WhatsApp new feature: వాట్సాప్ లో మరో కొత్త ఫీచర్; ఇది కంటెంట్ ఫార్వర్డ్ కు సంబంధించిన స్పెషల్ ఫీచర్

WhatsApp new feature: వాట్సాప్ మరో కొత్త ఫీచర్ ను యూజర్లకు అందుబాటులోకి తీసుకువచ్చింది. ఇది ఫార్వర్డ్ చేసిన కంటెంట్ కు కస్టమ్ సందేశాలను జోడించడానికి వీలు కల్పిస్తుంది. ఈ కొత్త ఫీచర్ ప్రస్తుతం బీటా టెస్టర్ల పరిమిత సమూహానికి మాత్రమే అందుబాటులో ఉంది. ఈ ఫీచర్ త్వరలో టెక్స్ట్, డాక్యుమెంట్లు, ఇతర మీడియాతో సహా ఫార్వర్డ్ చేసిన అన్ని సందేశాలను పర్సనలైజ్ చేయడానికి వినియోగదారులకు వీలు కల్పిస్తుంది.

ఇప్పుడు కొత్తగా..

ఇంతకుముందు, వాట్సాప్ వినియోగదారులు ఫోటోలు, వీడియోలు లేదా జిఐఎఫ్ లను ఫార్వర్డ్ చేసేటప్పుడు వ్యక్తిగత వ్యాఖ్యలను జోడించడానికి మాత్రమే వీలు ఉండేది. త్వరలో అందరికీ అందుబాటులోకి రానున్న కొత్త ఫీచర్ టెక్స్ట్ సందేశాలు, డాక్యుమెంట్స్, లింక్ లకు కూడా ఆ అవకాశం కల్పిస్తుంది. కంటెంట్ ను ఫార్వర్డ్ చేసిన తర్వాత వాట్సాప్ వినియోగదారులు తమ సందేశాలను మాన్యువల్ గా జోడించాల్సిన అవసరాన్ని ఈ ఫీచర్ తొలగిస్తుంది. డబ్ల్యూఏబీటాఇన్ఫో నివేదిక ప్రకారం, ఈ ఫీచర్ ప్రస్తుతం ఆండ్రాయిడ్ వి 2.24.25.3 కోసం వాట్సాప్ బీటాలో వినియోగదారులకు అందుబాటులో ఉంది.

వాట్సాప్ కస్టమ్ మెసేజ్ ఫీచర్ ఎలా పనిచేస్తుంది?

ఈ అప్ గ్రేడ్ తో, వినియోగదారులు వాట్సాప్ (whatsapp) లో అదనపు సమాచారం జోడించి కంటెంట్ ను ఫార్వర్డ్ చేయడానికి వీలు అవుతుంది. ఉదాహరణకు, ఒక డాక్యుమెంట్ లేదా లింక్ ను ఫార్వర్డ్ చేసేటప్పుడు, సపోర్టివ్ కంటెంట్ ను కూడా వినియోగదారులు అందించవచ్చు. ఇది ఫార్వర్డ్ ఐటమ్ తో పాటు, శీర్షికను తొలగించాల్సిన లేదా ప్రత్యేక సందేశాన్ని సృష్టించాల్సిన అవసరం లేకుండా ఫార్వర్డ్ అవుతుంది. ఈ అప్ డేట్ రాబోయే వారాల్లో ప్రపంచవ్యాప్తంగా ఎక్కువ మంది యూజర్లకు చేరనుంది. ఈ ఫీచర్ ను కచ్చితంగా ఎప్పుడు విడుదల చేస్తామనే విషయాన్ని వాట్సాప్ ఇంకా తెలియజేయలేదు. అయితే, ఈ ఫీచర్ వాట్సాప్ యూజర్ బేస్ అందరికీ విస్తృతంగా అందుబాటులోకి రానుంది.

సొంత సమాచారం జోడించవచ్చు..

గతంలో, వినియోగదారులు చిత్రాలు, డాక్యుమెంట్స్ లేదా ఇతర రకాల కంటెంట్ ను ఫార్వర్డ్ చేసేటప్పుడు నోట్స్ లేదా వివరణలను జోడించడానికి వీలుండేది కాదు. ఈ కొత్త ఫీచర్ తో ఆ సమస్య తొలగిపోతుంది. వినియోగదారులు తాము ఫార్వర్డ్ చేయాలనుకునే కంటెంట్ కు అదనంగా అవసరమైన సమాచారాన్ని యాడ్ చేసి పంపించవచ్చు. ఉదాహరణకు, ఒక వినియోగదారుడు తాను ఫార్వర్డ్ చేయాలనుకునే ఒక ఇమేజ్ కు సందర్భాన్ని జోడించవచ్చు, దాని ఔచిత్యాన్ని వివరించవచ్చు లేదా ఆ విషయం బాగా అర్థం కావడానికి వివరణను యాడ్ చేయవచ్చు. ఈ ఫీచర్ తో పాటు వాట్సాప్ ఇతర అప్ డేట్ లను కూడా ప్రవేశపెడుతోంది. ఇటీవల వాట్సాప్ ప్రారంభించిన ఫీచర్ వినియోగదారులు తమ వాయిస్ సందేశాలను టెక్స్ట్ లోకి మార్చడానికి వీలు కల్పించింది. ఇది వాయిస్ నోట్ లను అర్థం చేసుకోవడం సులభం చేసింది. ఇంకా, వాట్సాప్ లైట్, డార్క్ మోడ్స్ రెండింటికీ కొత్త థీమ్ రంగులను విడుదల చేయడానికి సన్నాహాలు చేస్తోంది.