TG LAWCET 2024 : నేటి నుంచి టీజీ లాసెట్ - 2024 సెకండ్ ఫేజ్ కౌన్సెలింగ్.. ఇలా రిజిస్ట్రేషన్ చేసుకొండి..

తెలంగాణ లాసెట్‌ 2024 ప్రవేశాలకు సంబంధించి అధికారులు కీలక అప్‌డేట్ ఇచ్చారు. ఇటీవల మొదటి విడత కౌన్సెలింగ్ పూర్తి కాగా.. తాజాగా సెకండ్ ఫేజ్ కౌన్సెలింగ్ ప్రక్రియ ప్రారంభమైంది. ఈ విడతకు సంబంధించిన ఆన్ లైన్ రిజిస్ట్రేషన్లు ఇవాళ్టి నుంచి ప్రారంభం కానున్నాయి. సెప్టెంబర్ 21వ తేదీతో ఈ గడువు ముగుస్తుందని అధికారులు వెల్లడించారు.

ఇవాళ్టి (17వ తేదీ) నుంచి 21వ తేదీల మధ్యనే ఆన్ లైన్ సర్టిఫికెట్ వెరిఫికేషన్ పూర్తి అవుతుందని అధికారులు వివరించారు. సెప్టెంబర్ 23వ తేదీ నుంచి వెబ్ ఆప్షన్లను ఎంచుకోవాలని సూచించారు. ఈ గడువు 24వ తేదీతో పూర్తి అవుతుంది. సెప్టెంబర్ 25వ తేదీన వెబ్ ఆప్షన్లను ఎడిట్ చేసుకోవచ్చు. సెప్టెంబర్ 30వ తేదీన రెండో విడత సీట్లను కేటాయిస్తారు.

సెకండ్ ఫేజ్‌లో సీట్లు పొందిన విద్యార్థులు అక్టోబర్ 1 నుంచి 4 తేదీలోపు ఆయా కాలేజీల్లో రిపోర్ట్ చేయాలి. https://lawcet.tsche.ac.in/ వెబ్ సైట్ ద్వారా ఈ ప్రాసెస్ ను పూర్తి చేసుకోవచ్చని అధికారులు వివరించారు.

ఈ ఏడాది జరిగిన తెలంగాణ లాసెట్ పరీక్షకు 40,268 మంది హాజరయ్యారు. వీరిలో 29,258 మంది అర్హత సాధించారు. మొత్తంగా 72.66 శాతం మంది అభ్యర్థులు ఉత్తీర్ణులు అయ్యారు. పరీక్ష రాసిన అభ్యర్థులు https://lawcet.tsche.ac.in/ వెబ్ సైట్ లోకి వెళ్లి రిజల్ట్స్ ను చెక్ చేసుకోవచ్చు.

లాసెట్ ర్యాంక్ కార్డు ఇలా డౌన్లోడ్ చేసుకోండి:

తెలంగాణ లాసెట్ పరీక్ష రాసిన అభ్యర్థులు మొదటగా https://lawcet.tsche.ac.in/ వెబ్ సైట్ లోకి వెళ్లాలి.

Download Rank Card అనే ఆప్షన్ పై క్లిక్ చేయండి.

Hall Ticket Number, పుట్టిన తేదీని ఎంట్రీ చేయాలి.

గెట్ రిజల్ట్స్ అనే ఆప్షన్ పై క్లిక్ చేస్తే మీ స్కోర్ తో పాటు ర్యాంక్ కార్డు డిస్ ప్లే అవుతుంది.

ప్రింట్ లేదా డౌన్లోడ్ అనే ఆప్షన్ పై క్లిక్ చేసి ర్యాంక్ కార్డు కాపీని పొందవచ్చు.

అడ్మిషన్ ప్రక్రియలో ర్యాంక్ కార్డు అత్యంత కీలకం.

2024-2025 విద్యా సంవత్సరానికి రాష్ట్రంలోని లా కాలేజీల్లో మూడేళ్లు, ఐదేళ్ల లా కోర్సుల్లో ప్రవేశాలకు ఉస్మానియా యూనివర్సిటీ (Osmania University) TS LAWCET/ TS PGLCET-2024 ను నిర్వహించింది. ఈ ఏడాదికి సంబంధించి జూన్ 3వ తేదీన టీఎస్ లాసెట్ పరీక్షలను నిర్వహించారు. గతేడాదితో పోల్చితే ఈసారి లాసెట్ కు ఎక్కువ దరఖాస్తులు వచ్చాయి.