SCR Special Trains : ప్రయాణికుల‌కు గుడ్‌న్యూస్ - విజ‌యవాడ మీదుగా 4 స్పెష‌ల్ వీక్లీ రైళ్లు

ప్రయాణికులకు దక్షిణ మధ్య రైల్వే గుడ్‌న్యూస్ చెప్పింది. నాలుగు స్పెష‌ల్ వీక్లీ రైళ్ల‌ను అందుబాటులోకి తీసుకురానుంది. ప్ర‌యాణికులు ర‌ద్దీని త‌గ్గించేందుకు విజ‌య‌వాడ మీదుగా చ‌ర్ల‌పల్లి-కాకినాడ టౌన్, చ‌ర్ల‌ప‌ల్లి-న‌ర్సాపూర్ మ‌ధ్య రెండు స్పెష‌ల్ వీక్లీ రైళ్ల‌ను న‌డ‌ప‌నున్న‌ట్లు రైల్వే అధికారులు తెలిపారు.

స్పెష‌ల్ రైళ్ల వివరాలు:

1. చ‌ర్ల‌ప‌ల్లి- కాకినాడ (07031) స్పెష‌ల్ వీక్లీ రైలు ఈనెల 14, 21 తేదీల్లో అందుబాటు ఉంటుంది. ఈ రైలు ఆయా తేదీల్లో రాత్రి 7.20 గంట‌ల‌కు చ‌ర్ల‌ప‌ల్లిలో బ‌య‌లుదేరి, మ‌రుస‌టి రోజు ఉద‌యం 4.30 గంట‌ల‌కు కాకినాడ టౌన్‌కు చేరుకుంటుంది.

2. కాకినాడ టౌన్‌- చ‌ర్ల‌ప‌ల్లి (07032) స్పెష‌ల్ వీక్లీ రైలు ఈనెల 16, 23 తేదీల్లో అందుబాటు ఉంటుంది. ఈ రైలు ఆయా తేదీల్లో సాయంత్రం 6.55 గంట‌ల‌కు కాకినాడ టౌన్‌లో బ‌య‌లుదేరి, మ‌రుస‌టి రోజు ఉద‌యం 6.50 గంట‌ల‌కు చ‌ర్ల‌ప‌ల్లికి చేరుకుంటుంది.

ఈ రెండు రైళ్లు చర్ల‌ప‌ల్లి -కాకినాడ టౌన్ మ‌ధ్య న‌ల్లొండ‌, మిర్యాల‌గూడ‌, స‌త్తెన‌ప‌ల్లి, గుంటూరు, విజ‌య‌వాడ‌, ఏలూరు, తాడేప‌ల్లి గూడెం, రాజ‌మండ్రి, సామర్ల‌కోట స్టేష‌న్ల‌ల‌లో ఆగుతాయి.

3. చ‌ర్ల‌ప‌ల్లి-న‌ర్సాపూర్ (07233) స్పెష‌ల్ వీక్లీ రైలు ఈనెల 14, 21 తేదీల్లో అందుబాటులో ఉంటుంది. ఈ రైలు ఆయా తేదీల్లో రాత్రి 7.15 గంట‌ల‌కు చ‌ర్ల‌ప‌ల్లిలో బ‌య‌లుదేరి, మ‌రుస‌టి రోజు ఉద‌యం 5.50 గంట‌ల‌కు న‌ర్సాపూర్‌కి చేరుకుంటుంది.

4. న‌ర్సాపూర్‌-చ‌ర్ల‌పల్లి (07234) స్పెష‌ల్ వీక్లీ రైలు ఈనెల 16, 23 తేదీల్లో అందుబాటులో ఉంటుంది. ఈ రైలు ఆయా తేదీల్లో రాత్రి 8 గంట‌ల‌కు న‌ర్సాపూర్‌లో బ‌య‌లుదేరి…. మ‌రుస‌టి రోజు ఉద‌యం 8 గంట‌ల‌కు చ‌ర్ల‌ప‌ల్లి చేరుకుంటుంది.

ఈ రెండు రైళ్లు చ‌ర్ల‌ప‌ల్లి-న‌ర్సాపూర్ మ‌ధ్య న‌ల్లొండ‌, మిర్యాల‌గూడ‌, న‌డికుడి, పిడుగురాళ్ల‌, స‌త్తెన‌ప‌ల్లి, గుంటూరు, విజ‌య‌వాడ‌, గుడివాడ‌, కైక‌లూరు, భీమ‌వ‌రం టౌన్‌, వీర‌వాస‌రం, పాల‌కొల్లు స్టేష‌న్ల‌ల్లో ఆగుతాయి.

