AP TET Final Key 2024 : మరికాసేపట్లో ఏపీ టెట్ ఫైనల్ కీ విడుదల, ఇలా చెక్ చేసుకోండి

ఏపీలో టీచర్ ఎలిజిబిలిటీ టెస్ట్(AP TET 2024) రాసిన అభ్యర్థులకు బిగ్ అలర్ట్. మరికాసేపట్లో ఏపీ టెట్-2024 తుది కీ విడుదల చేయనున్నారు. అక్టోబర్ 27న టెట్ ఫైనల్ కీ విడుదల చేసేందుకు విద్యాశాఖ సన్నాహాలు చేస్తున్న విషయం తెలిసిందే. అయితే టెట్ తుది ఫలితాలు నవంబర్ 2న విడుదల చేయనున్నారు. అక్టోబర్ 3 నుంచి 21వ తేదీ వరకు రాష్ట్ర వ్యాప్తంగా టెట్ పరీక్షలు జరిగాయి. 17 రోజల పాటు రోజుకు రెండు విడతలుగా టెట్ పరీక్షలు నిర్వహించారు.

టెట్ పరీక్షల ప్రైమరీ కీ, రెస్పాన్స్‌ షీట్లను ఇప్పటికే విడుదల చేసిన విద్యాశాఖ, అభ్యర్థుల నుంచి అభ్యంతరాలను స్వీకరించింది. టెట్‌ పరీక్షలకు మొత్తం 4,27,300 మంది అప్లై చేసుకోగా, 3,68,661 మంది సుమారు 86.28 శాతం హాజరయ్యారు. టెట్ పరీక్ష జరిగిన తర్వాతి రోజును అంటే అక్టోబర్ 4 నుంచి ప్రాథమిక ఆన్సర్ కీ ని విద్యాశాఖ విడుదల చేసింది. అక్టోబర్ 5 నుంచి అభ్యర్థుల నుంచి అభ్యంతరాల స్వీకరణకు విండోను ఓపెన్ చేసింది.

ఏపీ పాఠశాల విద్యా శాఖ టెట్ ఫైనల్ ఆన్సర్ కీ-2024ను ఇవాళ విడుదల చేయనుంది. టెట్ పరీక్షలకు హాజరైన అభ్యర్థులు అధికారిక వెబ్‌సైట్ https://aptet.apcfss.in/ ద్వారా ఫైనల్ కీని డౌన్‌లోడ్ చేసుకోవచ్చు.

ఏపీ టెట్ ఫైనల్ కీ డౌన్‌లోడ్ చేయడం ఎలా?

టెట్ పరీక్షలురాసిన అభ్యర్థులు ఫైనల్ ఆన్సర్ కీని డౌన్‌లోడ్ చేసుకోవడానికి ఈ కింది దశలను ఫాలో అవ్వండి.

Step 1 : ఏపీ టెట్ అధికారిక వెబ్‌సైట్ https://aptet.apcfss.in/ ను సందర్శించండి.

Step 2 : హోమ్ పేజీలో AP TET ఫైనల్ ఆన్సర్ కీ 2024 లింక్‌పై క్లిక్ చేయండి.

Step 3 : అభ్యర్థులు తమ సమాధానాలను తనిఖీ చేసుకునేందుకు పీడీఎఫ్ ఫైల్ ను ఓపెన్ చేయాలి.

Step 4 : తదుపరి అవసరాల కోసం టెట్ తుది కీ పేజీని డౌన్‌లోడ్ చేసుకోండి. హార్డ్ కాపీని తీసుకోండి.

ఏపీ టెట్ తుది ఫలితాలను నవంబర్ 2, 2024న ప్రకటించనున్నారు. టెట్ పరీక్షలో ఉత్తీర్ణత మార్కులు ఓపెన్ కేటగిరీ అభ్యర్థులకు 60 శాతం, బీసీ కేటగిరీ అభ్యర్థులకు 50 శాతం కాగా ఎస్సీ, ఎస్టీ , మాజీ సైనికులు, వికలాంగ (PH) అభ్యర్థులకు 40 శాతం ఉత్తీర్ణత శాతంగా నిర్ణయించారు. కనీసం 40% వైకల్యం ఉన్న డిఫరెంట్లీ ఎబిలిటీ (విజువల్లీ, ఆర్థోపెడికల్, వినికిడి లోపం, ఆటిజం) అభ్యర్థులుగా పరిగణిస్తారు.

16,347 పోస్టులతో మెగా డీఎస్సీ

మెగా డీఎస్సీ-2024 నోటిఫికేషన్‌ను విడుదల చేసేందుకు ఏపీ ప్రభుత్వం సన్నద్ధం అవుతుంది. నవంబర్ మొదటి వారంలో మెగా డీఎస్సీపై అధికారిక ప్రకటన వెలువడనుంది. కోర్టు వివాదాలు లేకుండా నోటిఫికేషన్‌ ఇవ్వాలని విద్యాశాఖ భావిస్తుంది. ఏపీ మెగా డీఎస్సీ ద్వారా 16,347 టీచర్ పోస్టులను భర్తీచేయనున్నారు. ఇందులో ఎస్జీటీ పోస్టులు 6,371, స్కూల్‌ అసిస్టెంట్లు పోస్టులు 7,725, టీజీపీ పోస్టులు 1,781, పోస్టు గ్రాడ్యుయేట్‌ టీచర్స్‌ పోస్టులు 286, ప్రిన్సిపాళ్లు 52, పీఈటీలు 132 పోస్టులు ఉన్నాయి.