AP Teachers Mlc Elections : తూర్పు, పశ్చిమ గోదావరి ఉపాధ్యాయ ఎమ్మెల్సీ ఉపఎన్నిక షెడ్యూల్ విడుదల, డిసెంబర్ 5న పోలింగ్

ఏపీలోని తూర్పుగోదావరి-పశ్చిమగోదావరి ఉపాధ్యాయ ఎమ్మెల్సీ ఉపఎన్నికకు కేంద్ర ఎన్నికల సంఘం సోమవారం షెడ్యూల్ విడుదల చేసింది. తూర్పుగోదావరి- పశ్చిమ గోదావరి ఉపాధ్యాయ ఎమ్మెల్సీ షేక్‌ సాబ్జీ గతేడాది డిసెంబర్ 15న రోడ్డు ప్రమాదంలో మరణించారు. దీంతో ఇక్కడ ఉపఎన్నిక వచ్చింది. ఉపాధ్యాయ ఎమ్మెల్సీ ఉపఎన్నిక నోటిఫికేషన్ ఈ నెల 11న విడుదల చేయనున్నట్లు ఈసీ తెలిపింది.

ఈ నెల 18 వరకు నామినేషన్లు స్వీకరించనున్నారు. 19వ తేదీన నామినేషన్లను పరిశీలించనున్నారు. నామినేషన్ల ఉపసంహరణకు నవంబర్ 21 తుది గడువుగా నిర్ణయించారు. డిసెంబర్‌ 5వ తేదీ ఉదయం 8 గంటల నుంచి సాయంత్రం 4 గంటల వరకు ఉపఎన్నిక పోలింగ్ నిర్వహించనున్నారు. డిసెంబర్‌ 9వ తేదీన ఓట్ల కౌంటింగ్ ఫలితాలు ప్రకటన ఉంటుందని ఎన్నికల సంఘం ఓ ప్రకటనలో తెలిపింది.

ఉపఎన్నిక షెడ్యూల్

1.నోటిఫికేషన్ జారీ - నవంబర్ 11, 2024 (సోమవారం)

2.నామినేషన్లు వేయడానికి చివరి తేదీ - నవంబర్ 18, 2024 (సోమవారం)

3.నామినేషన్ల పరిశీలన- నవంబర్ 19, 2024 (మంగళవారం)

4. నామినేషన్ ఉపసంహరణకు చివరి తేదీ- నవంబర్ 21 , 2024 (గురువారం)

5. పోలింగ్ తేదీ- డిసెంబర్ 05, 2024 (గురువారం)

6. పోలింగ్ సమయం - 08:00 am- 04:00 pm

7.ఓట్ల లెక్కింపు - డిసెంబర్ 09, 2024 (సోమవారం)

8. ఎన్నికలు ముగించాల్సిన తేదీ-12 డిసెంబర్, 2024 (గురువారం)

తూర్పు, పశ్చిమగోదావరి పట్టభద్రుల ఎమ్మెల్సీ ఎన్నికలు

ఉమ్మడి పశ్చిమ, తూర్పుగోదావరి జిల్లాల పట్టభద్రుల నియోజకవర్గాల్లో ఓటర్ల నమోదుకు ఈసీ నోటిఫికేషన్‌ జారీ చేసిన విషయం తెలిసిందే. అక్టోబర్ 1 నుంచి నవంబర్ 6 వరకు ఈ జిల్లాల పరిధిలో పట్టభద్రుల ఓటర్ల నమోదుకు దరఖాస్తులు స్వీకరించనున్నారు. ఫారం-18 ద్వారా ఓటర్లుగా నమోదు చేసుకోవాలని ఈసీ తెలిపింది. నవంబర్‌ 23న ఓటర్ల జాబితా డ్రాఫ్ట్ ను విడుదల చేయనున్నారు. డిసెంబర్‌ 9 వరకు అభ్యంతరాలను స్వీకరించనున్నారు. డిసెంబర్ 30న తుది జాబితాను వెల్లడించనున్నారు.

2025 మార్చి 29తో ఉమ్మడి కృష్ణా-గుంటూరు. తూర్పు-పశ్చిమగోదావరి జిల్లాల పట్టభద్రుల నియోజకవర్గాలు, ఉత్తరాంధ్ర ఉపాధ్యాయ నియోజకవర్గ ఎమ్మెల్సీల పదవీకాలం ముగుస్తుంది. ఎమ్మెల్సీలు కేఎస్ లక్ష్మణ రావు, పాకలపాటి రఘువర్మ, ఇళ్ల వెంకటేశ్వరరావు పదవీకాలం 2025 మార్చి 29తో పూర్తి అవుతుంది.

ఎలా దరఖాస్తు చేసుకోవాలి?

1. గ్రాడ్యూయేట్ ఓటు కోసం నమోదు చేసుకోవాలనుకునే అభ్యర్థులు https://ceoandhra.nic.in/ceoap_new/ceo/index.html వెబ్ సైట్ లోకి వెళ్లాలి.
2. హోం పేజీలో కనిపించే MLC -e Registration ఆప్షన్ పై నొక్కాలి. ఇక్కడ కనిపింటే గ్రాడ్యూయేట్ - 18 ఆప్షన్ పై నొక్కాలి.
3. మీ ప్రాథమిక వివరాలతో Sign-Up కావాలి. ఒక్కసారి రిజిస్ట్రేషన్ అయితే సరిపోతుంది.
4. ఆ తర్వాత అప్లికేషన్ - 18పై క్లిక్ చేయాలి. మీరు ఏ గ్రాడ్యూయేట్ నియోజకవర్గం కిందికి వస్తారో అక్కడ క్లిక్ చేయాలి.
5. మీ పూర్తి వివరాలను ఎంట్రీ చేయాలి. విద్యార్హత పత్రాలను అప్ లోడ్ చేయాలి.
6. ఫొటో, సంతకం కూడా అప్ లోడ్ చేయాల్సి ఉంటుంది.
7. చివరగా సబ్మిట్ పై నొక్కితే అప్లికేషన్ పూర్తి అవుతుంది. మీ రిజిస్ట్రేషన్ నెంబర్ జనరేట్ అవుతుంది.
8. ఈ రిజిస్ట్రేషన్ నెంబర్ తో మీ అప్లికేషన్ ట్రాక్ చెక్ చేసుకోవచ్చు.