AP TG Bird Flu : బర్డ్ ఫ్లూ సోకిన మనుషుల్లో ఎలాంటి లక్షణాలు కనిపిస్తాయి.. 10 ముఖ్యమైన అంశాలు

బర్డ్ ఫ్లూ అనేది ఒక రకమైన వైరస్. ఇది పక్షుల నుండి మనుషులకు వ్యాపిస్తుంది. మనుషుల్లో బర్డ్ ఫ్లూ లక్షణాలు గుర్తించడం చాలా ముఖ్యం. ఎందుకంటే ఇది ప్రాణాంతకమైన వైరస్. ఈ వైరస్ సోకిన వారిలో కనిపించే 10 ముఖ్యమైన లక్షణాలు ఇలా ఉంటాయి.

1.జ్వరం..

బర్డ్ ఫ్లూ సోకిన వారికి ఎక్కువ జ్వరం వస్తుంది. ఇది 100 డిగ్రీల ఫారెన్‌ హీట్ కంటే ఎక్కువ ఉండవచ్చు.

2.దగ్గు..

పొడి దగ్గు లేదా రక్తంతో కూడిన దగ్గు కూడా బర్డ్ ఫ్లూ సాధారణ లక్షణం అని నిపుణులు చెబుతున్నారు.

3.గొంతు నొప్పి..

గొంతు నొప్పి, గొంతులో మంట కూడా బర్డ్ ఫ్లూతో బాధపడుతున్న మనుషుల్లో కనిపిస్తాయి.

4.కండరాల నొప్పి..

శరీరంలో కండరాల నొప్పులు కూడా బర్డ్ ఫ్లూ లక్షణాలలో ఒకటి. సాధారణంగా వచ్చే పెయిన్స్ కంటే భిన్నంగా ఉంటుంది.

5.తలనొప్పి..

తీవ్రమైన తలనొప్పి కూడా బర్డ్ ఫ్లూతో బాధపడుతున్న వారిలో కనిపిస్తుంది.

6.శ్వాస తీసుకోవడంలో ఇబ్బంది..

బర్డ్ ఫ్లూ సోకిన వారికి శ్వాస తీసుకోవడంలో ఇబ్బంది కలుగుతుంది. ఇది చాలా ప్రమాదకరమైనది. వెంటనే అప్రమత్తం అవ్వాలి.

7.వాంతులు.. విరేచనాలు..

బర్డ్ ఫ్లూ సోకిన కొంతమందికి విరేచనాలు, వాంతులు కూడా అవుతాయి.

8.కళ్లు ఎర్రబడటం..

కళ్లు బాగా ఎర్రబడటం, నీరు కారడం కూడా బర్డ్ ఫ్లూ లక్షణాల్లో ఒకటి.

9.అలసట..

తీవ్రమైన అలసట, నీరసం కూడా బర్డ్ ఫ్లూతో బాధపడుతున్న వారిలో కనిపిస్తాయి.

10.న్యుమోనియా..

కొన్ని సందర్భాలలో బర్డ్ ఫ్లూ న్యుమోనియాకు కూడా దారితీస్తుంది. ఇది ప్రాణాంతకం.

ఈ లక్షణాలలో ఏవైనా మీకు కనిపిస్తే, వెంటనే వైద్యుడిని సంప్రదించాలి. బర్డ్ ఫ్లూ నిర్ధారణ కోసం వైద్యులు కొన్ని పరీక్షలు చేస్తారు. ఈ వ్యాధికి చికిత్స అందుబాటులో ఉంది. ప్రారంభ దశలో గుర్తిస్తే తొందరగా నయం చేయవచ్చు. చికిత్సలో భాగంగా వైద్యులు యాంటీవైరల్ మందులు సూచిస్తారు. ఈ మందులు వ్యాధి తీవ్రతను తగ్గించడంలో సహాయపడతాయి.

జాగ్రత్తలు..

ప్రస్తుతం ఉన్న పరిస్థితుల్లో పక్షులకు దూరంగా ఉండాలి. చనిపోయిన పక్షులను తాకకూడదు. పక్షుల వ్యర్థాలను శుభ్రం చేసేటప్పుడు మాస్క్, గ్లౌవ్స్ ధరించాలి.