అమ్మాయిలు డిఎస్సీ2025కు దరఖాస్తు చేసేపుడు ఈ విషయం అసలు మరువకండి.. ఆ తర్వాత మార్చడం కుదరదు… ముఖ్యమైన అంశాలివే…

ఏపీలో డిఎస్సీ 2025కు దరఖాస్తు చేసే మహిళలకు రాష్ట్ర ప్రభుత్వం కీలక అప్డేట్ ఇచ్చింది. ఏపీలో 16వేల ఉపాధ్యాయ పోస్టుల భర్తీ కోసం గత ఆదివారం డిఎస్సీ 2025 నోటిఫికేషన్‌ వెలువడింది. ఈ క్రమంలో రెండ్రోజుల్లోనే 20వేల మంది డిఎస్సీకు దరఖాస్తు చేశారు.

మహిళా అభ్యర్థులకు కీలక సూచనలు

• డిఎస్సీకి దరఖాస్తు చేసే మహిళకు రాష్ట్ర ప్రభుత్వం కీలక సూచనలు చేసింది. గత ఆదివారం ఉదయం 10గంటల నుంచి డిఎస్సీ దరఖాస్తుల స్వీకరణ ప్రారంభమైంది.
• ఆదివారం మధ్యాహ్నానికి 4వేలమంది దరఖాస్తు చేసుకున్నారు. సోమవారం సాయంత్రానికి 21వేల మంది డిఎస్సీ పరీక్షలకు దరఖాస్తు చేశారు.
• మే 15వ తేదీ వరకు డిఎస్సీ పరీక్షలకు దరఖాస్తు చేసేందుకు గడువు ఉంది.
• ఈ సారి డిఎస్సీ దరఖాస్తులతో పాటు అన్ని రకాల పత్రాలు, కుల, స్థానిక ధృవీకరణ పత్రాలను సమర్పించాల్సి ఉంటుంది.
• పరీక్ష ఫీజు చెల్లించిన తర్వాత డాక్యుమెంట్స్‌ అప్‌లోడ్ చేస్తేనే హాల్‌ టిక్కెట్‌ జారీ చేస్తారు.
• డిఎస్సీకి దరఖాస్తు చేసే మహిళా అభ్యర్థులు పదో తరగతిలో సర్టిఫికెట్‌లో ఉన్న పేరునే దరఖాస్తులో నింపాల్సి ఉంటుంది.
• పెళ్లైన మహిళలు ఆధార్‌ కార్డులో తమ ఇంటి పేర్లను మార్చుకున్నా దరఖాస్తులో మాత్రం పదో తరగతి, విద్యార్హత పత్రాల్లో ఉన్న పేర్లనే కొనసాగించాల్సి ఉంటుంది.
• మెట్టినింటి పేరుతో దరఖాస్తు చేస్తే వాటిని సవరించడానికి అనుమతించరు. దరఖాస్తుల్లో ఖచ్చితంగా పదో తరగతి నుంచి ఉపాధ్యాయ పోస్టులకు అర్హత పత్రాలలో ఉన్న ఇంటి పేరునే పేర్కొనాలని పాఠశాల విద్యా శాఖ స్పష్టం చేసింది.