రైలు ప్రయాణికులకు గుడ్‌ న్యూస్‌... ఎనిమిది ప్ర‌త్యేక రైళ్లు… మీ మార్గంలో ఏవి?

ప్రయాణీకుల సౌకర్యార్థం ఈస్ట్ కోస్ట్ రైల్వే ఎనిమిది ప్రత్యేక రైళ్లను నడపాలని నిర్ణయించింది. ఆయా మార్గాలు ఇక్కడ చూడొచ్చు.

1. విశాఖపట్నం- చెన్నై ఎగ్మోర్ మ‌ధ్య రెండు ప్ర‌త్యేక రైళ్లు

1. విశాఖపట్నం నుండి బ‌య‌లుదేరే విశాఖపట్నం-చెన్నై ఎగ్మోర్ (08557) ప్రత్యేక రైలును డిసెంబ‌ర్ 7 నుంచి మార్చి 1 వ‌ర‌కు అందుబాటులోకి తెచ్చింది. ఈ రైలు ప్ర‌తి శ‌నివారం రాత్రి 7 గంట‌ల‌కు విశాఖ‌ప‌ట్నంలో బయలుదేరుతుంది. ఇది మరుసటి రోజు ఉద‌యం 8.45 గంటలకు చెన్నై ఎగ్మోర్ చేరుకుంటుంది.

2. చెన్నై నుండి బ‌య‌లుదేరే చెన్నై ఎగ్మోర్ -విశాఖపట్నం (08558) ప్రత్యేక రైలు ను డిసెంబ‌ర్ 8 నుంచి మార్చి 2 వ‌ర‌కు అందుబాటులోకి తెచ్చింది. ఈ రైలు ప్ర‌తి ఆదివారం ఉద‌యం 10.30 గంట‌ల‌కు చెన్నై ఎగ్మోర్ నుండి బయలుదేరుతుంది. ఇది మరుసటి రోజు రాత్రి 10.35గంటలకు విశాఖపట్నం చేరుకుంటుంది.

ఈ రెండు రైళ్లు విశాఖ‌ప‌ట్నం-చెన్నై ఎగ్మోర్ మ‌ధ్య‌ దువ్వాడ, అనకాపల్లి, ఎలమంచిలి, తుని, సామర్లకోట, రాజమండ్రి, ఏలూరు, విజయవాడ, ఒంగోలు, నెల్లూరు, గూడూరు రైల్వే స్టేష‌న్‌లో ఆగుతాయి. ఈ రెండు రైళ్లకు థ‌ర్డ్‌ ఏసీ ఎకానమీ-10, స్లీపర్ క్లాస్-6, సెకండ్ క్లాస్ కమ్ లగేజ్/ డిసేబుల్డ్ కోచ్‌లు-1, జనరేటర్ మోటార్ కార్-1 కోచ్ ఉంటాయి.

2. విశాఖపట్నం- షాలిమార్ మ‌ధ్య రెండు ప్రత్యేక రైళ్లు

1. విశాఖపట్నం నుండి బ‌య‌లుదేరే విశాఖపట్నం– షాలిమార్ స్పెషల్ ఎక్స్‌ప్రెస్ (08508) రైలు డిసెంబ‌ర్ 10 నుంచి మార్చి 4 వ‌ర‌కు అందుబాటులో ఉంటుంది. ఈ రైలు ప్ర‌తి మంగ‌ళ‌వారం ఉద‌యం 11.20 గంట‌ల‌కు విశాఖ‌పట్నంలో బ‌య‌లుదేరుతుంది. మ‌రుస‌టి రోజు బుధ‌వారం తెల్ల‌వారు జామున 3 గంట‌ల‌కు షాలిమార్ చేరుకుంటుంది.

2. షాలిమార్ నుండి బ‌య‌లుదేరే షాలిమార్ - విశాఖపట్నం ప్రత్యేక ఎక్స్‌ప్రెస్ (08507) రైలు డిసెంబ‌ర్ 11 నుండి మార్చి 5 వ‌ర‌కు అందుబాటులో ఉంటుంది. ఈ రైలు ప్ర‌తి బుధ‌వారం ఉద‌యం 5 గంట‌ల‌కు షాలిమార్‌లో బ‌య‌లుదేరి, అదే రోజు రాత్రి 8.50 గంట‌ల‌కు విశాఖ‌ప‌ట్నం చేరుకుంటుంది.

ఈ రెండు రైళ్లు విశాఖ‌ప‌ట్నం-షాలిమార్ మ‌ధ్య‌ సింహాచలం, విజయనగరం, చీపురుపల్లి, శ్రీకాకుళం రోడ్, పలాస రైల్వే స్టేష‌న్ల‌లో ఆగుతాయి. ఈ ప్రత్యేక రైళ్ల‌లో సెకెండ్ ఏసీ-1, థ‌ర్డ్ ఏసీ -3, స్లీపర్-9, జనరల్ సెకండ్ క్లాస్ -4, సెకండ్ క్లాస్ కమ్ లగేజ్/ దివ్యాంగజన్ కోచ్‌లు-1, మోటార్ కార్-1 ఉంటాయి.

