుకున్నారు. &nbsp;చంద్రబాబు కుప్పం పర్యటన దృష్ట్యా పోలీసుల ముందస్తు చర్యలు చేపట్టారు. &nbsp; పొన్నురు మండలం చింతలపూడిలో ధూళిపాళ్ల ఇంటికి చేరుకున్న పోలీసులు, ధూళిపాళ్ల నరేంద్ర ఇంటి వైపు కార్యకర్తలు రాకుండా పోలీసుల చర్యలు చేపట్టారు.&nbsp;

టీడీపీ నేతల గృహ నిర్బంధం

గుంటూరు జిల్లా కాకుమానులో మాజీ హోంమంత్రి సుచరిత ఆసక్తిర వ్యాఖ్యలు చేశారు. &nbsp;రాజకీయంగా తమ మనుగడ వైసీపీతోనే ఉంటుందని ప్రకటించారు. &nbsp;తన భర్త దయాసాగార్ కూడా దానికి కట్టుబడే ఉంటారని, &nbsp; నా భర్త పార్టీ మారతానంటే ఆయనతో పాటు వెళ్లాల్సిందేనన్నారు. &nbsp;ఎంత రాజకీయ నాయకురాలినైనా భర్తతో పాటు వెళ్లాల్సిందే అని చెప్పారు. &nbsp;భర్త ఒక పార్టీలో.. నేను మరో పార్టీలో.. మా పిల్లలు మరో పార్టీలో ఉండరన్నారు. &nbsp;రాజకీయల్లో మనగలిగినన్నాళ్లు జగన్‍తో ఉండాలనుకున్నామని చెప్పారు.&nbsp;

మాజీ హోంమంత్రి రాజకీయం

నేడు అనకాపల్లి జిల్లా ఎలమంచిలిలో సీఎం జగన్ పర్యటించనున్నారు. విశాఖ డైరీ ఛైర్మన్ అడారి తులసిరావు పార్థివ దేహానికి నివాళులు అర్పించనున్నారు. అడారి తులసీరావు కుటుంబసభ్యులను పరామర్శించనున్నారు.&nbsp;

అనకాపల్లికి సిఎం జగన్

కుప్పం నియోజకవర్గంలో టీడీపీ అధినేత చంద్రబాబు రెండో రోజు పర్యటించనున్నార. &nbsp;ఉదయం ప్రజల నుంచి వినతులు స్వీకరించనున్న చంద్రబాబు, &nbsp;ఉదయం నుంచి సాయంత్రం వరకు పార్టీ శ్రేణులతో సమావేశాలు, సమీక్షలు నిర్వహించనున్నారు. &nbsp;రాత్రికి కుప్పంలోని రాష్ట్ర భవనాల శాఖ అతిథిగృహంలో &nbsp;చంద్రబాబు బస చేయనున్నారు.&nbsp;

కుప్పంలో చంద్రబాబు పర్యటన…..

తిరుపతి, తిరుమలలో గవర్నర్ బిశ్వభూషణ్ హరిచందన్ పర్యటించనున్నారు. &nbsp;ఉదయం 11 గంటలకు రేణిగుంట విమానాశ్రయానికి గవర్నర్ చేరుకోనున్నారు. &nbsp;తిరుపతిలో బాలాజీ వైద్య కళాశాలలో నిర్వహించే కార్యక్రమంలో గవర్నర్ పాల్గొంటారు. &nbsp; మధ్యాహ్నం 1.30 గంటలకు తిరుపతి ఎస్వీ వైద్య కళాశాలలో డిజిటల్ లైబ్రరీ భవనానికి శంకుస్థాపన చేయనున్నారు. &nbsp; మధ్యాహ్నం తిరుమల శ్రీ పద్మావతి అతిథి గృహం చేరుకోనున్న గవర్నర్, &nbsp;మధ్యాహ్నం 3.20 గంటలకు తిరుమల శ్రీవారిని దర్శించుకోనున్నారు. &nbsp;

తిరుపతిలో &nbsp;గవర్నర్ పర్యటన…

<ul><li>హైదరాబాద్ మెట్రో ఉద్యోగులు సమ్మె విరమించారు. వేతనాల పెంపు కోరుతూ గత రెండు రోజులుగా &nbsp; ఆందోళన చేస్తున్న ఉద్యోగులు యాజమాన్యం హెచ్చరికలతో దిగొచ్చారు. వేతనాలు పెంచేది లేదని మెట్రో రైల్ యాజమాన్యం తెగేసి చెప్పింది. దీంతో విధిలేని పరిస్థితుల్లో కార్మికులు విధుల్లో చేరారు. ఉద్యోగులకు త్వరలో మెట్రో రైలు ప్రయాణ సదుపాయాన్ని కల్పిస్తామని హామీ ఇచ్చారు.&nbsp;</li></ul>

Chandra Babu Road Show : చంద్రబాబు రోడ్‌ షోకు బ్రేకులు…వాహనాలు సీజ్…

video

<ul><li>టీడీపీ అధ్యక్షుడు చంద్రబాబు నాయుడు కుప్పంలో తలపెట్టిన రోడ్ షోకు పోలీసులు బ్రేకులు వేశారు. &nbsp;చంద్రబాబు ప్రచార వాహనాలను స్వాధీనం చేసుకున్నారు. &nbsp;ప్రభుత్వం జారీ చేసిన జీవో నంబర్ &nbsp;1 ఆధారంగా చంద్రబాబు పర్యటనకు పోలీసులు అనుమతి నిరాకరించారు.&nbsp;</li></ul>

December 04 Telugu News Updates : టెన్షన్.. టెన్షన్ - కుప్పం చేరుకున్న చంద్రబాబు

ఆంధ్రప్రదేశ్‌లో రోడ్లపై సభలు, సమావేశాల నిర్వహణపై నిషేధం విధిస్తూ ప్రభుత్వం జారీ చేసిన ఉత్తర్వులు అమల్లోకి వచ్చాయి. టీడీపీ అధ్యక్షుడు చంద్రబాబు రోడ్‌షోకు పోలీసులు అనుమతి నిరాకరించారు. కుప్పంలో చంద్రబాబు &nbsp;ఇదేం ఖర్మ రాష్ట్రానికి అనుమతి లేదని తేల్చేశారు. చంద్రబాబు ప్రచార వాహనాలను స్వాధీనం చేసుకున్నారు. &nbsp;ఆంధ్రా, తెలంగాణ &nbsp;న్యూస్ అప్డేట్స్ కోసం పేజీని రిఫ్రెష్ చేసి చూస్తూ ఉండండి.&nbsp;

భాగ్యనగరంలో మళ్లీ కార్ల రేస్ మొదలుకానుంది. హుస్సేన్‌ సాగర్‌ తీరంలో ఫిబ్రవరి 11 నుంచి మళ్లీ ఫార్ములా ఈ రేస్‌ కార్లు సందడి చేయనున్నాయి. ఈ మేరకు ఇందుకు సంబంధించిన టికెట్లను నిర్వాహకులు బుధవారం విడుదల చేశారు. రూ.1000 నుంచి రూ.10,000 వేల వరకు టికెట్లు అందుబాటులో ఉన్నాయి.

టికెట్లు వచ్చేశాయ్…&nbsp;

Telangana Congress New Incharge: తెలంగాణ కాంగ్రెస్ కొత్త ఇంచార్జిగా మాణిక్‌రావు గోవిందరావు ఠాక్రే నియమితులయ్యారు. ఇప్పటివరకు ఉన్న ఠాగూర్ కు గోవా బాధ్యతలను అప్పగించింది కాంగ్రెస్ హైకమాండ్.

కొత్త ఇంఛార్జ్

తెలంగాణ కాంగ్రెస్... గత కొంత కాలంగా అంతర్గత కుమ్ములాటలతో ఉక్కిరిబిక్కిరి అవుతోంది. సీనియర్లు, జూనియర్లు అనటమే కాదు.. ఏకంగా సేవ్ కాంగ్రెస్ అనే నినాదం వచ్చే వరకు వచ్చింది కథ..! ఇంతలోనే ఢిల్లీ నుంచి డిగ్గీరాజా వచ్చినప్పటికీ పరిస్థితిలో పెద్ద మార్పులు లేనట్లే కనిపించింది. ఇక శిక్షణ తరగతులకు దాదాపు సీనియర్లు అంతా డుమ్మా కొట్టారు. ఇదిలా ఉండగానే... మరో వార్తల తెగ చెక్కర్లు కొడుతున్నాయి. టీపీసీసీ ఇంఛార్జ్ బాధ్యతల నుంచి మాణిక్యం ఠాగూర్ తప్పుకున్నట్లు తెలుస్తోంది. ఇందుకు సంబంధించి పెద్ద ఎత్తున వార్తలు వైరల్ అవుతున్నాయి.

వైరల్ న్యూస్ …

టీడీపీ అధినేత చంద్రబాబు కుప్పం పర్యటనలో తీవ్ర ఉద్రికత్త నెలకొంది. కర్ణాటక సరిహద్దు పెద్దూరుకు చేరుకున్న చంద్రబాబును పోలీసులు అడ్డుకున్నారు. రోడ్‌షో, సభకు అనుమతి లేదంటూ అడ్డుకోవడంతో పోలీసులపై చంద్రబాబు ఆగ్రహం వ్యక్తం చేశారు. పోలీసుల నోటీసులు తీసుకునేందుకు నిరాకరించారు. పోలీసులతో తీవ్ర వాగ్వాదానికి దిగారు. ఎందుకు అనుమతి ఇవ్వరంటూ ఆవేశంతో ఊగిపోయారు. పోలీసుల వైఖరికి నిరసనగా టీడీపీ కార్యకర్తల నిరసనకు దిగారు. చంద్రబాబు మద్దతుగా నినాదాలు చేశారు. కుప్పంలో ఏ నిమిషం ఏం జరుగుతుందో తెలియని పరిస్థితి నెలకొంది. పోలీసులు భారీగా బందోబస్తును ఏర్పాటు చేశారు.

చంద్రబాబు ఫైర్

బాత్ రూమ్ లో స్నానం చేస్తున్న మహిళను గమనించాడు ఓ యువకుడు. అంతే తనలో వక్రబుద్ధిని బయటపెట్టాడు. సెల్ ఫోన్ లో నగ్న దృశ్యాలను చిత్రీకరించే పనిలో పడ్డాడు. ఈ విషయాన్ని సదరు మహిళ గ్రహించటంతో అతగాడు అక్కడ్నుంచి పరారయ్యాడు. ఈ ఘటన హైదరాబాద్ లోని జూబ్లీహిల్స్ పోలీస్ స్టేషన్ పరిధిలో జరిగింది.ఏం జరిగిందంటే...యూసుఫ్‌గూడకు చెందిన యువతి(30) గత నెల 31న ఉదయం తన ఇంట్లో స్నానం చేస్తుంది. ఈ విషయాన్ని పై అంతస్తులో ఉండే అఖిల్ అనే యువకుడు గమనించాడు. వెంటిలేటర్ సాయంతో తన సెల్ ఫోన్ లో నగ్న దృశ్యాలను చిత్రీకరించే ప్రయత్నం చేశాడు. దీనిని గుర్తించిన మహిళ అరవటంతో యువకుడు పరారయ్యాడు. వెంటనే కుటుంబ సభ్యులకు విషయం చెప్పగా... బంజారాహిల్స్ పోలీస్ స్టేషన్ లో ఫిర్యాదు చేశారు.

అరెస్ట్…&nbsp;

హైటెన్షన్ వాతావరణ నేపథ్యంలో టీడీపీ అధినేత చంద్రబాబు కుప్పం చేరుకున్నారు. ఆయనకు పార్టీ కార్యకర్తలు ఘన స్వాగతం పలికారు. మరోవైపు పోలీసులు భారీగా మోహరించారు.

