OTT Action Movie: రూ.300 కోట్ల బడ్జెట్.. రూ.100 కోట్ల వసూళ్లు.. మరికొన్ని గంటల్లోనే ఓటీటీలోకి డిజాస్టర్ యాక్షన్ మూవీ

OTT Action Movie: ఓటీటీలోకి మూడు వారాల్లోనే ఓ రూ.300 కోట్ల బడ్జెట్ మూవీ వస్తోంది. తమిళ స్టార్ హీరో సూర్య నటించిన కంగువ మూవీ మరికొన్ని గంటల్లో స్ట్రీమింగ్ కాబోతోంది. భారీ అంచనాల మధ్య రిలీజైన ఈ సినిమా బాక్సాఫీస్ దగ్గర డిజాస్టర్ గా మిగిలిపోయింది. నవంబర్ 14న థియేటర్లలో రిలీజ్ కాగా.. డిసెంబర్ 8నే డిజిటల్ ప్రీమియర్ కానుంది.

కంగువ ఓటీటీ రిలీజ్ డేట్

సూర్య నటించిన కంగువ మూవీ శనివారం (డిసెంబర్ 7) అర్ధరాత్రి 12 గంటలు దాటిన తర్వాత అమెజాన్ ప్రైమ్ వీడియోలో స్ట్రీమింగ్ కానుంది. అనుకున్నదాని కంటే ఎంతో ముందుగానే ఈ సినిమా ఓటీటీలోకి అడుగుపెడుతోంది. రూ.300 కోట్ల బడ్జెట్ తో తెరకెక్కిన ఈ సినిమా.. బాక్సాఫీస్ దగ్గర కేవలం రూ.106 కోట్లు మాత్రమే వసూలు చేసింది. దీంతో ఈ సినిమాను నెల రోజుల్లోపే డిజిటల్ ప్లాట్‌ఫామ్ పైకి తీసుకొస్తున్నారు. ప్రైమ్ వీడియోలో తమిళంతోపాటు తెలుగు, కన్నడ, మలయాళం భాషల్లో స్ట్రీమింగ్ కానుంది.

ఈ ఫ్యాంటసీ యాక్షన్ మూవీ అసలు ఏమాత్రం అభిమానుల అంచనాలను అందుకోలేకపోయింది. తొలి రోజు నుంచే డిజాస్టర్ టాక్ సొంతం చేసుకుంది. నిజానికి డిసెంబర్ 12 లేదా 13వ తేదీల్లో మూవీ ఓటీటీలోకి వస్తుందని భావించినా.. నాలుగు రోజుల ముందే ప్రైమ్ వీడియో తీసుకురానుండటం విశేషం.

కంగువ మూవీ గురించి..

కంగువ మూవీతో డైరెక్ట‌ర్ శివ‌ ఏకంగా వెయ్యి ఎళ్లు వెన‌క్కి వెళ్లిపోయాడు. 1070 కాలంలో ఉన్న ఆట‌విక తెగ‌ల‌కు నేటి కాలాన్ని ముడిపెడుతూ కంగువ క‌థ‌ను రాసుకున్నాడు. ఆ కాలంలో ఆధిప‌త్యం కోసం జాతులు, వ‌ర్గాల‌ మ‌ధ్య పోరాటం ఎలా సాగేది? ఈ వ‌ర్గ పోరాటాన్ని అలుసుగా తీసుకొని మ‌న దేశాన్ని హ‌స్త‌గ‌తం చేసుకోవ‌డానికి విదేశీయులు ఎలాంటి కుట్ర‌లు ప‌న్నారు? ఓ పోరాట యోధుడు విదేశీయుల కుట్ర‌ల‌ను ఎలా ఎదుర్కొన్నాడ‌నే అంశాల‌తో యాక్ష‌న్, సైన్స్ ఫిక్ష‌న్ అంశాల‌తో విజువ‌ల్ వండ‌ర్‌గా కంగువ‌ను తీర్చిదిద్దారు.

క‌థ కంటే ద‌ర్శ‌కుడు సూర్య ఇమేజ్‌, అత‌డి హీరోయిజాన్ని న‌మ్ముకొనే ఈ సినిమాను తెర‌కెక్కించిన‌ట్లుగా అనిపిస్తుంది. యాక్ష‌న్ ఎపిసోడ్స్‌తో పాటు కంగువ బ్యాక్‌డ్రాప్‌లో వ‌చ్చే సీన్స్‌ను రాసుకున్న తీరుతో పాటు వాటిని విజువ‌ల్‌గా స్క్రీన్‌పై ఆవిష్క‌రించిన విధానం మెప్పిస్తుంది. కానీ రెండు కాలాల మ‌ధ్య క‌నెక్ష‌న్ అర్థ‌వంతంగా చెప్ప‌డంలో ద‌ర్శ‌కుడు క‌న్ఫ్యూజ్ అయ్యాడు.

ఎన్ని గ్రాఫిక్స్‌, ఫైట్స్ ఉన్న క‌థ‌ను న‌డిపించే ఓ బ‌ల‌మైన ఎమోష‌న‌ల్ లేక‌పోతే అంతా వృథానే అనిపిస్తుంది. అదే ఫీలింగ్ కంగువ చూస్తున్న‌ప్పుడు క‌లుగుతుంది. కోన‌లు మ‌ధ్య సాగే పోరాటం చాలా వ‌ర‌కు ప్రెడిక్ట‌బుల్‌గా అనిపిస్తుంది. త‌మిళ నేటివిటీ ఎక్కువ కావ‌డం, అన‌వ‌స‌ర‌మైన ఫైట్ సీక్వెన్స్‌లు, అతిగా అరుస్తూ ఆర్టిస్టులు చెప్పే డైలాగ్స్‌ను తెలుగు ఆడియెన్స్ భ‌రించ‌డం కొంత క‌ష్ట‌మే.