Salaar Tickets: సలార్ టీమ్ బంపర్ ఆఫర్.. ఈ ఫొటోకి అదిరిపోయే క్యాప్షన్ పెడితే ఫస్ట్ డే ఫస్ట్ షో టికెట్

Salaar Tickets: సలార్ టీమ రిలీజ్ చేసిన ఈ ఫొటో చూశారు కదా. డైరెక్టర్ ప్రశాంత్ నీల్ తన మొబైల్లో పాన్ ఇండియా స్టార్ ప్రభాస్ కు ఏదో చూపిస్తున్నట్లుగా ఉంది. ఈ ఫొటోకు అదిరిపోయే క్యాప్షన్ పెట్టి సలార్ మూవీ టికెట్లు గెలుచుకోండంటూ ఈ మూవీ టీమ్ అభిమానులకు ఓ బంపర్ ఆఫర్ ఇచ్చింది. ఎన్నాళ్లుగానో ఎదురు చూస్తున్న ట్రైలర్ శుక్రవారం (డిసెంబర్ 1) సాయంత్రం 7.19 గంటలకు రిలీజ్ కానున్న విషయం తెలిసిందే.

ట్రైలర్ రిలీజ్ కు ఒక రోజు ముందు గురువారం (నవంబర్ 30) సలార్ టీమ్ తమ అధికారిక ఎక్స్ అకౌంట్లో ఈ ఫొటోను షేర్ చేసింది. "బెస్ట్ 5 క్యాప్షన్లకు మీ దగ్గర్లోని థియేటర్లలో ఫస్ట్ డే ఫస్ట్ షో టికెట్లతోపాటు సలార్ మెర్చండైజ్ కూడా గిఫ్ట్ గా ఇస్తాం. సలార్ సీజ్‌ఫైర్ ట్రైలర్ రేపు సాయంత్రం 7.19 గంటలకు రానుంది" అనే క్యాప్షన్ తో ఈ ఫొటోను షేర్ చేశారు.

ట్రైలర్ ప్రోమో చూశారా?

ఇక ట్రైలర్ రిలీజ్ పై నెలకొన్న ఉత్కంఠను మరింత పెంచుతూ సలార్ టీమ్ గురువారం (నవంబర్ 30) ఓ ప్రోమోను కూడా రిలీజ్ చేయడం విశేషం. అధీర ఎడిట్ చేసిన ఈ ప్రోమోను సోషల్ మీడియాలో షేర్ చేశారు. ఎడిట్ ఫైర్ లాగా వచ్చింది.. సలార్ సీజ్ ఫైర్ ట్రైలర్ రేపు సాయంత్రం 7.19 గంటలకు పేలడానికి సిద్ధంగా ఉందంటూ సలార్ టీమ్ ఈ ప్రోమో పోస్ట్ చేసింది.

ఈ ప్రోమో ట్రైలర్ పై అంచనాలను మరింత పెంచేసింది. అదిరిపోయే బ్యాక్‌గ్రౌండ్ స్కోరుతో పిచ్చెక్కించింది. సలార్ పార్ట్ 1 సీజ్‌ఫైర్ మూవీ డిసెంబర్ 22న రిలీజ్ కానున్న విషయం తెలిసిందే. ప్రభాస్, ప్రశాంత్ నీల్ కాంబినేషన్ లో వస్తున్న సినిమా కావడంతో సలార్ పై ఎక్కడ లేని అంచనాలు ఉన్నాయి. అయితే ఈ సినిమాకు షారుక్ ఖాన్ డంకీ నుంచి బాక్సాఫీస్ దగ్గర గట్టి పోటీ ఉంది.

సలార్ మూవీలో ప్రభాస్ సరసన శృతి హాసన్ నటించింది. ఇక పృథ్వీరాజ్ సుకుమారన్, జగపతి బాబు, టిన్నూ ఆనంద్, ఈశ్వరి రావ్, శ్రియ రెడ్డి ముఖ్యమైన పాత్రలు పోషించారు. కేజీఎఫ్ ఫేమ్ రవి బస్రూర్ మ్యూజిక్ అందించగా.. ఆ సినిమాను ప్రొడ్యూస్ చేసిన హోంబలె ఫిల్మ్ ఈ సలార్ ను కూడా తెరకెక్కించింది.