తత్కాల్, ప్రీమియం తత్కాల్ టికెట్ల మధ్య తేడా ఏంటి? ఎలా బుక్ చేసుకోవాలి, కన్ఫార్మ్ శాతం వేటికి ఎక్కువ?
ఐఆర్సీటీసీ చివరి నిమిషంలో రైల్వే ప్రయాణాల కోసం తత్కాల్, ప్రీమియం తత్కాల్ టికెట్లు అందిస్తోంది. రైలు బయలుదేరే ఒక రోజు ముందుగా ఆన్ లైన్ లో ఈ టికెట్లు విడుదల చేస్తారు. తత్కాల్, ప్రీమియం తత్కాల్ టికెట్ల మధ్య తేడాలు, బుకింగ్ విధానం, టికెట్ కన్ఫార్మ్ అయ్యే అవకాశాలను తెలుసుకుందాం.
రైల్వే ప్రయాణికుల కోసం భారతీయ రైల్వే వివిధ సేవలను అందిస్తుంది. అత్యవసర ప్రయాణాల కోసం తత్కాల్, ప్రీమియమ్ తత్కాల్ సేవలను అందుబాటులో ఉంచింది. ప్రయాణానికి ఒక రోజు ముందు ఈ టికెట్లను విడుదల చేస్తారు. తత్కాల్, ప్రీమియమ్ తత్కాల్ టికెట్ల మధ్య తేడాలు, పూర్తి వివరాలు తెలుసుకుందాం.
కొన్నిసార్లు చివరి నిమిషంలో ప్రయాణాలకు రైలు టికెట్లు అవసరం పడతాను. అటువంటి పరిస్థితులలో సహాయం చేయడానికి ఐఆర్సీటీసీ తత్కాల్, ప్రీమియం తత్కాల్ టికెట్లును అందుబాటులో ఉంచింది. ఈ రెండూ తక్కువ సమయంలో సీట్లను పొందడంలో సహాయపడతాయి.
సాధారణంగా రైల్వే ప్రయాణమంటే చాలా ముందస్తుగా టికెట్లు బుక్ చేసుకుంటారు. దూర ప్రాంతాలకు రైల్వే ప్రయాణాలను ఎక్కువగా వినియోగిస్తుంటారు. అందుకే రైల్వే టికెట్లు నిత్యం భారీ డిమాండ్ ఉంటుంది. ప్రస్తుతం ఐఆర్సీటీసీ రిజర్వేషన్ నిబంధనల ప్రకారం 60 రోజుల ముందస్తుగా రైల్వే టికెట్లు బుక్ చేసుకోవచ్చు.
తత్కాల్, ప్రీమియం తత్కాల్ అంటే ఏమిటి?
తత్కాల్ అంటే హిందీ భాషలో "తక్షణం" అని అర్థం. తక్కువ సమయంలో టికెట్లు బుక్ చేసుకునేందుకు ఐఆర్సీటీసీ ఈ సేవలు అందిస్తోంది. మరోవైపు, ప్రీమియం తత్కాల్...ఈ సేవలు తత్కాల్ కు కాస్త మెరుగైన వెర్షన్, ఇది అధిక ధరలో అదనపు ప్రయోజనాలను అందిస్తుంది.
తత్కాల్ టికెట్లు
- రైలు బయలుదేరే తేదీకి ఒక రోజు ముందు ఈ టికెట్లు ఓపెన్ చేస్తారు.
- ఏసీ టికెట్లు ఉదయం 10:00 గంటలకు, నాన్-ఏసీ టికెట్లు ఉదయం 11:00 గంటలకు విడుదల చేస్తారు.
- తత్కాల్ బుకింగ్‌లకు పరిమిత సీట్లు కేటాయిస్తారు.
- సాధారణ టికెట్ల కంటే ఎక్కువ ధర ఉంటుంది.
- బుకింగ్, ప్రయాణ సమయంలో ప్రయాణికులు గుర్తింపు కార్డు చూపించాలి.
