TG Inter Fee Schedule : తెలంగాణ ఇంటర్ విద్యార్థులకు అలర్ట్, ఫీజు చెల్లింపుల షెడ్యూల్ విడుదల

తెలంగాణ ఇంటర్ పరీక్షల ఫీజు చెల్లింపు తేదీల షెడ్యూల్ ను ఇంటర్మీడియట్ బోర్టు ప్రకటించింది. నవంబర్‌ 6 నుంచి 26 వరకు పబ్లిక్‌ పరీక్షల ఫీజు చెల్లించేందుకు ఇంటర్ బోర్డు అవకాశం కల్పించింది. ఇంటర్ మొదటి, రెండో సంవత్సరం రెగ్యులర్ విద్యార్థులు, ఫెయిల్ అయిన అభ్యర్థులకు (జనరల్, వొకేషనల్), హాజరు నుంచి మినహాయింపు పొందిన ప్రైవేట్ అభ్యర్థులకు, ఆర్ట్స్/హ్యూమానిటీస్ గ్రూపుల విద్యార్థులకు ఈ ఫీజు గడువు వర్తిస్తుందని ఇంటర్ బోర్డు ప్రకటించింది.

నవంబర్ 6 నుంచి 26 వరకు ఫీజుల చెల్లింపు గడువు ప్రకటించారు. రూ.100 ఆలస్య రుసుముతో నవంబర్‌ 27 నుంచి డిసెంబర్‌ 4 వరకు ఇంటర్ ఫీజు చెల్లించవచ్చు. ఇంటర్ ఫస్టియర్‌, సెకండియర్‌ జనరల్‌ విద్యార్థులకు రూ.520, ఒకేషనల్‌ విద్యార్థులకు రూ.750 చెల్లించాలని ఇంటర్ బోర్డు తెలిపింది. సెకండియర్‌ జనరల్‌ సైన్స్‌ విద్యార్థులకు రూ.750, సెకండియర్‌ జనరల్‌ ఆర్ట్స్‌ విద్యార్థులకు రూ.520 ఫీజులు నిర్ణయించింది.

• ఫీజు చెల్లింపు గడువు - నవంబర్ 06 నుంచి నవంబర్ 26 వరకు
• రూ.100 ఆలస్య రుసుముతో ఫీజు చెల్లింపు గడువు- నవంబర్ 27 నుంచి డిసెంబర్ 04 వరకు
• రూ.500 ఆలస్య రుసుముతో ఫీజు చెల్లింపు గడువు - డిసెంబర్ 05 నుంచి డిసెంబర్ 11 వరకు
• రూ.1,000 ఆలస్య రుసుముతో ఫీజు చెల్లింపు తేదీలు-డిసెంబర్ 12 నుంచి డిసెంబర్ 18 వరకు
• ఆలస్య రుసుము రూ.2,000తో ఫీజు చెల్లింపు తేదీలు - డిసెబర్ 19 నుంచి డిసెంబర్ 27 వరకు

పరీక్ష రుసుము వివరాలు

• ఇంటర్ ఫస్టియర్ జనరల్ రెగ్యులర్ కోర్సుల ఫీజు- రూ.520/-
• ఇంటర్ ఫస్టియర్ ఒకేషనల్ రెగ్యులర్ (థియరీ 520 + ప్రాక్టికల్స్ 230) కోర్సుల ఫీజు- రూ.750
• ఇంటర్ సెకండియర్ జనరల్ ఆర్ట్స్ కోర్సుల ఫీజు - రూ.520
• సెకండియర్ జనరల్ సైన్స్ (థియరీ 520 + ప్రాక్టికల్స్ 230) కోర్సుల ఫీజు- రూ.750
• సెకండియర్ ఒకేషనల్ (థియరీ 520 + ప్రాక్టికల్స్ 230) కోర్సుల ఫీజు- రూ.750