Andhra Pradesh News Live November 6, 2024: America Vice President : అమెరికా ఉపాధ్యక్షుడు జేడీ వాన్స్ ఆంధ్ర అల్లుడు, భర్త విజయంలో ఉషా చిలుకూరి కీలక పాత్ర

Nellore Crime : నెల్లూరు జిల్లాలో ఓ ఆటో డ్రైవర్ బాలికపై లైంగిక దాడికి పాల్పడ్డాడు. రీల్స్ చేయడం నేర్పిస్తానని బాలికకు మాయమాటలు చెప్పి పలుమార్లు లైంగిక దాడి చేశాడు. బాలిక ప్రవర్తనలో మార్పుతో తల్లి ప్రశ్నించగా.. అసలు విషయం బయటపడింది. పోలీసులు నిందితుడిని అదుపులోకి తీసుకున్నారు.

Regional Rural Banks Merge : ప్రాంతీయ గ్రామీణ బ్యాంకుల విలీనానికి కేంద్రం మరో అడుగు ముందుకేసింది. నవంబర్ 20లోగా గ్రామీణ బ్యాంకుల స్పాన్సర్ బ్యాంకుల నుంచి విలీనంపై అభిప్రాయాలు సేకరించనుంది. దేశంలోని 43 గ్రామీణ బ్యాంకులను 23గా విలీనం చేయాలని కేంద్రం నిర్ణయించింది.

AP Cabinet Key Decisions : ఏపీని ప్రపంచ డ్రోన్ డెస్టినేషన్ గా మార్చేందుకు డ్రోన్ పాలసీకి కేబినెట్ ఆమోదం తెలిపింది. డ్రోన్ లపై పరిశోధనలు చేసే విద్యాసంస్థలకు రూ.20 లక్షల ప్రోత్సహకాలు అందించనున్నారు. విద్యార్థుల ఫీజు రీయంబర్స్మెంట్ ఇకపై నేరుగా కాలేజీల ఖాతాల్లో జమ చేయనున్నట్లు ప్రభుత్వం తెలిపింది.

Visakha Special Trains : ప్రయాణికుల రద్దీ నేపథ్యంలో విశాఖ-దానాపూర్-విశాఖ మధ్య ఈస్ట్ కోస్ట్ రైల్వే రెండు ప్రత్యేక రైళ్లు నడపనున్నట్లు ప్రకటించింది. మరో నాలుగు రైళ్లను రీషెడ్యూల్ చేసింది.

Eluru Bikes Recovery : ఇన్నాళ్లు ఎంతో అప్యాయంగా కుటుంబ సభ్యుల్లో ఒకరిగా చూసుకున్న స్కూటీ చోరీకి గురైంది. తలసేమియాతో బాధపడే బిడ్డను ఆ స్కూటీ మీదే ఆసుపత్రికి తీసుకెళ్లేది ఆ మహిళ. పోలీసులు ఆ స్కూటీని రికవరీ చేసి ఇవ్వడంతో ఆమెకు కన్నీళ్లు ఆగలేదు. ఈ ఘటనలో ఏలూరు జిల్లాలో జరిగింది.

Pawan Kalyan : డిప్యూటీ సీఎం పవన్ కల్యాణ్.. పిఠాపురంలో మరో 12 ఎకరాల భూమి కొనుగోలు చేశారు. ఈ భూమిలో త్వరలో ఇల్లు, క్యాంపు కార్యాలయం నిర్మించనున్నారు. పిఠాపురంలో ఇల్లు కట్టుకుంటానని పవన్ ఎన్నికల సమయంలో హామీ ఇచ్చారు.