కుప్పానికి చంద్రబాబు&nbsp;

గ్రామ, వార్డు సచివాలయాలపై ముఖ్యమంత్రి జగన్ సమీక్షించారు. పరిపాలనలో విప్లవాత్మక మార్పుగా గ్రామ, వార్డు సచివాయాలను ఏర్పాటు చేశామన్న ఆయన... చివరి స్థాయి వరకూ సమర్థవంతమైన డెలివరీ మెకానిజమే లక్ష్యంగా వీటిని ఏర్పాటు చేశామని స్పష్టం చేశారు. ఈ తరహా వ్యవస్థ సమర్థవంతంగా పనిచేయాలని... సరైన ఎస్‌ఓపీలు, పర్యవేక్షణ లేకపోతే ప్రయోజనం ఉండదన్నారు. సిబ్బంది హాజరు దగ్గర నుంచి అన్నిరకాలుగా పర్యవేక్షణ ఉండాలన్న ముఖ్యమమంత్రి... గ్రామ, వార్డు సచివాలయాల్లో మధ్యాహ్నం 3 గంటలనుంచి 5 గంటలవరకూ స్పందన నిర్వహించాలని ఆదేశించారు. ప్రభుత్వ విభాగాల వారీగా మండలాల స్థాయిలో పర్యవేక్షణ ఉండాలి.

సీఎం ఆదేశాలు&nbsp;

కాచిగూడ - తిరుపతి (ట్రైన్ 07179) మధ్య ప్రత్యేక రైళ్లను ప్రకటించారు అధికారులు. ఈ ట్రైన్ బుధవారం రోజున సేవలు అందిచనుంది. ఇక తిరుపతి నుంచి - కాచిగూడ(07180)కు కూడా ప్రత్యేక రైలు వెళ్లనుంది. ఇది 5వ తేదీన అందుబాటులో ఉంటుంది.ఈ ప్రత్యేక రైళ్లు మల్కాజ్ గారి, జనగాం, కాజీపేట్, వరంగల్, మహబూబాబాద్, ఖమ్మం, విజయవాడ, ఒంగోలు, నెల్లూరు, గూడూరు, రేణిగుంట స్టేషన్లలో ఆగుతుంది.సికింద్రాబాద్ - రామంతపూర్(ట్రైన్ నెం. 07695) మధ్య జనవరి 11, 18,25వ తేదీల్లో ప్రత్యేక రైళ్లు నడపనున్నారు. రామంతపూర్ నుంచి సికింద్రాబాద్ (ట్రైన్ నెం. 07696)కు జనవరి 6, 13, 20, 27 తేదీల్లో స్పెషల్ ట్రైన్స్ సేవలు అందిస్తాయి.ఈ ప్రత్యేక రైళ్లు... నల్గొండ, మిర్యాలగూడ, సత్తెనపల్లి, గుంటూరు, తెనాలి, బాపట్ల, ఒంగోలు, కావలి, నెల్లూరు, గూడూరు, చెన్నై, చెంగల్ పట్టు, విల్లుపురం, చిదంబరం, సిర్ ఖాజీ, తిరువుర్, తిరుతురైపుండి, అదిరామ్ పట్నం, పట్టుకొట్టై, అరంటంగి, కరైకుడి, శివగంగా, మనమధురై స్టేషన్లల్లో ఆగుతుంది.ఈ ప్రత్యేక రైళ్లలో 2ac, 3ac స్లీపర్ క్లాస్ మరియు జనరల్ సెకండ్ క్లాస్ కోచ్ లు అందుబాటులో ఉంటాయని అధికారులు వెల్లడించారు. ఈ సేవలను వినియోగించుకోవాలని ప్రయాణికులను కోరారు.

స్పెషల్ ట్రైన్స్….&nbsp;

మంచిర్యాల జిల్లా మందమర్రి టోల్ గేట్ సిబ్బందిపై బెల్లంపల్లి ఎమ్మెల్యే దుర్గం చిన్నయ్య దాడికి పాల్పడ్డారు. మంగళవారం అర్ధరాత్రి హైదరాబాద్ నుంచి బెల్లంపల్లికి వస్తున్న క్రమంలో టోల్ గేట్ వద్ద ఎమ్మెల్యే వాహనాన్ని ఆపడంతో ఎమ్మెల్యే దుర్గం చిన్నయ్య టోల్గేట్ సిబ్బంది తీరుపై అసహనం వ్యక్తం చేస్తూ దాడికి పాల్పడ్డారు. ఇదంతా సీసీ కెమెరాల్లో రికార్డు అవ్వడంతో ఘటన కాస్త వెలుగులోకి వచ్చింది. ఈ ఘటనపై మందమర్రి పోలీసులు స్పందిస్తూ... దాడిపై ఎలాంటి ఫిర్యాదు అందలేదని చెప్పారు.

ఎమ్మెల్యే దాడి

IRCTC Tourism Tirupati Coastal Karnataka Tour: వేర్వురు ప్రదేశాలను దర్శించుకునేందుకు కొత్త కొత్త ప్యాకేజీలను ప్రకటిస్తోంది ఐఆర్‌సీటీసీ టూరిజం. తిరుపతి నుంచి కర్ణాటకలోని పలు ప్రాంతాలను చూసేందుకు తాజాగా ఓ టూర్ ప్యాకేజీని ప్రకటించింది. 'COASTAL KARNATAKA EX RENIGUNTA' పేరుతో ఈ ప్యాకేజీని ఆపరేట్ చేస్తోంది. గోకర్ణ, కొల్లూరు, మంగళూరు, మురుడేశ్వర్, శృంగేరి, ఉడిపి వంటి ప్రాంతాలు కవర్ అవుతాయి.

కొత్త ప్యాకేజీ&nbsp;

హైదరాబాద్ ఎర్రగడ్డ మెట్రో స్టేషన్ పై నుంచి దూకి వృద్ధురాలు ఆత్మహత్య చేసుకుంది. ఆర్ధిక ఇబ్బందులతో వృద్ధురాలు స్టేషన్ పై నుంచి దూకి ఆత్మహత్య చేసుకున్నట్లు పోలీసులు గుర్తించారు.&nbsp;

&nbsp;వృద్ధురాలి ఆత్మహత్య

&nbsp;నెల్లూరు రాజకీయాలు కాకరేపుతున్నాయి. &nbsp; ఎమ్మెల్యే ఉండగానే ఇన్‍ఛార్జ్ ని నియమించడంతో జిల్లా రాజకీయాలు ఆసక్తికరంగా మారాయి. &nbsp;నియోజకవర్గంలో ఎమ్మెల్యే ఆనం, సమన్వయకర్త నేదురుమల్లి పర్యటనలు ఏర్పాటు చేశారు. మరోవైపు &nbsp;ఆనంపై నేదురుమల్లి రామ్‍కుమార్ ఫైర్ అయ్యారు. &nbsp;పార్టీ మారే ఉద్దేశంతోనే ఆనం వ్యాఖ్యలు చేశారని ఆగ్రహం వ్యక్తం చేశారు. &nbsp;ప్రభుత్వంపై ఆనం ఆరోపణలు చేయడంతోనే వెంకటగిరి సమన్వయకర్తగా &nbsp;నియమించారని చెప్పారు. వెంకటగిరి నుంచి &nbsp;పోటీ చేసే అంశంపై అధిష్టానం నిర్ణయం తీసుకుంటుందని &nbsp;నేదురుమల్లి రామ్‍కుమార్ రెడ్డి &nbsp;చెబుతున్నారు.&nbsp;

పార్టీ మారడానికే &nbsp;ఆనం విమర్శలు…

హైదరాబాద్‍లో వ్యాపార అవసరాలకే ఏపీ నేతలు బీఆర్‍ఎస్‍లో చేరుతున్నారని కోదండరామ్ ఆరోపించారు. &nbsp;బీఆర్‍ఎస్ అనేది కేసీఆర్‍కు వచ్చిన మూర్ఖపు ఆలోచన అని, &nbsp;కేసీఆర్ బలమే తెలంగాణ &nbsp;అని ఇప్పుడు &nbsp;తెలంగాణ తనకు అవసరం లేదనుకుంటున్నారని ఆరోపించారు. &nbsp;ఎన్టీఆర్, మమత, స్టాలిన్ ఇలా ఎవరూ ప్రాంతీయ అస్తిత్వాన్ని వదులుకోలేదని, &nbsp; ఏపీలో ఎందుకు పోటీ చేయడం లేదని విమర్శలు వస్తాయనే కేసీఆర్ ఏపీలో పోటీకి దిగుతున్నట్లు ఉన్నారన్నారు. &nbsp;కేసీఆర్ భవిష్యత్ ఆయన పార్టీ పేరులాగే భారంగా మారుతుందని &nbsp;కోదండరామ్ జోశ్యం చెప్పారు.&nbsp;

వ్యాపారల కోసమే బిఆర్ఎస్‌లో చేరికలు

చిత్తూరు జిల్లాలో &nbsp;లోన్ యాప్ వేధింపులను భరించలేక యువకుడు ఆత్మహత్య చేసుకున్నాడు. &nbsp;లోన్‍యాప్‍లో రూ.80 వేలు డబ్బులు తీసుకున్న యువకుడు, లోన్ యాప్ నిర్వాహకుల వేధింపులు భరించలేనంటూ సూసైడ్ లెటర్ రాసి ఆత్మహత్య చేసుకున్నాడు. &nbsp;మృతుడు చిత్తూరు జిల్లా పెనుమూరుకు చెందిన జానకీరాంగా గుర్తించారు.&nbsp;

లోన్ యాప్ దారుణాలు

తిరుమల &nbsp;శ్రీ వారిని దర్శించుకున్న మంగళవారం &nbsp;71,924 మంది భక్తులు దర్శించుకున్నారు. &nbsp;శ్రీవారి ఆలయ హుండీ ఆదాయం రూ.3.13 కోట్లు లభించింది. &nbsp; నేటి నుంచి వైకుంఠ ద్వార దర్శన టోకెన్ కౌంటర్ల కుదించనున్నారు.&nbsp;

తిరుమలలో భక్తుల రద్దీ

హైదరాబాద్‍లో పలు ప్రాంతాల్లో ఐటీ సోదాలు జరుగుతున్నాయి. గచ్చిబౌలిలోని ఎక్సెల్ కంపెనీ కార్యాలయంలో ఐటీ సోదాలు జరుగుతున్నాయి. &nbsp;దేశ వ్యాప్తంగా 18 ప్రాంతాల్లోని కంపెనీల్లో తనిఖీలు చేపట్టారు. &nbsp;చెన్నై హెడ్ ఆఫీస్‍గా ఎక్సెల్ కార్యాలయాల్లో తనిఖీ చేశారు. &nbsp;గచ్చిబౌలి, బాచుపల్లి, చందానగర్‍లోనూ సోదాలు చేపట్టారు.&nbsp;

ఐటీ సోదాలు

&nbsp;అనంతపురం జిల్లాలో భారత ఎన్నికల కమిషన్ బృందం పర్యటించనుంది. &nbsp;ఉరవకొండ నియోజకవర్గంలో టీడీపీ ఓట్ల తొలగింపుపై కేంద్ర ఎన్నికల సంఘానికి ఫిర్యాదులు అందిన నేపథ్యంలో &nbsp;ఢిల్లీ నుంచి నేరుగా క్షేత్రస్థాయిలో విచారణకు వస్తున్న భారత ఎన్నికల సంఘం కమిషన్ ప్రిన్సిపల్ సెక్రటరీ అవినాష్ కుమార్ . విడపనకల్లు మండలం చీకలగురికిలో టీడీపీ ఓట్ల తొలగించారి, ఫోర్జరీ నోటీసుల తయారీపై గతంలో పలుమార్లు అధికారులకు ఎమ్మెల్యే పయ్యావుల కేశవ్ ఫిర్యాదు చేశారు. &nbsp;కేంద్ర ఎన్నికల అధికారి రానున్న నేపథ్యంలో బీఎల్వోలు గోపి, మధును &nbsp;కలెక్టర్ నాగలక్ష్మి &nbsp;సస్పెండ్ చేశారు. &nbsp;జిల్లా అధికారులతోనూ కేంద్ర ఎన్నికల సంఘం అధికారి భేటీ కానున్నారు. &nbsp;వాలంటీర్ల సహకారంతో టీడీపీ ఓట్లు తొలగిస్తున్నారని ఆధారాలతో సీఈసీకిపయ్యావుల కేశవ్ ఫిర్యాదు చేశారు.&nbsp;

