TTD Jr College Admissions : టీటీడీ జూనియర్ కాలేజీల్లో అడ్మిషన్లు, ఇలా దరఖాస్తు చేసుకోండి!-tirupati ttd jr college inter admission application invited apply process ,ఆంధ్ర ప్రదేశ్ న్యూస్
తెలుగు న్యూస్  /  ఆంధ్ర ప్రదేశ్  /  Ttd Jr College Admissions : టీటీడీ జూనియర్ కాలేజీల్లో అడ్మిషన్లు, ఇలా దరఖాస్తు చేసుకోండి!

TTD Jr College Admissions : టీటీడీ జూనియర్ కాలేజీల్లో అడ్మిషన్లు, ఇలా దరఖాస్తు చేసుకోండి!

Bandaru Satyaprasad HT Telugu
May 26, 2024 08:14 PM IST

TTD Jr College Admissions : తిరుపతిలోని టీటీడీ జూనియర్ కాలేజీల్లో 2024-25 ప్రవేశాలకు దరఖాస్తులు ఆహ్వానించారు. విద్యార్థులు అధికారిక వెబ్ సైట్ లో దరఖాస్తు చేసుకోవచ్చు. దరఖాస్తులకు మే 31 చివరి తేదీ.

టీటీడీ జూనియర్ కాలేజీల్లో అడ్మిషన్లు, ఇలా దరఖాస్తు చేసుకోండి!
టీటీడీ జూనియర్ కాలేజీల్లో అడ్మిషన్లు, ఇలా దరఖాస్తు చేసుకోండి!

TTD Jr College Admissions : తిరుమల తిరుపతి దేవస్థానం జూనియర్ కాలేజీల్లో ఇంటర్ ఫస్టియర్ ప్రవేశాలకు అప్లికేషన్లు ఆహ్వానించింది. టీటీడీ తిరుపతిలో బాలికల కోసం శ్రీ పద్మావతి జూనియర్ కాలేజీ, బాలుర కోసం శ్రీ వేంకటేశ్వర జూనియర్ కాలేజీలను నిర్వహిస్తోంది. ఈ కాలేజీల్లో ఇంటర్ ప్రథమ సంవత్సరానికి అప్లికేషన్లు ఆహ్వానించింది. విద్యార్థులు http://admission.tirumala.org వెబ్ సైట్ లో దరఖాస్తు చేసుకోవచ్చు. మే 31వ తేదీలోపు విద్యార్థులు దరఖాస్తు చేసుకోవచ్చని టీటీడీ తెలిపింది.

శ్రీ పద్మావతి మహిళా జూనియర్ కళాశాలలో ఎంపీసీ, ఎంఈసీ, బైపీసీ, సీఈసీ, సీఈఎల్,హెచ్ఈసీ కోర్సులు తెలుగు, ఇంగ్లిష్ మీడియంలో అందుబాటులో ఉన్నారు. ఈ కాలేజీలో మొత్తం 968 సీట్లు ఉన్నాయి. ముందుగా సీట్లు పొందిన 450 మందికి హాస్టల్ వసతి కల్పిస్తారు.

శ్రీ వేంకటేశ్వర జూనియర్ కళాశాల, తిరుపతి - ఎంపీసీ, ఎంఈసీ, బైపీసీ, సీఈసీ, సీఈఎల్,హెచ్ఈసీ, హెచ్టీసీ, జీఈహెచ్ కోర్సులు తెలుగు, ఇంగ్లిష్ మీడియంలో అందుబాటులో ఉన్నాయి. మొత్తం 792 సీట్లకు ప్రవేశాలు కల్పిస్తారు. 400 హాస్టల్ సీట్లు ఉన్నాయి.

టీటీడీ జూనియర్ కళాశాలలలో ప్రవేశాలకు అర్హతలు

  • ఎస్ఎస్సీ లేదా దానికి సమానమైన పరీక్షలో పాసై ఉండాలి.
  • అర్హత సాధించిన విద్యార్థుల మార్కుల ఆధారంగా విద్యాశాఖ రిజర్వేషన్లు ఆధారంగా సీట్లు కేటాయిస్తారు.
  • పదో తరగతి పరీక్షల్లో ముందుగా పాసైన వారికి ప్రాధాన్యత ఇస్తారు. ఆ తర్వాత కంపార్ట్మెంటల్ వారికి సీట్లు కేటాయిస్తారు.
  • సొంత ఊరు నుంచి 20 కి.మీ కంటే తక్కువ దూరం కలిగిన వారికి జూ.కాలేజీ వసతి గృహాల్లో సీట్లు కేటాయించరు.
  • శ్రీ పద్మావతి జూనియర్ కాలేజీలో విద్యార్థినులకు మాత్రమే సీట్లు కేటాయిస్తారు.
  • శ్రీ వేంకటేశ్వర జూనియర్ కాలేజీలో బాలురు, థర్డ్ జెండర్ వారు అర్హులు. థర్డ్ జెండర్ వారికి హాస్టల్ సదుపాయం కల్పించరు.

ఫీజు వివరాలు

  • సైన్స్ గ్రూపుల ఫీజు- రూ.4875
  • ఆర్ట్స్ గ్రూపుల ఫీజు - రూ.3975

దరఖాస్తు విధానం

  • విద్యార్థులు https://admission.tirumala.org/ వెబ్ సైట్ పై క్లిక్ చేయండి.
  • హోం పేజీలో జూనియర్ కాలేజీ ఆప్షన్ పై క్లిక్ చేయండి.
  • స్క్రీన్ పై ఇంగ్లిష్ లేదా తెలుగు బాక్స్ పై క్లిక్ చేసి అడ్మిషన్ల వివరాలను తెలుసుకోంది.
  • చెక్ బాక్స్ పై క్లిక్ చేసి 'yes accept' పై క్లిక్ చేయండి.
  • విద్యార్థి ఫొటో(100 KB), మొబైల్ నెంబర్ తో రిజిస్ట్రేషన్ చేసుకోవాలి.
  • మీరు ఏ గ్రూప్ లో చేరాలనుకుంటున్నారో ప్రాధాన్యత క్రమాన్ని రాసుకోండి. (కాలేజీ పేరు, గ్రూప్, మీడియం, వసతి) ఈ వివరాలు అప్లికేషన్ లో పొందుపర్చండి.
  • ఆన్ లైన్ లో దరఖాస్తులను బట్టి ముందుగా విద్యార్థులకు తాత్కాలికంగా సీట్లు కేటాయిస్తారు. ఆ తర్వాత ఒరిజినల్ సర్టిఫికెట్లు వెరిఫై చేసి సీట్లు కన్ఫామ్ చేస్తారు. ఈ రెండు సార్లు వివరాలు సరిపోలకపోతే అడ్మిషన్ రద్దు చేస్తారు.
  • విద్యార్థులు దరఖాస్తులో సెల్ ఫోన్ నెంబర్, ఈ-మెయిల్ ఇవ్వాలి. అడ్మిషన్ ప్రక్రియ వివరాలను విద్యార్థులకు సెల్ ఫోన్ మెసేజ్, ఈ-మెయిల్ ద్వారా తెలియజేస్తారు.

టీ20 వరల్డ్ కప్ 2024

సంబంధిత కథనం