JNVST 6, 9th Class Results 2024 : జవహర్ నవోదయ 6, 9వ తరగతుల ప్రవేశ ఫలితాలు విడుదల, ఇలా చెక్ చేసుకోండి-amaravati jnvst class 6th 9th result 2024 declared direct link full details ,ఆంధ్ర ప్రదేశ్ న్యూస్
తెలుగు న్యూస్  /  Andhra Pradesh  /  Amaravati Jnvst Class 6th, 9th Result 2024 Declared Direct Link Full Details

JNVST 6, 9th Class Results 2024 : జవహర్ నవోదయ 6, 9వ తరగతుల ప్రవేశ ఫలితాలు విడుదల, ఇలా చెక్ చేసుకోండి

Bandaru Satyaprasad HT Telugu
Mar 31, 2024 05:40 PM IST

JNVST 6, 9th Class Results 2024 : దేశవ్యాప్తంగా నవోదయ విద్యాలయాల్లో 6, 9వ తరగతుల్లో ప్రవేశాలకు నిర్వహించిన పరీక్షల ఫలితాలు వెలువడ్డాయి. ఫలితాలను ఇలా చెక్ చేసుకోవచ్చు.

జేఎన్వీ 6, 9వ తరగతులు ఫలితాలు విడుదల
జేఎన్వీ 6, 9వ తరగతులు ఫలితాలు విడుదల

JNVST 6, 9th Class Results 2024 : నవోదయ విద్యాలయ(JNVST) 6, 9వ తరగతుల ప్రవేశ పరీక్ష ఫలితాలు(JNV Results) విడుదలయ్యాయి. దేశవ్యాప్తంగా 649 జవహర్ నవోదయ విద్యాలయాల్లో ప్రవేశాలకు గత ఏడాది నవంబర్ 4న పరీక్షలు నిర్వహించారు. ఏపీలో 15, తెలంగాణలో 9 జవహర్ నవోదయ విద్యాలయాలు ఉన్నాయి. ఈ ప్రవేశాల్లో గ్రామీణ ప్రాంతాల విద్యార్థులకు 75 శాతం సీట్లు, 25 శాతం సీట్లు పట్టణ ప్రాంత విద్యార్థులకు కేటాయిస్తారు. ప్రతీ ఏటా 6, 9వ తరగతుల ప్రవేశాలకు పరీక్షలు నిర్వహించి విద్యార్థులను ఎంపిక చేస్తారు. ఈ పరీక్షలో అర్హత సాధించిన విద్యార్థులకు 6 నుంచి 12వ తరగతి వరకు ఉచిత విద్య అందిస్తారు.

ట్రెండింగ్ వార్తలు

జవహర్ నవోదయ ఫలితాలు

నవోదయ విద్యాలయ సమితి 6, 9వ తరగతికి సంబంధించిన జేఎన్వీఎస్టీ ఫలితాలు(JNVST Results) వెలువడ్డాయి. 6వ తరగతి, 9వ తరగతిలో ప్రవేశాలకు జవహర్ నవోదయ విద్యాలయ ఎంపిక పరీక్షకు హాజరైన విద్యార్థులు ఎన్వీఎస్ అధికారిక వెబ్‌సైట్ navodaya.gov.inలో ఫలితాలను చెక్ చేసుకోవచ్చు. 6వ తరగతిలో ప్రవేశానికి జేఎన్వీ ఎంపిక పరీక్ష రెండు దశల్లో నిర్వహించారు. మొదటి పరీక్షను గతేడాది నవంబర్ 4న నిర్వహించగా, రెండో దశ పరీక్షను జనవరి 20న నిర్వహించారు. ఇక 9వ తరగతిలో ప్రవేశానికి ఎంపిక పరీక్షను ఫిబ్రవరి 10న నిర్వహించారు.

JNVST 6, 9వ తరగతుల ఫలితాలు ఇలా చెక్ చేసుకోండి(JNVST Results 2024)

Step 1 : JNVST 6, 9వ తరగతి ఫలితాలను కోసం navodaya.gov.inలో అధికారిక వెబ్ సైట్‌ని సందర్శించండి.

Step 2 : హోమ్ పేజీలో JNVST 6వ తరగతి, 9వ తరగతి ఫలితాల లింక్‌పై క్లిక్ చేయండి.

Step 3 : విద్యార్థుల లాగిన్ వివరాలను నమోదు చేసి, సబ్మిట్ క్లిక్ చేయండి.

Step 4 : విద్యార్థి ఫలితాల జాబితా స్క్రీన్ పై కనిపిస్తుంది.

Step 5 : ఈ ఫలితాన్ని తనిఖీ చేసుకుని, పేజీని డౌన్‌లోడ్ చేసుకోవచ్చు.

నవోదయలో ఉద్యోగాలు

నవోదయ విద్యాలయ సమితి (NVS) బోధనేతర సిబ్బంది పోస్టులను భర్తీ చేయనుంది. ఈ రిక్రూట్మెంట్ ద్వారా మొత్తం 1377 పోస్ట్ లను భర్తీ చేస్తున్నారు. ఆసక్తి, అర్హత ఉన్న అభ్యర్థులు ఎన్టీఏ (NTA) అధికారిక వెబ్ సైట్ exams.nta.ac.in/nvs ద్వారా అప్లై చేసుకోవచ్చు.

మొత్తం ఖాళీలు -1377

వివిధ పోస్టుల కింద 1377 నాన్ టీచింగ్ ఖాళీల భర్తీ చేస్తున్నారు. అవి ఈ కింది విధంగా ఉన్నాయి.

  • మహిళా స్టాఫ్ నర్సు: 121 ఖాళీలు
  • అసిస్టెంట్ సెక్షన్ ఆఫీసర్: 5 ఖాళీలు
  • ఆడిట్ అసిస్టెంట్: 12 ఖాళీలు
  • జూనియర్ ట్రాన్స్లేషన్ ఆఫీసర్: 4
  • ఖాళీలు లీగల్ అసిస్టెంట్: 1 ఖాళీలు
  • స్టెనోగ్రాఫర్: 23 ఖాళీలు
  • కంప్యూటర్ ఆపరేటర్: 2 ఖాళీలు
  • క్యాటరింగ్ సూపర్వైజర్: 78 ఖాళీలు
  • జూనియర్ సెక్రటేరియట్ అసిస్టెంట్: 381 ఖాళీలు
  • ఎలక్ట్రీషియన్ కమ్ ప్లంబర్: 128 ఖాళీలు
  • ల్యాబ్ అటెండెంట్: 161 ఖాళీలు
  • మెస్ హెల్పర్: 442 ఖాళీలు
  • ఎంటీఎస్: 19 ఖాళీలు

అర్హతలు, ఇతర సంబంధిత సమాచారం తెలుసుకోవడానికి ఆసక్తిగల అభ్యర్థులు navodaya.gov.in వెబ్ సైట్ ను సందర్శించవచ్చు.

WhatsApp channel