ఓట్ల తొలగింపు విచారణ

ఆస్ట్రేలియా నుంచి రాష్ట్రానికి వచ్చిన మహిళకు కరోనా నిర్ధారణ అయ్యింది. &nbsp; సింగపూర్ మీదుగా విశాఖ వచ్చిన మహిళకు కరోనా పాజిటివ్ ‌గా తేలింది. బాధితురాలి కుటుంబసభ్యులకు కరోనా నెగెటివ్‍గా గుర్తించారు. &nbsp;విజయనగరం జిల్లా బొండపల్లి మండలానికి చెందిన మహిళకు కరోనా &nbsp;సోకినట్లు గుర్తించారు. &nbsp;బాధితురాలు రెండు డోసుల వ్యాక్సిన్ వేసుకున్నట్లు ఎయిర్ సువిధ పత్రంలో వెల్లడించారు. &nbsp;బాధితురాలి ఆరోగ్యం నిలకడగా ఉందన్న అధికారులు, నమూనాలను &nbsp;జీనోమ్ సీక్వెన్స్ కోసం విజయవాడ తరలించారు. &nbsp;రాష్ట్రంలో ప్రస్తుతం నాలుగు కరోనా పాజిటివ్ కేసులు నమోదయ్యాయి.&nbsp;

విశాఖ‌లో కరోనా కలకలం

<ul><li>చిత్తూరు జిల్లా కుప్పంలో పర్యటించేందుకు సిద్ధమైన టీడీపీ అధ్యక్షుడు చంద్రబాబు నాయుడుకు పోలీసులు షాక్ ఇచ్చారు. &nbsp;చంద్రబాబు నాయుడు ప్రచారరథంతో పాటు, మైక్‌లు ఏర్పాటు చేసిన వాహనాలను పోలీసులు అదుపులోకి తీసుకున్నారు. &nbsp;చిత్తూరులో చంద్రబాబు నాయుడు పర్యటనకు అనుమతులు లేవని, అతిక్రమిస్తే చర్యలు తప్పవని పోలీసులు హెచ్చరిస్తున్నారు.</li></ul>

January 03 Telugu News Updates : నేటి నుంచి రెండో విడత భారత్ జోడో యాత్ర

జాతీయ, అంతర్జాతీయ వార్తా విశేషాలతో పాటు ఏపీ, తెలంగాణ వార్తా విశేషాల కోసం పేజీ రిఫ్రెష్ చేసి చూస్తూ ఉండండి.

హైదరాబాద్ శివారు రంగారెడ్డి జిల్లా అబ్దుల్లాపూర్ మెట్ చౌరస్తా వద్ద ప్రమాదం జరిగింది. జాతీయ రహదారిపై అడ్డంగా ట్యాంక్ బోల్తా పడి... ఓ వైపు వాహన రాకపోకలకు అంతరాయం ఏర్పడింది. దీంతో.. హైదరాబాద్ - విజయవాడ రహదారిపై వాహనాలు భారీగా స్తంభించాయి. రెండు దిక్కులా వెళ్లే వాహనాలను ట్రాఫిక్ పోలీసులు ఒక వైపు నుంచే పంపిస్తున్నారు. వాహనాలు నెమ్మదిగా కదులుతున్నాయి. జాతీయ రహదారిపై అడ్డంగా ఉన్న ట్యాంకర్ ను తొలగించి.. ట్రాఫిక్ క్లియర్ చేసేందుకు పోలీసులు ప్రయత్నిస్తున్నారు.

స్తంభించిన వాహనాలు

కొన్నాళ్లుగా ప్రభుత్వంపై అసంతృప్తి, అసహనాన్ని వ్యక్తం చేస్తూ మాట్లాడుతున్న వెంకటగిరి వైఎస్సార్సీపీ ఎమ్మెల్యే ఆనం రామనారాయణ రెడ్డి తీరుపై.. సీఎం జగన్ ఆగ్రహం వ్యక్తం చేశారు. నియోజకవర్గంలో ఆయనకు చెక్ పెట్టాలని నిర్ణయించారు. ఈ మేరకు ఆనంపై క్రమశిక్షణా చర్యలు తీసుకున్నారు. వెంకటగిరి నియోజకవర్గ ఇంచార్జిగా నేదురమల్లి రామకుమార్ రెడ్డిని నియమించారు. తాజా పరిణామాలతో... రామకుమార్ రెడ్డి ఇంటి వద్ద సందడి నెలకొంది. అధిక సంఖ్యలో కార్యకర్తలు ఆయన నివాసానికి చేరుకుంటున్నారు.

ఆనంకు చెక్

రాష్ట్రంలో రైతుబంధు సంబురం కొనసాగుతోంది. ఈ పథకం కింద పదో విడత నిధులు రైతుల ఖాతాల్లోకి డిపాజిట్ అవుతున్నాయి. డిసెంబర్ 28న యాసంగి పెట్టుబడి సాయం మొదలవగా.. మొదటి 5 రోజుల్లో 70.09 లక్షల ఎకరాలకు గాను.... 49.17 లక్షల రైతుల ఖాతాల్లో రూ. 3,504 కోట్లు జమ చేశారు. 6వ రోజు.. లక్ష 49,970 మంది రైతులకు రూ.262.60 కోట్లు అందాయి. ఆరో రోజు.. 5 లక్షల 25 వేల 200 ఎకరాలకు పెట్టుబడి సాయం నిధులు జమయ్యాయి. దీంతో... ఆరు రోజుల్లో కలిపి ఇప్పటి వరకు మొత్తం 51 లక్షల 50,958 మంది రైతులకు రూ.3767.35 కోట్లు జమ చేసింది తెలంగాణ ప్రభుత్వం.

రైతుబంధు

మాజీ మంత్రి, వైఎస్సార్సీపీ ఎమ్మెల్యే ఆనం రామనారాయణ రెడ్డి.. కొంతకాలంగా చేస్తున్న వ్యాఖ్యలు సంచలనంగా మారుతున్నాయి. నియోజకవర్గంలో ఆశించిన స్థాయిలో పనులు జరగడం లేదని.. అభివృద్ధి కార్యక్రమాలు ముందుకు సాగడం లేదని పరోక్షంగా ప్రభుత్వంపై మాటల అస్త్రాలు సంధిస్తున్నారు. ఇటీవలే నెల్లూరు జిల్లా రావూరులో జరిగిన వలంటీర్లు, సమన్వయకర్తల సమావేశంలో మాట్లాడుతూ ... నాలుగేళ్లలో మనం ఏం చేశామని ప్రజల్ని మళ్లీ ఓట్లు అడగాలి ? అని ఆనం చేసిన వ్యాఖ్యలు బాగా వైరల్ అయ్యాయి. తాజాగా.. మంగళవారం సైదాపురం మండలంలో జరిగిన కార్యక్రమంలో పాల్గొన్న ఆయన... మరోసారి సంచలన వ్యాఖ్యలు చేశారు. రాష్ట్రంలో రోడ్ల పరిస్థితి చాలా దారుణంగా ఉందని... సచివాలయాల నిర్మాణం ఇంకా పూర్తి కాలేదని.. రాష్ట్రంలో ముందస్తుగానే ఎన్నికలు వస్తే... తామంతా ఇంటికి వెళ్లడం ఖాయమని అన్నారు. అనుకున్న పనులు కావడం లేదని అసహనం వ్యక్తం చేశారు. ఆనం రామనారాయణ రెడ్డి తీరుపై.. సీఎం జగన్ ఆగ్రహం వ్యక్తం చేసినట్లు సమాచారం. ఆయనపై చర్యలు తీసుకోవాలని ఆదేశించినట్లు తెలుస్తోంది. వెంకటగిరి నియోజకవర్గ ఇంచార్జిగా నేదురమల్లి రామకుమార్ రెడ్డిని ప్రకటించే అవకాశం ఉన్నట్లు సమాచారం అందుతోంది.

ఆనం అసంతృప్తి

ప్రభుత్వ వైద్య సేవల అంశంలో తెలంగాణ రాష్ట్రం సీఎం కేసీఆర్ నాయకత్వంలో గణనీయమైన పురోగతి సాధించిందని... వైద్యశాఖ మంత్రి తన్నీరు హరీశ్ అన్నారు. ఎంబీబీఎస్ సీట్లలో దేశంలోనే మొదటి స్థానంలో... వైద్య విద్య పీజీ సీట్ల విషయంలో దేశంలో రెండో స్థానంలో తెలంగాణ ఉందని... కేంద్ర ప్రభుత్వం ఒక్క మెడికల్ కాలేజ్ కూడా ఇవ్వకున్నా.. ఒకే సంవత్సరంలో 8 మెడికల్ కాలేజీలు ఏర్పాటు చేశామని... ఇది తెలంగాణ ఘనత అని అన్నారు. నల్గొండ, సూర్యాపేట జిల్లాల్లో మెడికల్ కాలేజీలు ఏర్పాటు చేసిన చరిత్ర సీఎం కేసీఆర్ దని పేర్కొన్నారు. మునుగోడు నియోజకవర్గం చౌటుప్పల్ ప్రభుత్వ ఆసుపత్రిలో డయాలసిస్ సెంటర్ ను మంత్రి జగదీశ్ రెడ్డి తో కలిసి హరీశ్ ప్రారంభించారు. అనంతరం మాట్లాడుతూ... తెలంగాణ వైద్య విధానాలను పరిశీలించేందుకు ఇతర రాష్ట్రాల పాలకులు మన వద్దకే వస్తున్నారని అన్నారు.

డయాలసిస్ సెంటర్ ప్రారంభం

రాజకీయ పార్టీల రోడ్ షోలు, ర్యాలీలు, రోడ్లపై నిర్వహించే సభలపై ఆంక్షలు విధిస్తూ ఏపీ ప్రభుత్వం జారీ చేసిన జీవో.. దుమారం రేపుతోంది. ఈ ఉత్తర్వులపై విపక్షాలు మండిపడుతున్నాయి. మరోవైపు.. ఆంక్షల అమలులో భాగంగా... జనవరి 4 నుంచి జరగనున్న చంద్రబాబు పర్యటనపై పోలీసులు నోటీసులు జారీ చేశారు. జీవో నెంబర్ 1 ప్రకారం సభలు ఎక్కడ పెడుతున్నారో ముందస్తు సమాచారం ఇవ్వాలని నోటీసుల్లో పేర్కొన్నారు. టీడీపీకి ప్రజాదరణ చూసి ఓర్వలేకనే .. చంద్రబాబు సభలు అడ్డుకునేందుకు కుట్రలు చేస్తున్నారని.. ఆ పార్టీ జాతీయ ప్రధాన కార్యదర్శి నారా లోకేశ్ ధ్వజమెత్తారు. రాజకీయ పార్టీలను నియంత్రించాలనే ఉద్దేశంతోనే బహిరంగ సభలు, ర్యాలీలు, నిషేధిస్తూ అర్ధరాత్రి వేళ హడావుడిగా ఉత్తర్వులు ఇవ్వడం ద్వారా వైఎస్సార్సీపీ ప్రభుత్వం తన నిరంకుశ ధోరణి బయటపెట్టిందని.... జనసేన రాజకీయ వ్యవహారాల కమిటీ ఛైర్మన్ నాదెండ్ల మనోహర్ దుయ్యబట్టారు. విశాఖలో పవన్ కళ్యాణ్ నిర్బంధానికి కొనసాగింపే చీకటి జీవో అని అన్నారు.

జీవోపై దుమారం

మత్స్యకారుల సభ్యత్వ నమోదుకు 3 నెలలు పాటు స్పెషల్ డ్రైవ్ నిర్వహిస్తామని.. 30 వేల మందికి సభ్యత్వాలు కల్పిస్తామని.. మంత్రి తలసాని శ్రీనివాస్ యాదవ్ తెలిపారు. 18 సంవత్సరాలు నిండిన ప్రతి మత్స్యకారుడికి సభ్యత్వాన్ని అందిస్తామని చెప్పారు. రాష్ట్రంలోని ప్రతినీటి వనరులో చేప పిల్లలు ఉండాలని సీఎం కేసీఆర్ ఆదేశించారని పేర్కొన్నారు. మాసాబ్ ట్యాంక్ లోని తన కార్యాలయం నుంచి వీడియో కాన్పరెన్స్ నిర్వహించిన మంత్రి తలసాని .... ఉచితంగా చేప, రొయ్య పిల్లలను పంపిణీ చేస్తున్న ఏకైక ప్రభుత్వం తెలంగాణ సర్కార్ అని... రాష్ట్రం ఏర్పడిన తర్వాతనే నీటి వనరులు కళకళలాడుతున్నాయని వివరించారు. పెరిగిన మత్స్య సంపద ఫలితాలను మత్స్యకారులకు పంపిణీ చేయాలనేది ప్రభుత్వ లక్ష్యమని... ముఖ్యమంత్రి ఆలోచనలతోనే మత్స్యరంగం ఎంతో అభివృద్ధి సాధించిందని అన్నారు.

