Payal Rajput |ప్రియుడి కోసం హెయిర్ స్టైలిస్ట్​గా మారిన పాయ‌ల్ రాజ్‌పుత్‌

గ‌త రెండేళ్లుగా సౌర‌భ్ ధింగ్రాతో ప్రేమ‌లో ఉంది పాయ‌ల్ రాజ్‌పుత్‌. 2020 ల‌వ‌ర్స్ డే రోజున అత‌డిని త‌న ప్రియుడిగా  అంద‌రికీ ప‌రిచ‌యం చేసింది పాయ‌ల్ రాజ్‌పుత్‌. స్కూల్ డేస్ నుంచి పాయల్ తో సౌరభ్ కు  ప‌రిచ‌యం ఉన్న‌ట్లుగా స‌మాచారం. పాయ‌ల్ న‌టిగా నిల‌దొక్కుకోవడానికి సౌర‌భ్ ప్రోత్సాహాన్ని అందించిన‌ట్లు చెబుతున్నారు.

 ప్ర‌స్తుతం వీరిద్ద‌రు స‌హ‌జీవ‌నం చేస్తున్న‌ట్లు స‌మాచారం. అత‌డితో స‌న్నిహితంగా ఉంటున్న ఫొటోలు, వీడియోల‌ను త‌ర‌చుగా పోస్ట్ చేస్తూ అభిమానుల‌ను అల‌రిస్తుంటుంది పాయ‌ల్ రాజ్‌పుత్‌. తాజాగా ప్రియుడి కోసం హెయిర్ స్టైలిస్ట్ గా అవ‌తార‌మెత్తింది పాయ‌ల్ రాజ్‌పుత్‌. కారావ్యాన్‌లో అత‌డి క్రాఫ్ ను సెట్ చేస్తున్న వీడియోను ఇన్‌స్టాగ్రామ్‌లో షేర్ చేసింది. సౌర‌భ్ కోసం స్టైలిస్ట్ గా మారిన‌ట్లు ఫ‌న్నీగా వ్యాఖ్యానించింది. 

పాయల్ షేర్ చేసిన ఈ వీడియో అభిమానుల‌ను ఆక‌ట్టుకుంటోంది. ప్ర‌స్తుతం తెలుగులో మంచు విష్ణుతో ఓ సినిమా చేస్తోంది పాయ‌ల్ రాజ్‌పుత్‌. విలేజ్ బ్యాక్‌డ్రాప్‌లో రూపొందుతున్న ఈ చిత్రంలో  స‌న్నీలియోన్ మ‌రో నాయిక‌గా న‌టిస్తోంది.