Hyundai Creta facelift : లాంచ్​కు సిద్ధంగా హ్యుందాయ్​ క్రేటా ఫేస్​లిఫ్ట్​?

Hyundai Creta facelift launch date : హ్యుందాయ్​ క్రేటా ఫేస్​లిఫ్ట్​ వర్షెన్​ కొసం ఎదురుచూపులు కొనసాగుతున్నాయి. ఈ నేపథ్యంలో.. హ్యుందాయ్​ సంస్థ ఓ ప్రకటన చేసింది. 2024 జనవరి 16న ఓ ఈవెంట్​ను నిర్వహించనున్నట్టు ప్రకటించింది. ఈవెంట్​ నిర్వహణకు గల కారణాన్ని చెప్పలేదు కానీ.. ఇందులో క్రేటా ఫేస్​లిఫ్ట్​ వర్షెన్​ని సంస్థ లాంచ్​ చేస్తుందని, ఊహాగానాలు జోరుగా సాగుతున్నాయి. ఈ నేపథ్యంలో ఈ ఎస్​యూవీపై ఇప్పటివరకు ఉన్న వివరాలను ఇక్కడ తెలుసుకుందాము..

హ్యుందాయ్​ క్రేటా ఫేస్​లిఫ్ట్​..

హ్యుందాయ్​ క్రేటా ఫేస్​లిఫ్ట్​ వర్షెన్​ టెస్ట్​ డ్రైవ్​.. ఇప్పటికే చాలాసార్లు జరిగింది. ఆ సమయంలో తీసిన ఫొటోలు ఆన్​లైన్​లో లీక్​ అయ్యాయి. వాటితో కొన్ని వివరాలు అందుబాటులోకి వచ్చాయి.

Hyundai Creta facelift launch : సరికొత్త హ్యుందాయ్​ క్రేటా డిజైన్​లో మార్పులు కనిపించే అవకాశం ఉంది. ఫ్రెంట్​ గ్రిల్​ని రీడిజైన్​ చేసినట్టు కనిపిస్తోంది. అంతేకాకుండా.. ఫ్రెంట్​- రేర్​ బంపర్స్​, టెయిల్​ల్యాంప్స్​, అలాయ్​ వీల్స్​ కొత్తగా ఉండొచ్చు.

ఇక క్రేటా ఫేస్​లిఫ్ట్​లో డాష్​బోర్డ్​, ఏసీ వెంట్స్​ డిజైన్​ వంటివి కొత్తగా ఉండనున్నాయి. డ్యూయెల్​ 10.25 ఇంచ్​ స్క్రీన్స్​ రాబోతున్నాయి.

కొత్త క్రేటాలో 1.5 లీటర్​ పెట్రోల్​, 1.5 లీటర్​ డీజిల్​, 1.5 లీటర్​ టర్బో పెట్రోల్​ ఇంజిన్​ ఆప్షన్స్​ ఉంటాయి. అడాస్​తో పాటు 360 డిగ్రీ వ్యూ కెమెరా ఫీచర్​ ఇందులో ఉండనుంది. ఫార్వర్డ్​ కొలిషన్​ వార్నింగ్- అసిస్టెన్స్​​, రేర్​ క్రాస్​ ట్రాఫిక్​ కొలిషన్​ వార్నింగ్- అసిస్టెన్స్​​, లేన్​ డిపార్చర్​ వార్నింగ్​, సేఫ్​ ఎగ్జిట్​ వార్నింగ్​ వంటివి అడాస్​లో భాగంగా ఉండనున్నాయి.

హ్యుందాయ్​ క్రేటా ఫేస్​లిఫ్ట్​ ధర ఎంత ఉండొచ్చు..?

Hyundai Creta facelift 2024 : ఆల్​ న్యూ హ్యుందాయ్​ క్రేటా ప్రారంభ ఎక్స్​షోరూం ధర రూ. 10.87లక్షలుగా ఉండొచ్చని మార్కెట్​ వర్గాలు భావిస్తున్నాయి. దీనిపై సంస్థ ప్రకటన చేయాల్సి ఉంది.

ఇక లాంచ్​ తర్వాత.. ఈ హ్యుందాయ్​ క్రేటా ఫేస్​లిఫ్ట్​ వర్షెన్​.. మారుతీ సుజుకీ గ్రాండ్​ విటారా, ఎంజీ ఆస్టర్​, మహీంద్రా ఎక్స్​యూవీ300, హోండా ఎలివేట్​, టయోటా అర్బన్​ క్రూజర్​ హైరైడర్​, స్కోడా కుషాక్​, వోక్స్​వ్యాగన్​ టైగన్​ వంటి బెస్ట్​ సెల్లింగ్​ ఎస్​యూవీలకు గట్టి పోటీనిస్తుందని మార్కెట్​లో అంచనాలు ఉన్నాయి.