మత్స్యకారుల సభ్యత్వ నమోదు

మహిళా హక్కులను సాధించడం ద్వారానే మానవ హక్కుల సాధన సంపూర్ణమవుతుందనే విశ్వాసంతో తన జీవితకాలం పోరాడుతూ, ఆ దిశగా భావజాలవ్యాప్తి కొనసాగించిన సామాజిక చైతన్యమూర్తి సావిత్రీబాయి ఫూలే అని ముఖ్యమంత్రి కె. చంద్రశేఖర్ రావు అన్నారు. దేశ మొదటి మహిళా ఉపాధ్యాయురాలు, సావిత్రిబాయి ఫూలే జయంతి (జనవరి 3) సందర్భంగా భారత జాతికి ఆ మహనీయురాలు అందించిన సామాజిక సమానత్వ జ్జానాన్ని, చారిత్రక కృషిని సిఎం కేసీఆర్ స్మరించుకున్నారు. కుల, లింగ వివక్షలతో కూడిన విలువలు, మూఢ విశ్వాసాలతో కునారిల్లుతున్న నాటి సమాజాన్ని, సమ సమాజం దిశగా నడిపించేందుకు సావిత్రీబాయి ఫూలే తన జీవితాన్ని ధారపోసారని సీఎం అన్నారు. ఈ క్రమంలో భర్త జ్యోతిరావు ఫూలే ప్రోత్సాహం మహోన్నతమైనదనదని, నేటి తరానికి స్పూర్తిదాయకమని సిఎం అన్నారు. బడుగు బలహీన వర్గాలు, మహిళల సమాన హక్కుల సాధన కోసం తాను ఎంచుకున్న మార్గంలో ఎన్నో ఛీత్కరింపులు అవమానాలు ఎదురైనా, మొక్కవోని దీక్షతో ప్రతిఘటిస్తూ సావిత్రీబాయి ముందుకు సాగారని సిఎం అన్నారు. విధ్వేషాలకు వ్యతిరేకంగా తన ఆశయాల సాధన కోసం ధృఢ చిత్తంతో మహా సంకల్పంతో సావిత్రిబాయి పోరాడారని సీఎం కేసీఆర్ కీర్తించారు.సంఘసంస్కర్తగా, రచియిత్రిగా సామాజిక సంస్కరణలకై నడుం బిగించిన బహుముఖ ప్రజ్ఞాశాలి గా దేశాభ్యున్నతికి సావిత్రీబాయి అందించిన స్పూర్తిని నేటితరం కొనసాగించాలని సీఎం పిలుపునిచ్చారు. భారత దేశ ప్రగతికి సామాజికాభ్యున్నతికి వారి ఆలోచనలు నేటికీ ఆచరణయోగ్యమైనవేనని సిఎం తెలిపారు. జీవితపు చివరి క్షణం వరకు పీడిత ప్రజల సేవకోసమే అంకితమైన సావిత్రిభాయి ఫూలే సేవాతత్పరత, యావత్ భరతజాతి కి ప్రాత:స్మరణీయమని సీఎం తెలిపారు. సావిత్రీబాయి ఫూలే స్పూర్తిని తెలంగాణ ప్రభుత్వం కొనసాగిస్తున్నదని, మహిళల సమాన హక్కుల కోసం కృషి చేస్తున్నదని సిఎం కేసీఆర్ తెలిపారు. ఈ దిశగా అనేక పథకాలను సంక్షేమ కార్యక్రమాలను అమలు చేస్తూ, మహిళా సాధికారతను సాధించడంలో తెలంగాణ ప్రభుత్వం, దేశానికే ఆదర్శంగా నిలిచిందని సిఎం కేసీఆర్ తెలిపారు.

సామాజిక చైతన్యమూర్తి సావిత్రీబాయి

జవహర్ నవోదయ విద్యాలయాల్లో 2023-24 విద్యా సంవత్సరానికిగాను ఆరో తరగతి ప్రవేశాలకు నోటిఫికేషన్ విడుదలైంది. ఏప్రిల్ 29న ప్రవేశ పరీక్ష నిర్వహించనున్నట్లు కేంద్ర విద్యాశాఖ ప్రకటించింది. ఇంటర్ దాకా ఉచితంగా చదువు, వసతి, భోజనం కల్పిస్తారు. ప్రవేశ పరీక్షకు సంబంధించిన రిజిస్ట్రేషన్ ప్రక్రియ ప్రారంభంకాగా, జనవరి 31 వరకు దరఖాస్తులు స్వీకరించనున్నారు. వెబ్సైట్: https://navodaya.gov.in/

నవోదయ నోటిఫికేషన్

&nbsp;దేశ వ్యాప్తంగా సంచలనం సృష్టించిన ఢిల్లీ లిక్కర్ స్కాం కేసులో నిందితులకు 'రౌస్ అవెన్యూ' న్యాయస్థానం బెయిల్ మంజూరు చేసింది. ఈ కేసులో ఐదుగురు నిందితులు దాఖలు చేసిన బెయిల్ పిటిషన్ పై విచారణ చేపట్టిన న్యాయస్థానం.. కుల్దీప్ సింగ్, నరేందర్ సింగ్, ముత్తా గౌతమ్, అరుణ్ పిళ్లై, సమీర్ మహేంద్రలకు బెయిల్ ఇచ్చింది.

ఢిల్లీ లిక్కర్ స్కాం నిందితులకు బెయిల్

మాచర్ల టీడీపీ నేతలకు హైకోర్టులో ఊరట లభించింది. &nbsp;మాచర్ల టీడీపీ ఇంఛార్జ్ జూలకంటి బ్రహ్మారెడ్డికి ముందస్తు బెయిల్ మంజూరైంది. ఏ7 మినహా మిగిలిన 22 మందికి కోర్టు బెయిల్ మంజూరు చేసింది. &nbsp; బ్రహ్మారెడ్డి సహా 22 మందికి ఏపీ హైకోర్టు ముందస్తు బెయిల్ మంజూరు చేసింది.

టీడీపీ నేతలకు &nbsp;ముందస్తు బెయిల్

వైకుంఠ ఏకాదశి సందర్భంగా తిరుమల శ్రీవారికి రికార్డు స్థాయిలో హుండీ ఆదాయం సమకూరింది. ఒక్కరోజే హుండీ ద్వారా రూ. 7.68 కోట్ల కానుకలను భక్తులు సమర్పించినట్లు టిటిడి వెల్లడించింది. 2022 అక్టోబర్ 23న వచ్చిన రూ.6.31 కోట్ల ఆదాయమే ఇప్పటివరకు వచ్చిన అత్యధిక హుండీ ఆదాయం. ఇక వైకుంఠ ఏకాదశి సందర్భంగా సోమవారం శ్రీవారిని 69,414 మంది భక్తులు దర్శించుకున్నారు. స్వామివారికి 18,612 మంది భక్తులు తలనీలాలు సమర్పించారు.

తిరుమలలో రికార్డు స్థాయి ఆదాయం

ఆంధ్రప్రదేశ్‌లో &nbsp;రోడ్లపై సభలు, ర్యాలీల నిర్వహణపై ప్రభుత్వం నిషేధం విధించింది. &nbsp;ప్రజల భద్రత దృష్ట్యా ప్రభుత్వం కీలక నిర్ణయం తీసుకుంది. &nbsp;జాతీయ రహదారులతో పాటు &nbsp;రాష్ట్ర రహదారులు, పంచాయతీరాజ్, మున్సిపల్ రోడ్లకు నిబంధనలు వర్తింప చేయనున్నారు. సభల నిర్వహణకు &nbsp;ప్రత్యామ్నాయ ప్రదేశాలు ఎంపిక చేయాలని అధికారులకు ఆదేశాలు జారీ చేశారు. &nbsp;ఎంపిక చేసిన ప్రదేశాల్లోనే సభలకు షరతులతో కూడిన అనుమతి ఇవ్వాలని ప్రభుత్వం ఆదేశించింది. &nbsp;షరతులు ఉల్లంఘిస్తే నిర్వాహకులపై కఠిన చర్యలు తీసుకోవాలని ఆదేశాల్లో పేర్కొన్నారు.&nbsp;

రోడ్లపై సభలు, ర్యాలీల నిర్వహణపై ప్రభుత్వం నిషేధం

నేడు గోదావరి నది బోర్డు సమావేశం కానుంది. &nbsp;గోదావరి బోర్డ్ ఛైర్మన్ ఎంకే సిన్హా అధ్యక్షతన భేటీ జరుగనుంది. భేటీకి ఇరు రాష్ట్రాల ఇరిగేషన్ అధికారులు హాజరు కానున్నారు. &nbsp;గూడెం ఎత్తిపోతల, మోడికుంట వాగు ప్రాజెక్టుల డీపీఆర్ ల సాంకేతిక అనుమతిలపై భేటీలో చర్చ జరుగనుంది.&nbsp;

నేడు గోదావరి నది బోర్డు సమావేశం

వేతనాల పెంపు &nbsp;కోరుతూ హైదరాబాద్‌ మెట్రో &nbsp;ఉద్యోగులు సమ్మెకు దిగారు. ఐదేళ్లుగా &nbsp;వేతనాలు పెంచడం లేదంటూ ఉద్యోగులు సమ్మెకు దిగారు. &nbsp;దీంతో ఎల్బీ నగర్‌ నుంచి మియా పూర్‌ వరకు మెట్రో టిక్కెట్ల కోసం ప్రయాణికులు బారులు తీరారు.&nbsp;

హైదరాబాద్ మెట్రో ఉద్యోగులు సమ్మె

పోలీసుల విచారణకు హాజరు కావాలని తెలంగాణ హైకోర్టు సునీల్ కనుగోలును ఆదేశించింది. సునీల్‌ కనుగోలు పోలీసుల విచారణకు సహకరించాలని ఆదేశించింది. సిఆర్‌పిసి 41ఏ కింద నోటీసులు జారీ చేయడంపై &nbsp;సునీల్‌ కనుగోలు కోర్టును ఆశ్రయించారు. తెలంగాణ గళం పేరుతో ఉన్న ఫేస్‌బుక్ పేజీతో తనకు ఎలాంటి సంబంధం లేదని &nbsp;సునీల్ కనుగోలు కోర్టుకు వివరించారు. మాయాబజార్ పేరుతో కేసీఆర్ కుటుంబంపై దుష్ప్రచాం చేస్తున్నారనే ఆరోపణలపై &nbsp;పోలీసుల దర్యాప్తుకు సహకరించాలని ఆదేశించింది. అదే సమయంలో సునీల్‌ను అరెస్ట్ చేయవద్దని &nbsp;కోర్టు స్పష్టం చేసింది.&nbsp;

సునీల్ కనుగోలుకు కోర్టులో చుక్కెదురు&nbsp;

గుంటూరులో తొక్కిసలాటకు కారణమైన &nbsp;ఉయ్యూరు శ్రీనివాస్ ను జడ్జి ఎదుట &nbsp;పోలీసులు ప్రవేశపెట్టారు. ఘటనతో సంబంధం లేని సెక్షన్ చేర్చడంతో 304(2) నుంచి &nbsp;మినహాయింపు ఇచ్చారు. &nbsp;రూ.25 వేల సొంత పూచీకత్తుపై శ్రీనివాస్‌ను విడుదల చేశారు. &nbsp; పోలీసుల విచారణకు శ్రీనివాస్ సహకరించాలని న్యాయమూర్తి ఆదేశించారు.&nbsp;

