iQOO 12 5G price : ఐకూ 12 సేల్స్​ షురూ.. ధర, ఫీచర్స్​ ఇవే!

iQOO 12 5G price : ఇండియాలో ఐకూ 12 ఫ్లాగ్​షిప్​ స్మార్ట్​ఫోన్​ సేల్స్​ ప్రారంభమయ్యాయి. ఈ మోడల్​కు మంచి డిమాండ్​ కనిపిస్తోంది. ఈ నేపథ్యంలో.. ఈ స్మార్ట్​ఫోన్​ ఫీచర్స్​తో పాటు ధరపై లభించే ఆఫర్స్​కు సంబంధించిన వివరాలను ఇక్కడ తెలుసుకుందాము..

ఐకూ 12 ఫీచర్స్​..

ఐకూ కొత్త స్మార్ట్​ఫోన్​లో 144 హెచ్​జెడ్​ రిఫ్రెష్​ రేట్​తో కూడిన 6.78 ఇంచ్​ ఎల్​టీఓ అమోలెడ్​ డిస్​ప్లే ఉంటుంది. వెట్​ టచ్​ టెక్నాలజీని ఇది సపోర్ట్​ చేస్తుంది. అంటే.. డిస్​ప్లే తడిగా ఉన్నా.. టచ్​ కంట్రోల్స్​ పనిచేస్తాయి. ఈ మోడల్​ థిక్​నెస్​ 8.10ఎంఎం, బరువు 203.7గ్రాములు.

ఈ ఐకూ 12 గ్యాడ్జెట్​లో 50ఎంపీ ప్రైమరీ, 50ఎంపీ అల్ట్రా వైడ్​, 64ఎంపీ పెరిస్కోపిక్​ టెలిఫొటో లెన్స్​తో కూడిన ట్రిపుల్​ రేర్​ కెమెరా సెటప్​ ఉంటుంది. ఇక సెల్ఫీ, వీడియో కాల్స్​ కోసం 16ఎంపీ సెల్ఫీ కెమెరా ఉంది.

iQOO 12 5G price in India : ఈ స్మార్ట్​ఫోన్​లో స్నాప్​డ్రాగన్​ 8 జెన్​ 3 ప్రాసెసర్​ ఉంటుంది. ఇండియాలో ఈ చిప్​సెట్​ ఉన్న తొలి గ్యాడ్జెట్​ ఇదే. వన్​ప్లస్​ 12లో ఈ ప్రాసెసర్​ ఉన్నా.. అది ఇంకా ఇండియాలో లాంచ్​ అవ్వలేదు. ఇక ఇందులో 5,000ఎంఏహెచ్​ బ్యాటరీ, 120వాట్​ ఫాస్ట్​ ఛార్జింగ్​, 50వాట్​ వయర్​లెస్​ ఛార్జింగ్​, 10వాట్​ రివర్స్​ వయర్​లెస్​ ఛార్జింగ్​ సపోర్ట్​ ఈ మొబైల్​కి లభిస్తుంది. ఆండ్రాయిడ్​ 14 ఆధారిత ఫన్​టచ్​ఓఎస్​ 14 సాఫ్ట్​వేర్​పై ఇది పనిచేస్తుంది.

ఐకూ 12లో డ్యూయెల్​ సిమ్​, 5జీ, వైఫై 7, బ్లూటూత్​ 5.4, ఎన్​ఎఫ్​సీ, జీపీఎస్​, గ్లోనాస్​, నావ్​ఐసీ వంటి కనెక్టివిటీ ఫీచర్స్​ ఉన్నాయి. ఇన్​-డిస్​ప్లే ఫింగర్​ప్రింట్​ స్కానర్​ ఉంటుంది.

ఈ కొత్త స్మార్ట్​ఫోన్​ ధర, ఆఫర్స్​..

iQOO 12 5G features : అమెజాన్​లో ఐకూ 12 12జీబీ ర్యామ్​- 256జీబీ స్టోరేజ్​ ధర రూ. 52,999గా ఉంది. లెజెండ్​ వైట్​, అల్ఫా బ్లాక్​ కలర్​ ఆప్షన్స్​ ఉన్నాయి. ఇక ఐకూ 12 16జబీ ర్యామ్​- 512జీబీ స్టోరేజ్​ ధర రూ. 57,999గా ఉంది.

టాప్​ ఎండ్​ మోడల్​పై మంచి డిస్కౌంట్లు కూడా ఉన్నాయి. హెచ్​డీఎఫ్​సీ/ ఐసీఐసీఐ బ్యాంక్​ కార్డ్​తో రూ. 3వేల ఇన్​స్టెంట్​ డిస్కౌంట్​ లభించనుంది. రూ. 5వేలు విలువ చేసే ఎక్స్​ఛేంజ్​ బోనస్​ కూడా ఉంటుంది. అయితే ఇది పాత ఫోన్​ పర్ఫార్మెన్స్​పై ఆధారపడి ఉంటుంది. ఐకూలో రూ. 1000 విలువచేసే ఈ-స్టోర్​ వోచర్​ సైతం లభిస్తుంది. ఈ గ్యాడ్జెట్​పై 6 నెలల ఎక్స్​టెండెడ్​ వారంటీని కూడా పొందొచ్చు.

iQOO 12 5G : ఈ లెక్కన చూసుకుంటే.. ఐకూ బేస్​ వేరియంట్​ కన్నా.. టాప్​ వేరియంట్​ ధరే తక్కువగా ఉంటుంది!