Jio prepaid plans: రిలయన్స్ జియో యూజర్లకు షాక్; ఆ ప్రి పెయిడ్ ప్లాన్స్ ధరలు భారీగా పెరిగాయి..

Jio prepaid plans: రిలయన్స్ జియో నెట్ ఫ్లిక్స్ సబ్స్క్రిప్షన్ అందించే తన ప్రీపెయిడ్ రీఛార్జ్ ప్లాన్ల ధరలను భారీగా పెంచింది. ఈ ఎంటర్టైన్మెంట్ రీఛార్జ్ ప్లాన్లపై రూ.300 వరకు ధర పెరిగింది. ఇంతకుముందు, నెట్ ఫ్లిక్స్ సబ్స్క్రిప్షన్ తో పాటు లభించే రూ. 1,099 ప్లాన్, రూ. 1,499 ప్లాన్ అనే రెండు జియో రీఛార్జ్ ప్లాన్లు ఉన్నాయి. తాజాగా, ఈ ప్లాన్ల ధరలను సవరించారు.

రిలయన్స్ జియో కొత్త రేట్లు ఇవే..

నెట్ ఫ్లిక్స్ సబ్స్క్రిప్షన్ తో పాటు లభించే రూ. 1,099 ప్లాన్, రూ. 1,499 ప్లాన్ల ధరలు ఇప్పుడు పెరిగాయి. రూ. 1099 ప్లాన్ ను రూ. 1,299 కి పెంచారు. అలాగే, రూ. 1,499 ప్లాన్ ను రూ. 1,799 కి పెంచారు. ఈ ప్లాన్స్ తో మొబైల్, డేటా సర్వీసెస్ తో పాటు నెట్ ఫ్లిక్స్ బేసిక్ సబ్ స్క్రిప్షన్ లభిస్తుంది. రూ.1,299 ప్లాన్ తో మూడు నెలల పాటు 480 పిక్సెల్స్ రిజల్యూషన్ తో ఒకే మొబైల్ డివైజ్ లో నెట్ ఫ్లిక్స్ కంటెంట్ ను చూడవచ్చు. అలాగే, 2 జీబీ రోజువారీ డేటాతో పాటు అపరిమిత కాల్స్, రోజుకు 100 ఎస్ఎంఎస్ లు, జియో సినిమా, జియోక్లౌడ్, జియోటీవీ యాక్సెస్ లభిస్తుంది.

రూ.1,799 ప్రీపెయిడ్ రీఛార్జ్ ప్లాన్ తో..

రూ.1,799 ప్రీపెయిడ్ రీఛార్జ్ ప్లాన్ తో వివిధ డివైజ్ లలో 720 పిక్సల్ వరకు వీడియో స్ట్రీమింగ్ క్వాలిటీ తో నెట్ ఫ్లిక్స్ కంటెంట్ ను చూడవచ్చు. అలాగే, అపరిమిత కాలింగ్, 3 జీబీ రోజువారీ డేటా, రోజుకు 100 ఎస్ఎంఎస్ లను 84 రోజుల వ్యాలిడిటీతో అందిస్తుంది. జూలై నెలలో జియో తన ఇతర రీఛార్జ్ ప్లాన్ల (mobile recharge plans) ధరల పెంపును ప్రకటించింది. దాని ప్రకారం మార్పులు ఈ క్రింది విధంగా ఉన్నాయి.

జియో ప్రి పెయిడ్ ప్లాన్స్ వివరాలు

• రోజుకు 2 జీబీ (28 రోజులు): ఇప్పుడు ధర రూ .299 నుండి రూ .349 కు పెరిగింది.
• రోజుకు 1.5 జీబీ (28 రోజులు): రూ.239 నుంచి రూ.299కి పెరిగింది.
• రోజుకు 3 జీబీ (28 రోజులు): రూ.449 వద్ద కొనసాగుతోంది.
• రోజుకు 1.5 జీబీ (84 రోజులు): రూ.666 నుంచి రూ.799కి పెరిగింది.
• రోజుకు 2 జీబీ (84 రోజులు): ధర రూ.719 నుంచి రూ.859 కి పెరిగింది.
• రోజుకు 3 జీబీ (84 రోజులు): ఇప్పుడు రూ.999 నుంచి రూ.1199కు పెరిగింది.
• రోజుకు 5 జీబీ (365 రోజులు): రూ.2999 నుంచి రూ.3599కు పెరిగింది.