రిమాండ్ పిటిషన్ తిరస్కరణ

<ul><li>&nbsp;నేటి నుంచి రాహుల్‌ గాంధీ రెండో విడత భారత్ జోడో యాత్ర &nbsp;కార్యక్రమం ప్రారంభం కానుంది. ఉత్తర్ ప్రదేశ్‌, హర్యానా, పంజాబ్, హిమాచల్ ప్రదేశ్ మీదుగా రాహుల్ &nbsp;యాత్ర &nbsp;సాగనుంది. &nbsp;ఈనెల 20న జమ్మూకశ్మీర్ లోకి &nbsp;రాహుల్ యాత్ర ప్రవేశించనుంది. - ఈనెల 30న శ్రీనగర్ జెండా ఆవిష్కరణతో యాత్ర ముగియనున్నది. రెండవ విడత &nbsp;యాత్రలో పాల్గొనాలని పలు పార్టీలకు రాహుల్ గాంధీ ఆహ్వానం పలికారు. &nbsp;క్రిస్మస్, నూతన సంవత్సరం నేపథ్యంలో తొమ్మిది రోజుల పాటు రాహుల్ గాంధీ భారత్ జోడో యాత్రకు విరామాన్ని &nbsp;ప్రకటించారు.&nbsp;</li></ul>

January 02 Telugu News Updates : గోవింద నామస్మరణలో మార్మోగుతున్న తిరుమల

జాతీయ, అంతర్జాతీయ వార్తా విశేషాలతో పాటు ఏపీ, తెలంగాణ న్యూస్ అప్డేట్స్‌ కోసం పేజీని రిఫ్రెష్ చేసి చూస్తూ ఉండండి.&nbsp;

ఆంధ్రప్రదేశ్ లో బీఆర్ఎస్ విస్తరణకు తొలి అడుగులు పడ్డాయి. జాతీయ రాజకీయాల్లోకి అడుగుపెట్టిన కేసీఆర్ తో కలిసి నడిచేందుకు ఆసక్తి చూపిన ఏపీలోని పలువురు నేతలు.. హైదరాబాద్ లో కేసీఆర్ సమక్షంలో బీఆర్ఎస్ లో చేరారు. మాజీ ఐఏఎస్ తోట చంద్రశేఖర్, మాజీ మంత్రి రావెల కిశోర్ బాబు, మాజీ ఐఆర్ఎస్ చింతల పార్థసారథి, అనంతపురం జిల్లాకు చెందిన టీజే ప్రకాశ్‌, కాపునాడు జాతీయ అధ్యక్షుడు తాడిపాక రమేశ్ నాయుడు, కాపునాడు ప్రధాన కార్యదర్శి శ్రీనివాస్ నాయుడు.. ఏపీ ప్రజా సంఘాల జేఏసీ అధ్యక్షుడు జేటీ రామారావు సహా పలువురు నేతలకి కేసీఆర్ గులాబీ కండువా కప్పి పార్టీలోకి ఆహ్వానించారు.

బీఆర్ఎస్ లో చేరికలు

రాష్ట్ర ప్రభుత్వం సర్పంచ్‌లకు నిధులు లేకుండా చేసి గ్రామపంచాయతీ వ్యవస్థను నిర్వీర్యం చేస్తోందని టీపీసీసీ అధ్యక్షుడు రేవంత్ రెడ్డి ఆరోపించారు. సర్పంచుల నిధులు, విధులను కేసీఆర్ ప్రభుత్వం లాక్కుంటోందని... ఇప్పటి వరకు రూ. 35 వేల కోట్ల గ్రామ సర్పంచుల నిధులను ప్రభుత్వం తీసుకుందని విమర్శించారు. కేంద్ర ప్రభుత్వం ఇచ్చిన నిధులను రాష్ట్ర సర్కార్ అక్రమంగా వాడేసుకుంటోందని.. పారిశుద్ధ్య కార్మికులకు జీతాలు, కరెంటు బిల్లులు చెల్లించేందుకు నిధులు లేకుండా చేశారని మండిపడ్డారు. సర్పంచుల నిధుల సమస్య పరిష్కారం కోరుతూ తెలంగాణ వ్యాప్తంగా ఆందోళనలకు పిలుపునిచ్చిన టీపీసీసీ అధ్యక్షుడు రేవంత్‌ రెడ్డిని సోమవారం ఉదయం పోలీసులు అదుపులోకి తీసుకున్న సంగతి తెలిసిందే. సాయంత్రం విడుదల చేసిన అనంతరం.. బొల్లారం పీఎస్ వద్ద మీడియాతో రేవంత్ రెడ్డి మాట్లాడారు. కేసీఆర్‌ మరో 6 నెలలు మాత్రమే అధికారంలో ఉంటారని.. బిల్లుల కోసం సర్పంచ్‌లు మంత్రులను నిలదీయాలని రేవంత్ పిలుపునిచ్చారు.

రేవంత్ ఫైర్

తిరుమల శ్రీ వేంకటేశ్వర ఆలయంలో ఎంతో విశిష్టమైన వైకుంఠ ఏకాదశిని పురస్కరించుకుని స్వర్ణరథోత్సవం అత్యంత వైభవోపేతంగా జరిగింది. ఉదయం 9 నుంచి 11 గంటల మధ్య స్వర్ణరథంపై దేవదేవుడు శ్రీ వేంకటాద్రీశుడి విహారం కన్నులపండువగా నిర్వహించారు. శ్రీవారి రథరంగ డోలోత్సవాన్ని తిరుమాడ వీధుల్లో పెద్ద సంఖ్యలో భక్తులు వీక్షించారు. స్వర్ణరథంపై శ్రీవారు భక్తులకు దర్శనభాగ్యం కల్పించారు. సర్వాంగ సుందరంగా అలంకరించిన స్వర్ణరథాన్ని టిటిడి మహిళా ఉద్యోగులతో పాటు పలువురు మహిళలు గోవిందనామస్మరణతో భక్తిశ్రద్ధలతో లాగారు. శ్రీదేవి భూదేవి సమేత శ్రీ మలయప్ప స్వామివారు రథాన్ని అధిరోహించి నాలుగు మాడ వీధుల్లో భక్తులకు దర్శనమిచ్చారు. ఈ సంద‌ర్భంగా గోవింద‌నామ‌స్మ‌ర‌ణ‌తో తీరుమల వీధులు మార్మోగాయి.

స్వర్ణరథోత్సవం

గుంటూరులో చంద్రన్న కానుక పంపిణీలో తొక్కిసలాట జరిగి ముగ్గురు చనిపోయిన ఘటనపై… వైఎస్సార్సీపీ, టీడీపీ మధ్య మాటల యుద్ధం సాగుతోంది. చంద్రబాబు ప్రచార యావ వల్లే దుర్ఘటన జరిగిందని అధికార పార్టీ నేతలు ఆరోపిస్తుండగా… ఘటన వెనుక కుట్ర దాగి ఉందని టీడీపీ నేతలు అనుమానం వ్యక్తం చేస్తున్నారు. &nbsp;చంద్రబాబు ప్రచార యావ పరాకాష్టకు చేరిందని.. కందుకూరు, గుంటూరు దుర్ఘటనలు అందుకు నిదర్శనమని.. మాజీ మంత్రి, వైఎస్సార్సీపీ నేత కొడాలి నాని తీవ్ర వ్యాఖ్యలు చేశారు. బహిరంగ ప్రదేశాల్లో చంద్రబాబు సభలకు అనుమతి ఇవ్వడానికి వీల్లేదని.. సభలకు ఎంత మంది జనం వస్తున్నారు... ఏ రూట్లో వెళుతున్నారు... ఎన్ని వాహనాలు ఉన్నాయన్నది ముందే పోలీసులకు సమాచారం ఇవ్వాలని డిమాండ్ చేశారు. ఈ ఘటనపై అనుమానం వ్యక్తం చేసిన టీడీపీ నేత వర్ల రామయ్య.. సభలో అధికార పార్టీ నేతలు స్లీపర్ సెల్స్ ను పెట్టి అలజడి సృష్టించారేమో అని అన్నారు. వైఎస్సార్సీపీ నేతలు, మంత్రుల మాటలు.. ఆ పార్టీ కార్యకర్తల సోషల్ మీడియా హడావుడి చేస్తుంటే .. ఇదంతా ఓ కట్రలా అనిపిస్తోందని అనుమానం వ్యక్తం చేశారు. ఆదివారం గుంటూరులో జరిగిన ఘటన వైఎస్సార్సీపీకి తెలిసే జరిగిందని... దీనిపై సీబీఐతో విచారణ జరిపిస్తే పూర్తి వాస్తవాలు వెలుగులోకి వస్తాయని వ్యాఖ్యానించారు.

మాటల యుద్ధం

ఎమ్మెల్యేల ఎర కేసులో సిట్ దాఖలు చేసిన మెమోను తెలంగాణ హైకోర్టు కొట్టివేసింది. ఈ కేసులో బీఎల్ సంతోష్, తుషార్, శ్రీనివాస్ లను నిందితులుగా పేర్కొంటూ సిట్ గతంలో అవినీతి నిరోధక శాఖ కోర్టులో మెమో దాఖలు చేసింది. దీనిపై విచారణ జరిపిన ఏసీబీ కోర్టు.. సిట్ మెమోను కొట్టివేసింది. దీనిపై హైకోర్టుని ఆశ్రయించింది.. సిట్. ఇరు పక్షాల వాదనలు విన్న ధర్మాసనం.. సిట్ అప్పీల్ ను కొట్టివేసింది. అలాగే... ఈ కేసులో బీఎల్ సంతోష్, జగ్గుస్వామి, తుషార్, శ్రీనివాస్ లపై సిట్ విచారణపై జనవరి 23 వరకు స్టే పొడిగించింది. బీఎల్ సంతోష్ సహా నలుగురికి సీఆర్పీసీ 41ఏ నోటీసుల జారీపై స్టే విధించింది. గతంలో ఇచ్చిన గడువు డిసెంబర్ 30తో ముగిసిన నేపథ్యంలో.. స్టే గడువు మళ్లీ పొడిగిస్తూ హైకోర్టు ఉత్తర్వులు జారీ చేసింది.

సిట్ మెమో కొట్టివేత

&nbsp;ఏలూరు ప్రభుత్వ ఆస్పత్రి వద్ద టీడీపీ, జనసేన నాయకుల ఆందోళనకు దిగారు. &nbsp;జోగయ్య ఆరోగ్యంపై హెల్త్ బులిటెన్ విడుదల చేయాలని డిమాండ్ చేశారు. ప్రభుత్వానికి వ్యతిరేకంగా టీడీపీ, జనసేన నేతలు నినాదాలు చేశారు. &nbsp;ఆస్పత్రి వద్దకు వచ్చిన మాజీ ఎమ్మెల్యే చింతమనేని ప్రభాకర్‌ను &nbsp;ఆస్పత్రిలోకి అనుమతించ లేదు. &nbsp;ఆస్పత్రిలోకి వెళ్ళేందుకు ప్రయత్నించడంతో &nbsp;చింతమనేని ప్రభాకర్ ను అరెస్టు చేసి స్టేషన్ కు తరలించారు. &nbsp;ఏలూరు ప్రభుత్వ ఆస్పత్రిలోని ప్రత్యేక వార్డులో మాజీ మంత్రి హరిరామజోగయ్యను ఉంచారు. &nbsp;కాపులకు రిజర్వేషన్ కోరుతూ నేటి నుంచి నిరాహార దీక్షకు జోగయ్య పిలుపునివ్వడంతో &nbsp;పాలకొల్లులో గత రాత్రి జోగయ్యను అదుపులోకి తీసుకున్నారు.&nbsp;

ఏలూరు ప్రభుత్వాస్పత్రి వద్ద ఉద్రిక్తత

గుంటూరు ఘటనకు పోలీసుల వైఫల్యమే కారణమని తానా మాజీ అధ్యక్షుడు కోమటి జయరాం ఆరోపించారు. అన్ని &nbsp;అనుమతులతో చేపట్టిన కార్యక్రమానికి సరైన బందోబస్తు ఇవ్వలేదని ఆరోపించారు. &nbsp;ఎన్‍ఆర్‍ఐ శ్రీనివాస్ సదాశయంతో చేపట్టిన కార్యక్రమంలో ఇలా జరగడం దురదృష్టకరం అన్నారు. గుంటూరులో &nbsp;జరిగిన ఘటనకు ఏపీ ప్రభుత్వం బాధ్యత వహించాలని డిమాండ్ చేశారు. &nbsp;ఏపీలో ప్రజల కోసం ఎన్‍ఆర్‍ఐలు ఎన్నో ఏళ్లుగా విశేష కృషి చేస్తున్నారన్నారు.&nbsp;

