విశాఖలో విషాదం.. స్కూటీపై వెళ్తున్న మహిళ.. ఒక్కసారిగా కూలిపోయిన చెట్టు.. ఏం జరుగుతుందో తెలుసుకునేలోపే..
విశాఖపట్నంలో తీవ్ర విషాదం జరిగింది. రోడ్డుపై ఓ మహిళ స్కూటీ మీద వెళ్తుండగా.. ఒక్కసారిగా పెద్ద చెట్టు కూలిపోయింది. ఈ ఘటనలో మహిళ చనిపోయింది. పోలీసులు ఘటనా స్థలానికి చేరుకొని వివరాలు సేకరించారు. మృతురాలు 38 ఏళ్ల పూర్ణిమగా గుర్తించారు. ఈ ఘటనకు సంబంధించిన పూర్తి వివరాలు ఇలా ఉన్నాయి.
విశాఖపట్నంలోని సీతమ్మధారలో విషాదం జరిగింది. భారీ వృక్షం కూలి మహిళ మృతిచెందింది. స్కూటీ మీద వెళ్తున్న మహిళపై చెట్టు కూలడంతో అక్కడికక్కడే మృతిచెందింది. మృతురాలు పూర్ణిమ (38) గా పోలీసులు గుర్తించారు. విశాఖ ఏఎంజీ ఆస్పత్రి మార్గంలో పూర్ణిమ స్కూటీపై వెళ్తుండగా ఈ ఘటన జరిగింది. ఘటనాస్థలికి చేరుకున్న పోలీసులు కేసు నమోదు చేసి దర్యాప్తు చేస్తున్నారు. సోమవారం ఉదయం 11 గంటల సమయంలో ఈ సంఘటన జరిగింది. పూర్ణిమ భర్త స్టేట్‌ బ్యాంక్‌ మేనేజర్‌గా పని చేస్తున్నారు. ఈ ప్రమాదంతో వాహనదారులు ఉలిక్కిపడ్డారు. ఏం జరుగుతుందో అర్థంకాక పరుగులు తీశారు.
జాగ్రత్తలు..
ఇలాంటి ప్రమాదాలు జరగకుండా కొన్ని జాగ్రత్తలు తీసుకోవాలని.. విశాఖపట్నం మెట్రోపాలిటన్ రీజియన్ డెవలప్‌మెంట్ అథారిటీ విశ్రాంత అధికారులు సూచిస్తున్నారు. బలహీనంగా ఉన్న కొమ్మలను, ప్రమాదకరంగా ఉన్న చెట్లను గుర్తించి వాటిని తొలగించాలని చెబుతున్నారు. భారీ వర్షాలు, గాలులు వచ్చే సమయంలో ప్రజలు అప్రమత్తంగా ఉండాలని సూచిస్తున్నారు. చెట్ల కింద వాహనాలు పార్క్ చేయడం, చెట్ల దగ్గర నిలబడటం వంటివి ప్రమాదకరమని స్పష్టం చేస్తున్నారు.
ప్రయోజనాలు ఉన్నా..
నగరాల్లో భారీ వృక్షాల వల్ల అనేక ప్రయోజనాలను ఉన్నప్పటికీ.. కొన్నిసార్లు అవి ప్రమాదాలకు కారణం కావచ్చు. ముఖ్యంగా బలహీనమైన కొమ్మలు బలమైన గాలులు, వర్షం కారణంగా విరిగి కింద పడవచ్చు. ఇలాంటి సందర్భాల్లో వ్యక్తులకు, వాహనాలకు, ఆస్తులకు నష్టం కలుగుతుంది. ముఖ్యంగా రద్దీగా ఉండే ప్రాంతాల్లో ఇది చాలా ప్రమాదకరం. పెద్ద వృక్షాల వేర్లు భూమి ఉపరితలంపైకి రావడం వల్ల.. కాలిబాటలు, రోడ్లు ఎత్తుగా మారవచ్చు. దీనివల్ల ప్రజలు నడిచేటప్పుడు లేదా వాహనాలు వెళ్లేటప్పుడు ప్రమాదాలు జరిగే అవకాశం ఉంది.
నష్టం కలిగించవచ్చు..
ఎత్తుగా పెరిగిన చెట్ల కొమ్మలు విద్యుత్ తీగలకు తగలడం వల్ల.. సరఫరాలో అంతరాయం కలగవచ్చు. షార్ట్ సర్క్యూట్ కూడా సంభవించవచ్చు. ఇది అగ్ని ప్రమాదాలకు కూడా దారితీస్తుంది. కొన్నిసార్లు చెట్ల వేర్లు పునాదుల్లోకి చొచ్చుకుపోయి భవనాలకు నష్టం కలిగించవచ్చు. బలమైన గాలులకు చెట్లు నేలకూలినప్పుడు అవి సమీపంలోని భవనాలను దెబ్బతీసే అవకాశం ఉంది.
ప్రమాదాలకు అవకాశం..
రోడ్ల పక్కన ఉన్న పెద్ద చెట్లు డ్రైవర్ల దృష్టికి అడ్డుగా ఉండటం వల్ల.. ప్రమాదాలు జరిగే అవకాశం ఉంది. ముఖ్యంగా మలుపుల వద్ద ఇది మరింత ప్రమాదకరం. పెద్ద చెట్ల నుండి రాలిన ఆకులు, ఇతర వ్యర్థాలు కాలువలను, డ్రైనేజీ వ్యవస్థలను అడ్డుకోవచ్చు. దీనివల్ల వర్షపు నీరు నిలిచిపోయి వరదలు వచ్చే అవకాశం ఉంది. అలాగే, తడి ఆకులు కాలిబాటలపై జారిపోయేలా చేసి ప్రమాదాలకు కారణం కావచ్చు.
సంబంధిత కథనం