Floods : వరదల సమయంలో, ఆ తర్వాత తీసుకోవాల్సిన జాగ్రత్తలు

Floods : తెలుగు రాష్ట్రాలపై ప్రకృతి కన్నెర్ర చేసింది. భారీ వర్షాలకు వాగులు పొంగి వరదలు సంభవించాయి. విజయవాడ, ఖమ్మంతో పాటు చాలా ప్రాంతాలు నీట మునిగాయి. లక్షల మంది కట్టుబట్టలతో నిరాశ్రయులయ్యారు. వరదల సమయంలో, ఆ తర్వాత తీసుకోవాల్సిన జాగ్రత్తలను విపత్తుల నిర్వహణ సంస్థలు చూస్తున్నాయి.

వరదల సమయంలో

• వరద నీటిలోకి వెళ్లవద్దు
• మురుగునీటి కాలువలు, కల్వర్టులకు దూరంగా ఉండండి.
• విద్యుదాఘాతానికి గురికాకుండా విద్యుత్ స్తంభాలు, పడిపోయిన విద్యుత్ లైన్లకు దూరంగా ఉండాలి.
• ఓపెన్ డ్రెయిన్ లేదా మ్యాన్ హోల్స్ ను గుర్తించి ఆ ప్రదేశంలో కనిపించే విధంగా చిహ్నాలు, ఎర్ర జెండాలు, బారికేడ్లలను ఉంచండి.
• వరద నీటిలో నడవకండి, డ్రైవ్ చేయవద్దు. రెండు అడుగుల మేర ప్రవహించే వరద నీరు పెద్ద కార్లను సైతం తోసుకుపోగలవు గుర్తించుకోండి.
• తాజాగా వండిన లేదా పొడి ఆహారాన్ని తీసుకోండి. మీ ఆహారాన్ని ఎప్పుడూ ప్లైట్/కవర్ తో మూసి ఉంచండి.
• వేడిచేసిన / క్లోరినేటెడ్ నీరు తాగండి.
• మీ పరిసరాలను శుభ్రంగా ఉంచడానికి క్రిమిసంహరక మందులను వాడండి.

వరదల తరువాత తీసుకోవాల్సిన జాగ్రత్తలు

• మీ పిల్లలను ఎట్టి పరిస్థితుల్లో నీటిలో గానీ, వరద నీటి సమీపంలోకి ఆడటానికి పంపకండి.
• దెబ్బతిన్న విద్యుత్ వస్తువులను ఉపయోగించవద్దు. వాటిని తనిఖీ చేయండి.
• అధికారులు సూచించిన వెంటనే కరెంటకు సంబంధించి ఎలాంటి పరికరాలు ఉపయోగించవద్దు. తడిగా ఉండే
• విద్యుత్ పరికరాలను తాకవద్దు.
• విరిగన విద్యుత్ స్తంభాలు, తీగలు, పదునైన వస్తువులు, శిథిలాలను నిశితంగా పరిశీలించండి.
• వరద నీరు కలిసిన ఆహారాన్ని తినవద్దు.
• మలేరియా వంటి వ్యాధులను నివారించడానికి దోమతెరలను వాడండి.
• వరద సమయంలో పాము కాటు సాధారణం కాబట్టి పాముల విషయంలో జాగ్రత్తగా ఉండండి. పాముకాటుకు ప్రథమ చికిత్స చేసుకుని వైద్యులను సంప్రదించండి.
• నీరు తాగడానికి సురక్షితమని ఆరోగ్యశాఖ సలహా ఇచ్చే వరకు పంపు నీరు తాగవద్దు.
• వరదల తర్వాత అంటువ్యాధులు ప్రబలకుండా ఇంటి పరిసరాలు శుభ్రం చేసుకోవాలి.