గుంటూరు ఘటనకు పోలీసుల వైఫల్యమే కారణం

సర్పంచుల సమస్యలపై ఆందోళనకు సిద్ధమైన టీపీసీసీ అధ్యక్షుడు రేవంత్‌ రెడ్డిని పోలీసులు అరెస్ట్ చేశారు. అంతకు ముందు &nbsp;ఇంటి నుంచి బయటకు వచ్చేందుకు &nbsp;ప్రయత్నించిన రేవంత్‌ రెడ్డిని పోలీసులు అడ్డుకున్నారు. తెలంగాణ ఉద్యమ సమయంలో హోంమంత్రి నివాసం ముందు కూడా ధర్నాలుచేశామని పోలీసులతో రేవంత్ వాగ్వాదానికి దిగారు. ధర్నాలు, ఆందోళనలు చేయకుండానే తెలంగాణ రాష్ట్రం ఏర్పడిందా అని ప్రశ్నించారు. &nbsp;తన ఇంటికి వచ్చిన కార్పొరేటర్ విజయారెడ్డిని అరెస్ట్ చేయడంపై ఆగ్రహం వ్యక్తం చేశారు. ఎంపీగా ఎక్కడికైనా వెళ్లేందుకు తనకు హక్కు ఉందని రేవంత్ రెడ్డి బయటకు వెళ్ళేందుకు ప్రయత్నించడంతో పోలీసులు బలవంతంగా అదుపులోకి తీసుకున్నారు.&nbsp;

రేవంత్ రెడ్డి అరెస్ట్‌

బీఆర్‍ఎస్‍లో చేరే ఏపీ నేతలపై కేఏ పాల్ సెటైర్లు వేశారు. &nbsp;డబ్బులకు ఆశపడే తోట చంద్రశేఖర్ బీఆర్‍ఎస్‍లో చేరుతున్నారని విమర‌్శించారు. - ఏపీ ప్రజల ఆత్మగౌరవాన్ని కేసీఆర్‍కు తాకట్టు పెడుతున్నారని ఆరోపించారు. &nbsp;విలువలు లేని రాజకీయాలకు తోట తెరతీశారని, &nbsp;మాజీ మంత్రి రావెల కిషోర్ అవినీతి చక్రవర్తి అని ఆరోపించారు. &nbsp; నీతి నియమాలు లేనివారే కేసీఆర్ పార్టీలో చేరతారని &nbsp;కేఏ పాల్ విమర్శించారు.&nbsp;

బీఆర్‍ఎస్‍లో చేరే ఏపీ నేతలపై కేఏ పాల్ సెటైర్లు

టీడీపీ అధినేత చంద్రబాబు కుప్పం పర్యటన ఖరారైంది. జనవరి &nbsp;4, 5, 6 తేదీల్లో కుప్పంలోని నాలుగు మండలాల్లో &nbsp;చంద్రబాబు పర్యటించనున్నారు.&nbsp;

కుప్పంలో చంద్రబాబు పర్యటన

కాంగ్రెస్ వార్ రూం కేసులో సునీల్ కనుగోలు దాఖలు చేసిన పిటిషన్ పై నేడు తెలంగాణ హైకోర్టు తీర్పు వెలువరించనుంది. &nbsp;సైబర్ క్రైమ్ పోలీసులు జారీ చేసిన 41ఏ సీఆర్పీసీ నోటీసులపై స్టే ఇవ్వాలని కోరుతూ సునీల్ కనుగోలు ఇటీవలే కోర్టును ఆశ్రయించారు. దీనిపై ఇరు వర్గాల వాదనలను విన్న హైకోర్టు.. తీర్పును నేటికి వాయిదా వేసింది. దాంతో పాటు పిటిషన్ పై తీర్పును రిజర్వ్ చేసింది. సునీల్ కనుగోలు కేసులో ఆయన దాఖలు చేసిన పిటిషన్ పై హైకోర్టులు ఇప్పటికే వాదనలు పూర్తయ్యాయి. ఈ కేసులో కాంగ్రెస్ వార్ రూమ్ తో సునీల్ కనుగోలుకు సంబంధం లేదని ఆయన తరపు న్యాయవాది వాదించారు.&nbsp;

సునీల్ కేసులో నేడు తీర్పు

ఏపీలో మొత్తం 175 స్థానాల్లో బీఆర్ఎస్ పోటీ చేస్తుందని తెలంగాణ మంత్రి మల్లారెడ్డి ప్రకటించారు. &nbsp;ఏపీలో నేతలు రాష్ట్రానికి ప్రత్యేక హోదాను సాధించలేకపోయారని, &nbsp;పోలవరం ప్రాజెక్టు నిర్మాణాన్ని పూర్తి చేయలేకపోయారని &nbsp;సీఎం కేసీఆర్ కేవలం మూడేళ్లలో కాళేశ్వరం ప్రాజెక్టును పూర్తి చేశారని చెప్పారు. &nbsp;ఏపీలో బీఆర్ఎస్ అధికారంలోకి వస్తే అంతే వేగంగా పోలవరం ప్రాజెక్టును పూర్తి చేస్తామని &nbsp;మంత్రి మల్లారెడ్డి చెప్పారు.&nbsp;

ఏపీలో మొత్తం 175 స్థానాల్లో బీఆర్ఎస్ పోటీ

వైకుంఠ ఏకాదశి సందర్భంగా తిరుమల శ్రీవారిని తమిళనాడు హైకోర్టు సీజే, మహారాష్ట్ర సీఎం ఏక్‍నాథ్ శిందే , &nbsp;డిప్యూటీ సీఎం నారాయణస్వామి, మంత్రులు పెద్దిరెడ్డి, ఉషశ్రీచరణ్, మేరుగ నాగార్జున, తెలంగాణ మంత్రులు ఎర్రబెల్లి, గంగుల, శ్రీనివాస్‍గౌడ్, మల్లారెడ్డి తదితరులు దర్శించుకున్నారు.&nbsp;

ప్రముఖుల శ్రీవారి దర్శనం

గుంటూరులో జరిగిన &nbsp;తొక్కిసలాట ఘటనపై నల్లపాడు పీఎస్‍లో 304, 174 సెక్షన్ల కింద కేసు నమోదైంది. కార్యక్రమ నిర్వాహకుడు &nbsp;ఉయ్యూరు ఫౌండేషన్ చైర్మన్ శ్రీనివాసరావుపై కేసు నమోదు చేశారు. &nbsp;గుంటూరు ఘటనలో గాయపడ్డ 13 మందికి ఆస్పత్రిలో వైద్యం అందిస్తున్నారు. ఐసీయూలో రంగాదేవికి చికిత్స అందిస్తుండగా &nbsp;ఎమర్జెన్సీ వార్డులో రాజేశ్వరి, మస్తాన్, సరోజిని చికిత్స పొందుతున్నారు.&nbsp;

గుంటూరు తొక్కిసలాటపై కేసు నమోదు

బాపట్ల జిల్లా కొల్లూరు మండలం చిన్నపులివర్రులో దారుణం జరిగింది. పింఛన్ డబ్బుల కోసం వృద్ధురాలిని ముగ్గురు వ్యక్తులు కొట్టి చంపారు. &nbsp;గుడిపల్లి లక్ష్మీవిలాసం వద్ద ఉన్న పింఛన్ డబ్బుల కోసం హత్య చేశారు. గ్రామానికి చెందిన ముగ్గురు వ్యక్తులు కొట్టి చంపారని ఆరోపణ రావడంతో &nbsp;ముగ్గురు వ్యక్తులను అదుపులోకి తీసుకుని &nbsp;పోలీసులు విచారిస్తున్నారు.&nbsp;

పింఛన్ కోసం దారుణం

నెల్లూరు రూరల్ ఎమ్మెల్యే కోటంరెడ్డి శ్రీధర్ రెడ్డికి సీఎం జగన్ పిలుపు అందింది. &nbsp;సాయంత్రం 5 గంటలకు సీఎం జగన్‍ను కలవనున్నారు. జిల్లా బాధ్యుడు బాలినేని శ్రీనివాస్ కూడా హాజరుకావాలని &nbsp;ముఖ్యమంత్రి కార్యాలయం ఆదేశించింది.&nbsp;

కోటంరెడ్డికి సిఎం పిలుపు

నోట్ల రద్దు వ్యవహారంపై దాఖలైన పిటిషన్లపై &nbsp;నేడు సుప్రీంకోర్టు తీర్పు వెలువరించనుంది. మొత్తం 58 పిటిషన్లను విచారించిన సుప్రీంకోర్టు తీర్పును ప్రకటించనుంది. &nbsp;2016 నవంబర్ 8న రద్దయిన పెద్ద నోట్ల వ్యవహారంపై ఐదుగురు సభ్యుల ధర్మాసనం తీర్పు వెల్లడించనుంది.

నోట్ల రద్దుపై నేడు సుప్రీం కోర్టు తీర్పు

<ul><li>వైకుంఠ ఏకాదశి సందర్భంగా &nbsp;తిరుమల భక్తలతో కిటకిటలాడుతోంది. తిరుమలతో పాటు యాదాద్రి, సింహాచలం, అన్నవరం వంటి పుణ్య క్షేత్రాలకు పెద్ద ఎత్తున భక్తులు తరలి వచ్చారు. తిరుమలలో అర్థరాత్రి నుంచి శ్రీవారి దర్శనాలకు భక్తులను అనుమతిస్తున్నారు. తెల్లవారుజామున ఐదు గంటల నుంచి &nbsp;సాధారణ భక్తులకు దర్శనం కల్పిస్తున్నారు.&nbsp;</li></ul>

Facial Recognition In AP :  ఉద్యోగుల హాజరులో నేటి నుంచి కొత్త రూల్స్….

Facial Recognition In AP ఆంధ్రప్రదేశ్‌ ప్రభుత్వ ఉద్యోగులకు కొత్త ఏడాది కొత్త రూల్స్‌ అమల్లోకి వచ్చాయి. ఉద్యోగులు ఇకపై తమ హాజరును ఫేషియల్ రికగ్నిషన్ యాప్‌లో నమోదు చేయాల్సి ఉంటుంది. ప్రభుత్వ ఉపాధ్యాయులకు ఈ విధానాన్ని ఇప్పటికే అమలు చేస్తుండగా ఇకపై అన్ని ప్రభుత్వ శాఖల్లోను అమలు చేయనున్నారు. మరోవైపు అటెండెన్స్‌పై ప్రభుత్వ నిబంధనలపై ఉద్యోగ సంఘాలు అభ్యంతరం వ్యక్తం చేస్తున్నాయి. మరోవైపు జనవరి 2వ తేదీ నుంచి ఫేషియల్ రికగ్నిషన్ అటెండెన్స్‌ తప్పనిసరి చేశారుు. ఉద్యోగులు యాప్‌లను డౌన్‌లోడ్ చేసుకుని అటెండెన్స్‌ నమోదు చేయాల్సి ఉంటుంది. ఉద్యోగులతో పాటు డీడీఓలకు యాప్‌ వినియోగంపై మార్గదర్శాలు ఇప్పటికే జారీ చేశారు. ఏపీసిఎఫ్‌ఎస్‌ఎస్‌ వెబ్‌సైట్‌, గూగుల్ ప్లే స్టోర్‌ నుంచి యాప్‌ డౌన్‌ లోడ్ చేసుకుని వినియోగించాల్సి ఉంటుంది.

