Khadgam Movie: ఖడ్గం మూవీలో హీరోగా శ్రీకాంత్‌ను వ‌ద్ద‌న్నార‌ట - సీక్వెల్‌పై కృష్ణ‌వంశీ ఇంట్రెస్టింగ్ కామెంట్స్‌!

Khadgam Movie: జనరేషన్స్ మారినా దేశ‌భ‌క్తి సినిమాల్లో ఖడ్గం మాస్ట‌ర్ పీస్‌గా నిలిచిపోయింద‌ని సీనియ‌ర్ హీరో శ్రీకాంత్ అన్నాడు. కృష్ణ‌వంశీ ద‌ర్శ‌క‌త్వంలో రూపొందిన ఈ మూవీ దాదాపు 22 ఏళ్ల త‌ర్వాత మ‌రోసారి థియేట‌ర్ల‌లోకి రాబోతోంది. అక్టోబ‌ర్ 18న థియేట‌ర్ల‌లో రీ రిలీజ్ కానుంది.

వేరే హీరో అనుకున్నారు - శ్రీకాంత్‌...

శుక్ర‌వారం సినిమా యూనిట్ పాత్రికేయుల స‌మావేశం ఏర్పాటుచేసింది. ఈ సంద‌ర్భంగా శ్రీకాంత్ ఆస‌క్తిక‌ర విష‌యాన్ని వెల్ల‌డించాడు. ఖడ్గం సినిమా లో హీరోగా నిర్మాత మధు మురళి న‌న్ను వ‌ద్దు అన్నార‌ని శ్రీకాంత్ అన్నాడు త‌న‌కున్న ఫ్యామిలీ ఇమేజ్ కార‌ణంగా ఇందులోని సీరియ‌స్ ఎమోష‌న‌ల్ రోల్‌కు తాను న్యాయం చేయ‌లేన‌ని నిర్మాత భావించిన‌ట్లు శ్రీకాంత్ వెల్ల‌డించాడు.

శ్రీకాంత్ కాకుండా వేరే హీరోతో అయితేనే ఈ సినిమా చేస్తాన‌ని కృష్ణ‌వంశీతో నిర్మాత చెప్పాడు కానీకృష్ణవంశీ ధైర్యం చేసి నిర్మాత‌ను ఒప్పించి నన్ను హీరోగా సినిమాలోకి తీసుకున్నారు. నా లైఫ్ లో మ‌ర్చిపోలేని సినిమాల్లో ఒక‌టిగా ఖ‌డ్గం నిలిచిపోయింది. శ్రీకాంత్ అన్నాడు.

సీక్వెల్ ఆలోచ‌న లేదు - కృష్ణ‌వంశీ...

దర్శకులు కృష్ణవంశీ మాట్లాడుతూ, “భారతీయ జెండా ఒక ఖడ్గం అనే ఉద్దేశ్యం తో ఈ సినిమా కి ఆ టైటిల్ పెట్టాం. ఖ‌డ్గం సినిమాకు సీక్వెల్ చేసే ఆలోచ‌న లేదు. సీక్వెల్స్ అన్న‌ది బిజినెస్ ట్రిక్ అని నేను న‌మ్ముతాను. నా సినిమా క‌థ‌ల‌న్నీ ఫ‌స్ట్ పార్ట్‌తోనే ఎండ్ అవుతాయి. సీక్వెల్స్ చేసే స్కిల్ నాకు లేదు. ఖ‌డ్గం కంటే గొప్ప సినిమా నెక్స్ట్ ఇయ‌ర్ చేయ‌బోతున్నారు.

క‌థ‌ను బ‌ట్టే నేను హీరోను ఎంచుకుంటాను. నా సినిమాలో హీరో ఎవ‌ర‌న్న‌ది ఇప్పుడే రివీల్ చేయ‌ను. గ‌త రెండు ద‌శాబ్దాలుగా టాలీవుడ్‌లో ఎక్కువ‌గా డార్క్, వ‌యోలెన్స్ సినిమాలు ఎక్కువ‌గా వ‌స్తున్నాయి. వాటి మ‌ధ్య‌లోకి ఫ్యామిలీ మూవీ మురారి స‌డెన్‌గా వ‌చ్చి భారీ వ‌సూళ్ల‌ను రాబ‌ట్టింది అని కృష్ణ వంశీ తెలిపాడు.

మంచి పేరు తెచ్చిపెట్టింది...శివాజీ రాజా

శివాజీ రాజా మాట్లాడుతూ, “ఖ‌డ్గం సినిమాలో మొద‌ట అవ‌కాశం వ‌చ్చిన‌ప్పుడు చేయ‌కూడ‌ద‌ని అనుకున్నాను. ఇదే విష‌యం కృష్ణ‌వంశీతో చెప్పాను. కృష్ణ‌వంశీ క‌న్వీన్స్ చేయ‌డంతో న‌టించా. కానీ ఇప్పటి వరకు నేను చేసిన సినిమాల‌న్నింటిలో న‌టుడిగా ఖ‌డ్గం నాకు మంచి పేరు తెచ్చిపెట్టింది” అన్నారు.నేషనల్ స్కూల్ ఆఫ్ డ్రామా లో చదివి మంచి అవ‌కాశం కోసం ఏడేళ్లు వెయిట్ చేస్తున్న త‌ర్వాత ఖ‌డ్గంలో అవ‌కాశం వ‌చ్చింద‌ని ష‌ఫీ అన్నాడు.

ర‌వితేజ...ప్ర‌కాష్ రాజ్‌...

ఖ‌డ్గం మూవీలో ర‌వితేజ‌, ప్ర‌కాష్‌రాజ్‌, సోనాలీ బింద్రే, సంగీత‌, కిమ్ శ‌ర్మ ప్ర‌ధాన పాత్ర‌ల్లో న‌టించారు. ఈ సినిమాలోదేవిశ్రీప్ర‌సాద్ అందించిన పాట‌లు మ్యూజిక్ ల‌వ‌ర్స్‌ను ఆక‌ట్టుకున్నాయి.