3. సంబల్‌పూర్‌ - ఈరోడ్ మ‌ధ్య రెండు ప్రత్యేక రైలు

1. సంబల్‌పూర్ నుండి బ‌య‌లుదేరే సంబల్‌పూర్-ఈరోడ్ వీక్లీ స్పెషల్ ఎక్స్‌ప్రెస్ (08311) రైలు డిసెంబ‌ర్ 11 నుంచి మార్చి 5 వ‌ర‌కు అందుబాటులో ఉంటుంది. ఈ రైలు సంబ‌ల్‌పూర్‌లో బుధ‌వారం ఉద‌యం 11.35 గంట‌ల‌కు బ‌య‌లుదేరుతుంది. గురువారం రాత్రి 8.30 గంట‌ల‌కు ఈరోడ్ చేరుకుంటుంది.

2. ఈరోడ్ నుండి బ‌య‌లుదేరే ఈరోడ్ - సంబల్‌పూర్ వీక్లీ స్పెషల్ (08312) రైలు డిసెంబ‌ర్ 13 నుంచి మార్చి 7 వ‌ర‌కు అందుబాటులో ఉంటుంది. ఈ రైలు ఈరోడ్‌లో ప్ర‌తి శుక్రవారం మ‌ధ్యాహ్నం 2.45 గంటలకు బయలుదేరుతుంది. శనివారం రాత్రి 11.15 గంటలకు సంబల్‌పూర్ చేరుకుంటుంది.

ఈ రెండు ప్రత్యేక రైళ్లకు సంబ‌ల్‌పూర్‌-ఈరోడ్ మ‌ధ్య‌ పార్వతీపురం, బొబ్బిలి, విజయనగరం జంక్షన్, కొత్తవలస, దువ్వాడ, అన‌కాపల్లి, సామర్లకోట‌, రాజమండ్రి, నిడ‌ద‌వోలు, భీమ‌వ‌రం, కైక‌లూరు, గుడివాడ‌, విజయవాడ, తెనాలి, చీరాల, ఒంగోలు, నెల్లూరు, గూడూరు స్టేష‌న్ల‌లో ఆగుతుంది. ఈ రెండు రైళ్ల‌లో సెకెండ్ ఏసీ-1, థ‌ర్డ్ ఏసీ-3, స్లీపర్ క్లాస్-9, జనరల్ సెకండ్ క్లాస్-3, సెకండ్ క్లాస్ కమ్ లగేజ్/ డిసేబుల్డ్ కోచ్‌లు-2 ఉన్నాయి.

4. భువనేశ్వర్-యశ్వంత్‌పూర్ మ‌ధ్య రెండు ప్రత్యేక రైళ్లు

1. భువనేశ్వర్‌లో బయలుదేరే భువనేశ్వర్-యశ్వంత్‌పూర్ ప్రత్యేక (02811) రైలు డిసెంబ‌ర్ 7 నుంచి ఫిబ్ర‌వరి 22 వ‌ర‌కు అందుబాటులో ఉంటుంది. ఈ రైలు భువ‌నేశ్వ‌ర్‌లో ప్ర‌తి శ‌నివారం రాత్రి 7.15 గంట‌ల‌కు బ‌య‌లుదేరుతుంది. ఈ రైలు యశ్వంతపూర్ మ‌రోస‌టి రోజు అర్థ‌రాత్రి 12.15 గంట‌ల‌కు చేరుకుంటుంది.

2. యశ్వంత్‌పూర్ నుండి బ‌య‌లుదేరే యశ్వంత్‌పూర్ -భువనేశ్వర్ ప్రత్యేక (02812) రైలు డిసెంబ‌ర్ 9 నుండి ఫిబ్ర‌వ‌రి 24 వ‌ర‌కు అందుబాటులో ఉంటుంది. ఈ రైలు య‌శ్వంత్‌పూర్‌లో ప్ర‌తి సోమ‌వారం ఉద‌యం 4.30 గంట‌ల‌కు బ‌య‌లుదేరుతుంది. మ‌రోస‌టి రోజు మ‌ధ్యాహ్నం 12.15 గంట‌ల‌కు భువ‌నేశ్వ‌ర్ చేరుకుంటుంది.

ఈ రెండు రైళ్లు పలాస, శ్రీకాకుళం రోడ్, విజయనగరం, కొత్తవలస, దువ్వాడ, సామర్లకోట, రాజమండ్రి, విజయవాడ, గుంటూరు, నర్సరావుపేట, మార్కాపూర్ రోడ్డు, గిద్దలూరు, నంద్యాల, ధోనే, ధర్మవరం, శ్రీ సత్యసాయి ప్రశాంతి నిలయం స్టేష‌న్‌ల‌లో ఆగుతాయి. ఈ రెండు రైళ్ల‌కు థ‌ర్డ్‌ ఏసీ కోచ్‌లు-16, జనరేటర్ మోటార్ కార్లు-2 కోచ్‌లు ఉంటాయి.

-జ‌గదీశ్వ‌ర‌రావు జ‌ర‌జాపు, హిందుస్తాన్ టైమ్స్ తెలుగు