Nikhil: బ్యాక్‌గ్రౌండ్ లేక‌పోవ‌డంతోనే నా సినిమా రిలీజ్ డేట్ మార్చేశారు - కార్తికేయ 2 వాయిదాపై నిఖిల్ కామెంట్స్‌

నిఖిల్ హీరోగా న‌టించిన కార్తికేయ 2 చిత్రం ఆగ‌స్ట్ 12న రిలీజ్ కాబోతున్న‌ది. 2014లో రూపొందిన కార్తికేయ చిత్రానికి సీక్వెల్‌గా ఈ సినిమా రూపొందుతోంది. సూప‌ర్ నాచుర‌ల్ మిస్ట‌రీ క‌థాంశంతో తెర‌కెక్కుతున్న ఈ సినిమాకు చందూ మొండేటి ద‌ర్శ‌క‌త్వం వ‌హిస్తున్నారు. 2017లో ఈసినిమా ప్రారంభ‌మైంది. కానీ క‌రోనా కార‌ణంగా 2022 ఆగ‌స్ట్ 12న విడుద‌ల‌ అవుతోంది. తొలుత ఈసినిమాను జూలై 22న రిలీజ్ చేయాల‌ని అనుకున్నారు. కానీ అదే రోజు నాగ‌చైత‌న్య థాంక్యూ సినిమా రిలీజ్ కావ‌డంతో ఆగ‌స్ట్ కు వాయిదావేశారు.

ఈసినిమా ప‌లుమార్లు వాయిదాప‌డ‌టానికి గ‌ల కార‌ణాల్ని ఓ ఇంట‌ర్వ్యూలో హీరో నిఖిల్ వెల్ల‌డించారు. బ్యాక్‌గ్రౌండ్ లేని హీరోను కావ‌డంతోనే త‌న సినిమా రిలీజ్ డేట్‌ను మార్చేశార‌ని నిఖిల్ అన్నాడు. ఆగ‌స్ట్ 12న రావాల‌ని నిర్ణ‌యించుకున్న త‌ర్వాత ఆ రోజు కూడా సినిమాను రిలీజ్ చేయ‌వ‌ద్దంటూ కొంద‌రు హెచ్చ‌రించార‌ని పేర్కొన్నారు. ‘ఇప్ప‌ట్లో మీ సినిమా రిలీజ్ చేయ‌ద్దు...అక్టోబ‌ర్ లేదా న‌వంబ‌ర్ కు వెళ్లిపోండి’ అంటూ త‌మ‌ను భ‌య‌పెట్టార‌ని నిఖిల్ తెలిపాడు.

కార్తికేయ 2కి థియేట‌ర్స్ దొరకవని అన్నారు. త‌న తొలి సినిమా హ్యాపీడేస్ నుండి ఇలాంటి క్లిష్ట ప‌రిస్థితి ఎప్పుడూ ఎదురుకాలేద‌ని అన్నాడు. సినిమా రిలీజ్ కాద‌నే ఆలోచ‌న రాగానే ఏడ్చేశాన‌ని అన్నారు. ఈ సినిమాలో అనుప‌మ ప‌ర‌మేశ్వ‌ర‌న్ హీరోయిన్ గా న‌టిస్తోంది. బాలీవుడ్ న‌టుడు అనుప‌మ్ ఖేర్ కీల‌క పాత్ర‌ను పోషిస్తున్నారు.