Manchu Lakshmi as Lesbian: లెస్బియన్‌గా మంచు లక్ష్మీ.. లిప్ కిస్‌లు, రొమాంటిక్ సన్నివేశాలలో పిచ్చెక్కించిన నటి

Manchu Lakshmi as Lesbian: టాలీవుడ్ కలెక్షన్ కింగ్ మోహన్ బాబు కుమార్తేగా చిత్రసీమలోకి అడుగుపెట్టిన మంచు లక్ష్మీ పలు గుర్తింపుదగ్గ పాత్రలతో తనకంటూ ఓ గుర్తింపు తెచ్చుకుంది. అయితే ఆమె ఈ మధ్య కాలంలో సినిమాలకు బాగా గ్యాప్ తీసుకుంది. తెలుగులో అయితే సినిమాల్లో కనిపించి చాలా రోజులైంది. ఇటీవలే మోహన్‌లాల్ నటించిన మానస్టర్ అనే మలయాళ చిత్రంలో మంచు లక్ష్మీ కీలక పాత్ర పోషించింది. ఈ చిత్రంలో ఆమె నటనకు ప్రేక్షకుల నుంచి మంచి మార్కులే పడ్డాయి. ఈ సినిమాలో ఆమె లెస్బియన్ పాత్రలో అలరించింది. డిసెంబరు 2 నుంచి ప్రముఖ ఓటీటీ వేదిక డిస్నీ ప్లస్ హాట్‌స్టార్‌లో స్ట్రీమింగ్ అవుతోన్న ఈ చిత్రంలో ఆమె నటనకు ప్రేక్షకులకు ఫిదా అవుతున్నారు.

ఈ చిత్రంలో మంచు లక్ష్మీ చివరి 30 నిమిషాల్లో వన్ మ్యాన్ షోగా అలరించింది. మోహన్ లాల్‌తో సరిసమానంగా నటించింది. దుర్గా అనే పాత్రలో నటించిన ఆమె.. లెస్బియన్‌గా నటించింది. ఇందులో భామినీ పాత్రలో నటించిన హనీ రోస్‌తో కలిసి లిప్ కిస్‌లు, రొమాంటిక్ సన్నివేశాలు కాస్త శృతి మించినప్పటికీ నెటిజన్లు నుంచి మాత్రం ఆమెకు మంచి గుర్తింపే లభించింది. సోషల్ మీడియా వేదికగా ఆమె నటనకు ఫిదా అవుతున్నారు. ముఖ్యంగా అదర చుంబనాల సన్నివేశాల్లో మంచు లక్ష్మీ అదరగొట్టింది. హనీ రోస్‌తో కలిసి గాఢమైన లిప్ కిస్‌లు, రొమాంటిక్ సీన్లలో జీవించిందనే చెప్పాలి.

ఈ చిత్రంలో మంచు లక్ష్మీ విలన్‌గా కనిపించింది. అంతేకాకుండా మోహన్‌లాల్‌తో కలిసి ఫైట్లు కూడా చేసింది. సెకాండాఫ్‌లో హనీ రోస్, మంచు లక్ష్మీ లెస్బియన్ల మధ్య నడిచే శృంగార సన్నివేశాలు సినిమాకు వేరే స్థాయికి తీసుకెళ్లింది. ఆమె పాత్రపై నెటిజన్లు విశేషంగా స్పందిస్తున్నారు. ఆమెకు తన కెరీర్‌లోనే అత్యుత్తమ పాత్ర దొరికిందని కామెంట్లు పెడుతున్నారు.

మోహన్ లాల్ ఈ సినిమాలో లక్కీ సింగ్ అనే కిల్లర్ పాత్రతో పాటు అండర్ కవర్ కాప్‌గానూ నటించారు. ఈ చిత్రాన్ని వ్యక్ష్ దర్శకత్వం వహించారు. ఉదయ్ కృష్ణ కథను అందించారు. ఆశీర్వాద్ సినిమాస్ పతాకంపై ఆంటోనీ పెరుంబవూర్ నిర్మించారు. సుదేవ్ నాయర్ సిద్ధిఖి, కేబీ తదితరులు కీలక పాత్రలు పోషించారు. అక్టోబరు 21న థియేటర్లలో సందడి చేసిన ఈ చిత్రం డిసెంబరు 2 నుంచి డిస్నీ ప్లస్ హాట్‌స్టార్‌లో స్ట్రీమింగ్ అవుతోంది.