ప్రీమియం తత్కాల్ టికెట్లు
- తత్కాల్ టికెట్ల తరహాలోనే ప్రీమియమ్ తత్కాల్ టికెట్లు ఒక రోజు ముందుగానే ఓపెన్ చేస్తారు.
- ప్రీమియం తత్కాల్ ప్రారంభ సమయం ఆయా రైలు, ప్రయాణించే మార్గాన్ని బట్టి మారుతుంది.
- సాధారణ తత్కాల్ టికెట్ల రేటుతో పోలిస్తే అధిక ఛార్జీలు ఉంటాయి.
- ప్రీమియమ్ తత్కాల్ సేవలు ఎంపిక చేసిన రైళ్లు, మార్గాలకు మాత్రమే పరిమితం అంటే ప్రధాన మార్గాల్లోని రైళ్లకు మాత్రమే ఈ సేవలు అందుబాటులో ఉంటాయి.
- తత్కాల్ కంటే ప్రీమియమ్ తత్కాల్ టికెట్లు తక్కువ కోటా విడుదల చేస్తారు.
- కొన్ని రైళ్లలకు ప్రీమియం తత్కాల్ ఏసీ టికెట్లు ఉదయం 10 గంటలకు, నాన్ ఏసీ టికెట్లు ఉదయం 11 గంటలకు విడుదల చేస్తారు.
- తత్కాల్ సేవలతో పోలిస్తే ప్రీమియమ్ తత్కాల్ టికెట్ల బుకింగ్ కన్ఫార్మ్ స్టేటస్ ఎక్కువ అని ప్రయాణికులు చెబుతుంటారు.
తత్కాల్, ప్రీమియమ్ తత్కాల్ టికెట్ల బుకింగ్ ఎలా?
మీ దగ్గర్లోని ప్రధాన రైల్వే స్టేషన్లు లేదా ఐఆర్సీటీసీ వెబ్ సైట్, ఐఆర్సీటీసీ రైల్ కనెక్ట్ యాప్ ద్వారా ఈ టికెట్లను బుక్ చేసుకోవచ్చు.
తత్కాల్ vs ప్రీమియం తత్కాల్
- ప్రీమియం తత్కాల్ టికెట్లు అధిక బేస్ ఛార్జీలు, డైనమిక్ ధరలను కలిగి ఉంటాయి.
- తత్కాల్ సేవలు రిజ్వర్వేషన్ సదుపాయం ఉన్న అన్ని రైళ్లలో అందుబాటులో ఉంది. అయితే ప్రీమియం తత్కాల్ ఎంపిక చేసిన రైళ్లకు మాత్రమే పరిమితం.
- ప్రీమియం తత్కాల్ సమయాలు తత్కాల్ టైమ్ మాదిరిగా కాకుండా రైళ్లు, మార్గాల బట్టి సమయాలు మారవచ్చు.
- ప్రీమియం తత్కాల్ టికెట్లను ఎక్కువగా ఏసీ తరగతులను దృష్టిలో ఉంచుకుని అందిస్తారు.
- ప్రీమియం తత్కాల్ టికెట్ కోసం ఎక్కువగా చెల్లించగలిగిన వారిని లక్ష్యంగా చేసుకుని అందిస్తుంటారు.
- RAC/ వెయిట్‌లిస్ట్ టికెట్ బుకింగ్ ఇందులో ఉండదు.
- కన్ఫార్మ్ అయిన టికెట్ ను రద్దు చేసుకుంటే అమౌంట్ తిరిగి చెల్లించరు.
తత్కాల్ అంటే ప్రీమియం తత్కాల్ టికెట్లు బుకింగ్ కన్ఫర్మేషన్ రేటు ఎక్కువగా ఉంటుంది. కాస్త ధర ఎక్కువైన టికెట్ కచ్చితంగా కావాలి అనుకునేవారు ప్రీమియం తత్కాల్ సేవలు ఉపయోగించుకోవచ్చు.
సంబంధిత కథనం