Poco M6 5G : పోకో ఎం6 5జీ లాంచ్​ డేట్​ ఫిక్స్​- సూపర్​ కూల్​ ఫీచర్స్​తో..!

Poco M6 5G launch date in India : ప్రముఖ స్మార్ట్​ఫోన్​ తయారీ సంస్థ పోకో.. మంచి జోరు మీద ఉంది! సీ65 పేరుతో.. ఇండియాలో ఇటీవలే ఓ బడ్జెట్​ ఫ్రెండ్లీ స్మార్ట్​ఫోన్​ని లాంచ్​ చేసిన ఆ సంస్థ.. ఇప్పుడు మరో గ్యాడ్జెట్​ని సిద్ధం చేస్తోంది. దీని పేరు పోకో ఎం6 5జీ. ఈ మోడల్​.. ఈ నెల 22న ఇండియా మార్కెట్​లోకి అడుగుపెట్టనుంది. ఈ విషయాన్ని సంస్థ అధికారికంగా ప్రకటించింది. ఈ నేపథ్యంలో.. పోకో ఎం6 5జీపై ఇప్పటివరకు ఉన్న వివరాలను ఇక్కడ తెలుసుకుందాము..

పోకో ఎం6 5జీ ఫీచర్స్​ ఇవేనా..?

ఇండియాలో.. పోకో ఎం సిరీస్​లో 5జీ కనెక్టివిటీతో వస్తున్న రెండో గ్యాడ్జెట్​ ఈ పోకో ఎం6. రూమర్స్​ ప్రకారం.. ఈ స్మార్ట్​ఫోన్​లో మీడియాటెక్​ డైమెన్సిటీ 6100+ ఎస్​ఓసీ ప్రాసెసర్​ ఉంటుంది. 8జీబీ ర్యామ్​- 256జీబీ స్టోరేజ్​ బేస్​ వేరియంట్​ ఉండొచ్చు.

Poco M6 5G price in India : పోకో ఎం6 5జీ అనేది రెడ్​మీ 13సీ 5జీకి రిబ్రాండెడ్​ వర్షెన్​ అని వార్తలు వస్తున్నాయి. ఇందులో.. 90 హెచ్​జెడ్​ రిఫ్రెష్​ రేట్​తో కూడిన 6.74 ఇంచ్​ ఎల్​సీడీ డిస్​ప్లే ఉంటుంది. 50ఎంపీ ప్రైమరీ సెన్సార్​తో కూడిన డ్యూయెల్​ రేర్​ కెమెరా సెటప్​ ఇందులో ఉండనుంది. ఇక సెల్ఫీ, వీడియో కాల్స్​ కోసం ఇచ్చే ఫ్రెంట్​ కెమెరా వివరాలపై క్లారిటీ లేదు.

మరోవైపు.. ఈ పోకో ఎం6లో సైడ్​ ఫేసింగ్​ ఫింగర్​ప్రింట్​ సెన్సార్​ ఉంటుందట. 10వాట్​ ఛార్జర్​, టైప్​ సీ పోర్ట్​ వంటివి బాక్స్​తో పాటు వస్తాయట. ఇందులో 5000ఎంఏహెచ్​ బ్యాటరీ ఉంటుంది. ఆండ్రాయిడ్​ 13 ఆధారిత ఎంఐయూఐ- 14 సాఫ్ట్​వేర్​పై ఇది పనిచేస్తుంది.

Poco M6 5G features : పోకో ఎం6 5జీ స్మార్ట్​ఫోన్​ పెద్దన్న పోకో ఎం6 ప్రో 5జీ.. ఇప్పటికే ఇండియా మార్కెట్​లో అందుబాటులో ఉంది. ఇందులో 8 జీబీ ర్యామ్​- 256జీబీ స్టోరేజ్​ ఉంటుంది. 4 జెన్​ 2 ఎస్​ఓసీ చిప్​సెట్​తో పాటు 5000 ఎంఏహెచ్​ బ్యాటరీ ఉంటుంది.

పోకో ఎం6 ధర ఎంతంటే?

పోకో ఎం6 5జీ ధరపై ఇంకా ఎలాంటి స్పష్టత లేదు. కాగా.. ఇది బడ్జెట్​ ఫ్రెండ్లీ గ్యాడ్జెట్​ అని ధర రూ. 10వేల రేంజ్​లో ఉండొచ్చని టాక్​ నడుస్తోంది.

Poco M6 price : ధరతో పాటు ఫీచర్స్​కి సంబంధించిన పూర్తి వివరాలు.. లాంచ్​ సమయంలో రీవిల్​ అవుతాయి.

పోకో సీ65 ఫీచర్స్​ చూశారా..?

ఈ పోకో కొత్త స్మార్ట్​ఫోన్​లో వాటర్​డ్రాప్​ నాచ్​ డిజైన్​, సైడ్​ మౌంటెడ్​ ఫింగర్​ప్రింట్​ స్కానర్​, 3.5ఎంఎం హెడ్​ఫోన్​ జాక్​ వంటివి ఉంటాయి. ఇక ఈ గ్యాడ్జెట్​లో.. 90 హెచ్​జెడ్​ రిఫ్రెష్​ రేట్​తో కూడిన 6.74 ఇంచ్​ హెచ్​డీ+ ఎల్​సీడీ ప్యానెల్​ ఉంటుంది. పూర్తి వివరాల కోసం ఇక్కడ క్లిక్​ చేయండి.