వందేభార‌త్ రైలుకు ఏలూరులో స్టాపేజ్:

సికింద్రాబాద్-విశాఖపట్నం-సికింద్రాబాద్ వందే భారత్ ఎక్స్‌ప్రెస్ రైళ్ల (రైలు నంబర్ 20707/20708) కోసం ఏలూరు స్టేషన్‌లో ప్రయోగాత్మక స్టాపేజ్ ను పొడిగించారు. ఫిబ్రవరి 25 నుంచి మరో ఆరు నెలల పాటు కొనసాగుతుందని రైల్వే శాఖ ప్రకటించింది.

సికింద్రాబాద్ - విశాఖపట్నం (20707) ఏలూరులో ఉదయం 9:49 గంటలకు ఆగుతుంది. ఉదయం 9.50 గంటలకు అక్క‌డి నుంచి బయలుదేరుతుంది. విశాఖపట్నం - సికింద్రాబాద్ (20708) సాయంత్రం 5:44 గంటలకు ఏలూరు చేరుకుంటుంది. అక్క‌డి నుంచి సాయంత్రం 5:45 గంటలకు బయలుదేరుతుంది.

ఈ పొడిగింపుతో ఏలూరు నుండి ఎక్కే ప్రయాణికులు సికింద్రాబాద్, విశాఖపట్నం రెండింటికీ హై-స్పీడ్ కనెక్టివిటీ నుండి ప్రయోజనం పొందడం కొనసాగించిన‌ట్లు వాల్తేర్ డివిజ‌న్ డీసీఎం కె.సందీప్ తెలిపారు.

రైళ్ల షార్ట్-టర్మినేషన్:

కెకె లైన్‌లోని జగదల్‌పూర్-కిరండూల్ సెక్షన్‌పై డబ్లింగ్‌కు సంబంధించి రైల్వే శాఖ కీలక అప్డేట్ ఇచ్చింది. బచేలి-కిరండూల్ స్టేషన్ యార్డుల పునర్నిర్మాణం కోసం ప్రీ-నాన్-ఇంటర్‌లాక్ పనులు, నాన్-ఇంటర్‌లాక్ పనుల కారణంగా రైళ్లను దంతేవాడ‌ వద్ద షార్ట్ టెర్మినేటెడ్ చేస్తున్నట్లు తెలిపింది.

విశాఖపట్నం నుంచి బయలుదేరే విశాఖపట్నం-కిరండూల్ ప్యాసింజర్ రైలు(ట్రైన్ నంబర్ 58501) ఫిబ్ర‌వ‌రి 15 నుంచి మార్చి 6 వ‌ర‌కు దంతేవాడ వద్ద షార్ట్ టెర్మినేటెడ్ చేయబడుతుంది. కిరండూల్ నుంచి బ‌య‌లుదేరే కిరండూల్-విశాఖపట్నం ప్యాసింజర్ రైలు(రైలు నంబర్ 58502) కిరండూల్‌కు బదులుగా దంతేవాడ నుంచి ఫిబ్ర‌వ‌రి 14 నుండి మార్చి 7 వరకు బ‌య‌లుదేరుతుంది.

విశాఖపట్నం నుంచి బయలుదేరే… విశాఖపట్నం-కిరండూల్ నైట్ ఎక్స్‌ప్రెస్ రైలు ఫిబ్ర‌వ‌రి 15 నుండి మార్చి 6 వ‌ర‌కు దంతేవాడ వద్ద షార్ట్ టెర్మినేటెడ్ చేయబడుతుంది. కిరండూల్ నుంచి బ‌య‌లుదేరే కిరండూల్-విశాఖపట్నం నైట్ ఎక్స్‌ప్రెస్ రైలు… కిరండూల్‌కు బదులుగా దంతేవాడ నుంచి బయల్దేరుతుంది. ఫిబ్ర‌వ‌రి 14 నుండి మార్చి 7 వరకు రాకపోకలు ఉంటాయి.

రిపోర్టింగ్: జ‌గ‌దీశ్వ‌ర‌రావు జ‌ర‌జాపు, హిందుస్తాన్ టైమ్స్ తెలుగు.