AP Assembly Budget 2024 live Updates: ఏపీ అసెంబ్లీలో 2024 వార్షిక బడ్జెట్‌ ప్రవేశపెట్టిన పయ్యావుల కేశవ్

ఆంధ్రప్రదేశ్‌ వార్షిక బడ్జెట్‌ను రూ. 2.94లక్షల కోట్లతో అసెంబ్లీలో ప్రవేశపెట్టారు. ఏపీ వార్షిక బడ్జెట్‌ను ఆర్థిక మంత్రి పయ్యావుల కేశవ్‌ సభలో ప్రవేశపెట్టారు. బడ్జెట్‌లో రెవిన్యూ వ్యవయయం రూ.2,35, 916.99కోట్లుగా ఉంది.

బడ్జెట్‌లో మూల ధన వ్యయం రూ.32,712.84 కోట్లు కాగా రెవిన్యూ లోటును రూ.34,743.38కోట్లుగా ఉంది. ద్రవ్య లోటు రూ.68,742.65కోట్లుగా ఉంది. రాష్ట్ర స్థూల దేశీయ ఉత్పత్తిలో రెవిన్యూ లోటు 4.19శాతం, ద్రవ్యలోటు 2.12శాతం ఉంది.

2023-24 ఆర్థిక సంవత్సరంలో రెవిన్యూ వ్యయం రూ.2,12,450కోట్లు కాగా మూలధన వ్యయం రూ23,330కోట్లుగాఉంది. 2023 * 24లో రెవిన్యూ లోటు రూ.38,682కోట్లుగా ఉంది.

ఆంధ్రప్రదేశ్‌ ఉన్నత విద్యా శాఖకు వార్షిక బడ్జెట్‌లో రూ.2,326కోట్లను కేటాయించారు.

పాఠశాల విద్యాశాఖకు 2024-25 విద్యా సంవత్సరంలో రూ.29,909 కోట్లను కేటాయించారు

ఏపీ బడ్జెట్‌లో వ్యవసాయ అనుబంధ రంగాలకు రూ.11,855కోట్లను కేటాయించారు.

విద్యార్థులకు స్కాలర్‌ షిప్‌లను నేరుగా కాలేజీ ఖాతాల్లో జమ చేస్తున్నామని, ఫీజు బకాయిలను దశలవారీగా కాలేజీలకు చెల్లించనున్నట్టు వెల్లడించారు.

అన్నదాత సుఖీభవ, ప్రధానమంత్రి కిసాన్ పథకంలో పెట్టుబడి సాయాన్ని రైతులకు అందిస్తోంది. పంటల బీమాలో స్వచ్ఛంధ నమోదు విధానాన్ని అమలు చేస్తున్నారు. పశుపోషణ, కోళ్ల పెంపకంలో దేశంలోనే రెండో స్థానంలో ఆంధ్రప్రదేశ్ ఉంది.

రాష్ట్ర ఆర్థిక పరిస్థితులు, ప్రయోజనాలను దృష్టిలో ఉంచుకుని బడ్జెట్‌ కేటాయింపులు చేసినట్టు పయ్యావుల పేర్కొన్నారు.

గత ప్రభుత్వంలో యథచ్ఛగా నిధులు మళ్లించడంతో పాటు రాష్ట్ర ప్రభుత్వ వాటాలను చెల్లించడంలో విఫలమైంది. కేంద్ర ప్రాయోజిత పథకాలకు లక్షా 32వేల కోట్ల బకాయిలు మిగిల్చింది.

రాష్ట్ర ఆర్థిక వ్యవస్థ పతనం అంచున ఉంది. రాష్ట్ర ఆర్థిక వ్యవస్థను పునరుద్ధరించి దానిని నిలబెట్టే బాధ్యత ప్రభుత్వంపై ఉందని పయ్యావుల చెప్పారు.

ప్రభుత్వం అధికారంలోకి వచ్చిన వెంటనే గత ప్రభుత్వంలో జరిగిన నష్టాలను శ్వేతపత్రాల ద్వారా ప్రజలకు వివరించాము. పరిమితికి మించి రుణాలను అధిక వడ్డీలకు తీసుకోవడం వంటి అంశాలను ప్రజలకు వివరించామని ఆర్థిక మంత్రి పయ్యావుల వివరించారు.

ఏపీ అసెంబ్లీ బడ్జెట్‌ సమావేశాలు పది రోజుల పాటు జరిగే అవకాశం ఉంది. అసెంబ్లీలో బడ్జెట్‌ ప్రవేశపెట్టిన తర్వాత బిఏసీ సమావేశంలో బడ్జెట్‌ నిర్వహించే తేదీలను ఖరారు చేయనున్నారు.

ఆంధ్రప్రదేశ్‌లో సూపర్‌ సిక్స్‌ ఎన్నికల హామీలకు బడ్జెట్‌లోప్రాధాన్యత ఇవ్వనున్నారు. ఈ మేరకు బడ్జెట్‌లో కేటాయింపులు చేయనున్నారు.

ఏపీ అసెంబ్లీ సమావేశాలకు వైఎస్సార్సీపీ సభ్యులు దూరంగా ఉన్నారు. సమావేశాలకు హాజరు కాకూడదని వైసీపీ అధ్యక్షుడు జగన్ నిర్ణ‍యించారు. మండలి సభ్యులు మాత్రం సమావేశాలకు హాజరు కానున్నారు.

సార్వత్రిక ఎన్నికల సంవత్సరం కావడంతో నాలుగు నెలల వ్యవధితో గత మార్చిలో తొలి ఓటాన్ అకౌంటక్‌ బడ్జెట్‌ను వైసీపీ ప్రభుత్వం ప్రవేశపెట్టింది. ఎన్నికల్లో ఎన్డీఏ కూటమి ప్రభుత్వం గెలిచిన తర్వాత మరోసారి నాలుగు నెలల వ్యవధితో మరో ఓటాన్ అకౌంట్ బడ్జెట్‌ ప్రవేశపెట్టారు.

ఆంధ్రప్రదేశ్‌ బడ్జెట్‌ 2024-25కు ఏపీ క్యాబినెట్ అమోద ముద్ర వేసింది. క్యాబినెట్‌ అమోదం తర్వాత బడ్జెట్‌ను గవర్నర్ అమోదం కోసం ఈ ఆఫీస్‌లో పంపారు. గవర్నర్ ఆన్‌లైన్‌లో ఏపీ వార్షిక బడ్జెట్‌ను అమోదించనున్నారు.

ఆంధ్రప్రదేశ్‌ అసెంబ్లీ సమావేశాలు ప్రారంభం అయ్యాయి. 2024-25 వార్షిక బడ్జెట్‌ను మంత్రి పయ్యావుల కేశవ్ సభలో ప్రవేశపెట్టనున్నారు. దాదాపు రూ.2.9లక్షల కోట్ల అంచనాలతో ఏపీ బడ్జెట్‌ను ప్రవేశపెట్టే అవకాశాాలు ఉన్నాయి.