ప్రభుత్వ ఉద్యోగులకు ప్రతి నెల ఒకటో తేదీన జీతాాలను చెల్లించేలా చర్యలు తీసుకోవాలని ప్రభుత్వ ప్రధాన కార్యదర్శి కె.జవహర్‌రెడ్డిని ఏపీ రెవిన్యూ సర్వీసెస్‌, ఏపీ జేఏసీ అమరావతి సంఘాల నేతల కోరారు. ఉద్యోగుల వేతనాల చెల్లింపుల జాప్యం జరుగుతుండటం వల్ల ఇబ్బందులకు గురవుతున్నామని సీఎస్ దృష్టికి తీసుకువెళ్లారు. గత రెండేళ్లుగా జీపిఎఫ్‌ రుణాలు, రిటైర్డ్‌ సిబ్బందికి అందాల్సిన ప్రయోజనాలు, మెడికల్ రియింబర్స్‌మెంట్‌ వంటివి సకాలంలో అందకపోవడం వల్ల ఉద్యోగులు ఇబ్బందులు పడుతున్నారని చీఫ్‌ సెక్రటరీకి వివరించారు.

మరోవైపు హాజరు నమోదులో ఆలశ్యమైతే జీతం కట్ చేస్తారనే వార్తలపై కూడా ఉద్యోగులు ఆందోళన వ్యక్తం చేశారు. ఫేషియల్ రికగ్నిషన్ ఆధారంగా ఉద్యోగులకు జీతభత్యాలను చెల్లిస్తారంటూ వస్తున్న వార్తల్లో ఉద్యోగుల్లో తీవ్ర ఆందోళన నెలకొందని ప్రభుత్వం ఇచ్చిన ఆదేశాలపై ఉద్యోగ సంఘాలతో చర్చించాలని డిమాండ్ చేశారు. అన్ని ప్రభుత్వ శాఖల్లో పనిచేస్తున్న ఫీల్డ్‌ సిబ్బందికి మినహాయింపు ఇవ్వాలని కోరారు. గ్రామ వార్డు సచివాలయ సిబ్బందిపై ఒత్తిడి పెరిగి ఆందోళన చెందుతున్నారని వారికి టార్గెట్లు పెట్టి, జీతాల్లో కోతలు విధిస్తున్నారని, క్రమశిక్షణ చర్యలు తీసుకుంటున్నారని వాటిని ఆపాలని కోరారు.

<h2>ప్రభుత్వ కార్యాలయాల వద్ద బోర్డులు….</h2>ప్రభుత్వ ఉద్యోగుల పనితీరులో జవాబుదారీతనం కోసం ప్రభుత్వం మరో కీలక నిర్ణయం తీసుకుంది. ప్రభుత్వ కార్యాలయాల్లో పనిచేసే అధికారులు, వారి విధులు, వారికి ప్రభుత్వం చెల్లిస్తున్న వేతనాలతో కూడిన బోర్డుల్ని ఏర్పాటు చేయాలని నిర్ణయించారు. రాష్ట్ర వ్యాప్తంగా అన్ని ప్రభుత్వ కార్యాలయాల్లో వీటిని ఏర్పాటు చేయాలని నిర్ణయించారు. అయా కార్యాలయాల్లో ఎవరెంత జీతం తీసుకుంటున్నారో కూడా బోర్డులపై వెల్లడించనుంది. ఈ నిర్ణయంపై కసరత్తు చేస్తుండటంతో ఉద్యోగ సంఘాలు అసంతృప్తి వ్యక్తం చేస్తున్నాయి.

ఉద్యోగల వేతన సమాచారం బహిరంగంగా ప్రదర్శించాలనే నిర్ణయంపై వ్యతిరేకత వ్యక్తమవుతోంది. ఉద్యోగుల వేతన వివరాలను బహిరంగం చేయాలని ప్రభుత్వం యోచిస్తోందని ఉద్యోగ సంఘాలు ఆరోపిస్తున్నాయి. ప్రభుత్వం నుంచి మాత్రం ఎలాంటి స్పందన రాలేదని చెబుతున్నారు. ఉద్యోగుల్లో ప్రజల్లో వ్యతిరేకత తీసుకురావాలనే ఉద్దేశంతోనే ఇలా చేస్తున్నారని సంఘాలు ఆరోపిస్తున్నాయి.

జవాబుదారీతనం, సమాచార హక్కు చట్టం పేరుతో ప్రభుత్వం ఉద్యోగుల వివరాలను బయటపెట్టే ప్రయత్నం చేయడాన్ని తప్పు పడుతున్నారు. ఇప్పటి వరకు రెవిన్యూ కార్యాలయాలు, ఆస్పత్రులలో మాత్రమే సమాచార హక్కు చట్టానికి సంబంధించిన నోడల్ అధికారుల వివరాలు, ఫోన్ నంబర్లను అందుబాటులో ఉంచేవారు. మిగిలిన ప్రభుత్వ కార్యాలయాల్లో ఇలాంటి బోర్డులు ఎక్కడా ఉండేవి కాదు. ఇకపై అన్ని ప్రభుత్వ కార్యాలయాల్లో అధికారులు ఎవరు, వారి విధులు, వేతనమెంత? అనే వివరాలను కూడా బహిర్గతం చేయాలని నిర్ణయించారు. త్వరలో ప్రభుత్వ కార్యాలయాలు, విద్యాసంస్థల్లో ఈ వివరాలను ఏర్పాటు చేయాలని ఏపీ సర్కారు యోచిస్తోంది.

<ul><li>Facial Recognition In AP ఆంధ్రప్రదేశ్‌ ప్రభుత్వ ఉద్యోగుల హాజరు నమోదులో నేటి నుంచి కొత్త నిబంధనలు అమలు కానున్నాయి. నిన్న మొన్నటి వరకు బయోమెట్రిక్ అటెండెన్స్ అమల్లో ఉన్న కొత్త ఏడాది అన్ని ప్రభుత్వ శాఖల్లో ఫేషియల్ రికగ్నిషన్ వ్యవస్థను పక్కాగా అమలు చేయనున్నారు. మరోవైపు అన్ని ప్రభుత్వ కార్యాలయాల్లో ఉద్యోగుల వివరాలు, బాధ్యతలు, తీసుకునే జీతం వంటి సమాచారాన్ని బోర్డుల రూపంలో ఏర్పాటు చేయాలని సర్కారు నిర్ణయించింది.&nbsp;</li></ul>

AP CM Meets Amit shah : అమిత్‌ షాతో ముఖ్యమంత్రి జగన్ భేటీ….

AP CM Meets Amit shah ఢిల్లీ పర్యటనలో ఉన్న ముఖ్యమంత్రి జగన్మోహన్ రెడ్డి తిరుపతిలో నేషనల్‌ ఫోరెన్సిక్‌ సైన్సెస్‌ యూనివర్సిటీ ఏర్పాటు చేయాలని కేంద్ర హోం మంత్రి అమిత్‌షాకు విజ్ఞప్తి చేశారు. "ప్రపంచ స్ధాయి విద్యను అందించేందుకు కేంద్ర ప్రభుత్వం గుజరాత్‌ రాష్ట్రంలోని గాంధీనగర్‌ కేంద్రంగా నేషనల్‌ ఫోరెన్సిక్‌ సైన్సెస్‌ యూనివర్సిటీ ఏర్పాటు చేయడంతో పాటు ఢిల్లీ, గోవా, త్రిపురలలో క్యాంపస్‌లు స్ధాపించిందని సిఎం గుర్తు చేశారు.

జాతీయ ప్రాముఖ్యత దృష్ట్యా ఫోరెన్సిక్‌ సైన్స్, క్రైమ్‌ ఇన్వెస్టిగేషన్, సెక్యూరిటీ బిహేవియరల్‌ సైన్స్‌ మరియు క్రిమినాలజీ రంగాల్లో పరిశోధనలు నిర్వహిస్తూ ఫోరెన్సిక్‌ నిపుణుల కోసం పెరుగుతున్న డిమాండ్‌కు అనుగుణంగా ఉన్న కొరతను సైతం తీరుస్తూ... కేంద్ర ప్రభుత్వం దేశవ్యాప్తంగా క్రిమినల్ జస్టిస్ ఇనిస్టిట్యూట్‌లను బలోపేతం చేయడంపై దృష్టి పెట్టిందని, దక్షిణ భారత దేశంలో ఫోరెన్సిక్‌ రంగంలో సేవలందించే అటువంటి సంస్ధ లేని లోటు, దానిని ఏర్పాటు చేయాల్సిన ఆవశ్యకతను కేంద్ర మంత్రి దృష్టికి సిఎ తీసుకువెళ్లారు.

విద్యారంగంలో శరవేగంగా అభివృద్ధి చెందుతున్న తిరుపతిలో నేషనల్‌ ఫోరెన్సిక్‌ సైన్సెస్‌ యూనివర్సిటీ క్యాంపస్‌ ఏర్పాటు అంశాన్ని పరిశీలంచాలని హోంమంత్రి అమిత్‌షాకు విన్నవించారు. యూనివర్సిటీ ఏర్పాటుకు అవసరమైన భూమిని ఉచితంగా అందించడానికి ఆంధ్రప్రదేశ్ ప్రభుత్వం సిద్ధంగా ఉందని హోంమంత్రికి తెలిపారు.

రాష్ట్ర విభజన జరిగి 8 ఏళ్లు సుదీర్ఘకాలం గడిచినప్పటికీ విభజన చట్టంలో పేర్కొన్న అంశాల్లో చాలావరకు ఇప్పటికీ నెరవేర్చలేదని, రెండు రాష్ట్రాల మధ్య ఇంకా కీలక అంశాలు మాత్రం ఇప్పటికీ పరిష్కారం కాలేదని హోంమంత్రికి సిఎం వివరించారు.

2014–15 ఆర్థిక సంవత్సరానికి సంబంధించి రీసోర్స్‌ గ్యాప్‌ ఫండింగ్‌ కింద చెల్లించాల్సిన బకాయిలు అలానే ఉన్నాయని, 2014–15 కు సంబంధించిన రూ.18,330.45కోట్ల బిల్లులు, 10వ వేతన సంఘం బకాయిలు, పెన్షన్లు మొదలైన వాటి రూపేణా మొత్తంగా రూ. 32,625.25 కోట్ల బకాయిలు పెండింగ్‌లో ఉన్నాయని, వీటిని వెంటనే మంజూరు చేయాలని కోరారు.

పోలవరం ప్రాజెక్టుకు సంబంధించి రాష్ట్ర ప్రభుత్వం తన సొంత నిధులనుంచి ఖర్చు చేసిన రూ.2,937.92 కోట్ల రూపాయలను రెండేళ్లుగా చెల్లించలేదని ఈ డబ్బును వెంటనే చెల్లించాల్సిందిగా విజ్ఞప్తి చేశారు. తెలంగాణ డిస్కంల నుంచి రావాల్సిన రూ.6,886 కోట్ల కరెంటు బకాయిలను వెంటనే ఇప్పించాల్సిందిగాహోం మంత్రిని ముఖ్యమంత్రి కోరారు. జాతీయ ఆహార భద్రతా చట్టంలో నిబంధనలు హేతుబద్ధంగా లేవని, దీనివల్ల రాష్ట్రానికి తీవ్ర నష్టం వాటిల్లుతోందని చెప్పారు.

<h2>ప్రత్యేక హోదా ఇవ్వాలని విజ్ఞప్తి…..</h2>రాష్ట్రానికి ప్రత్యేక తరగతి హోదా కల్పనపై సానుకూల నిర్ణయం తీసుకోవాలని ముఖ్యమంత్రి కోరారు. విభజన వల్ల తీవ్రంగా నష్టపోయిన రాష్ట్రానికి ప్రత్యేక తరగతి హోదా అవశ్యమని, పార్లమెంటు వేదికగా కేంద్ర ప్రభుత్వం ఇచ్చిన హామీని నెరవేర్చాలని కేంద్ర హోం మంత్రికి విజ్ఞప్తి చేశారు.

<ul><li>AP CM Meets Amit shah ఢిల్లీలో ఏపీ సిఎం జగన్మోహన్‌ రెడ్డి పర్యటన కొనసాగుతోంది. హోంమంత్రి అమిత్‌షాతో ముఖ్యమంత్రి జగన్ భేటీ అయ్యారు. రాష్ట్రానికి ప్రత్యేక తరగతి హోదా కల్పనపై సానుకూల నిర్ణయం తీసుకోవాలని అమిత్‌షాను ముఖ్యమంత్రి కోరారు. విభజన వల్ల తీవ్రంగా నష్టపోయిన రాష్ట్రానికి ప్రత్యేక తరగతి హోదా అవశ్యమని, పార్లమెంటు వేదికగా కేంద్ర ప్రభుత్వం ఇచ్చిన హామీని నెరవేర్చాలని కేంద్ర హోం మంత్రికి విజ్ఞప్తి చేశారు</li></ul>

December 29 Telugu News Updates : కందుకూరు దుర్ఘటనపై ప్రధాని సంతాపం….

