Vivo V50 Lite : ఆల్​రౌండర్​ స్మార్ట్​ఫోన్​ ఇది- వివో వీ50 లైట్​ హైలైట్స్​ ఇవే..

దిగ్గజ వివో సంస్థ ఇటీవలే మరో స్మార్ట్​ఫోన్​ని లాంచ్​ చేసింది. దీని పేరు వివో వీ50 లైట్​ 4జీ. గతేడాది వచ్చిన వివో వీ40 లైట్​ 4జీకి ఇది సక్సెసర్​గా మార్కెట్​లోకి అడుగుపెట్టింది. డిస్​ప్లే, బ్యాటరీ, కెమెరా టెక్నాలజీలో అనేక అప్​గ్రేడ్స్​ ఉన్నాయి. ఈ నేపథ్యంలో ఈ మోడల్​ వివరాలను ఇక్కడ తెలుసుకుందాము..

వివో వీ50 లైట్ 4జీ- ఫీచర్లు, స్పెసిఫికేషన్లు..

వివో వీ50 లైట్ 4జీలో 6.77 ఇంచ్​ అమోఎల్ఈడీ డిస్​ప్లే, ఎఫ్​హెచ్​డీ+ రిజల్యూషన్ ఉంది. ఇది 120 హెర్ట్జ్ రిఫ్రెష్ రేట్, 1800 నిట్స్ వరకు పీక్​ బ్రైట్​నెస్​, 387 పీపీఐ పిక్సెల్ డెన్సిటీని అందిస్తుంది. డిస్​ప్లే డీసీఐ పీ3 కలర్ గేమింగ్​ని కూడా సపోర్ట్ చేస్తుంది. మెరుగైన వ్యూయింజ్​ ఎక్స్​పీరియెన్స్​ కోసం ఎస్​జీఎస్-సర్టిఫైడ్ ఐ కంఫర్ట్, లో బ్లూ లైట్ టెక్నాలజీని కలిగి ఉంది.

7.79 ఎంఎం స్లిమ్ ప్రొఫైల్, 196 గ్రాముల బరువుతో, ఎంఐఎల్-ఎస్​టీడీ -810 హెచ్ సర్టిఫికేషన్​ని ఈ స్మార్ట్​ఫోన్​ కలిగి ఉంది. ఇది కఠినమైన పరిస్థితుల్లోనూ మన్నికను నిర్ధారిస్తుంది. ఇది ఐపీ65 డస్ట్, వాటర్ రెసిస్టెన్స్​ని కలిగి ఉంది.

వివో వీ50 లైట్ స్మార్ట్​ఫోన్​ క్వాల్కమ్ స్నాప్​డ్రాగన్ 685 చిప్సెట్, ఆక్టాకోర్ సీపీయూ, అడ్రినో 610 జీపీయూతో పనిచేస్తుంది. 8 జీబీ LPDDR4X ర్యామ్, 256 జీబీ యూఎఫ్ఎస్ 2.2 ఇంటర్నల్ స్టోరేజ్, వర్చువల్ ర్యామ్ ఎక్స్​ప్యాన్షన్​ ఆప్షన్ ఇందులో ఉన్నాయి.

ఆండ్రాయిడ్ 15 ఆధారిత ఫన్​టచ్ ఓఎస్ 15 ఆపరేటింగ్ సిస్టంపై వీ50 లైట్ పనిచేయనుంది. ఏఐ ఫోటో స్టూడియో, ఏఐ సూపర్ లింక్, సర్కిల్ టు సెర్చ్ వంటి ఫీచర్లు ఇందులో ఉన్నాయి.

వివో వీ50 లైట్ 4జీ: కెమెరా- బ్యాటరీ లైఫ్..

ఫోటోగ్రఫీ కోసం ఈ వీ50 లైట్​ స్మార్ట్​ఫోన్​లో 50 ఎంపి సోనీ ఐఎంఎక్స్ 882 ప్రధాన కెమెరాతో వస్తుంది. ఇది 2 ఎంపీ మాక్రో కెమెరాతో కనెక్ట్​ చేసి ఉంటుంది. మెరుగైన షాట్ల కోసం కెమెరా వ్యవస్థను ఏయూఆర్ఏ లైట్​తో భర్తీ చేశారు. ముందువైపు 32 మెగాపిక్సెల్ కెమెరా హైక్వాలిటీ సెల్ఫీలను అందిస్తుంది.

6,500 ఎంఏహెచ్ బ్లూవోల్ట్ బ్యాటరీని ఇందులో అందించారు. 90వాట్ ఫ్లాష్​ఛార్జ్​తో బ్యాటరీని కేవలం 57.5 నిమిషాల్లో 0% నుంచి 100% వరకు పూర్తిగా ఛార్జ్ చేయవచ్చని వివో పేర్కొంది. ఇది 6వాట్ రివర్స్ వైర్డ్ ఛార్జింగ్​ని సపోర్ట్ చేస్తుంది. మెరుగైన ఆడియో కోసం 400 శాతం వాల్యూమ్ మోడ్​​తో డ్యూయల్ స్టీరియో స్పీకర్లను కలిగి ఉంది.

వివో వీ50 లైట్​- ధర, లభ్యత..

ఈ వివో వీ50 లైట్​ స్మార్ట్​ఫోన్​ ప్రస్తుతం టర్కీలో అందుబాటులో ఉంది. రానున్న రోజుల్లో అనేక దేశాల్లో లాంచ్​ అయ్యే అవకాశం ఉంది. వివో వీ50 లైట్ 4జీ 8 జీబీ ర్యామ్+ 256 జీబీ స్టోరేజ్ వేరియంట్ ధర టీఆర్​వై 18,999 (సుమారు రూ.45,000). ఇది టైటానియం బ్లాక్, టైటానియం గోల్డ్ అనే రెండు రంగుల్లో లభిస్తుంది. వివో బడ్స్ ట్రూ కొనుగోలుతో పాటు టీఆర్​వై 3,000 (సుమారు రూ.7,100) వరకు ఎక్స్​ఛేంజ్​ బోనస్​ని ఉచితంగా అందిస్తోంది.