Prabhas: ప్ర‌భాస్ ప్రాజెక్ట్ కే సినిమా రిలీజ్ డేట్‌ను రివీల్ చేసిన ప్రొడ్యూస‌ర్‌

ప్ర‌భాస్ హీరోగా నాగ్ అశ్విన్ ద‌ర్శ‌క‌త్వంలో రూపొందుతున్న చిత్రం ప్రాజెక్ట్ కే. దాదాపు నాలుగు వంద‌ల కోట్ల బ‌డ్జెట్‌తో సైంటిఫిక్ థ్రిల్ల‌ర్ గా ఈ సినిమా తెర‌కెక్కుతోంది. బాలీవుడ్ దిగ్గ‌జ న‌టుడు అమితాబ్‌బ‌చ్చ‌న్ కీల‌క పాత్ర‌లో న‌టిస్తున్నారు. ఈ భారీ బడ్జెట్ సినిమాతో దీపికా ప‌డుకోణ్ హీరోయిన్‌గా తెలుగులో అరంగేట్రం చేస్తోంది. వైజయంతీ మూవీస్ పతాకంపై అశ్వినీదత్ ఈ చిత్రాన్ని నిర్మిస్తున్నారు. ప్రాజెక్ట్ కే రిలీజ్ డేట్‌ను గురువారం నిర్మాత అశ్వినీదత్ అనౌన్స్ చేశారు.

అక్టోబ‌ర్ 18 2023లో లేదా 2024 సంక్రాంతికి ప్రభాస్ సినిమాను రిలీజ్ చేయ‌బోతున్న‌ట్లు ప్ర‌క‌టించారు. 2023 జ‌న‌వ‌రి నాటికి సినిమా షూటింగ్‌ను పూర్తి చేయనున్నట్లు తెలిపారు. గ్రాఫిక్స్ కు ప్రాధాన్య‌మున్న సినిమా కావ‌డంతో ప్రీప్రొడ‌క్ష‌న్ కోసం దాదాపు ఎనిమిది నెల‌ల పాటు స‌మ‌యం తీసుకోనున్న‌ట్లు వెల్లడించారు.

ఇటీవ‌లే హైద‌రాబాద్‌లో ఈ సినిమా కీల‌క షెడ్యూల్‌ను తెర‌కెక్కించారు. ఇందులో ప్ర‌భాస్‌, అమితాబ్‌బ‌చ్చ‌న్‌, దిశాప‌టానీతో పాటు ప్రధాన తారాగ‌ణం అందరూ పాల్గొన్నారు. ఈ సినిమాతో పాటుగా కేజీఎఫ్ ఫేమ్ ప్ర‌శాంత్‌నీల్‌తో స‌లార్ సినిమా చేస్తున్నారు ప్ర‌భాస్‌. పీరియాడిక‌ల్ యాక్ష‌న్ ఎంట‌ర్‌టైన‌ర్‌గా ఈ సినిమా తెర‌కెక్కుతోంది. అలాగే పౌరాణిక క‌థాంశంతో ప్ర‌భాస్ చేసిన ఆది పురుష్ చిత్రం సంక్రాంతికి రిలీజ్‌కానుంది. ఓంరౌత్ ఈ చిత్రానికి ద‌ర్శ‌క‌త్వం వ‌హించారు. అలాగే ప్ర‌భాస్ ద‌ర్శ‌కుడు మారుతి క‌ల‌యిక‌లో ఓ సినిమా ప్లానింగ్‌లో ఉంది