AP TET Results 2024 : ఏపీ టెట్ ఫలితాలు - మీ స్కోర్ కార్డును ఇలా డౌన్లోడ్ చేసుకోవచ్చు

AP TET Results 2024 Updates : ఏపీ టెట్ ఫలితాలు(Download AP TET Score Card) రానున్నాయి. విద్యాశాఖ ప్రకటించిన షెడ్యూల్ ప్రకారం.. మార్చి 14వ తేదీ నుంచి వెబ్ సైట్ లో ఫలితాలు అందుబాటులోకి వస్తాయి. ఇప్పటికే పరీక్షలను పూర్తి చేసిన విద్యాశాఖ.... ప్రాథమిక కీ లను కూడా విడుదల చేసింది. వీటిల్లో ఉండే అభ్యంతరాలను కూడా స్వీకరించింది. ఇందులో భాగంగా మార్చి 13వ తేదీన ఫైనల్ కీని విడుదల చేస్తుంది. ఇక మార్చి 14వ తేదీన  తుది ఫలితాలను https://aptet.apcfss.in/  వెబ్ సైట్ లోకి వెళ్లి చెక్ చేసుకోవచ్చని ఏపీ విద్యాశాఖ తెలిపింది.

How  to Download AP TET Score Card : మీ స్కోర్ కార్డు ఇలా డౌన్లోడ్ చేసుకోండి

ఏపీ టెట్ పరీక్ష రాసిన అభ్యర్థులు ముందుగా https://aptet.apcfss.in/ వెబ్ సైట్ లోకి వెళ్లాలి.

హోమ్ పేజీలో కనిపించే AP TET Feb-2024 Results అనే ఆప్షన్ పై క్లిక్ చేయాలి.

మీ లాగిన్ వివరాలను ఎంట్రీ చేసి సబ్మిట్ బటన్ నొక్కాలి.

మీ టెట్ స్కోర్ కార్డు డిస్ ప్లే అవుతుంది.

ప్రింట్ లేదా డౌన్లోడ్ అనే ఆప్షన్ పై నొక్కి కాపీని పొందవచ్చు.

AP TET Final Key 2024: ఫైనల్ ‘కీ’ ఇలా చెక్ చేసుకోండి..

ఏపీ టెట్ పరీక్ష రాసిన అభ్యర్థులు ముందుగా https://aptet.apcfss.in/  వెబ్ సైట్ లోకి వెళ్లాలి.

హోమ్ పేజీలో కనిపించే Question Papers & keys అనే ఆప్షన్ పై క్లిక్ చేయాలి.

మీ లాగిన్ వివరాలను ఎంట్రీ చేసి సబ్మిట్ బటన్ నొక్కాలి.

కీ పేపర్ డిస్ ప్లే అవుతుంది.

ప్రింట్ లేదా డౌన్లోడ్ అనే ఆప్షన్ పై నొక్కి కాపీని పొందవచ్చు.

ఏపీ డీఎస్సీ కొత్త షెడ్యూల్…

AP DSC 2024 Updates : ఏపీ డీఎస్సీ పరీక్షకు సంబంధించి కీలక మార్పులు చేసింది ఏపీ విద్యాశాఖ. టెట్, డీఎస్సీ పరీక్షల మధ్య గడువుపై ఇటీవలే హైకోర్టు ఇచ్చిన ఉత్తర్వుల మేరకు కొత్త షెడ్యూల్(AP DSC New Schedule 2024) ను ప్రకటించింది. ఫలితంగా మార్చి 30 నుంచి పరీక్షలు ప్రారంభం కానున్నట్లు ఏపీ విద్యాశాఖ తెలిపింది. ఏప్రిల్‌ 30 వరకు ఈ పరీక్షలు ఉంటాయని పేర్కొంది.

AP DSC New Schedule 2024: ఏపీ డీఎస్సీ కొత్త తేదీలు….

• మార్చి 30వ తేదీ నుంచి ఏపీ డీఎస్సీ పరీక్షలు(AP DSC Exams 2024) ప్రారంభం కానున్నాయి.
• ఏప్రిల్‌ 3 వరకు ఈ పరీక్షలు జరగనున్నాయి.
• రోజుకు 2 సెషన్ల చొప్పున 10 సెషన్లలో ఎస్జీటీ పరీక్షలు నిర్వహించనున్నారు. ఏప్రిల్‌ 7న టీజీటీ, పీజీటీ, ప్రిన్సిపల్‌ పోస్టులకు ప్రాథమిక పరీక్ష అయిన ఇంగ్లీష్‌ ప్రొఫీషియన్సీ టెస్టు నిర్వహిస్తారు.
• ఏప్రిల్‌ 13 నుంచి ఏప్రిల్‌ 30 వరకూ స్కూల్‌ అసిస్టెంట్‌, టీజీటీ, పీజీటీ, వ్యాయామ డైరెక్టర్‌, ప్రిన్సిపల్‌ పోస్టులకు పరీక్షలు ఉంటాయి.
• మార్చి 20 నుంచి అభ్యర్థులకు సెంటర్లు ఎంచుకోవడానికి వెబ్‌ ఆప్షన్లు ఇస్తారు.
• మార్చి 25 నుంచి అభ్యర్థులు హాల్‌ టికెట్లు డౌన్లోడ్ చేసుకోవచ్చు.