AP LAWCET Counseling 2024 : ఏపీ లాసెట్ ప్రవేశాలు - సెకండ్ ఫేజ్ కౌన్సెలింగ్ ప్రారంభం, ఇదిగో లింక్

ఏపీలో లాసెట్ 2024 కౌన్సెలింగ్ ప్రక్రియ కొనసాగుతోంది. సెకండ్ ఫేజ్ కౌన్సెలింగ్ కు సంబంధించిన షెడ్యూల్ ను విడుదల చేశారు. ఇందులో భాగంగా.. ఇవాళ్టి నుంచి (నవంబర్ 14) రిజిస్ట్రేషన్లు ప్రారంభమయ్యాయి. https://lawcet-sche.aptonline.in  వెబ్ సైట్ లోకి వెళ్లి పూర్తి వివరాలు తెలుసుకోవచ్చు.

ఏపీ లాసెట్ కౌన్సెలింగ్ 2024:

• సెకండ్ ఫేజ్ కౌన్సెలింగ్ లో రిజిస్ట్రేషన్లు నవంబర్ 17వ తేదీతో ముగుస్తాయి. 
• నవంబర్ 15వ తేదీ నుంచి 19వ తేదీ వరకు ధ్రువపత్రాల అప్ లోడ్ మరియు వెరిఫికేషన్ కు అవకాశం ఉంటుంది. 
• నవంబర్ 20వ తేదీ నుంచి వెబ్ ఆప్షన్లు ఎంచుకోవచ్చు. ఈ గడువు నవంబర్ 23వ తేదీతో ముగుస్తుంది. 
• నవంబర్ 24వ తేదీన వెబ్ ఆప్షన్లను ఎడిట్ చేసుకోవచ్చు. నవంబర్ 26వ తేదీన సీట్ల కేటాయింపు ఉంటుంది.
• ఈ ఫేజ్ లో సీట్లు పొందే విద్యార్థులు నవంబర్ 27వ తేదీ నుంచి ఆయా కాలేజీల్లో రిపోర్టింగ్ చేయాల్సి ఉంటుంది. 
• ఈ గడువు నవంబర్ 29వ తేదీతో పూర్తి అవుతుంది. https://lawcet-sche.aptonline.in  వెబ్ సైట్ లోకి వెళ్లి అర్హత కలిగిన అభ్యర్థులు కౌన్సెలింగ్ కోసం రిజిస్ట్రేషన్ చేసుకోవాల్సి ఉంటుంది.

ఈ ఏడాది ఆచార్య నాగార్జున విశ్వవిద్యాలయం ఆధ్వర్యంలో లాసెట్- 2024 ప్రవేశ పరీక్ష నిర్వహించారు. ఈ ఏడాది ఏపీ లాసెట్‌ పరీక్షను 19,224 మంది అభ్యర్థులు రాశారు. అందులో 17,117 మంది (89.04 శాతం) అభ్యర్థులు ఉత్తీర్ణత సాధించారు. ఈ ఎంట్రెన్స్ పరీక్ష ఫలితాలు జూన్ 27న వెల్లడించారు. ఇప్పటికే ఫస్ట్ ఫేజ్ కౌన్సెలింగ్ లో భాగంగా సీట్లను కేటాయించిన సంగతి తెలిసిందే. 

ఇలా రిజిస్ట్రేషన్ చేసుకోండి..

• అభ్యర్థులు మొదటగా https://lawcet-sche.aptonline.in/LAWCET/Views/index.aspx  వెబ్ సైట్ లోకి వెళ్లాలి.
• Candidate Registration రిజిస్ట్రేషన్ ఆప్షన్ పై క్లిక్ చేయాలి.
• ఇక్కడ మీ హాల్ టికెట్ నెంబర్, పుట్టిన తేదీని ఎంట్రీ చేసి సబ్మిట్ చేయాలి.
• రిజిస్ట్రేషన్ పూర్తి అయిన తర్వాత మీ వివరాలను ఎంట్రీ చేయాలి. నిర్ణయించిన దరఖాస్తు రుసుంను కూడా చెల్లించాలి.

ఏపీ లాసెట్ ర్యాంక్ ఇలా చెక్ చేసుకోండి…

• అభ్యర్థులు మొదటగా https://cets.apsche.ap.gov.in  వెబ్ సైట్ లోకి వెళ్లాలి.
• Download Rank Card అనే ఆప్షన్ పై క్లిక్ చేయండి.
• రిజిస్ట్రేషన్ నెంబర్ , హాల్ టికెట్ నెంబర్ , పుట్టిన తేదీని ఎంట్రీ చేయాలి.
• గెట్ రిజల్ట్స్ అనే ఆప్షన్ పై క్లిక్ చేస్తే మీ స్కోర్ తో పాటు ర్యాంక్ కార్డు డిస్ ప్లే అవుతుంది.
• ప్రింట్ లేదా డౌన్లోడ్ అనే ఆప్షన్ పై క్లిక్ చేసి ర్యాంక్ కార్డు కాపీని పొందవచ్చు.
• అడ్మిషన్ ప్రక్రియలో ర్యాంక్ కార్డు అత్యంత కీలకం.