Jio Diwali Dhamaka offer: జియో యూజర్లకు గుడ్ న్యూస్; ఫెస్టివల్ రీఛార్జ్ ప్లాన్లపై రూ. 3350 విలువైన ఉచిత వోచర్లు

Jio Diwali Dhamaka offer: రిలయన్స్ జియో తన 'దీపావళి ధమాకా' ఆఫర్లను ప్రకటించింది. భారతదేశం అంతటా ఉన్న తన వినియోగదారులకు దీపావళి పండుగ సందర్భంగా ఈ ఆఫర్లను రిలయన్స్ జియో తీసుకువస్తుంది. నిర్దిష్ట త్రైమాసిక లేదా వార్షిక జియో ట్రూ 5 జీ ప్రీపెయిడ్ ప్లాన్లతో రీఛార్జ్ చేసే వినియోగదారులకు ప్రముఖ ట్రావెల్, ఫుడ్ డెలివరీ, ఆన్లైన్ షాపింగ్ ప్లాట్ఫామ్ లలో ఉపయోగించేలా రూ .3,350 విలువైన వోచర్లు లభిస్తాయి. మరి ఈ ఆఫర్ అంటే ఏంటో, ఎలా రిడీమ్ చేసుకోవాలో వివరంగా తెలుసుకుందాం..

జియో దీపావళి ధమాకా ఆఫర్

కొత్త ఆఫర్ కింద రూ.899 రీచార్జ్ ప్లాన్ ను ఎంచుకున్న వినియోగదారులకు ట్రూ అన్ లిమిటెడ్ 5జీ సేవలు, అన్ లిమిటెడ్ కాల్స్, రోజుకు 2 జీబీ డేటా, 90 రోజుల వ్యాలిడిటీతో లభిస్తుంది. అదనంగా 20 జీబీ డేటా కూడా లభిస్తుంది. లేదా దీనికి ప్రత్యామ్నాయంగా రోజుకు 2.5 జీబీ డేటా, ఏడాది పాటు నిరంతరాయంగా సేవలు అందించే రూ.3,599 వార్షిక ప్లాన్ ను కూడా ఎంచుకోవచ్చు. దీపావళి ధమాకా ఆఫర్ లో భాగంగా హోటల్ బుకింగ్స్, విమాన ప్రయాణాల కోసం జియో రూ. 3,000 ఈజ్ మై ట్రిప్ వోచర్లను అందిస్తోంది. అదనంగా, రూ. 999 లేదా అంతకంటే ఎక్కువ కొనుగోళ్లకు రూ .200 అజియో డిస్కౌంట్ కూపన్ వర్తిస్తుంది. ఫుడ్ డెలివరీ కోసం రూ .150 స్విగ్గీ (swiggy) వోచర్ కూడా లభిస్తుంది.

వోచర్లను ఎలా రిడీమ్ చేయాలి?

రీచార్జ్ చేసిన తర్వాత ఈ వోచర్లు ఆటోమేటిక్ గా యూజర్ల ఖాతాల్లో కనిపిస్తాయని రిలయన్స్ (reliance) జియో పేర్కొంది. వోచర్లను రిడీమ్ చేయడానికి, వినియోగదారులు ఈ దశలను అనుసరించాలి:

1. మైజియో యాప్ ఓపెన్ చేసి 'ఆఫర్స్' విభాగానికి వెళ్లాలి.

2. 'మై విన్నింగ్స్' పై క్లిక్ చేసి కూపన్ ఎంచుకోండి.

3. కూపన్ కోడ్ ను కాపీ చేసి, పార్ట్నర్ వెబ్సైట్ కు వెళ్లి చెక్అవుట్ సమయంలో కూపన్ కోడ్ ను అప్లై చేయాలి.

నవంబర్ 5 వరకు..

జియో (jio) దీపావళి ధమాకా ఆఫర్ నవంబర్ 5 వరకు భారతదేశంలోని వినియోగదారులకు అందుబాటులో ఉంటుంది. ఈ పండుగ సీజన్ లో జియో రీఛార్జ్ ప్లాన్ల (mobile recharge plans) ద్వారా అదనపు విలువను కోరుకునేవారికి ఇది మంచి ఆప్షన్ అవుతుంది.