Nani Dasara Theatrical Rights: ఫ్యాన్సీ రేట్‌కు అమ్ముడుపోయిన ద‌స‌రా థియేట్రిక‌ల్ రైట్స్ - ప్రాఫిట్ జోన్‌లోకి నాని మూవీ

Nani Dasara Theatrical Rights: నాని హీరోగా న‌టిస్తోన్న ద‌స‌రా సినిమా మార్చి 30న ప్రేక్ష‌కుల ముందుకు రానుంది.తెలంగాణ‌లోని సింగ‌రేణి బొగ్గు గ‌నుల నేప‌థ్యంలో రియ‌లిస్టిక్ యాక్ష‌న్ ఎంట‌ర్‌టైన‌ర్‌గా రూపొందుతోన్న ఈ సినిమాతో శ్రీకాంత్ ఓదెల డైరెక్ట‌ర్‌గా టాలీవుడ్‌కు ప‌రిచ‌యం అవుతోన్నారు.

ఇటీవ‌ల ఈ సినిమా టీజ‌ర్‌ రిలీజైంది. ఈ టీజ‌ర్‌లో నాని క్యారెక్ట‌రైజేష‌న్‌, డైలాగ్స్‌, ర‌స్టిక్ సీన్స్ అభిమానుల‌ను ఆక‌ట్టుకున్నాయి. ద‌స‌రా టీజ‌ర్‌పై రాజ‌మౌళితో పాటు ప‌లువురు సినీ ప్ర‌ముఖులు ప్ర‌శంస‌లు కురిపిస్తున్నారు.

ఈ టీజ‌ర్‌తో సినిమాపై భారీగా అంచ‌నాలు మొద‌ల‌య్యాయి. రిలీజ్‌కు వ‌చ్చిన రెస్పాన్స్ కార‌ణంగా రెండు నెల‌ల ముందుగానే ఈ సినిమా థియేట్రిక‌ల్ బిజినెస్ పూర్త‌యిన‌ట్లు ప్ర‌చారం జ‌రుగుతోంది. ఈ సినిమా తెలుగు రాష్ట్రాల థియేట్రిక‌ల్ రైట్స్‌ను అగ్ర నిర్మాత దిల్‌రాజు దాదాపు 29 కోట్ల‌కు సొంతం చేసుకున్న‌ట్లు చెబుతున్నారు.

డిజిట‌ల్ రైట్స్ 48 కోట్ల‌కు అమ్ముడుపోయిన‌ట్లు తెలిసింది. శాటిలైట్‌తో పాటు ఓవ‌ర్‌సీస్ రైట్స్ ద్వారా ప్రొడ్యూస‌ర్‌కు భారీగానే ద‌స‌రా సినిమా లాభాల‌ను మిగిల్చే అవ‌కాశం ఉన్న‌ట్లు చెబుతున్నారు. ఈ సినిమాను దాదాపు 65 కోట్ల బ‌డ్జెట్‌తో తెర‌కెక్కించిన‌ట్లు తెలిసింది.

రిలీజ్‌కు ముందే నిర్మాత‌కు దాదాపు 12 కోట్ల వ‌ర‌కు లాభాలు వచ్చినట్లు స‌మాచారం. కొంత‌కాలంగా స‌రైన క‌మ‌ర్షియ‌ల్ బ్లాక్‌బ‌స్ట‌ర్ కోసం ఎదురుచూస్తోన్న నాని ఈ సినిమాపై భారీగా ఆశ‌లు పెట్టుకున్నాడు. ఔట్ అండ్ ఔట్ మాస్ క్యారెక్ట‌ర్‌లో నాని న‌టిస్తోన్న తొలి సినిమా ఇదే కావ‌డం గ‌మ‌నార్హం.

ఇందులో నానికి జోడీగా కీర్తిసురేష్ హీరోయిన్‌గా న‌టిస్తోంది. ఎమ్‌సీఏ త‌ర్వాత కీర్తిసురేష్ నాని జంట‌గా న‌టిస్తోన్న సినిమా ఇది. ఈ సినిమాకు సంతోష్ నారాయ‌ణ‌న్ సంగీతాన్ని అందిస్తున్నాడు.

నాని హీరోగా న‌టిస్తోన్న ద‌స‌రా సినిమా థియేట్రిక‌ల్ రైట్స్ రిలీజ్‌కు రెండు నెల‌ల ముందుగానే అమ్ముడుపోయిన‌ట్లు ప్ర‌చారం జ‌రుగుతోంది. ఈ సినిమా తెలుగు థియేట్రిక‌ల్ రైట్స్‌ను ఫ్యాన్సీ రేట్‌కు దిల్‌రాజు ద‌క్కించుకున్న‌ట్లు తెలిసింది.