Personal loan tips : మెడికల్​ ఎమర్జెన్సీకి పర్సనల్​ లోన్​ తీసుకోవడం మంచి ఆప్షనేనా?

డబ్బు అవసరం ఎప్పుడు వస్తుందో తెలియదు! మరీ ముఖ్యంగా వైద్య అత్యవసర పరిస్థితులు వచ్చినప్పుడు భారీగా ఖర్చవుతుంటుంది. ఇలాంటి సమయంలో అందరికి సులభంగా కనిపించే ఆప్షన్​ ‘పర్సనల్​ లోన్​’! వాస్తవానికి వైద్య అత్యవసర పరిస్థితుల కోసం పర్సనల్​ లోన్​ తీసుకోవడం మంచి ఆప్షన్​ అవుతుందని ఆర్థిక నిపుణులు చెబుతున్నారు. ఎందుకు? ఇక్కడ తెలుసుకుందాము..

మెడికల్ ఎమర్జెన్సీ సమయంలో పర్సనల్ లోన్ తీసుకోవడం వల్ల కలిగే 5 ప్రయోజనాలు

1. త్వరితగతిన నిధులు అందుబాటు: మెడికల్ ఎమర్జెన్సీ సమయంలో టైమ్​ చాలా కీలకం. వ్యక్తిగత రుణాలు తక్షణ ఆర్థిక సహాయం అందించడానికి ఉద్దేశించినవి. చాలా బ్యాంకులు, ఇతర సంస్థలు ఇప్పుడు ఆన్​లైన్ దరఖాస్తులను స్వీకరిస్తున్నాయి. ఆమోదం పొందిన తరువాత, వారు గంటల వ్యవధిలో లేదా అదే రోజున నిధులను పంపిణీ చేయవచ్చు. ఇది మీకు రిలీఫ్​ ఇస్తుంది.

2. ఎలాంటి పూచీకత్తు అవసరం లేదు: పర్సనల్ లోన్ అనేది అన్​సెక్యూర్డ్ లోన్. మీరు ఎలాంటి ఆస్తులను పూచీకత్తుగా తాకట్టు పెట్టాల్సిన అవసరం లేదు. ఇది ప్రక్రియను సులభతరం చేస్తుంది. ఎందుకంటే మీకు ఎక్కువ డాక్యుమెంటేషన్ అవసరం ఉండదు. ఎటువంటి అవాంతరాలు లేకుండా, మీ డబ్బును మీరు వెంటనే కోరుకుంటే ఇది చాలా అద్భుతమైన ఆప్షన్​ అవుతుందని మీకు అర్థమవుతుంది.

3. ఫ్లెక్సిబుల్ రీపేమెంట్ ఆప్షన్లు: అనేక పర్సనల్​ లోన్స్​ 12 నుంచి 60 నెలల వరకు రీపేమెంట్​ నిబంధనలను కలిగి ఉంటాయి. రుణగ్రహీతలు తమ నెలవారీ చెల్లింపులను అంచనా వేయడానికి, వారి ఆర్థిక పరిస్థితికి బాగా సరిపోయే కాలపరిమితిని ఎంచుకోవడానికి ఆన్​లైన్ ఈఎంఐ కాలిక్యులేటర్లను ఉపయోగించవచ్చు. ఈ సౌలభ్యం రీపేమెంట్​ని సులభతరం చేస్తుంది. రుణం కోసం దరఖాస్తు చేసేటప్పుడు మీ ఆత్మవిశ్వాసాన్ని పెంచుతుంది.

4. కనీస అర్హత ప్రమాణాలు: పర్సనల్ లోన్​ అర్హతకు సాధారణంగా రెగ్యులర్ ఆదాయం, మంచి క్రెడిట్ స్కోర్ మాత్రమే అవసరం. అదనంగా, చాలా బ్యాంకులు సాధారణ కస్టమర్లకు ప్రీ-అప్రూవ్డ్ రుణాలను సైతం అందిస్తాయి. దీనికి ఇంకా తక్కువ డాక్యుమెంటేషన్ అవసరం. అత్యవసర పరిస్థితిలో ఇది చాలా కీలకంగా మారుతుంది.

5. సేవింగ్స్​కి ప్రత్యామ్నాయం: మీ పెట్టుబడులు తరచుగా ఇల్లు కొనడం, పాఠశాల విద్యకు మద్దతు ఇవ్వడం లేదా పదవీ విరమణకు సిద్ధం కావడం వంటి దీర్ఘకాలిక లక్ష్యాల కోసం ఉంటాయి. స్వల్పకాలిక ఆర్థిక సంక్షోభాన్ని అధిగమించడానికి ఇటువంటి వ్యక్తిగత రుణాలు ఉపయోగపడతాయి. ఇది మీ దీర్ఘకాలిక పెట్టుబడులు, పొదుపును తాకకుండా ఉంచడానికి మిమ్మల్ని అనుమతిస్తుంది.

(గమనిక:- ఇది కేవలం సమాచారం కోసం రూపొందించిన కథనం. లోన్స్​ తీసుకునే ముందు మీ ఆర్థిక పరిస్థితిని ఎనలైజ్​ చేయాల్సి ఉంటుంది.)