జాతీయ, అంతర్జాతీయ వార్తా విశేషాలతో పాటు ఏపీ,తెలంగాణ న్యూస్ అప్డేట్స్‌ కోసం పేజీని రిఫ్రెష్ చేసి చూస్తూ ఉండండి…

మరికొద్ది గంటల్లో కొత్త సంవత్సరం రాబోతుంది. ఇంకేముంది ప్రజలంతా న్యూ ఇయర్ వేడుకలకు సిద్ధమయ్యే పనిలో పడ్డారు. ఇదిలా ఉంటే న్యూ ఇయర్ రోజున మద్యం ఏరులై పారాల్సిందే అన్నట్టే ఉంటుంది పరిస్థితి చూస్తే. వైన్స్ ల ముందు భారీ క్యూలైన్లలో దర్శనమిస్తారు మందుబాబులు. అయితే ఈసారి టీ సర్కార్ కీలక నిర్ణయం తీసుకుంది. మంచి కిక్కేనిచ్చే వార్తను అందించింది. డిసెంబర్ 31న అర్ధరాత్రి ఒంటిగంట వరకు వైన్స్ తెరిచే ఉండనున్నాయి. ఈ మేరకు ఆదేశాలు ఇచ్చింది.ఒంటి గంట వ‌ర‌కు మ‌ద్యం విక్ర‌యాల‌కు ప్ర‌భుత్వం అనుమ‌తి ఇచ్చింది. రిటైల్ షాపులు అర్ధ‌రాత్రి 12 గంట‌ల వ‌రకు, 2బీ లైసెన్స్ గ‌ల బార్లు ఒంటి గంట వ‌ర‌కు తెరిచి ఉండ‌నున్నాయి. కరోనా కారణంగా గత రెండేళ్లలో మద్యం అమ్మకాలు అనుకున్నంత స్థాయిలో జరగలేదు. ఫలితంగా డిసెంబర్ 31న సమయాన్ని పొడిగించినట్లు తెలుస్తోంది.

మందుబాబులకు గుడ్ న్యూస్…&nbsp;

ఏపీ పర్యటనకు వచ్చిన సుప్రీంకోర్టు ప్రధాన న్యాయమూర్తి జస్టిస్ చంద్రచూడ్ గురువారం విజయవాడకు వచ్చారు. ఈ సందర్భంగా ముఖ్యమంత్రి జగన్... సీజేఐతో మర్యాదపూర్వకంగా భేటీ అయ్యారు. నోవాటెల్‌ హోటల్‌కు&nbsp;చేరుకున్న సీజేఐకి శ్రీ వెంకటేశ్వర స్వామి ప్రతిమను అందజేశారు.

భేటీ

Pawan Varahi Vehicle: త్వరలోనే జనసేన అధినేత పవన్ కల్యాణ్ బస్సు యాత్రకు సిద్దమవుతున్న సంగతి తెలిసిందే. ఇందుకోసం ఓ బస్సును ప్రత్యేకంగా డిజైన్ చేయించారు. దీనికి 'వారాహి' అని పేరు కూడా పెట్టారు. అయితే వాహనానికి తొలిపూజ చేసే తేదీతో పాటు ప్లేస్ ను ఖరారు చేశారు. జనవరి 2వ తేదీన కొండగట్టులో పూజలు నిర్వహించనున్నారు.&nbsp;

ప్లేస్ ఖరారు

సంచలనం సృష్టించిన ఎమ్మెల్యేల ఎర కేసుపై బీజేపీ జాతీయ నేత బీఎల్ సంతోష్ స్పందించారు. తనపై ఆరోపణలు చేసిన వారు పర్యవసానాలు ఎదుర్కోక తప్పదని కామెంట్స్ చేశారు.

బీఎల్ సంతోష్ కామెంట్స్

అంజనీ కుమార్ రాష్ట్ర ఇంఛార్జ్ డీజీపీగా నియమితులయ్యారు. ప్రస్తుతం ఆయన ఏసీబీ డీజీగా ఉన్నారు. 2021 డిసెంబరు 24న ఏసీబీ డీజీ అయ్యారు. అంతకుముందు హైదరాబాద్ నగర కమిషనర్ గా పని చేశారు. ఐక్యరాజ్య సమితి శాంతి మెడల్ (పీస్ మెడల్) రెండుసార్లు అందుకున్నారు. ఐక్యరాజ్య సమితి తరపున 1998-99లో బోస్నియా దేశంలో పనిచేశారు. బిహార్ రాజధాని పట్నాలోని సెయింట్ జేవియర్ స్కూల్లో, దిల్లీ యూనివర్సిటీలో చదువుకున్నారు. ఐపీఎస్ ట్రైనింగ్ లో మంచి ప్రతిభ కనపబరిచి రెండు కప్పులు గెలుచుకున్నారు. గతంలో జనగామ ఏఎస్పీగా పనిచేశారు. కౌంటర్ ఇంటిలిజెన్స్ సెల్ చీఫ్ గా పనిచేయడంతో పాటు ఉమ్మడి రాష్ట్రంలో గ్రేహౌండ్స్ చీఫ్ గా బాధ్యతలు నిర్వర్తించారు. నిజామాబాద్ డీఐజీగా, వరంగల్ ఐజీగా పని చేయటంతో పాటు హైదరాబాద్ లా అండ్ ఆర్డర్ అదనపు కమిషనర్ గా చేశారు. 2018 మార్చి 12న హైదరాబాద్ కమిషనర్ గా చేరారు. 2021 డిసెంబరు 25న ఏసీబీగా డీజీగా నియమితులయ్యారు. రాష్ట్రపతి పోలీస్ మెడల్ నక్సల్ ప్రాంతంలో పనితీరుకు గానూ, ఇంటర్నల్ సెక్యూరిటీ మెడల్ అందుకున్నారు. హైదరాబాద్ నగర పోలీసు చరిత్రపై విస్తృత పరిశోధన చేసిన అధికారిగా కూడా ఆయనకు పేరుంది.

ఇంఛార్జ్ డీజీపీ

మున్సిపల్ శాఖ మంత్రి కల్వకుంట్ల తారక రామారావు మామ హరినాధ్ రావు మృతికి మంత్రి తలసాని శ్రీనివాస్ యాదవ్ నివాళులు అర్పించారు. రాయదుర్గం లోని వారి నివాసానికి వెళ్లి హరినాధ రావు పార్ధీవ దేహం పై పూలమాలలు వేసి నివాళులర్పించారు. అనంతరం మంత్రి KTR, ఇతర కుటుంబ సభ్యులను పరామర్శించారు.

పరామర్శ

నెల్లూరు జిల్లా కందుకూరు టీడీపీ సభలో జరిగిన తొక్కిసలాటలో మృతిచెందిన వారి కుటుంబాలను ఆ పార్టీ అధినేత చంద్రబాబు పరామర్శించారు. ఓగూరులో టీడీపీ కార్యకర్త గడ్డం మధు మృతదేహం వద్ద ఆయన నివాళులర్పించారు. అనంతరం అతడి కుటుంబాన్ని చంద్రబాబు ఓదార్చారు. బాధిత కుటుంబాలకు తెదేపా అండగా ఉంటుందని ఆయన ధైర్యం చెప్పారు.

చంద్రబాబు పరామర్శ

సంచలనం సృష్టించిన ఎమ్మెల్యేల ఎర కేసులో కీలక పరిణామాలు చోటు చేసుకుంటున్న సంగతి తెలిసిందే. ఏకంగా సిట్ ను రద్దు చేస్తూ హైకోర్టు తీర్పు ఇవ్వటమే కాకుండా... కేసు విచారణను సీబీఐకి అప్పగిస్తూ ఉత్తర్వులు ఇచ్చింది. ఈ మేరకు 98 పేజీలతో కూడిన తీర్పులో కీలక అంశాలను ప్రస్తావించింది. కేసును సీబీఐకి ఇవ్వడానికి గల కారణాలను 45 రూపంలో వివరించింది. ఈ నేపథ్యంలో కేసు విచారణ కాస్త సీబీఐ పరిధిలోకి వెళ్లటంతో... తెలంగాణ సర్కార్ ఏం చేయబోతుందనేది ఆసక్తిని రేపుతోంది.

ఏం చేయబోతుంది..?

పదో విడత రైతుబంధులో భాగంగా రెండో రోజు పెట్టుబడి సాయం నిధులు విడుదలయ్యాయి. తొలిరోజు ఎకరం చొప్పున 22,45,137 మంది రైతుల బ్యాంకు ఖాతాల్లో రూ.758,19,25,476 కోట్లను ప్రభుత్వం పంపిణీ చేసింది. రెండో రోజు &nbsp;మరో 15.96 లక్షల మంది రైతుల ఖాతాల్లో నగదు జమచేసింది. ఎకరాకు రూ.5 వేల చొప్పున 24,36,775 ఎకరాలకు రూ.1,218.38 కోట్లు బ్యాంక్‌ అకౌంట్లలో జమచేసింది. ఇప్పటివరకు 9 విడతల్లో సాయం అందించగా, 10వ విడత కింద 70.54 లక్షల మందికి రూ.5 వేల చొప్పున రూ.7,676.61 కోట్లను అందజేయనున్నది.&nbsp;

రెండో రోజు రైతు బంధు నిధుల విడుదల&nbsp;

రామగుండం గల్లీలో ప్రధాని ఒకమాట, డీల్లీలో ఒక మాట మాట్లాడుతున్నారని మంత్రి హరీష్‌ రావు ఎద్దేవా చేశారు. సింగరేణి 4 గనులు ఎలా ప్రైవేటు పరం చేస్తారని ప్రశ్నించారు. బిజెపి హటావో.. సింగరేణి బచావో నినాదంతో సింగరేణి ని కాపాడుకుందామని పిలుపునిచ్చారు. &nbsp;పనులు చేసే పార్టీ బి ఆర్ ఎస్, పన్నులు వేసే పార్టీ బిజెపి అని విమర్శించారు.&nbsp;

సిర్పూర్ సభలో లో మంత్రి హరీశ్ రావు

హైదరాబాద్‌ సైబర్ క్రైమ్ పోలీసులు ఇచ్చిన 41 సీఆర్పీసి నోటీసులపై హైకోర్టులో పిటిషన్ దాఖలైంది. &nbsp;ఈ నెల 30న హాజరుకావాలని సునీల్ కనుగోలకు నోటీసులు జారీ చేయడాన్ని &nbsp;సవాల్ చేస్తూ హైకోర్టులో పిటిషన్ దాఖలు చేశారు. 41 సి ఆర్ టి సి పై స్టే ఇవ్వాలని కోరారు. సునీల్ &nbsp;పిటిషన్‌పై రేపు &nbsp;హైకోర్టు విచారణ జరుపనుంది.&nbsp;

హైకోర్టుని ఆశ్రయించిన సునీల్ కనుగోలు.....

<ul><li>టీడీపీ ర్యాలీలో జరిగిన తొక్కిసలాటలో ఎనిమిది మంది ప్రాణాలు కోల్పోవడంపై ప్రధాని మోదీ దిగ్భ్రాంతి వ్యక్తం చేశారు. &nbsp;మృతులకు రూ.2లక్షల ఆర్ధిక సాయం ప్రకటించారు. క్షతగాత్రులకు రూ.50వేల సాయాన్ని అందించనున్నారు. మృతుల కుటుంబ సభ్యులకు ప్రధాని సంతాపం తెలిపారు. మరోవైపు ఢిల్లీ పర్యటనలో ఉన్న సిఎం జగన్మోహన్‌ రెడ్డి కూడా దుర్ఘటనపై విచారం వ్యక్తం చేశారు. బాధితులను ఆదుకుంటామని ప్రకటించారు.&nbsp;</li></ul>

B.S.Chandra

Mylavaram MLA : పోరంబోకు రాజకీయాలు చేయలేనన్న వసంత కృష్ణ ప్రసాద్….