APSRTC Sabarimala Special : అయ్యప్ప కొండకు ఆర్టీసీ బస్సు.. మీ కోసమే అద్భుతమైన ప్యాకేజీ.. ఇలా బుక్ చేసుకోండి

ప్రతీ సంవత్సరం అయ్యప్ప భక్తుల కోసం స్పెషల్ ప్యాకేజీలు ప్రకటిస్తున్నామని.. ఈసారి కూడా ఉత్తమ ప్యాకేజీలు అందిస్తున్నామని నెల్లూరు జిల్లా ఆర్టీసీ అధికారులు చెబుతున్నారు. మొత్తం బస్సు గానీ.. విడివిడిగా గాని టికెట్లు బుక్ చేసుకోవచ్చని ఆర్టీసీ అధికారులు స్పష్టం చేస్తున్నారు. అన్ని వర్గాల వారికి అందుబాటులో ఉండే విధంగా.. సూపర్ లగ్జరీ, అల్ట్రా డీలక్స్, ఎక్స్‌ప్రెస్, అల్ట్రా పల్లెవెలుగు బస్సులను అందుబాటులో ఉంచారు. మొత్తం బస్ బుక్ చేసుకున్న వారికి ఏడుగురికి ఉచిత ప్రయాణ సౌకర్యం కల్పిస్తున్నారు.

సూపర్ లగ్జరీ బస్సుల్లో భక్తుల కోసం ఆడియో, వీడియో సౌకర్యం కల్పించినట్టు అధికారులు వివరించారు. బస్సును అద్దె ప్రాతిపదికన బుక్ చేసుకునే గురు స్వాములకు, ఏజెంట్లకు మినిమం 5 రోజులు రూ. 2 వేలు కమీషన్ కూడా ఇస్తున్నట్టు ప్రకటించారు. అద్దె ప్రాతిపదికన బస్సులు బుక్ చేసుకున్న వారికి చివరి రోజు 12 గంటల ఉచిత ప్రయాణ సౌకర్యం కల్పించారు. అద్దె ప్రాతిపదికన బుక్ చేసుకున్న బస్సులు రోజుకు 420 కిలోమీటర్ల చోప్పున లెక్కిస్తామని అధికారులు వెల్లడించారు.

బస్సులు బయలుదేరు తేదీలు..

నవబంర్ 17, 18, 20, 22, 25, 26, 29 తేదీల్లో బస్సులు బయలుదేరనున్నాయి. డిసెంబర్ నెలలో 3, 4, 6, 10, 11, 13, 17, 18, 20, 22, 25, 26, 28, 2025 జనవరిలో.. 3, 5, 7 తేదీల్లో బస్సులు నెల్లూరు నుంచి బయలుదేరనున్నాయి.

బస్సుల కోసం సంప్రదించాల్సిన నంబర్లు..

నెల్లూరు 1 డిపో మేనేజర్- 9959225641

నెల్లూరు 2 డిపో మేనేజర్- 9959225642

రాపూర్ డిపో మేనేజర్- 9959225651

ఉదయగిరి డిపో మేనేజర్- 9959225095

కావలి డిపో మేనేజర్- 9959225643

ఆత్మకూరు డిపో మేనేజర్ - 9959225645

కందుకూరు డిపో మేనేజర్- 9959225698