ఆగస్టు నెల కోటా శ్రీవారి ఆర్జిత సేవ టిక్కెట్లు విడుదల.. మే 19 నుంచి రిజిస్ట్రేషన్

ఆగస్టు నెలకు సంబంధించి టీటీడీ టికెట్లు విడుదల అయ్యాయి. తిరుమల శ్రీవారి ఆర్జిత సేవల్లో భాగంగా ఆగష్టు-2025 కి సంబంధించిన సేవా టిక్కెట్లు ఎలక్ట్రానిక్ డిప్ రిజిస్ట్రేషన్లు మే 19 వ తేదీ సోమవారం ఉదయం 10 గంటల నుండి అందుబాటులో ఉంటాయి.

ఆగస్టు నెలలో ఆర్జిత సేవల టిక్కెట్ల కోసం రిజిస్ట్రేషన్లు మే 19వ తేదీ ఉదయం 10 గంటల నుండి 21 ఉదయం 10 గంటల వరకు తెరిచి ఉంటాయి. ఆగష్టు-2025 కి సంబంధించిన కళ్యాణం, ఊంజల్ సేవ, అర్జిత బ్రహ్మోత్సవం మరియు సహస్ర దీపాలంకార సేవ వంటి సేవలకు శ్రీవారి అర్జిత సేవా టిక్కెట్ల కోటా బుకింగ్ కోసం 22వ తేదీ ఉదయం 10:00 గంటల నుండి అందుబాటులో ఉంటాయి.

ఆగష్టు నెలలో తిరుమలలోని శ్రీవారి ఆలయంలో కల్యాణోత్సవం, ఊంజల్ సేవ, ఆర్జిత బ్రహ్మోత్సవం & సహస్ర దీపాలంకార సేవలకు ఆన్‌లైన్ సేవ (వర్చువల్ దర్శనం) కనెక్ట్ చేయబడిన దర్శన కోటా బుకింగ్ కోసం 22వ తేదీ మధ్యాహ్నం 3 గంటల నుంచి అందుబాటులో ఉంటాయి.

• ఆగష్టు నెలలో తిరుమల అంగప్రదక్షిణం టోకెన్లు బుకింగ్ కోసం 23వ తేదీ ఉదయం 10 గంటల నుండి అందుబాటులో ఉంటాయి.
• ఆగష్టు నెలలో శ్రీవాణి ట్రస్ట్ కు దర్శనం , వసతి కోటా రూ. 10,000 దాతలకు 23వ తేదీ ఉదయం 11:00 గంటల నుండి అందుబాటులో ఉంటాయి.
• ఆగష్టు నెలలో సీనియర్ సిటిజన్లు / శారీరకంగా వికలాంగుల కోటా బుకింగ్ కోసం 23వ తేదీ మధ్యాహ్నం 3 గంటల నుండి అందుబాటులో ఉంటాయి.
• ఆగష్టు నెలలో స్పెషల్ ఎంట్రీ దర్శనం రూ.300 టిక్కెట్లు బుకింగ్ కోసం 24వ తేదీ ఉదయం 10గంటల నుంచి అందుబాటులో ఉంటాయి.
• ఆగష్టు నెలలో తిరుమల, తిరుపతి వసతి కోటా బుకింగ్ కోసం 24వ తేదీ మధ్యాహ్నం 03గంటల నుండి అందుబాటులో ఉంటాయి.
• జూన్ నెలలో శ్రీ పద్మావతి అమ్మవారి ఆలయం, తిరుచానూరు ప్రత్యేక ప్రవేశ దర్శనం రూ. 200టిక్కెట్ల బుకింగ్ కోసం 24వ తేదీ ఉదయం 10 గంటల నుండి అందుబాటులో ఉంటాయి.
• జూన్ నెలలో టీటీడీ స్థానిక దేవాలయాల సేవా కోటా బుకింగ్ టిక్కెట్లు 26వ తేదీ ఉదయం 10 గంటల నుండి అందుబాటులో ఉంటాయి.
• జూన్ నెలలో సప్త గోవు ప్రదక్షిణ శాల, అలిపిరి శ్రీ శ్రీనివాస దివ్యానుగ్రహ విశేష హోమం టిక్కెట్లు 26వ తేదీ ఉదయం 10.00 గంటల నుండి అందుబాటులో ఉంటాయి.